” അതൊക്കെ കിട്ടും.., രാത്രി എട്ട് മണി വരെ ബിരിയാണി കിട്ടുന്ന ഹോട്ടലുകളുണ്ട്.. പോകാം വാ.. ” രണ്ട് പേരെയും നോക്കി അഖിൽ പറഞ്ഞു..
” വേണ്ട എനിക്ക് വിശപ്പ്‌ ഇല്ല..” ശാന്തി മുഖം കുനിച്ചുകൊണ്ട് പറഞ്ഞു…
” ടാ ഇവൾ വരാതെ ഞാനും വരുന്നില്ല.., ഇവൾ വിശന്ന്‌ നിൽക്കുമ്പോൾ നമ്മൾ എങ്ങനെ കഴിക്കും.. “
” ശാന്തി വരുന്നുണ്ടോ… ” അഖിൽ അവളുടെ മുഖത്തേക്ക് തറപ്പിച്ച് നോക്കി..
” എനിക്ക് കഴിക്കാൻ ഒന്നും വേണ്ട.. ” അവൾ ആരോടെന്നില്ലാതെ പറഞ്ഞു…
” നിന്നോട് ചോദിച്ചത് പറ.. വരുന്നുണ്ടോ ഇല്ലെയോ.. ” അഖിൽ ദേഷ്യപ്പെട്ടുകൊണ്ട് ചോദിച്ചു..
അവൾ ഒന്നും മിണ്ടാതെ നിന്നു..
” അല്ലേലും ഇതിന് വലിയ ആയുസ്സൊന്നും കാണില്ല.. ആ രീതിയിൽ ആണല്ലോ അടുപ്പത്തിൽ ആയത്.. ഇഷ്ടമാണെന്ന് പറഞ്ഞതിന്റെ പിറ്റേന്ന് ഓക്കേ പറഞ്ഞാൽ ഇങ്ങനെയൊക്കെ ആയി തീരും.. ചുമ്മാതല്ല അനുഭവമുളളവന്മാർ പറയുന്നത്… മൈര് ഇതൊന്നും വേണ്ടായിരുന്നു.. ” ഇത്രയും പറഞ്ഞ അഖിൽ അവരെ മറികടന്നു പോയി… അനാമികയും ശാന്തിയും ഒരു നിമിഷം ഒന്ന് സ്തബ്ധരായി നിന്നു പോയി… അഖിലിന്റെ വായിൽ നിന്നും പന്നീ, പട്ടി എന്നിവ ഒഴിച്ച് ഒരു ചീത്ത വാക്ക് കേൾക്കുന്നത് ആദ്യമായാണ്. മൈര് എന്ന നിസ്സാര ചീത്തയാണ് അവൻ വിളിച്ചതെങ്കിലും, അത് വളരെ വലിയ ഒരു ചീത്ത പോലെ അവരിരുവർക്കും തോന്നി.
” ടാ അഖിലേ അവിടെ നിന്നെ. ” അനാമിക ഓടിച്ചെന്ന്‌ അവന്റെ കൈയിൽ പിടിച്ചു വലിച്ചു നിറുത്തി.
“ടാ അവൾ കരയുന്നെടാ.. ” അനാമിക വിഷമത്തോടെ അവനോട്‌ പറഞ്ഞു.
അഖിൽ ശാന്തിയുടെ അടുത്തേക്ക് നീങ്ങി.
” ശാന്തി നിനക്ക് എന്നെ ശെരിക്കും ഇഷ്ടമാണോ. അതോ സമയം കളയാൻ കോളേജിൽ ഒരുത്തൻ വേണം അങ്ങനെയാണോ.. “
” എന്തൊക്കെയാടാ.. നീ ചോദിക്കുന്നെ.. ” അഖിലിന്റെ ചോദ്യം കേട്ട് ഞെട്ടിത്തരിച്ച അനാമിക ചോദിച്ചു..
” ഒരു സെക്കന്റ് നിൽക്കെടാ.. അവൾ പറയട്ടെ ” അഖിൽ അനാമികയോട് പറഞ്ഞു…
” നിനക്ക് എന്നെ ആത്മാർഥമായി ഇഷ്ടമുണ്ടോ.. ” അഖിൽ വീണ്ടും ചോദിച്ചു.
” ഉം.. ” കരച്ചിലിനിടയിൽ ശാന്തിയൊന്ന്‌ മൂളി.
