” ഹേ ..അത് അലന്റെ അച്ചന് ചുമ്മാ പറഞ്ഞതാവും കേട്ടോ .. മോന് കാര്യപ്രാപ്തി വരാന് വേണ്ടി .. എല്ലായിടത്തും പോയി അന്വേഷികണ്ടേ ..അപ്പോള് അലന് തന്നെ എല്ലായിടോം കാണാം … ആള്ക്കാരെ പരിചയപ്പെടാം .. അങ്ങനെ അങ്ങനെ ..”
അപ്പോഴേക്കും ബെല് അടിച്ചു
” സാറെ ..ഞങ്ങള് പൊക്കോട്ടെ ..” റോബിള്സ് അലന്റെ കൈ പിടിച്ചപ്പോള് അനില് അവരെ പുഞ്ചിരിച്ചു കൊണ്ട് യാത്രയാക്കി
!! എന്തൊക്കെ വട്ടാണ് ? ഓരോരുത്തര് ഭാര്യമാരെ സംശയിച്ചു പിതൃത്വം വരെ തള്ളി പറയുന്നു ..എന്നിട്ട് യാതൊരു ഉളുപ്പുമില്ലാതെ അത് സ്വന്തം മകനോട് പറയുന്നു .. പിഞ്ചു മനസിന്റെ വേദന അയാള്ക്കറിയാമോ? അയാള് തള്ളി കയറ്റുന്നത് ആവരുടെ ഹൃദയത്തിലെക്കാണെന്ന്.. ആ ചിന്ത അമ്മയെ അവരെ തെറ്റിധരിപ്പിക്കന് പ്രേരിപ്പിക്കുമെന്ന് .!!
അനില് ഓഫീസിലേക്ക് കയറി തന്റെ തിരക്കുകലേക്ക് മുഴുകി ..
മൂന്നാം നാള് ..നല്ല മെസ്സേജ് കിട്ടുമെന്ന് മറിയം പ്രവചിച്ച ദിവസം
അനില് അന്ന് ചരല്ക്കുന്നിലെക്ക് യാത്രയായി … ഉള്ളില് മെസ്സെജിന്റെ കാര്യം ആണ് തികട്ടിവന്നിരുന്നതെങ്കിലും അവന് ജനന സര്ട്ടിഫിക്കറ്റും വണ് ആന്ഡ് വണ് ഒണ്ലി സര്ട്ടിഫിക്കറ്റും വങ്ങനായാണ് പോയത് …
പോകുന്ന വഴി അവന് പള്ളിയില് കയറി പ്രാര്ത്ഥിച്ചു .. തന്റെ ബര്ത്ത് ഡേയ്ക്ക് ഗായത്രിയുടെ കൂടെ വന്ന് തിരി കതിച്ചതോര്മ വന്നപ്പോള് അവന്റെ കണ്ണുകള് നിറഞ്ഞു … അവളുടെ പ്രാര്ത്ഥന അവരുടെ കുടുംബക്ഷേത്രത്തില് ആയിരുന്നല്ലോയെന്നവള് ഓര്ത്തു … പോകും വഴി അവിടെകൂടെയോന്നു കയറണം .. ദൈവങ്ങള് പല രൂപത്തിലും പേരിലും ഉണ്ടെങ്കിലും മനുഷ്യനന്മയല്ലേ എല്ലാ ദൈവങ്ങളും ആഗ്രഹിക്കുക ..
വില്ലേജിലും പഞ്ചായത്തിലും കയറിയിട്ടവന് നേരെ പോയത് ക്ഷേത്രതിലെക്കാണ്
” അലന് ..നീയെന്താ ഇവിടെ ?’
‘ ഞാന് അമ്മയുടെ കൂടെ വന്നതാണ് സര് .. അമ്മയുടെ കുടുംബക്ഷേത്രമാണിത്” മുകളിലേക്ക് കയറി വന്ന അനില് കത്തിയെരിയുന്ന തിരികള്ക്ക് മുന്നില് അലനെ കണ്ടു അനില് അമ്പരന്നു
സര് …സാറെന്താ ഇവിടെ ? സാര് ക്രിസ്ത്യന് അല്ലെ ..’
