ശേഷം ചുറ്റും ഒന്ന് വീക്ഷിച്ചു.. എല്ലാത്തിന്റേം കയ്യും കാലും ഒടിച്ചിട്ടിട്ടുണ്ട്.. വേറെ മാരക പരിക്കൊന്നും ആർക്കും കാണാനില്ല.. ചെറിയ മുറിവ് മാത്രം.. കൂട്ടത്തിൽ ബോധമുള്ളത് ഇവന് മാത്രം.. പക്ഷെ എനിക്കു മനസിലാവാത്തത് ഇതൊരു ആക്‌സിഡന്റ് പോലെ വരുത്തിതീർത്തത് ആരാ.. വണ്ടി മറിച്ചിട്ടിട്ടുണ്ട്.. അതെന്തായാലും ഒരാളെ കൊണ്ട് പറ്റുന്നതല്ല.. ഇവന്മാരെ ഒക്കെ ഇങ്ങനെ ഒരു അവസ്ഥയിൽ ആകണമെങ്കിൽ ഒരു ഇരുപത് പേരെങ്കിലും കാണണം…
ഞാൻ മെല്ലെ അവന്റടുത് കുനിഞ്ഞിരുന്നു…ശേഷം ചോദിച്ചു..
“എന്തായിരുന്നു സംഭവിച്ചത്…”
“ഒന്നും ഓർമ്മയില്ല..ദയവ് ചെയ്തു എന്നെയൊന്നു ഹോസ്പിറ്റലിൽ കൊണ്ട് പോ.. പ്ലീസ്… എന്റെ കയ്യും കാലും ഒടിഞ്ഞിട്ടാ ഉള്ളത്.. വേദന സഹിക്കാൻ പറ്റുന്നില്ല..”
അവൻ കരഞ്ഞു കൊണ്ട് മറുപടി പറഞ്ഞു.. നന്നായി കള്ളും മണക്കുന്നുണ്ട് അവനെ.. ഓർമ്മ പോലും കിട്ടാതെ ഇമ്മാതിരി തല്ല് തല്ലിയത് ആരാണാവോ..
“അച്ചോടാ.. നല്ല വേദനയുണ്ടോ… ഏത് കൈ ആയിരുന്നു ഒടിഞ്ഞത്…”
ഞാൻ ചോദിച്ചതിന് അവൻ ഒടിഞ്ഞ കൈ കാണിച്ചു തന്നതും… ഒട്ടും താമസിപ്പിച്ചില്ല അവന്റെ മറ്റേ കൈ ഞാൻ പിടിച്ചു ഒടിച്ചതും ഒരുമിച്ചായിരുന്നു.. അവൻ എന്തേലും ശബ്ദമുണ്ടാക്കുന്നതിന് മുന്നേ അവിടെക്കിടന്ന ഒരു തുണിയെടുത്തു അവന്റെ വായിൽ തിരുകി ഞാൻ..
“നിന്നെയൊക്കെ ഇപ്പൊ അടിച്ചു പപ്പടം ആക്കിയത് ആരാണെന്ന് എനിക്കറിയില്ല.. പക്ഷെ ഒരു കാര്യം നീയൊക്കെ മനസ്സിൽ വച്ചോ.. ഇനി നീയൊക്കെ അവളുടെ മെക്കട്ട് കയറിയാൽ.. കൊല്ലും ഞാൻ.. ചുമ്മാ അങ്ങു കൊല്ലില്ല.. പച്ചയ്ക്ക് തീകൊളുത്തും നിന്നെയൊക്കെ…
അപ്പൊ വരട്ടെ.. എന്തായാലും കുറച്ചു മാസങ്ങൾ കഴിയാതെ നിന്നെക്കൊണ്ടുന്നും സ്വയം പോയി ഒന്ന് മുള്ളാൻ കൂടി പറ്റില്ല.. കർമ ഈസ്‌ അ ഭൂമറാങ് ബിച്ച്…”
അത്രയും പറഞ്ഞു ഞാൻ നടന്നകന്നു..
സോഫി വണ്ടിക്കരികിൽ കവിളിൽ കയ്യും വച് എന്തോ കാര്യായിട്ട് ആലോചിച്ചിരിക്കുന്നുണ്ട്.. എന്നോട് ഒന്നും മിണ്ടാൻ നിന്നില്ല അവൾ.. കവിളിൽ കൈ വച് ദേഷ്യത്തോടെ നിക്കുന്ന കണ്ടിട്ട് ഞാനും ഒന്നും മിണ്ടാൻ പോയില്ല.. കരണം അടിച്ചത് കുറച്ചു പവർ കൂടിപ്പോയോന്നൊരു ഡൌട്ട്..
