“അവിടെ ഒറ്റക്കിരിക്കാൻ എനിക്കു പേടിയാവുന്നു.. ഞാൻ വിചാരിച്ചു നിങ്ങൾ പെട്ടന്ന് വരൂന്ന്.. പിന്നെ നിങ്ങളെ കാണാത്തതോണ്ട് ഞാനും വന്നതാ ”
“ഇങ്ങനെയാണോ കുരിപ്പേ വരുന്നത്.. ദേ ജിത്തൂന്റെ മൂത്രം പോയെന്ന തോന്നുന്നേ.. “
ഞാൻ ഒന്നൂടി അവനിട്ടൊന്നു കുത്തി പറഞ്ഞു..
“പോടാ മൈരേ.. നിന്റെ കുന്ത്രാണ്ടം ഇവിടെങ്ങും ഇല്ല.. വന്നേ പോവാം.. എനിക്കു വയ്യ.. വെറുതെ മനുഷ്യന്റെ ഒറക്കോം കളഞ്ഞു ”
കളിയാക്കിയ ദേഷ്യത്തിൽ ജിത്തു പറഞ്ഞു..
“ഡാ കുറച്ചു സമയം കൂടി നോക്കെടാ.. അച്ഛനോട് ഞാൻ എങ്ങനെയാ ഇത് പറയാ.. എങ്ങനെലും ഒന്ന് കണ്ട് പിടിച്ചു താടാ ”
“മൈരേ നീ വീട്ടിൽ ചെന്നു ഒന്ന് കൂടി നോക്ക്.. ഇന്നലെ വാച്ച് ഇട്ടു തന്നെ ആണോ വന്നേ നിനക്ക് ഉറപ്പാണോ.. ഇവിടെങ്ങും ഇല്ല അതുറപ്പാ.. ഇനി പാർട്ടിയിൽ നിന്നോ മറ്റോ കാണാതായതാണെങ്കി അതെനി നോക്കണ്ട മോനെ ”
അതും ശരിയാ.. പാർട്ടിയിൽ നിന്നാണ് പോയതെങ്കി അതരുടേങ്കിലും കയ്യിൽ കിട്ടിക്കാണും… അവസാനമായി ഒന്നൂടി അവിടെ ഒക്കെ കണ്ണോടിച്ചു..
അപ്പഴാണ് ഓർത്തത് ഇന്നലെ ഞാൻ ക്ലാരയുടെ മുടിയിൽ നിന്ന് ആ പശ തുടച് മാറ്റിയ ടവൽ എവിടെ..
അതെനിക്ക് ഉറപ്പാ ഞാൻ ഇവിടെ തന്നെ ആണ് ഉപേക്ഷിച്ചത്.. അപ്പൊ ആരോ ഇവിടെ ഉണ്ടായിരുന്നു അതുറപ്പായി..
പക്ഷെ അവളുടെ തലയിൽ പശ തേച്ചു അപ്പൊ തന്നെ ഓടി മറയാണെങ്കി അതാരാ..ദൈവമേ ഇനി ക്ലാര പറഞ്ഞത് പോലെ വല്ല പ്രേതവും ആണോ..
എന്റെ ഉള്ളിലും ചെറിയ പേടി കുമിഞ്ഞു കൂടി തുടങ്ങിയിരുന്നു.. ഞങ്ങൾ അപ്പൊ തന്നെ തിരിച്ചു വീട്ടിലേക്ക് പോയി..
ക്ലാരയെ അവളുടെ വീട്ടിൽ ഡ്രോപ്പ് ചെയ്തു ബൈ പറഞ്ഞു ഇറങ്ങി..
“ഡാ ഇന്നലെ നീയും ക്ലാരയും എന്തായിരുന്നു ആ റൂമിൽ ”
ഡ്രൈവ് ചെയ്തോണ്ടിരിക്കെ ജിത്തു എന്നോട് ചോദിച്ചു..
“നീ ഇതെപ്പോ കണ്ടു മൈരേ.. നീ ഡ്രഗ് കോർണേറിൽ അല്ലെ ഉണ്ടായത്”
അതിശയത്തോടെ ഞാൻ ചോതിച്ചു.. കാരണം എനിക്കു യാതൊരു പിടിയും ഉണ്ടായിരുന്നില്ല ഇവൻ നമ്മളെ കണ്ടിരുന്നു എന്ന്..
