ഉടനെ ചേച്ചി പോയി മേശയിൽ നിന്ന് എന്റെ മൊബൈൽ എടുത്തു നോക്കീട്ട് പറഞ്ഞു, “ആറ് മണിയായി.”
ഞാൻ മുഖം ചുളിച്ചതും ചേച്ചി ചിരിച്ചുകൊണ്ട് പറഞ്ഞു, “രാവിലെ അല്ല വിക്രം, ഇത് വൈകുന്നേരം ആണ്.”
ഞാൻ മെല്ലെ എഴുനേറ്റ് ബെഡ്ഡിൽ ഇരുന്നിട്ട് എന്റെ കണ്ണിനെ തിരുമ്മി.
“പിന്നേ നിന്റെ ഫോണിൽ കുറെ കോൾസ് വന്നിരുന്നു. കൂട്ടത്തിൽ മറിയയുടെയും ഉണ്ടായിരുന്നു. ഞാൻ മറിയയുടെ മാത്രം എടുത്തിട്ട് നിനക്ക് സുഖമില്ലെന്ന് പറഞ്ഞു.” ചേച്ചി മടിച്ചു മടിച്ചാണ് പറഞ്ഞത്.
“അത് സാരമില്ല ചേച്ചി. ഞാൻ മറിയയെ പിന്നേ വിളിച്ചോളാം.” ഞാൻ പറഞ്ഞു. “പിന്നെ ചേച്ചി എന്തെങ്കിലും കഴിച്ചോ?” അല്‍പ്പം കുറ്റബോധത്തോടെ ഞാൻ ചോദിച്ചത്‌.
ഇല്ലെന്ന് അവൾ തലയാട്ടി.
“സോറി ചേച്ചി.”
“അതൊന്നും സാരമില്ലട..” ചേച്ചി പുഞ്ചിരിച്ചു.
“എന്റെ ഫ്ലാറ്റിലേക്ക് ചേച്ചി വന്നത്തിനു ശേഷം ചേച്ചിയെ ഞാൻ പല നേരത്തും പട്ടിണിക്കാണ് ഇട്ടിട്ടുള്ളത്. എത്ര മോശപ്പെട്ട ആതിഥേയന്‍ ആണു ഞാൻ.” ഞാൻ സ്വയം കുറ്റപ്പെടുത്തി.
എന്നിട്ട് എഴുനേറ്റ് ടവലും എടുത്തുകൊണ്ട് ബാത്റൂമിൽ കേറി.
പക്ഷേ കുളിക്കാന്‍ മൂഡ് ഇല്ലായിരുന്നു. രാത്രി കിടക്കും മുമ്പ് കളിക്കുമെന്ന് njany തീരുമാനിച്ചു.
അതുകൊണ്ട്‌ പല്ലും തേച്ച് മുഖവും കഴുകി ഞാൻ പുറത്തു ഹാളില്‍ വന്നപ്പോ ചേച്ചി ഫുഡ് ഒക്കെ മേശപ്പുറത്ത് നിരത്തുന്നതാണ് കണ്ടത്.
അതിനെ കണ്ടപാടെ എനിക്ക് വിശക്കാൻ തുടങ്ങി. എന്നെ കണ്ടതും ചേച്ചി അങ്ങോട്ടേക്ക് വിളിച്ചു. ചോറും ബീഫ് ഫ്രൈയും രസവും ഞങ്ങൾ കഴിച്ചു.
ശേഷം എന്റെ മൊബൈലും എടുത്തുകൊണ്ട് ഞാൻ ബാൽക്കണിയിൽ പോയിരുന്നു.
അവിടെ ഇരുന്നുകൊണ്ട് എനിക്ക് വന്ന കോൾ ഒക്കെ ചെക്ക് ചെയ്ത ശേഷം ആവശ്യമുള്ളവരെ വിളിച്ച് കാര്യങ്ങളെ എല്ലാം സെറ്റാക്കി.
അവസാനമായി ഞാൻ മറിയയെ വിളിച്ചു. ഉടനെ അവള്‍ എന്തൊക്കെയോ പറഞ്ഞ്‌ എന്നെ കളിയാക്കി. ചേച്ചിയും എന്നെയും കുറിച്ച് കുറെ കാര്യങ്ങൾ ഒക്കെ മറിയ ചോദിച്ചു. ഞാനും അവളോട് ചിലതൊക്കെ പറഞ്ഞ ശേഷം കമ്പനിയുമായി ബന്ധപ്പെട്ട് കുറെ നിർദ്ദേശങ്ങൾ കൂടി കൊടുത്തു. പിന്നെ രണ്ട് ദിവസം ഓഫീസിൽ വരില്ല എന്നും പറഞ്ഞിട്ട് കട്ടാക്കി.
