Related Posts
അങ്ങനെ കോളേജ് ടൂർ സ്റ്റാർട്ട്‌ ചെയ്യുന്ന ദിവസം എത്തി.
പക്ഷേ ദേവികക് എന്തൊ പ്രശ്നം പോലെ എനിക്ക് തോന്നി. വേറെ ഒന്നും അല്ലാ അവളുടെ മുഖത്ത് ഒരു സന്തോഷം ഇല്ലാ. വാടിയ മുഖം. പറ്റില്ല എന്ന് തോന്നുന്നു.
ഞാൻ ബസിൽ കയറി അവളോട് ചോദിച്ചപ്പോൾ കുഴപ്പമില്ല എന്ന് പറഞ്ഞു. കാവ്യായോട് ചോദിച്ചപ്പോൾ അവൾ പറഞ്ഞു
“അവൾക് പനിയുടെ ലക്ഷണം ഉണ്ടായിരുന്നു. ഞാൻ ഒരു പരസ്റ്റമോൾ കൊടുത്തിട്ട് ഉണ്ട്. ”
“ഉം ”
എന്റെ എല്ലാ സന്തോഷം അവിടെ പോയി.
അവൾ ആണേൽ കാവ്യാ ടെ മേത്തു ചാരി കിടക്കുവായിരുന്നു. അങ്ങനെ ഓരോ സ്ഥലം എത്തി കൊണ്ട് ഇരുന്നു ഉച്ച ആയതോടെ ഞാൻ കാവ്യാ ഇരുന്ന സ്ഥലത് ഇരുന്നു ദേവികയെ നോക്കാൻ തുടങ്ങി. അവൾക് വയ്യാതെ ആയി പനിക്കുന്നുണ്ട് എന്ന് എനിക്ക് മനസിലായി.
ഞാൻ എഴുന്നേറ്റു ചെന്ന് ടീച്ചറോട് പറഞ്ഞു.
“ടീച്ചറെ ദേവികക് പനി കൂടി ഫിക്സ് ആകും എന്ന് തോന്നുന്നു. ഏതെങ്കിലും ഹോസ്പിറ്റൽ കണ്ടാൽ ഒന്ന് നിർത്തണം എന്ന് പറ HOD യോട് ”
Hod ക് ടെൻഷൻ ആയി എന്ത് ചെയ്യണം എന്ന് ടൂർ നിർത്തി തിരിച്ചു പോകേണ്ടി വരുമോ എന്ന് ആയി.
പക്ഷേ ഞാൻ പറഞ്ഞു.
“ഞാൻ നോക്കി കോളം. എനിക്ക് ഇവിടെ നല്ല പരിചയം ഉള്ളതാ ”
അടുത്ത് ഉള്ള ഒരു ഹോസ്പിറ്റൽ ഞങ്ങൾ അവളെ കാണിച്ചു.
ഒരു ഇൻജെക്ഷൻ എടുത്തു. വൈറസ് ഫേവർ ആണെന്ന് ഡോക്ടർ പറഞ്ഞു. ഒരു ദിവസം അഡിമിറ്റ് ചെയ്യണം . ദേവികക് ആണേൽ ഒന്നും മിണ്ടാൻ പോലും
കഴിയാതെ ക്ഷീണവും പനിയും കാരണം ബെഡിൽ ഉറങ്ങുവാ. ട്രിപ്പ്‌ ഇട്ട്.
അവരോടു എന്നാൽ പൊക്കോളാൻ പറഞ്ഞുഞാൻ . ടീച്ചർ എന്തെങ്കിലും ഉണ്ടേൽ വിളിക്കണം എന്ന് പറഞ്ഞു. എന്റെ കൂടെ കാവ്യാ നിന്നോളം എന്ന് പറഞ്ഞു അവളും ഇറങ്ങി അത് എനിക്ക് ഒരു ആശുവസം ആയി. ബാക്കി ഉള്ളവരോട് യാത്ര പറഞ്ഞു അവർ ടൂർ പോക്ക് സ്റ്റാർട്ട്‌ ചെയ്തു.
ഞാനും കാവ്യാ യും ദേവികയുടെ റൂമിൽ തന്നെ ഇരുന്നു.
കാവ്യാ അവളുടെ മനുഏട്ടനെ വിളിച്ചു കാര്യം പറഞ്ഞു.
പിന്നെ അവൾ അവിടെ തന്നെ ഇരുന്നു ഫോണിൽ കുത്തി കൊണ്ട് ഇരുന്നു. ഞാൻ ആണേൽ ദേവിക ടെ പനി മാറിയോ എന്ന് തൊട്ട് ഒക്കെ നോക്കി ടെൻഷൻ അടിച്ചു ഇരിക്കുവായിരുന്നു.