“അങ്ങോട്ട് തന്നെയാ പോയെ.. പുറത്തുന്ന് കത്രീന പറഞ്ഞു ക്ലാര വന്നിട്ടുണ്ടെന്ന്.. അവളെ എത്ര നാളായെടാ കണ്ടിട്ട്.. കാണാനായി ഓടി വരുമ്പോഴാ നിങ്ങൾ രണ്ടാളും റൂമിൽ കേറുന്നത് കണ്ടത്.. പിന്നെ സ്വർഗത്തിലെ കട്ടുറുമ്പ് അവന്ടെന്നു കരുതി ഞാൻ വന്ന വഴിക്ക് തന്നെ പോയി..നിങ്ങൾ എന്തോ കാണിക്കായിരുന്നു റൂമിൽ??”
“അതൊ.. അത് നമ്മൾ അന്താക്ഷരി കളിക്കുവായിരുന്നെടാ ”
“പ്ഫാ.. നാറി……
അവൾ ഒരുപാട് മാറി അല്ലേടാ.. പണ്ടത്തെ പോലെ ഒന്നും സംസാരിക്കുന്നില്ല ആ കളിയില്ല ചിരിയില്ല.. പണ്ടത്തെ ആ ക്ലാരയെ മിസ്സ് ചെയ്തു ശരിക്ക് ”
“അവൾ ഈ ചെറു പ്രായത്തിൽ തന്നെ കൊറേ കാര്യങ്ങൾ ഫേസ് ചെയ്യണ്ടേ വന്നില്ലെടാ.. നമ്മൾ ഉണ്ടാവുമല്ലോ ഇനി മുതൽ കൂടെ… ശരിയാക്കി എടുക്കാം..”
“ഹ്മ്മ് “
അങ്ങനെ നമ്മൾ ഓരോന്ന് പറഞ്ഞു ഇരുന്നു..അച്ഛനോട് വാച്ച് പോയത് എങ്ങനെ അവതരിപ്പിക്കും എന്നോർത്തു നല്ല ടെൻഷനും ഉണ്ട്…
ജിത്തു എന്നെ വീട്ടിൽ ഡ്രോപ്പ് ചെയ്തിട്ട് നാളെ കാണാം എന്ന് പറഞ്ഞു പോയി..
ഞാൻ ഗേറ്റ് തുറന്നു കയറാൻ പോവുമ്പോ ആണ് പുറത്തു ഒരു കവർ ശ്രദ്ധിച്ചത്.. ഇതെന്താ കൊറിയർ വല്ലോം ആണോ.. ചാൻസില്ലലോ.. കൊറിയർ ബോക്സിൽ ആണല്ലോ സാധാരണ കൊറിയർ ഇടാറ്.. സംഭവം എന്താ അറിയാൻ ഞാൻ അതെടുത്തു നോക്കിയപ്പോ എനിക്ക് വിശ്വസിക്കാനായില്ല..
എന്റെ വാച്ച്..! ! !
ഇതെന്തു മറിമായം.. ഇതാരാ ഇവിടെ കൊണ്ട് വച്ചത്..കൂടെ ഒരു കുറിപ്പും..
“ആരും കാണാതെയും ആരും അറിയാതെയും സൂക്ഷിക്കുക ”
കുറിപ്പിന്റെ പുറത്ത് ഇപ്രകാരം എഴുതിയിട്ടും ഉണ്ട്.. ശെടാ ഇതെന്താ..
ആരെങ്കിലും പറ്റിക്കന്നതാണോ വിചാരിച്ചു ഞാൻ ചുറ്റും നോക്കി എങ്കിലും ആരെയും കണ്ടില്ല..
എന്തെങ്കിലും ആവട്ടെ റൂമിൽ ചെന്നിരുന്നു വായിക്കാം.. കുറിപ്പും വാച്ചും പോക്കറ്റിൽ ഇട്ടു വാച്ച് കിട്ടിയ ആശ്വാസത്തോടെ ഞാൻ കാളിങ് ബെൽ അമർത്തി ഞെക്കി..
അച്ഛൻ ആണ് ഡോർ തുറന്നത്..