ഇപ്പൊ ഈ നിമിഷം ഈ കോമാളി പതവി വിട്ട് വെളിയിൽ വരാൻ എന്റെ മനസ്സ് പറഞ്ഞു….
അച്ഛൻ ചെറിടെ പിടി വിട്ട് മുന്നോട്ട് വരാൻ ശ്രമിക്കാ….
ഇനി വേണ്ട… ഒരു തെറ്റും ചെയ്യാത്ത എനിക്ക് തല്ല് കൊള്ളണ്ട കാര്യം ഇല്ല….
അച്ഛൻ എന്റെ നിപ്പ് നോക്കി
നോക്കുന്ന കണ്ടില്ലേ കേറി പോടാ അച്ഛൻ ഒച്ച ഇട്ട് പറഞ്ഞു….
നിങ്ങളായിട്ട് വിട്ടാ പോയിട്ട് തിരിച്ച് വരും………. ഞാൻ ആയിട്ട് എറങ്ങിയാ പിന്നെ തിരിച്ച് കേറില്ല…. ഞാൻ നെറ്റി തൊടച്ച് പല്ല് കടിച്ച് പറഞ്ഞു….
പപ്പ വാ പൊത്തി കണ്ണടച്ച് തല താത്തി നിന്നു…
അച്ഛന്റെ പിടി വിട്ടു….
അച്ഛൻ : രാജു വിട് ഇവന്റെ തെളപ്പ് ഞാൻ തീർത്ത് കൊടുക്കാ….
അമ്മ : അടി വാങ്ങി കൂട്ടാതെ അച്ഛൻ പറയുന്ന കേക്ക് ടാ കേറി പോ
അമ്മ എന്നെ പിടിച്ച് ഉന്തി…
ഞാൻ : ഇല്ല… ഞാൻ ഒരു മനുഷ്യൻ ആണ് എപ്പോ നോക്കിയാലും അത് ചെയ്യ് ഇത് ചെയ്യണ്ട ഞാൻ ആർടെം അടിമ ഒന്നും അല്ല…
അമ്മ : ദേ നിന്റെ ഭാര്യ വീട്ട്കാര് ഒക്കെ നിക്കുന്നു പോടാ മോനെ അവരൊക്കെ എന്ത് വിചാരിക്കും
ഞാൻ : കേക്കട്ടെ എല്ലാരും… കാണട്ടെ എല്ലാം…. ഇതാ ഞാൻ എല്ലാർടെം മുന്നില് അഭിനയിച്ച് മടുത്തു…. വീട്ടില് അടിമ ആയിട്ട്….ഇവർടെ വീട്ടില് പോയാ നല്ലവൻ ആയിട്ട്…. എനിക്ക് മടുത്തു….
അച്ഛൻ : എങ്ങനെ അഭിനയിച്ചല്ലേ പറ്റൂ നിനക്ക് മരുന്നിന് ഗുണം എന്തേലും ഒണ്ടോ
അച്ഛന് എന്ത് യോഗ്യത ആണ് എന്നെ പറയാൻ ഒള്ളത്…. അച്ഛൻ വലിയ കച്ചോടക്കാരൻ ആവും നല്ല ഭർത്താവ് നല്ല ചേട്ടൻ നല്ല മനുഷ്യൻ ആവും…എന്നാ ഒരു നല്ല അച്ഛൻ അല്ല എനിക്ക് പ്രേതേകിച്ച്….
ഞാൻ സങ്കടം പിടിച്ച് വച്ച് പറഞ്ഞു…
അച്ഛൻ : എങ്ങനെ തോന്നാതെ ഇരിക്കും…. പട്ടിക്കൂട്ടിൽ ഇട്ട് വളർത്തണ്ടതിനെ ഒക്കെ കട്ടിലും ഫാനും കൊടുത്ത് വളർത്തിയാ ഇങ്ങനെ തന്നെ ഇരിക്കും….
പവി വന്ന് എന്നെ പെറകിലേക്ക് വലിച്ചു…
അച്ഛൻ : നിക്കറിട്ട് നടക്കുന്ന സമയം തൊട്ട് കണ്ട തെണ്ടികൾടെ കൂടെ പോയി… ഓരോ അടിയും പിടിയും.. എന്നെ കൊണ്ട് പറയിക്കണ്ട 😡
പവി : അച്ഛാ 😨🥺
ഞാൻ : ആര് പറഞ്ഞു വളർത്താൻ വെഷം തന്ന് കൊന്നൂടെ….
