ഞാൻ : എന്താ സാറേ
എസ് ഐ: ഒന്നുല്ലടോ വെറുതെ ഇന്നലെ പഴേ ഫയലുകൾ തപ്പിയപ്പോൾ ഇയാളുടെ ഫാമിലി ആക്സിഡന്റിന്റെ ഫയൽ കണ്ടു. അമൃത പറഞ്ഞ ഓർമ ഉണ്ടായിരുന്നു അതിനെ പറ്റി ഇവരോട് ഡിസ്കസ് ചെയ്തതാ. അപ്പൊ ശരി കാണാം ഇതാരാ
അപ്പോഴാണ് പുറകിലേക്ക് നോക്കുന്നത് ആവണി നില്കുന്നു : ഓഹ് ഇത് എന്റെ അച്ഛന്റെ പെങ്ങടെ മകൾ ആണ് ആവണി
എസ് ഐ : ഇവളോട് പറയട്ടെ കോയമ്പത്തൂർ വിശേഷങ്ങൾ
ഞാൻ പുള്ളിയോട് കൈ കൂപ്പി : ചതിക്കരുത്
അവർ ചിരിച്ചു വണ്ടി എടുത്ത് പോയി
ഞാൻ ആവണിയോട് : നീ എന്തിനാ ഇങ്ങോട്ട് വന്നേ
ആവണി : നിന്നെ പോലീസ് പിടിച്ചെന്ന് കരുതി
ഞാൻ ചിരിച്ചു
ആവണി : എസ് ഐ യുമായി നല്ല കമ്പനി ആണല്ലോ? ഇതെങ്ങനെ
ഞാൻ : ക്ളാസിലെ അമൃതയുടെ അമ്മാവൻ ആണ്. ഒന്ന് രണ്ട് പ്രാവശ്യം കോളേജിൽ വച്ചു കണ്ട് സംസാരിച്ചിട്ടുണ്ട്. ഞാനൊരു റാഗിംഗ് കേസ് പറഞ്ഞത് ഓർമയില്ലേ അവളുടെ അമ്മാവൻ
ആവണി : മ്മ് അല്ലാ എന്താ പുള്ളി പറഞ്ഞ കോയമ്പത്തൂർ വിശേഷങ്ങൾ
ഞാൻ : ഏയ് അതൊന്നും ഇല്ലാ. ആ പ്രശ്നങ്ങൾ ഒക്കെ തന്നെ
ആവണി : മ്മ്മ് വിശ്വസിച്ചു
ഞാൻ : അതെന്ന്
അപ്പോഴേക്കും വൈകീട്ടുള്ള കാഴ്ച ശീവേലി തുടങ്ങാറായിരുന്നു. ആവണി ആനപ്പുറത്ത് ആളുകൾ കേറുന്നത് വരെ എന്നെ വിട്ടു മാറാതെ നിന്നു. എല്ലാ ആനപ്പുറത്തും ആളായി എന്ന് കണ്ടപ്പോൾ അവളെന്നോട് ഇനി മോൻ പോയി വളണ്ടിയർ ആയിക്കോ ഞാൻ അവരുടെ കൂടെ കാണും എന്ന് പറഞ്ഞു സ്വാതിയേം കൂട്ടുകാരേം ഒകെ കാണിച്ചു
ഞാൻ ഒന്ന് ചരിച്ചതെ ഒള്ളു. ഞാൻ ഷിബുവിന്റേം ബാക്കി ടീമിന്റേം ഒപ്പം കൂടി മേളക്കാർക്ക് വേണ്ട വെള്ളം ഓക്കെ ഏർപ്പാടാക്കി എല്ലാ കാര്യങ്ങൾക്കും ഞങ്ങൾ മുന്നിലുണ്ടായിരുന്നു. ഇടക്ക് സ്വാതി ഷിബുവിനെ അവർക്കെല്ലാവർക്കും പരിചയപെടുത്തി.ഫുൾ ബിസി ആയപ്പോൾ എന്നിലെ മടിയന് ആനപ്പുറം ആയിരുന്നു ഭേദം എന്ന് തോന്നി. കലാശത്തിന്റെ സമയത്ത് സച്ചുവും ടീമും ഉണ്ടായിരുന്നു എങ്കിലും പ്രശ്നങ്ങൾ ഒന്നും ഉണ്ടാക്കിയില്ല പോലീസുകാർ കൂടുതലും ഉണ്ടായിരുന്നു. എല്ലാം കഴിഞ്ഞപ്പോൾ സമയം 7 മണി ആയിരുന്നു ദീപാരാധനയ്ക്കായി അമ്മമാരെല്ലാം കുളി കഴിഞ്ഞു വൃത്തിയായി എത്തിയിരുന്നു. സെറ്റുമുണ്ടിലും സാരിയിലും ദാവണിയിലും ഒക്കെ ആയി സാമാന്യം നല്ല കളക്ഷൻ ഞാനും ഷിബുവും കൂടെ എടുത്തു. ദീപാരാധനയുടെ സമയം ഞങ്ങൾ കസിൻസ് എല്ലാം അമ്പലത്തിന്റെ അടുത്തായി ഒത്തു കൂടി
ഞാൻ സ്വാതിയോട് : എടി ഷിബുവിനെ പരിചയ പെടുത്തിയോ
സ്വാതി : അതൊക്കെ നടന്നു. അവക്ക് ചെറിയ ഇളക്കം ഒക്കെ ഉണ്ട് പരിചയ പെടുത്തുന്ന നേരം അവളെന്റെ കൈ പിച്ചി എടുക്കുവാരുന്നു. പക്ഷെ ഒന്നും പറയാനുള്ളത് ഒന്നും ആയിട്ടില്ല.