രാത്രി ആയതോടെ പനി ഒക്കെ മാറി അവൾ എഴുന്നേറ്റു. അപ്പൊ ഞങ്ങൾ രണ്ടു പേര് മാത്രം ഉള്ള് ആയിരുന്നു കാവ്യാ ആണേൽ അടുത്ത് ഉള്ള ബെഡിൽ ഇരുന്നു ഫോൺ കുത്തുന്നു. ഞാൻ ആണേൽ അവളുടെ കൈയിൽ പിടിച്ചു കസേരയിൽ ഇരുന്നു ബെഡിൽ തല വെച്ച് ഉറക്കം ആയിരുന്നു.
അവൾ തട്ടി വിളിച്ചപ്പോൾ ആണ് ഞാൻ എഴുന്നേറ്റെ.
“ആഹാ.. എഴുന്നേറ്റോ?
പനി ഒക്കെ മാറി ഇല്ലേ ”
“അവരൊക്കെ എന്ത്യേ?”
“അവർ ഒക്കെ പോയി. നിനക്ക് കൂട്ടിന് ഞങ്ങളെ ഏല്പിച്ചിട്ട് പോയി.”
അവൾ എഴുന്നേറ്റു ഇരുന്നു. എന്നോട് പോയി ബ്രെഡും കാപ്പിയും വാങ്ങിക്കൊണ്ടു വരാൻ കാവ്യാ പറഞ്ഞു.
ഞാൻ അത് പോയി വാങ്ങി കൊണ്ട് വന്നു കൊടുത്തു.
അവളെ കൊണ്ട് അത് കഴിപ്പിച്ചു.
ഞാനും കാവ്യാ യും രണ്ട് പൊതി ചോറ് വാങ്ങി കഴിച്ചുകൊണ്ട് ഇരുന്നപ്പോൾ
എനിക്ക് വിശക്കുന്നു എന്ന് പറഞ്ഞു ദേവിക വിളിച്ചു. ഇത് കണ്ടു കാവ്യാ.
“പോയി നിന്റെ കെട്യോൾക് വാരി കൊടുക്കടാ. കിടന്നു മോങ്ങാൻ തുടങ്ങിയെക്കുന്നു.”
ഞാൻ ആ പൊതിച്ചോറ് എടുത്തു കൊണ്ട് വന്നു ബെഡിൽ വെച്ചാ ശേഷം നോകുമ്പോൾ വാ തുറന്നു കൈ ചുണ്ടി കാണിക്കുക.ആ. എന്ന്
“വേണേൽ തനിയെ കഴിച്ചോ. ഞാൻ വാരി തരില്ല.”
“എന്നാ എനിക്ക് വേണ്ടാ.”
എന്ന് പറഞ്ഞു അവൾ കിടക്കാൻ നേരം.
“ഓ ഇനി അതും പറഞ്ഞു ഫുഡ്‌ കഴിക്കാതെ കിടക്കണ്ട.”
അവൾക് വാരി കൊടുത്തു.കുഞ്ഞി കൊച്ചിനെ പോലെ അവൾ അത് കഴിച്ചു. ഇത് കണ്ട് കാവ്യാ അവിടെ ഇരുന്നു ചിരിക്കുന്നുണ്ടായിരുന്നു.
പിന്നെ രാത്രി കിടക്കാൻ ആയി. ഹോസ്പിറ്റൽ രോഗിയോട് ഒപ്പം ഒരാൾക് നില്കാൻ കഴിയും. ഞാൻ ദേവികയെ കാവ്യാ ഏല്പിച്ചു പുറത്തേക് പോയി അവിടെ ഒരു ബെഞ്ചിൽ കിടന്നു. മീര മിസ്സ്‌ ഒക്കെ വിളിച്ചു എന്നോട് അവളുടെ കാര്യം തിരക്കി. നാളെ വൈകുന്നേരം ആ വഴി തിരിച്ചു വരുമ്പോൾ ഞങ്ങളെ പിക്ക് ചെയാം എന്ന് ആയിരുന്നു പറഞ്ഞെ. ഇപ്പൊ അവർ ഒരു സ്ഥാലത് സ്റ്റേ ചെയ്തേക്കുവാ എന്നാ പറഞ്ഞെ.
അങ്ങനെ അവിടെ കിടന്നു ഉറങ്ങി പോയി. യാത്ര ക്ഷീണം ഉള്ളത് കൊണ്ട് നല്ല ഉറക്കം ആയിരുന്നു. രാവിലെ ദേവിക ഫോൺ വിളിച്ചപ്പോൾ ആണ് എഴുന്നേറ്റെ.
