എനിക്കും ആ അവസ്ഥ കണ്ട് സങ്കടം തോന്നി പക്ഷെ വേണ്ട ഒരുപാട് വട്ടം ആയി ഇത്… 🥺
ഞാൻ തിരിഞ്ഞ് നോക്കിയതും
അച്ഛനും കൃഷ്ണൻ അങ്കിളും പിന്നെ പരമു മാമനും കേറി വന്നു…
അച്ഛൻ : രുദ്ര രുദ്ര
രുദ്രൻ മാമൻ : ശങ്കരേട്ടാ തെരക്കായിരുന്നു എന്താ ചേട്ടാ
അച്ഛൻ : എടൊ കൊച്ചിനെ വിട് പ്ലീസ് എന്തായാലും കാലത്ത് വിടാ എന്റെ വാക്കാ ഞാൻ കൊണ്ട് വരാ ടാ ഒന്ന് വിട്ടേക്ക്
രുദ്രൻ മാമൻ : അയ്യോ എന്താ ഏട്ടാ പറയുന്ന കൊലപാതക ശ്രമത്തിലെ പ്രതിക്ക് സഹായം ചെയ്ത കുട്ടിയാ ഇത് മാത്രം അല്ല ആൾ കടത്തൽ കേസ് വേറെ പരാതി ഒണ്ട് കാണിച്ച് തരട്ടെ പരാതി തന്നിട്ടുള്ളത് കടത്തി കൊണ്ട് പോയ കുട്ടിടെ അച്ഛൻ അതായത് ദാസേട്ടൻ…. പരാതി ഇല്ലെങ്കി കൂടെ വിടായിരുന്നു ദേ ഫോർമാലിറ്റി കൂടെ കഴിഞ്ഞാ വിട്ടു പിന്നെ കാലത്ത് തെളിവ് എടുപ്പ് അത്…
കൃഷ്ണ കുമാർ അങ്കിൾ : സാറെ അങ്ങനെ ഒന്നും അല്ല സാറേ എന്റെ മോൾക്ക് ഒന്നും അറിയില്ല സാറേ
രുദ്രൻ മാമൻ : അയ്യോ നിങ്ങള് അങ്ങനെ അല്ലെ പറയൂ ചെലപ്പോ ആവാം ട്ടൊ അതൊക്കെ നല്ല ഒരു വക്കീലിനെ വച്ച് തെളിയിക്കൂ…. ഷിബു സാറേ ആ പ്രതിയെ ഒന്ന് കൊണ്ട് വന്നോ….
ഒരു മിനിറ്റ് കഴിഞ്ഞതും അവനെ കഴുത്തിന്ന് പിടിച്ച് വലിക്കും പോലെ അവര് കൊണ്ട് വന്നു…
പപ്പ അലറി കരയാൻ തൊടങ്ങി
അവള് അവൾടെ അച്ഛന്റെ നെഞ്ചില് തല വച്ച് കരഞ്ഞു…
രുദ്രൻ മാമൻ : എന്താ ഷിബു ചേട്ടാ ഒരു വളവ് പോലെ നടക്കാൻ
ഷിബു സാർ : തിന്നിട്ട് എല്ലിന്റെ എടയിൽ കേറിയിട്ട്…
പെട്ടെന്ന് രുദ്രൻ മാമന്റെ ഫോൺ അടിച്ചു….
രുദ്രൻ മാമൻ : ആ അളിയാ… ഇല്ല അളിയാ 🥺 ആണോ ശെരി ഇല്ല ഒന്നും ഇല്ല അളിയൻ കൊച്ചിനെ നോക്ക് ഇവടെ ശെരി ആണ് എല്ലാം ഞാൻ ഇത് കഴിഞ്ഞാ എറങ്ങി…
ശങ്കരേട്ടാ വന്നോ നമ്മക്ക് സി ഐ ടെ റൂമില് പോവാ
പുള്ളി അച്ഛന്റെ പൊറത്ത് കൈ വച്ച് കൂടെ നടത്തി…
ഞാൻ അവർടെ പിന്നാലെ നടന്നു….
