സഹിയ്ക്കോ ഞാൻ..??
“”…എടീ..!!”””_ ന്നൊരലർച്ചയ്ക്കൊപ്പം ഒറ്റതൊഴികൂടി കൊടുത്തതും നല്ലുറക്കത്തിലായിരുന്ന അവൾ ഞെട്ടിപ്പിടഞ്ഞെഴുന്നേറ്റു…
“”…എന്ത്രാ നാറീ..??”””_ ചുറ്റുപാടുമൊക്കെയൊന്നു കണ്ണോടിച്ച്, താനെവിടെയാണെന്നുള്ള ഏകദേശരൂപം കിട്ടിയതും അവളെന്നോടു ചീറി…
“”…പോയി ചായയെടുത്തേച്ചു വാടീ..!!”””_ അതേകിടപ്പിൽ കിടന്നുകൊണ്ടു ഞാനൊന്നാജ്ഞാപിയ്ക്കാൻ ശ്രെമിച്ചു…
എന്നാൽ,
“”…എനിയ്ക്കൊന്നും പറ്റത്തില്ല..!!”””_ എന്നും പറഞ്ഞവൾ വീണ്ടുമാ കട്ടിലിന്റെ മൂലയ്ക്കായി ചൊതുങ്ങാൻ തുടങ്ങീതും,
“”…പോയ് ചായയെടുത്തേച്ചുവാടീ കോപ്പേ… ഇല്ലേൽ നീയിന്നീ വീടിനു പൊറത്താ…!!”””_ എന്നൊന്നു തുള്ളിയപ്പോൾ മീനാക്ഷിയതേ കിടപ്പിൽ തലചെരിച്ചെന്നെ നോക്കി…
അപ്പോഴുമുറക്കം തെളിഞ്ഞിട്ടില്ലാത്ത കണ്ണുകൾക്കുമീതേ മുന്നിൽ കട്ടുചെയ്തിട്ടിരുന്ന മുടിയിഴകൾ മാടിവീണു കിടന്നിരുന്നു…
“”…ഹൊ.! ഇന്നലെന്തൊക്കെ ഡയലോഗായ്രുന്നൂ… ഞാനെന്തു പറഞ്ഞാലും അനുസരിയ്ക്കോന്നോ… ഇനിയൊന്നിനും എതിർത്തൊരു വാക്കു മിണ്ടത്തില്ലാന്നോ… എന്നിട്ടിപ്പെന്തോപറ്റി..?? അല്ലേലും വാക്കുപാലിയ്ക്കാനൊക്കെ കൊറച്ചന്തസ്സു വേണം..!!”””_ എന്റെ വായിൽനിന്നതുകേട്ടതും അവിടെമുഖം ചുളിഞ്ഞു…
പിന്നെ ദേഷ്യവും സങ്കടവുമൊക്കെ ഇടകലർന്നൊരു ഭാവത്തിൽ,
“”…ങ്ഹ്.. ങ്ഹ്.. ങ്ഹ്…!!”””_ ഇങ്ങനൊരു ചിണുങ്ങലോടെ മീനാക്ഷി കട്ടിലിൽനിന്നുമെഴുന്നേറ്റ് വീണ്ടുമാ മുഖഭാവത്തോടെ കണ്ണുകളിൽദയനീയത നിറച്ചെന്നെനോക്കി…
എന്നാലാ നോട്ടത്തിനെന്നിലൊരു ചലനമാറ്റവും സൃഷ്ടിയ്ക്കാനായില്ലെന്നു ബോധ്യംവന്നപ്പോൾ കാലുരണ്ടുംനിലത്തിട്ടു രണ്ടുചവിട്ടുംചവിട്ടി പുറത്തേയ്ക്കൊറ്റ തെറിപ്പായിരുന്നു…
“”…അതേ… ആ ചായേല് തുപ്പുവോ മറ്റോ ചെയ്താൽ സത്യായ്ട്ടും നിന്നെക്കൊണ്ടുഞാൻ ക്ലോസെറ്റിലെ വെള്ളങ്കുടിപ്പിയ്ക്കും… പറഞ്ഞേക്കാം..!!”””_ അവളു റൂമീന്നിറങ്ങിപ്പോയതിനു പിന്നാലെ ഞാൻ വിളിച്ചുപറഞ്ഞു…
…പറഞ്ഞതുകേട്ടോ… കേട്ടില്ലയോ… പക്ഷേ, മറുപടിയൊന്നുംവന്നില്ല…
അതുകൊണ്ടുതന്നെ ചായവരുമെന്നൊന്നും എനിയ്ക്കൊരു
പ്രതീക്ഷേമില്ലായിരുന്നു…
അങ്ങനെവീണ്ടും പുതച്ചുമൂടി കുറച്ചുനേരംകൂടി കിടന്നപ്പോൾ പാദസരത്തിന്റെ മണിയൊച്ച അടുത്തടുത്തുവന്നു…
സത്യത്തിലത്രയുംനാൾ മീനാക്ഷിയടുത്തു വരുമ്പോഴൊന്നും ഞാനാകിലുക്കം കേട്ടിരുന്നില്ല…
പക്ഷേയിപ്പോൾ രണ്ടുദിവസമായി മണികിലുക്കം മാത്രമേ കേൾക്കുന്നുള്ളൂ… ഇനി ഞാനറിയാതെയോ മറ്റോ പാദസരം മാറ്റിക്കാണോ…??