” അങ്ങനെ ഇഷ്ടമുണ്ടേൽ ഇനി നീ കരയില്ല. നിന്റെ കണ്ണിൽ നിന്നും ഇനി ഒരിറ്റ് കണ്ണീർ വീഴരുത്. ” സ്നേഹത്തോടെയും, അല്പം അതികാരത്തോടെയും അഖിൽ പറഞ്ഞു.ഇത് കേട്ട ഉടനെ ശാന്തി ഷാൾ എടുത്ത്‌ രണ്ട് കണ്ണും മുറുക്കെ തുടച്ചു. കണ്ണുനീർ നിന്നതും അവൾ ഷാൾ മാറ്റി.
” വാ പോകാം. അനാമിക നീ പോയി ഇവളുടെ ബാഗ്‌ എടുത്തിട്ട് വാ.. നമ്മൾ കാറിൽ ഗേറ്റിന്റെ പുറത്ത് നിൽക്കാം., ഇവൾ ഇപ്പോൾ അങ്ങോട്ട്‌ വന്നാൽ ശെരിയാവില്ല. നീ അവിടെ വേഗം വാ.” ഇതും പറഞ്ഞ് അഖിൽ അനാമികയുടെ ബാഗ്‌ വാങ്ങി ശാന്തിയേയും കൊണ്ട് കാറിന്റെ അടുത്തേക്ക് നടന്നു…
കാറിന്റെ ലോക്ക് എടുത്ത്‌ അഖിലും ശാന്തിയും കാറിൽ കയറി. അവൻ കാർ സ്റ്റാർട്ട്‌ ചെയ്ത് ഗേറ്റിന്റെ പുറത്തേക്ക് പോയി.റോഡിന്റെ ഒരു സൈഡിൽ വണ്ടി ഒതുക്കി.അനാമിക വരാൻ അവർ വെയിറ്റ് ചെയ്തു.അവൻ ശാന്തിയെ നോക്കി.. ഒരുപാട് കരഞ്ഞത് അവളുടെ മൂക്ക് ചുമന്നിരുന്നു., കണ്ണും കലങ്ങി ഇരിക്കുന്നു.
‘ ശ്ശേ ഒന്നും വേണ്ടാരുന്നു.’ അവന്റെ ഉള്ളിൽ എവിടെയോ വിങ്ങൽ ഉണ്ടായി.
” ശാന്തി.. നിനക്ക് എന്നെ ഒരുപാട് ഇഷ്ടമാണോ.. ” അത് ചോദിക്കുമ്പോൾ അവന്റെ കണ്ണ് അറിയാതെ നിറഞ്ഞു.. കണ്ണീർ തുളുമ്പാതിരിക്കാൻ അവൻ മാക്സിമം കടിച്ചു പിടിച്ചു. പക്ഷേ അവൻ അറിയാതെ ഇടത് കണ്ണിന്റെ അരികിലൂടെ കണ്ണീർ താഴേക്ക്‌ ഒഴുകി.അത് അവന്റെ കവിളിലേക്ക് ഒലിച്ചിറങ്ങി. അവന്റെ ചോദ്യം കേട്ട് ഞെട്ടി തിരിഞ്ഞ ശാന്തി കാണുന്നത് കരച്ചിൽ പാട്പെട്ട് ഒതുക്കുന്ന അഖിലിനെ ആണ്.
” എന്തിനാ ചേട്ടാ കരയുന്നത്. എന്നെ കരയരുത് എന്ന് പറഞ്ഞിട്ട്.. ” അവൾ വിഷമത്തോടെ അവനോടു ചോദിച്ചു..
” നിനക്ക് എന്നെ ഒരുപാട് ഇഷ്ടമാണോ. ” അവൻ വീണ്ടും അവളോട്‌ ചോദിച്ചു. ഇത്തവണ അണ പൊട്ടുന്നത് പോലെ.. അവന്റെ കണ്ണിൾ നിന്നും വെള്ളം രണ്ട് കവിളിലേക്കും ഒലിച്ചിറങ്ങി.
” ചേട്ടാ എന്താ ഇത്. എനിക്ക് ജീവനാ ചേട്ടനെ, ചേട്ടൻ രാത്രി അങ്ങനെ മെസ്സേജ് അയച്ചത് മുതൽ, ഇപ്പോൾ കാണുന്നത് വരെ എന്റെ ജീവൻ എങ്ങനെ നിന്നു എന്ന് എനിക്കറിയില്ല.. ഈ ഭൂമിയിൽ മറ്റെന്തിനെക്കാളും എനിക്ക് എന്റെ ചേട്ടനെയാ ഇഷ്ടം. പ്ലീസ് കരയല്ലേ..” അവൾ ഇടത് കൈ കൊണ്ട് അഖിലിന്റെ കണ്ണീർ തുടച്ചു..
” ഇല്ല ശാന്തി., നീ എന്നെ വെറുക്കും., നീ എന്നിൽ നിന്നുമകലും. ഒരിക്കലും നിനക്ക് എന്നെ സ്നേഹിക്കാൻ പറ്റില്ല..”