അതുകഴിഞ്ഞ്‌ അകത്ത് വന്നപ്പോ ചേച്ചി ഹാളിലെ സോഫയിൽ കിടന്നുകൊണ്ട് ടിവി കാണുകയായിരുന്നു.
ഞാൻ റൂമിലേക്ക് പോകുന്നത് കണ്ടിട്ട് ചേച്ചിയുടെ മുഖം വാടുന്നത് കണ്ടു.
എന്റെ റൂമിൽ ചെന്ന് ലാപ്ടോപ്പ് തുറന്ന് കുറെ മെയിൽ അയച്ചു. പിന്നെ മറ്റ് കുറെ കമ്പനി കാര്യങ്ങൾ മറിയയ്ക്ക് അയച്ചു കൊടുത്ത ശേഷം ഞാൻ പിന്നെയും ഹാളിലേക്ക് തന്നെ പോയി.
എന്നെ കണ്ടതും ചേച്ചി പുഞ്ചിരിച്ചു. ഞാനും ചിരിച്ചിട്ട് അവിടെ കിടന്ന കസേരയില്‍ ഇരുന്നതും ചേച്ചി എന്നെ വിളിച്ചു.
“എന്നോട് നിനക്ക് ദേഷ്യമാണോ, വിക്രം.” അത് ചോദിച്ചപ്പൊ ചേച്ചിയുടെ ശബ്ദം ഇടറിയിരുന്നു.
“ഇല്ല ചേച്ചി. നേരത്തെ ഉണ്ടായിരുന്ന ദേഷ്യം എല്ലാം എപ്പോഴേ മാറി.”
“എന്ന എന്റെ അടുത്ത് വന്ന് കിടക്കാമോ?” അവൾ ശബ്ദം താഴ്ത്തി ചോദിച്ചു.
പക്ഷേ ഞാൻ മടിച്ചു മടിച്ച് ചേച്ചിയെ നോക്കി.
ചേച്ചിയുടെ അടുത്ത് കിടന്നാൽ എന്നെയും മറന്ന് ഞാൻ എന്തെങ്കിലും ചേച്ചിയെ ചെയ്യും. പിന്നെ അതിന്‍റെ പേരില്‍ ഇനിയും വഴക്ക് കൂടേണ്ടി വരും. എല്ലാം അറിഞ്ഞുവെച്ചു കൊണ്ട്‌ ഞാൻ എന്തിന് വെറുതെ…?
“വേണ്ട ചേച്ചി… എനിക്ക് എന്നെ തന്നെ വിശ്വാസമില്ല. എനിക്കിനി ചേച്ചിയോട് വഴക്ക് കൂടാനുള്ള കരുത്തില്ല. ചേച്ചിയുടെ കൈയിൽ നിന്ന് അടിയും നുള്ളും വാങ്ങാനുള്ള ശേഷിയും എനിക്കില്ല. ഇപ്പൊ തന്നെ ധാരാളമായി ഞാൻ ചേച്ചിയെ കഷ്ടപ്പെടുത്തി കഴിഞ്ഞിരിക്കുന്നു… ഇനി എനിക്ക് ഒന്നിനും വയ്യ. ഞാൻ വെറുതെ ഇവിടെ തന്നെ ഇരുന്നോളാം.”
എന്റെ വാക്കുകള്‍ കേട്ട് ചേച്ചിയുടെ കണ്ണ് രണ്ടും പെട്ടന്ന് നിറഞ്ഞു പോയി. ചേച്ചി വേഗം അതിനെ തുടച്ചിട്ട് ടിവിയിൽ നോക്കി. ഞാനും ടിവിയിൽ നോക്കിയെങ്കിലും എന്റെ ചിന്തകൾ മറ്റെവിടെയോ ആയിരുന്നു.
കുറെ കഴിഞ്ഞ് ഞാൻ അവിടെനിന്ന് എഴുനേറ്റ് ബാൽക്കണിയിൽ പോയി നിന്നു.
എന്റെ ചിന്തകൾ ഒക്കെ പല കാര്യങ്ങളിലായി വ്യാപിച്ചു കിടന്നു. ആ എല്ലാ ചിന്തകളിലും എന്റെ അഞ്ചന ഉണ്ടായിരുന്നു.