അലന്റെ ചോദ്യം കേട്ടാണ് അനില് ചിന്തയില് നിന്നുണര്ന്നത്
‘ മോന് ..മോന്റെയമ്മ എന്നിട്ടെവിടെ ? “
” അമ്മ താഴെ ആ കൈത്തോത്തിലേക്ക് പോയതാ ..” മൊത്തം കേള്ക്കാതെ അനില് അങ്ങോട്ടേക്ക് കുതിച്ചു ..
തണുത്ത വെളളത്തില് മുഖം കഴുകി തിരിഞ്ഞ ഗായത്രി അനിലിനെ കണ്ടു ഞെട്ടി ..അവളുടെ ചുണ്ടിലൊരു ചിരി വിടര്ന്നു ..
” ടീച്ചര് ..ടീച്ചര്
അവളുടെ അടുത്തെത്തി കയ്യില് പിടിക്കനാഞ്ഞെങ്കിലും . അല്പം മാറി നിന്നവന് ഗായത്രിയെ നോക്കി …
‘ ടീച്ചര് .. അങ്ങനയെങ്കിലും വിളിച്ചോട്ടെ … സ്വന്തമായി വേണ്ട ..അനിക്കതിനുള്ള അര്ഹതയില്ലാന്നറിയാം .. ഒരു നോക്ക് ദൂരെ നിന്നെങ്കിലും കാണാന് …”
” അനി …” ഗായത്രി പൊട്ടിക്കരഞ്ഞുകൊണ്ടവന്റെ നെഞ്ചിലേക്ക് വീണു ..
” അനിക്കുട്ടാ .. മോന്റെ നന്മ മാത്രമല്ലെ ഞാന് ആഗ്രഹിച്ചിട്ടുള്ളൂ .. മോന്റെ കുടുംബം , ഭാര്യ , പിള്ളേര് .. അതൊക്കെ വിട്ട്” അനിലവളെ അടര്ത്തി മാറ്റി നനഞ്ഞ കണ്ണില് ചുംബിച്ചു ..
” ഞാന് ..ഞാന് കല്യാണം കഴിച്ചിട്ടില്ല ടീച്ചര് ..”
” ഗായു … അങ്ങനെ വിളിച്ചാല് മതി .. ” ആവന്റെ കയ്യെടുത്തു കണ്ണില് വെച്ചിട്ടവള് തുടര്ന്നു.
‘ ഞാന് അതറിഞ്ഞില്ലല്ലോ മോനെ … ജയേട്ടന് പെടിയാരുന്നു ..നീ തിരിച്ചു വന്നാല് മോനെ ഞങ്ങളില് നിന്ന് പിരിക്കുമെന്നോര്ത്ത് .. ജയേട്ടന് പേടിച്ചാണ് കഴിഞ്ഞത് ..അതാണ് ഞങ്ങള് ഒരു ദിവസം ആരോടും പറയാതെ അവിടുന്ന് പോയത് .. നീ അന്വേഷിക്കുമെന്നോര്ത്ത് പലയിടങ്ങള് ഞങ്ങള് മാറി ..ഞാന് ഗര്ഭിണിയായ വിവരം വരെ നിന്നില് നിന്ന് മറച്ചതു അത് കൊണ്ടാണ് ..എന്നെ ജീവന് തുല്യം സ്നേഹിക്കുന്ന ജെയെട്ടനെ ഞാന് പിരിഞ്ഞു നിന്റെ കൂടെ വരണമായിരുന്നോ… പക്ഷെ ..അതിലും കൂടുതല് നീയെന്നെ സ്നേഹിച്ചു കാത്തിരുന്നു എന്ന് ഇന്നലെ മറിയം വന്നു പറഞ്ഞത്കേട്ടപ്പോള് ഞാന് തകര്ന്നു പോയി മോനെ …”