സി ഐ : ആ അവനെ അങ്ങോട്ട് മാറ്റി നിർത്തിക്കോ ഷിബു
അച്ഛൻ ചെയറിൽ ഇരുന്നു ഞാൻ പിന്നാലെ നിന്നു…പരമു മാമൻ പപ്പേ പിടിച്ച് നിന്നു… അവൾടെ അപ്പൻ ചെയറിൽ ഇരുന്ന് ഹരിയെ തുറിച്ചു നോക്കി…
സി ഐ : എങ്ങനെ ആണ് രുദ്ര കാര്യം
രുദ്രൻ മാമൻ : സാറേ ഇവന്റെ പേരില് മുന്നേ രണ്ട് കേസ് ഒണ്ട് രണ്ടും ബൈക്കില് കഞ്ചാവ് കടത്തിയത് അല്ല ഒന്ന് കഞ്ചാവ് കടത്തിയത് രണ്ട് മറ്റതാ പൊടി
സി ഐ അവനെ ഒന്ന് തുറിച്ച് നോക്കി….
സി ഐ : കൊറച്ച് കാലം ഉള്ളില് പോവാൻ ഒള്ള വകുപ്പാ അപ്പൊ
രുദ്രൻ മാമൻ ഒന്ന് ചിരിച്ചു
രുദ്രൻ മാമൻ : ആ സാറേ ആ പൈയ്യൻ കണ്ണ് തൊറന്നു….
സി ഐ : നന്നായി കൊഴപ്പം വല്ലതും
രുദ്രൻ മാമൻ : ഇല്ല സാറേ തൽക്കാലം ഒറക്കത്തിലാ
സി ഐ : ജീസസ്…അപ്പൊ മിസ്റ്റർ പറയുന്ന കൊണ്ട് ഒന്നും തോന്നരുത് നിങ്ങടെ മോൻ പക്കാ ക്രിമിനലാ ഇവനെ ഒക്കെ ഇങ്ങനെ വളർത്തി നശിപ്പിച്ചത് നിങ്ങള് തന്നെ ആണ്…. ചോദിക്കുമ്പോ ചോദിക്കുമ്പോ പൈസ കാർ ബൈക്ക് എല്ലാം വാങ്ങി കഷ്ട്ടം തന്നെ
പുള്ളി തല താഴ്ത്തി ഇരുന്നു
സി ഐ : കേസ് എഴുതിയാ എല്ലാം കൂടെ കൊറേ കാലം തീരും ഉള്ളില് തന്നെ
കൃഷ്ണ കുമാർ അങ്കിൻ : അയ്യോ സാറേ
സി ഐ : അയ്യോ അമ്മോ. പറയല്ലേ അല്ലെങ്കിലും കേസ് വരും….
കൃഷ്ണകുമാർ അങ്കിൾ : സാറേ ഒരു ചാൻസ്
സി ഐ : ചാൻസ് കൊടുക്കാൻ ഇത് സിനിമ അല്ലല്ലോ സാറേ അന്വേഷിച്ചപ്പോ നിങ്ങടെ മോൻ ആലപ്പുഴ ഒള്ള ഒരു കോളേജിൽ പോയി പെൺകുട്ടികൾടെ ടോയ്ലെറ്റിൽ കേറി ഒരു പെൺകുട്ടിയേ ചെ
പപ്പ വായ പൊത്തി കരയാൻ തൊടങ്ങി….
സി ഐ : കണ്ടോ നിങ്ങള് നിങ്ങടെ മോളെ രാത്രി നേരം കെട്ട നേരത്ത് സ്റ്റേഷനിൽ നിർത്താൻ വെഷമിക്കുന്നു അപ്പൊ. ആ കുട്ടിക്ക് സംഭവിച്ച കാര്യം എത്ര അപമാനകരം ആയിട്ടുള്ളത് ആണ്
കൃഷ്ണകുമാർ അങ്കിൾ : സാറേ. എല്ലാം ശെരി ആണ് സാർ പറഞ്ഞത് എല്ലാം സാർ ഒന്ന് സഹായിക്കണം…പ്രായം നോക്കി എങ്കിലും സാറേ
സി ഐ : പ്രായം മിസ്റ്റർ ഇവനെ പോലെ ഒള്ള ആളുകൾക്ക് ഒരു ഫ്യൂച്ചർ ഞാൻ കാണുന്നില്ല…എനിക്ക് അറിയില്ല കേസ് എടുക്കാൻ ആണ് എസ് പി വിളിച്ച് പറഞ്ഞിട്ടുള്ളത്….