സ്നേഹത്തോടെ നോക്കുന്ന കണ്ണുകളും, വാത്സല്യം തുളുമ്പുന്ന പുഞ്ചിരിയും, ദേഷ്യ ഭാവവും, വഴക്ക് പറയുന്ന ശബ്ദവും, സ്നേഹ സ്വരവും എല്ലാം എന്റെ മനസ്സിൽ നിറഞ്ഞു നിന്നു.
“വിക്രം…?” പെട്ടന്ന് ചേച്ചിയുടെ വിളി പിന്നില്‍ നിന്ന് കേട്ടതും ഞാൻ തിരിഞ്ഞു നോക്കി.
ബാൽക്കണി വാതിലിനെ തുറന്നു പിടിച്ചുകൊണ്ട് ആശങ്കയോടെ ചേച്ചി നിന്നു.
“ഒന്‍പത് മണിയായി. നി അകത്തേക്ക് വാ, നിനക്ക് ഞാൻ എന്തെങ്കിലും ഫുഡ് ഉണ്ടാക്കിതരാം.” അവള്‍ പറഞ്ഞു.
“ചേച്ചിക്ക് ഫുഡ് വേണ്ടേ?” ഞാൻ ചോദിച്ചു.
“എനിക്ക് വിശപ്പില്ല.”
“എനിക്കും വിശപ്പില്ല. ചേച്ചി പോയി കിടന്നോ. ഞാൻ കുറച്ച് കഴിഞ്ഞ് കിടന്നോളാം.” ഞാൻ പറഞ്ഞതും വിഷമത്തോടെ ചേച്ചി പോയി.
ഒരു മണിക്കൂര്‍ കൂടി ഞാൻ എന്തൊക്കെയോ ചിന്തിച്ചു കൂട്ടിയ ശേഷം ഞാൻ അകത്തേക്ക് പോയി.
ചേച്ചിയുടെ റൂം തുറന്നാണ് കിടന്നത്. ചേച്ചി മൂടിപ്പുതച്ച് കിടക്കുകയായിരുന്നു. ചേച്ചിയുടെ ശരീരം ചെറുതായി കുലുങ്ങുന്നത് കണ്ടപ്പോ അവൾ കരയുകയാണെന്ന് മനസ്സിലായി.
എനിക്ക് വിഷമം തോന്നി.
“ചേച്ചി…?” വിഷമം മറച്ചു കൊണ്ട്‌ ഞാൻ വിളിച്ചു.
“എന്നെ ഇഷ്ട്ടം ഇല്ലാത്ത നി എന്നോട് സംസാരിക്കണ്ട.” ചേച്ചി ദേഷ്യത്തില്‍ പറഞ്ഞു.
“എനിക്ക് ചേച്ചിയെ ഇഷ്ട്ടമാണ്. പക്ഷേ ചേച്ചിയല്ലേ എപ്പോഴും എന്നോട് ദേഷ്യപ്പെടുന്നത്? ചേച്ചിയല്ലേ എന്നെ ശാരീരികമായി വേദനിപ്പിക്കുന്നത്?” കൊച്ചു കുട്ടിയോട് എന്നപോലെ ഞാൻ ചോദിച്ചു.
“അതൊന്നും എനിക്കറിയില്ല.” ചേച്ചി ദേഷ്യത്തില്‍ ചീറി. “നീയാണ് ആദ്യം എന്റെ മനസ്സിനെ നോവിച്ചത്. നീയാണ് എന്നെ ഒരു പൊട്ടിയായി മാറ്റി നിന്നെ മാത്രം ചുറ്റി ചുറ്റി വരുന്ന ഒരു പൂച്ചകുട്ടിയേ പോലെ ആക്കിയത്.” ചേച്ചി ശബ്ദം താഴ്ത്തി പറഞ്ഞു.
എനിക്ക് ശെരിക്കും ചിരിയാണ് വന്നത്. പക്ഷേ ഞാൻ ചിരിച്ചില്ല. ഇപ്പോൾ ഞാൻ ചിരിച്ചാൽ ചേച്ചി ആ പൂച്ച കുട്ടിയായി മാറി എന്റെ മേല്‍ ചാടിവീണ് എന്നെ മാന്തി കൊല്ലും.
ഞാൻ ചേച്ചിയുടെ റൂമിൽ കേറി ചേച്ചിയുടെ കട്ടിലിന് അടുത്തായി നിന്നു. പക്ഷേ ചേച്ചി എന്നെ തിരിഞ്ഞു നോക്കിയില്ല.