പിന്നെ റൂമിലേക്കു ചെയ്തപ്പോൾ അവൾ എല്ലാം ഒക്കെ ആയി. ഉഷാർ ആയിരിക്കുന്നു. കാവ്യാ ആണേൽ അവിടെ കിടന്നു കൊണ്ട് കെട്ടിയോനും ആയി സോളി കൊണ്ട് ഇരിക്കുന്നു.
“എന്താടി എല്ലാം ശെരി ആയില്ലേ.”
“ഉം.”
“എന്റെ പനി കുടുക പോയി ഒന്ന് മുഖവും കഴുകി ഫ്രഷ് ആയി വാ.
ഞാൻ പോയി വല്ലതും വാങ്ങിക്കൊണ്ടു വരാം.”
“ഏട്ടാ…
ഇന്നലെതെ ഉറക്കം ശെരി ആയോ?”
“ഉം.
ക്ഷീണം കാരണം സുഖം ആയി കിടന്നു ഉറങ്ങി പോയി. കൂട്ടിന് സെക്യൂരിറ്റി ചേട്ടനും ഉണ്ടായിരുന്നു.”
“അപ്പൊ എങ്ങനെയാ ഇനി.”
“ഇനി ഇപ്പൊ പോകാം ആയിരിക്കും. ഡോക്ടർ വരട്ടെ.8മണിക്ക് വരും ആയിരിക്കും.
കാവ്യാ…”
“ആം.
എന്താടാ.”
“നിനക്ക് എന്താ വേണ്ടേ കഴിക്കാൻ.”
“എന്തായാലും കുഴപ്പമില്ല.”
അതും പറഞ്ഞു അവൾ സോളിക്കൊണ്ട് ഇരുന്നു. ഇവൾക്ക് ഇത് തന്നെ ആണോ പണി.
ഞാൻ മുറിയിൽ നിന്ന് ഇറങ്ങി അവിടെ അടുത്ത് ഉള്ള ഹോട്ടലിൽ പോയി ഇഡലിയും സാമ്പറും വാങ്ങി കൊണ്ട് വന്നു. രണ്ട് പാഴ്‌സൽ ആയി.
കാവ്യാകും കൊടുത്തു ബാക്കി അവളും ഞാനും കഴിച്ചു ഒരുമിച്ച് ഇരുന്നു.
“നല്ല ടെസ്റ്റ്‌.”
“എന്നാ എന്റെ പണിക്കുടുക തന്നെ കഴിച്ചോ.”
“അയ്യോ.
അങ്ങനെ അല്ലാ.”
“പിന്നെ.”
“ഏട്ടന്റെ കൂടെ ഇങ്ങനെ കഴിക്കുന്നതിന് നല്ല രുചി എന്നാ.”
അപ്പൊ തന്നെ അവിടെ കഴിച്ചു കൊണ്ട് ഇരുന്ന കാവ്യാ.
“മതിടി… മതിടി..
ഇനി സോപ്പ് ഇട്ട് ഇട്ട് അവനെ കുളിപ്പിക്കല്ലേ.”
ഇത് കേട്ട് ദേവിക.
“നീ നിന്റെ കെട്യോന്റെ കാര്യം അനോഷിച്ചാൽ.
ഇത് ഞങ്ങളുടെ കാര്യം.”
“ഓ ഞാൻ ഒന്നും ഇടപെടാൻ വരുന്നില്ല. നിന്റെ കെട്യോനെ നീ തന്നെ നോക്കിക്കോ.”
“അങ്ങനെ വാ എന്റെ കാവ്യാ കുട്ടി.”
ഞങ്ങൾ എല്ലാവരും ഫുഡ്‌ കഴിച്ചു കഴിഞ്ഞു.
ടീച്ചറെ ഒക്കെ വിളിച്ചു.
അപ്പോഴാണ് അമ്മ ദേവിക യെ വിളിക്കുന്നത്.
“എടാ മിണ്ടാതെ ഇരിക്കണം അമ്മ ആണ് വിളിക്കുന്നെ.”
അവൾ ഫോൺ സ്പീക്കർ ഇട്ട് ബെഡിൽ വെച്ച്.
“ഹലോ ദേവിക മോൾ അല്ലെ?”
“അതേ അമ്മേ.”
“എങ്ങനെ ഉണ്ട് ടൂർ ഒക്കെ പോയിട്ട് ”
ഞാൻ മനസിൽ പറഞ്ഞു. രാവിലെ തന്നെ എന്നെ വിളിക്കാതെ അമ്മ ദേവികയെ വിളിക്കുന്നുണ്ടല്ലോ. ഇപ്പൊ എനിക്ക് ഒരു വിലയും ഇല്ലേ. ഇനി ഇവളെ കൊണ്ട് വീട്ടിൽ ചെന്നാൽ എന്നെ അമ്മ കറിവേപ്പില ടെ വിലയാ കൊടുക്കുള്ളു ആയിരിക്കും.
