അവനെ വീണ്ടും വീണ്ടും തല്ലി….
സി ഐ രുദ്രൻ മാമൻ ഒക്കെ നോക്കി നിന്നു…
നാറിയ അവസ്ഥ ഞാൻ തലക്ക് കൈ കൊടുത്ത് ഇരുന്നു…
പരമു മാമൻ ഇരുന്ന് പല്ല് കടിക്കാ…
രുദ്രൻ മാമൻ : സാറേ ഞാൻ ഒന്ന് പോയിട്ട് വരാ സാറേ
സി ഐ : എങ്ങോട്ടാ ഡോ
രുദ്രൻ മാമൻ : അതെ ഇവടെ അടുത്ത് ഒരു സ്ഥലത്ത് ഒരുത്തൻ റോഡിൽ ആക്സിഡന്റ് ആയി കെടക്കുന്നു എന്ന് ചേട്ടന്റെ മോൻ വിളിച്ച് പറഞ്ഞു അവൻ സെക്കന്റ് ഷോക്ക് പോവാൻ നോക്കിട്ട് ടിക്കറ്റ് കിട്ടാതെ വരുന്ന വഴി കണ്ടെന്ന് നമ്മടെ ഏരിയ ആണേ റിപ്പോർട്ട് ചെയ്തിട്ട് വരാ…
സി ഐ : ശെരി സലീംനെ വിളിച്ച് വരാൻ പറഞ്ഞിട്ട് പോ….
ആനി : സാറേ എന്നെ റേപ്പ് ചെയ്തതാ സാറേ ഈ വീഡിയോ വച്ച് ഇത്ര കാലം ഇവനെ വെറുതെ വിടരുത് സാറേ അപേക്ഷ ആണ്….
സി ഐ കലങ്ങിപ്പോയി പുള്ളി അവളെ ദയയോടെ നോക്കി….
അപ്പൊ തന്നെ പോക്കറ്റിൽ കെടക്കുന്ന ഫോൺ വൈബ്രെറ്റ് ആയി…
ഞാൻ അത് എടുത്ത് നോക്കി
ഋഷിടെ കോൾ ആയിരുന്നു… അത് കട്ടായി
അപ്പൊ തന്നെ ടെക്സ്റ്റ് വന്നു… Grpile oruthane kitti aajaayio….
ഞാൻ ആ നാറിയെ ഒന്ന് നോക്കി അവന്റെ മുഖം മനസ്സിൽ ക്യാപ്ച്ചർ ചെയ്ത് വെളിയിലേക്ക് എണീറ്റ് നടന്നു….
ഡോർ തൊറന്ന് വെളിയിലേക്ക് എറങ്ങി….
എല്ലാരും വെളിയിൽ നിപ്പുണ്ട്
അച്ഛൻ : എന്താ ടാ
ഞാൻ ഇല്ലെന്ന് ചെവി രണ്ടും പൊത്തി കാണിച്ച് കൈ കാട്ടി വെളിയിലേക്ക് എറങ്ങി….
പോയ ഞാൻ തിരിച്ച് സ്റ്റേഷൻ എത്തുമ്പോ എല്ലാരും പോലിസ് ജീപ്പിൽ വരുന്ന എന്നെ നോക്കി….
ഞാൻ എറങ്ങി പരുങ്ങി പരുങ്ങി നിന്നു….
ശങ്കരേട്ടൻ പോയില്ലേ കൂടെ വന്ന രുദ്രൻ മാമൻ അച്ഛന്റെ നേരെ പോയി പറഞ്ഞു
അച്ഛൻ : ദേ എറങ്ങി
രുദ്രൻ മാമൻ : ഞാൻ അളിയനെ കണ്ടപ്പോ പറഞ്ഞു ശങ്കരേട്ടൻ വന്നിട്ടുണ്ട് എന്ന്… അളിയൻ ചേട്ടന് വേണ്ട സൗകര്യം ചെയ്ത് കൊടുക്കാൻ പറഞ്ഞിട്ടുണ്ട്….
അച്ഛൻ : 😑
രുദ്രൻ മാമൻ : അപ്പൊ ശെരി ഞാൻ സി ഐ സാറിനെ കണ്ടിട്ട് എറങ്ങട്ടെ ഹോസ്പിറ്റലിൽ പോണം….
അച്ഛൻ തല ആട്ടി…
ഞാൻ ചെറിയെ പോയി തട്ടി
ചെറി : അവൻ എല്ലാം ഒറ്റക്കാ ചെയ്തത് പറഞ്ഞു ആ കൊച്ച് തൽക്കാലം സേഫ് ആണ്….