ഞാൻ : ആ പയ്യെ മതി
അപ്പോഴേക്കും ദീപാരാധന കഴിഞ്ഞു നടതുറന്നു. ഞങ്ങൾ വെളിയിൽ നിന്ന് തൊഴുതു. എനിക്ക് നല്ല ക്ഷീണം ആയിട്ടുണ്ടായിരുന്നു ഇനി രാത്രി നാടകം കൂടി ഉണ്ട് അതിന് നിക്കണോ എന്ന് ഞാൻ ചിന്തിച്ചു. അവരോട് ചോദിച്ചപ്പോൾ എല്ലാവർക്കും വരണം എന്ന് പറഞ്ഞു. നാടകത്തിനു വരാനായി കുഞ്ഞമ്മമാരും അമ്മായിയും ഒക്കെ നേരത്തെ പോയിട്ടുണ്ടായിരുന്നു. കൊച്ചച്ചൻ ഒരു ട്രിപ്പ് കൂടെ അടിച്ചു ബാക്കി ഉള്ളവരെ കൊണ്ട് വിട്ടു. പുള്ളി റെഡി ആയി വരുന്നത് വരെ അവിടെ ഉണ്ടാകണം എന്ന് പറഞ്ഞു. ആവണി എന്റെ കൂടെ പോകാം എന്ന് പറഞ്ഞു അവളുടെ കൂട്ടുകാരികളുടെ അടുത്തേക്ക് പോയി. ഞാൻ അവിടെ എല്ലാം ചുറ്റി കറങ്ങി ആനക്കാരുടെ അടുത്തെത്തി. അവരുടെ സാഹസ കഥകൾ കേട്ട് ഇരുന്നു. അൽപ സമയം കഴിഞ്ഞു ഷിബുവിന്റെ ഫോൺ വന്നു
ഷിബു : എവടാ നീ
ഞാൻ : ആനക്കാരുടെ അടുത്തുണ്ട്
ഷിബു ഞാൻ അങ്ങോട്ട് വരാം
ഞാൻ: വേണ്ടാ ആലിന്റെ അവിടെ വാ
ഞങ്ങൾ ആൽത്തറയിൽ കണ്ടു മുട്ടി
ഷിബു : ടാ ഞാൻ അശ്വതിയെ കണ്ടു
ഞാൻ : എന്ത് പറഞ്ഞു
ഷിബു : നാളെ രാത്രി പാടത്തു കടവിൽ ആറാട്ടല്ലേ അതിന് എല്ലാവരും പോകുമല്ലോ ആ സമയത്ത് മനക്കൽ കുളത്തിന്റെ അവിടെ ചെല്ലാൻ പറഞ്ഞു
മനക്കൽ കുളം കാട് പിടിച്ചു കിടക്കുന്ന ഒരു കുളം ആണ്. ആ സ്ഥലം ഈ അടുത്ത് കൊച്ചച്ചൻ വാങ്ങി. ഒരു തേങ്ങാപുര ഉണ്ട് അവിടെ വച്ചാണ് ഞാനും അവളും സ്ഥിരം സംസാരിച്ചിരുന്നിരുന്നത് കാവലിനു ഷിബു ഉണ്ടാകും. ഇപ്പോൾ അത് ഉപേക്ഷിച്ച പോലെ ആണ് വെള്ളമടി തുടങ്ങിയ ശേഷം എന്റേം ഷിബുവിന്റേം രഹസ്യ താവളം. ഫുൾ സെറ്റ് അപ്പ് ഉണ്ട് അവിടെ