ചെറി : ടാ നായെ ഇങ്ങനെ ആണോ അച്ഛനോട് പറയുന്നേ അടിച്ച് കേറ്റി തരും….
ഞാൻ : ചെറി എന്റെ ചെറി 😊 അടിച്ചോ വാ എത്ര വേണേലും അടിച്ചോ…. നിങ്ങക്ക് അതിനുള്ള അവകാശം ഒണ്ട് എന്താ അറിയോ ഞാൻ നിങ്ങളെ ആണ് എന്റെ അച്ഛൻ ആയിട്ട് കാണുന്നത്…
അച്ഛൻ തരിച്ച് പോയി… ചാടി ചാടി നിന്ന അച്ഛൻ എന്നെ നോക്കി അങ്ങനെ നിന്നു…
അമ്മ : ഇങ്ങനെ ആണോടാ സംസാരിക്കാ കേറി പോ
ഞാൻ : അമ്മ ഒരക്ഷരം മിണ്ടരുത് നിങ്ങളാ ഏറ്റവും വലിയ ചതി എന്നോട് ചെയ്തത്….
ഞാൻ കൈ ചൂണ്ടി പറഞ്ഞു
നിങ്ങളാ എന്നെ ചതിച്ചത്…മൊതലാളി എന്നെ അറക്കാൻ വളത്താ പക്ഷെ അമ്മ കൂടെ ഞാൻ തേങ്ങിക്കൊണ്ട് പറഞ്ഞു….
അമ്മ : ഞാൻ എന്ത് ചെയ്തടാ എന്റെ തലക്ക് വക്കാൻ….
ഞാൻ : ഒന്നും ചെയ്തില്ലേ ഒന്നും…. എങ്ങനമ്മാ
അമ്മ : എനിക്ക് ഒന്നും മനസ്സിലായില്ല
അമ്മടെ കണ്ണ് നെറഞ്ഞ് വന്നു….
ഞാൻ : ഞാൻ പറഞ്ഞോ എനിക്ക് കല്യാണം വേണ്ടെന്ന് പറഞ്ഞോ
😨അത്… അമ്മക്ക് കാര്യം പിടി കിട്ടി… അമ്മ തല കുനിച്ചു ഒന്നും പറയാതെ….
ഞാൻ : പെണ്ണ് കാണൽ ആണെന്ന് പറഞ്ഞ് എന്നെ വലിച്ചോണ്ട് പോയിട്ട് പോയപ്പോ എന്താ നിശ്ചയം… അച്ഛൻ ചെയ്യും അത് എന്താ വച്ചാ ഞാൻ കണ്ടതിൽ വച്ച് എന്നോട് ഏറ്റവും ക്രൂരത കാണിക്കുന്ന രണ്ട് പേരിൽ ഒരാള് അച്ഛൻ ആണ് പിന്നെ ഒരാള് എന്റെ ഭാര്യ ഇവള്….
ഞാൻ അവളെ നോക്കി പുച്ഛത്തോടെ പറഞ്ഞു
ആന്റി : എന്താ ഡോ… എന്തൊക്കെ ആണ് താൻ പറയുന്നേ
ഞാൻ : സത്യം ആണ് ആന്റി നിങ്ങള് വിശ്വസിക്കില്ല കാരണം നിങ്ങടെ മോൾ അല്ലെ… ഇവൾ എന്നോടും എനിക്ക് വേണ്ടപ്പെട്ടവരോടും ചെയ്ത കാര്യങ്ങള് പറഞ്ഞാ കഴുത്ത് ഞെരിച്ച് കൊല്ലാൻ ആണ് എനിക്ക് തോന്നാ
ആന്റി : ഏയ് 😡
ഞാൻ : എനിക്കറിയാ ആന്റിടെ ദേഷ്യം മോളെ പറ്റി പറയുമ്പോ ദേഷ്യം വരും ആർക്കായാലും…. ശെരിയാ എന്റെ തെറ്റാ ഞാൻ എത്ര വട്ടം പറഞ്ഞെന്ന് അറിയോ ഇവടെ എന്റെ മൊതലാളിക്ക് വാശി പിന്നെ അമ്മ എങ്ങനെ പെറ്റമ്മാ മോനെ അറക്കാൻ കയർ എടുത്ത് കൊടുത്തു….