ഞാൻ തല ആട്ടി….
പപ്പ അവൾടെ തോളിൽ പിടിച്ച് പരമു മാമൻ പിന്നാലെ അങ്കിളും വന്നു….
താൻ പേടിക്കണ്ട ഞങ്ങള് കാലത്ത് വരാ….എല്ലാം ശെരി ആവും ആദ്യം ഞങ്ങള് ഹോസ്പിറ്റൽ പോയിട്ട് വരാ…
പപ്പ എന്നെ നോക്കി
ഞാൻ തിരിച്ചും ആദ്യം ആയി അഹങ്കാരം ഇല്ലാത്ത നോട്ടം….
പരമു മാമൻ അവളെ പിടിച്ച് കാറിൽ ഇരുത്തി….
വക്കീൽ എറങ്ങി വന്നു
വക്കീൽ : അതെ കാലത്ത് എന്തായാലും ശെരി ആക്കാ നേരത്തെ വരാം ശെരി അപ്പോ….
ഞാൻ കാറിലേക്ക് കേറി…
കൊറച്ച് നേരം കഴിഞ്ഞതും അച്ഛൻ വന്നു….
ഞങ്ങള് കാർ എടുത്ത് തിരിച്ചു
അച്ഛൻ : ടാ ഹോസ്പിറ്റലിലേക്ക് വിട്
ഞാൻ : ഇനി പോയിട്ട് കാര്യം ഇല്ല കേറ്റി വിടില്ല
അച്ഛൻ ഒന്നും പറഞ്ഞില്ല
ചെറി : എന്നാലും അന്ത പയ്യൻ സെറിയാണ ത്രാട്ട് അമ്മോ….
ഞാൻ പുച്ഛത്തിന്റെ ഒച്ച ഇട്ടു 😏
അച്ഛൻ : കാലത്ത് നേരത്തെ വരണം…ആദ്യം ഹോസ്പിറ്റൽ പോണം എന്നിട്ട് പോവാ….
ഞാൻ : എന്നെ സ്റ്റേഷനിൽ വിട്ടാ ഞാൻ അങ്ങ് പോവും
അച്ഛൻ എന്നെ നോക്കി
ചെറി : ശെരി നോക്കി പോണേ പോയിട്ട് അച്ചുനെ വിളിക്ക് അവൻ വരും
ഞാൻ : അതൊന്നും വേണ്ട
ചെറി : പാത്ത് പോ എപ്പടി വേണാലും പോ
അച്ഛൻ : മോനെ
ഞാൻ : വേണ്ടച്ഛാ 😞
അച്ഛൻ : ഇല്ല നീ പൊക്കോ…. അതാ നല്ലത്….
ഞാൻ സ്റ്റേഷൻ പോയി വണ്ടി നിർത്തി ചെറി വന്ന് കാർ എടുത്ത് പോയി….
കൊറേ നേരത്തെ ഇരുപ്പിന് ഒടുവിൽ എഗ്മോർ വന്നു അതില് കേറി…
എന്താ അറിയില്ല സങ്കടം വരുന്ന സമയം റെയിൽവേ സ്റ്റേഷൻ ആണ് അതിന് പറ്റിയ സ്ഥലം….
ഒന്ന് അലറി കരയാൻ ആഗ്രഹം ഒണ്ട് പക്ഷെ പറ്റുന്നില്ല ആണായി പോയത് കൊണ്ട് മാത്രം പറ്റാത്ത കാര്യങ്ങളിൽ ഒന്നാ ഇതും…
ഞാൻ ജനലിൽ കൂടെ നോക്കി ഇരുന്നു…. എന്റെ എതിരിൽ ഒരു കൊച്ച് കുട്ടി ഇരിക്കുന്നു അതിന്റെ അമ്മ അപ്പറം ഒണ്ട് അവർടെ കൈയ്യിൽ ഒരു കുഞ്ഞും ഒണ്ട്
ഞാൻ എന്നെ നോക്കി ചിരിച്ച കുട്ടിയെ ഒന്ന് നോക്കി
ഒറങ്ങുന്ന അമ്മക്കും അനിയനോ അനിയത്തിക്കൊ വേണ്ടി ഒറങ്ങാതെ കാവൽ ഇരിക്കാ ആ കുട്ടി… അതെ ഇനി അങ്ങനെ ഒരു ജീവിതം ആണ് എനിക്കും…എനിക്ക് ഇഷ്ട്ടം ഉള്ളവർക്ക് വേണ്ടി ജീവിക്കാൻ ആണ് ഇനി എന്റെ ഈ ജീവിതം….