” രാവിലെ അയച്ച മെസ്സേജ് വെച്ചാണ്‌ ഈ പറയുന്നത് എങ്കിൽ.., ഇനി എന്ത് പ്രശ്നം ആണേലും ഈ ലോകം തന്നെ എതിരാവും എന്ന് പറയുന്ന പ്രശ്നം ആണേലും ഞാൻ വെറുക്കില്ല., വിട്ട് പോകുകയും ഇല്ല.. “
” ഇപ്പോൾ അത് പറയും കാര്യം അറിയുമ്പോൾ നീ എന്നെ വിട്ട് പോകും.. “
” ഇല്ല ചേട്ടാ., ഞാൻ ജീവിക്കുന്നുണ്ടെങ്കിലത്‌ ചേട്ടന്റെ കൂടെ ആയിരിക്കും. “
” എന്റെ കാര്യം അറിയുമ്പോൾ നീ എന്റെ കൂടെ ജീവിക്കില്ല., ഉറപ്പായും എന്നെ വിട്ട് പോകും. “
” എന്തിനാ ഇങ്ങനെ പറയുന്നേ. അങ്ങനെ ജീവിക്കാൻ പറ്റിയില്ലേൽ ഈ ലോകത്തിൽ നിന്നും തന്നെ ഞാനങ്ങ് പോകും., എനിക്ക് ചേട്ടനെ വേണം. ചേട്ടനെ എനിക്ക് കിട്ടില്ല എന്നാണേൽ മരിക്കാൻ പോലും എനിക്ക് പേടി ഇല്ല. പിന്നെ നേരത്തെ ചേട്ടൻ പറഞ്ഞല്ലോ പറഞ്ഞതിന്റെ പിറ്റേന്ന് ഇഷ്ടം ആണെന്ന് പറഞ്ഞത് കൊണ്ട് പൊളിയും എന്ന്. ഇഷ്ടം ആത്മാർഥമാണേൽ തിരിച്ചു ഓക്കേ എന്ന് പറയാൻ വലിയ സമയം ഒന്നും വേണ്ട. “
” ഞാൻ നിന്നെ വിഷമിപ്പിക്കാൻ വേണ്ടി അങ്ങനെ പറഞ്ഞത് അല്ല., എനിക്ക് അറിയില്ല ശാന്തി., ഇപ്പോൾ നീ എന്നെ വിട്ട് പോകുമോ എന്ന് എനിക്ക് പേടിയുണ്ട്. പക്ഷേ എനിക്ക് ഒന്ന് അറിയാം ഞാൻ നിന്നെ വളരെയധികം സ്നേഹിക്കുന്നു. പക്ഷേ. “
” ഞാൻ വിട്ട് പോകില്ല, എന്റെ ചേട്ടാ.. ലാസ്റ്റ് എന്താ പക്ഷേ എന്ന് പറഞ്ഞത്.. “
” അത് എനിക്ക് നിന്നെ ഇഷ്ടം ആണ്.. പക്ഷേ നീ ഉദ്ദേശിക്കുന്ന പോലൊരു രീതിയിൽ ആയിരിക്കില്ല. പലപ്പോഴും ഞാൻ സ്നേഹിക്കുന്നത് നിനക്ക് ശല്യം ആയി തോന്നും. നിനക്ക് ഒരിക്കലും എന്റെ കൂടെ അഡ്ജസ്റ്റ് ചെയ്യാൻ പറ്റില്ല. “
” എന്തൊക്കെ പറഞ്ഞാലും., ഞാൻ ചേട്ടനെ വിട്ട് പോകില്ല., എനിക്ക് ചേട്ടൻ ഒരു ശല്യവും ആകില്ല., അതല്ല എന്നെ ഒഴിവാക്കാൻ ആണ് ഇങ്ങനെയൊക്കെ പറയുന്നത് എങ്കിൽ ചേട്ടാ എന്നെ ചേട്ടൻ കൊല്ലേണ്ടി വരും., അല്ലാതെ വിട്ട് പോകില്ല ഞാൻ.. ചേട്ടനെ ഞാൻ എല്ലാത്തിനെക്കാളും സ്നേഹിക്കുന്നു.. ഐ ലവ് യൂ..”
” എനിക്കും നിന്നെ ഇഷ്ടമാണ് മോളേ മറ്റെന്തിനെക്കാളും., പക്ഷേ എനിക്ക് പേടി കൂടുകയാണ് ഇപ്പോൾ ” അഖിൽ വീണ്ടും പറഞ്ഞു നിറുത്തി..