“”…ചായ..!!”””_ ഒരാവശ്യോമില്ലാതെ ഓരോന്നു ചിന്തിച്ചുകിടന്ന എന്റെ മുഖത്തിനുനേരേ ചായക്കപ്പും നീട്ടിപ്പിടിച്ചുകൊണ്ടവൾ പറഞ്ഞു…..!
“”…എന്നിട്ടിതിലു വെഷംതന്നെയാണോ കലക്കിയേ..?? അതോ തുപ്പിയിട്ടോ..??”””_ ചായക്കപ്പെന്റെനേരേ നീട്ടിയതുകണ്ടു ചോദിച്ചതും മീനാക്ഷിയുടെ മുഖംചുവന്നു…
അതിന്,
“”…വേണേല് കുടിച്ചേച്ചു പോടാ പട്ടീ..!!”””_ അതായിരുന്നവൾടെ മറുപടി…
അതോടെയാ ചായേലവളൊന്നും ചേർത്തിട്ടില്ലെന്നെനിയ്ക്കുറപ്പായി…
ഞാനാചായ കയ്യിലേയ്ക്കു മേടിച്ചതും അവളുവീണ്ടും കട്ടിലേക്കുതന്നെ കേറിക്കിടന്നു…
“”…നീയപ്പൊ വീണ്ടും കെടക്കാമ്പോവുവാ..?? പോയ് ബ്രേക്ക്ഫാസ്റ്റൊണ്ടാക്കെടീ..!!”””_ ഞാനൊന്നുകൂടി മുരണ്ടു…
“”…എനിയ്ക്കൊണ്ടാക്കാനൊന്നുമറിയത്തില്ല… ഞാഞ്ചായയൊണ്ടാക്കി തന്നില്ലേ… ബ്രേക്ക്ഫാസ്റ്റു നീയൊണ്ടാക്ക്..!!”””_ മറുപടിയോടൊപ്പമവൾ പുതപ്പിനുള്ളിലേയ്ക്കൂർന്നിറങ്ങി…
എന്നാലവളെ കുത്തിയെഴുന്നേൽപ്പിയ്ക്കാനായി ഞാൻ വീണ്ടുമോരോന്നൊക്കെ ചൊറിഞ്ഞു നോക്കിയെങ്കിലും ഒത്തില്ല…
പെണ്ണപ്പോഴേയ്ക്കും പൂണ്ടയുറക്കമ്പിടിച്ചിരുന്നു…
പിന്നെക്കുറച്ചുനേരംകൂടി കിടന്നശേഷമാണ് ഞാനെഴുന്നേറ്റത്…
എഴുന്നേറ്റുടൻ ബാത്ത്റൂമിലേയ്ക്കു കേറുമ്പോഴുമവൾടെ പള്ളിയുറക്കങ്കഴിഞ്ഞിരുന്നില്ല…
എന്നാലവിടെക്കിടക്കട്ടേന്നു ഞാനുങ്കരുതി… എന്നേം തളിച്ചേച്ചു കേറിക്കിടന്നതല്ലേ…
എന്നാലിന്നിവളു കോളേജിപ്പോണ്ടെന്നു ഞാനുമങ്ങുതീരുമാനിച്ചു…