അങ്ങനെ നമ്മൾ പെട്ടന്ന് തന്നെ ബീച്ചിൽ എത്തി.. വഴിയിലുടനീളം ഒന്നും സംസാരിചിട്ടില്ലായിരുന്നു നമ്മൾ.. ബീച്ചിൽ സോഫിയുടെ വണ്ടിക്കടുത്തു ഞാൻ വണ്ടി നിർത്തി.. അവൾ ഒന്നും മിണ്ടാതെ എന്റെ വണ്ടിയിൽ നിന്നിറങ്ങി അവൾടെ സ്കൂട്ടിയിൽ കയറി ഇരുന്ന് സ്റ്റാർട്ട്‌ ചെയ്തു.. ഞാൻ ഒന്നും മിണ്ടാതെ അതും നോക്കിയിരുന്നു..
പെട്ടന്നാണ് സോഫി വണ്ടി ഓഫ്‌ ചെയ്തു വീണ്ടും എന്റെ അടുത്തേക്ക് വന്നു..
“മ്മ് എന്തെ…”
ഞാൻ നല്ല ഗൗരവത്തിൽ തന്നെ ചോദിച്ചു..
“എന്റെ ഫോൺ താടാ പട്ടി…”
“പട്ടിന്നോ..ഇങ്ങോട്ട് വാടി കുരിപ്പേ.. ചെറുതായി ഒന്നടിച്ചതിന് ഇത്ര ജാടയോ നിനക്ക്..”
അവളെ പിടിച്ചു വണ്ടിക്ക് മുന്നിൽ എനിക്കു അഭിമുകമായി ചെരിച്ചു ഇരുത്തിയിട്ട് ഞാൻ പറഞ്ഞു..
“ചെറുതായിട്ടോ.. ഇത് നോക്ക് എന്റെ മുഖം ആകെ നീര് വച്ചു..എനിക്കു നന്നായി വേദനടുത്തു..ഒന്ന് പേടിപ്പിച്ചാൽ പോരായിരുന്നോ.. ഞാൻ സ്വബോധത്തിലേക്ക് വരുമായിരുന്നല്ലോ.. ഒരുമാതിരി അടിയായിപ്പോയി..”
സോഫി ചിണുങി ചിണുങി പറഞ്ഞു..
“സോറി നീ ക്ഷമിക്ക്…കുറച്ചു കൂടിപ്പോയെന്നറിയാം പറ്റിപ്പോയി..ദേ വേണെങ്കി എന്റെ കവിളത്തും അടിച്ചോ അത് പോലെ..”
ഞാൻ കണ്ണടച്ചു എന്റെ കവിൾ കാണിച്ചു കൊടുത്തു സോഫിക്ക്..നല്ല ഒരു അടി പ്രതീക്ഷിച്ച എനിക്കു ഒരു ചുടു ചുംബനമായിരുന്നു കിട്ടിയത്..ഞാൻ കണ്ണ് തുറന്നു..
“താങ്ക്സ് ”
“എന്തിനാ താങ്ക്സ് ഒക്കെ..”
“നീ എന്റെ മനസ്സ് മാറ്റിയില്ലായിരുന്നെങ്കി വലിയ ഒരു തെറ്റ് ചെയ്തേനെ ഞാനിന്ന്.. എന്നെ തന്നെ ഞാൻ വെറുക്കേണ്ടി വന്നേനെ..”
സോഫി എന്റെ മുഖം തലോടികൊണ്ട് പറഞ്ഞു..എന്നിട്ട് മെല്ലെ എന്റെ ചുണ്ടിൽ ഉമ്മ വച്ചു.. അതൊരു ദീർഘചുംബനത്തിലേക്ക് നീണ്ടു..അതികം വൈകിക്കാതെ തന്നെ നമ്മൾ വിട്ടു പിരിഞ്ഞു.. കരണം ഉറക്ക് കണ്ണിൽ പിടിച്ചിരുന്നു..
അങ്ങനെ സോഫിയെ വീട് വരെയാക്കി ഞാനും പെട്ടന്ന് തന്നെ വീട്ടിലേക്ക് പുറപ്പെട്ടു..
“ഇയാളിത് എവിടെ.. നിന്റെ വിദ്യ ഒന്നും കാണിക്കുന്നില്ലേ..ഇന്ന് ബീച്ചിൽ നടന്നത് നിന്റെ എന്തോ കളിയാണെന്ന് എനിക്കു നന്നായിട്ട് അറിയാം..”
തിരിച്ചു പോകവേ ഞാൻ ഉറക്കെ ആ സ്ത്രീയോട് ചോദിച്ചു.. അവൾ കേൾക്കുന്നുണ്ടെന്ന് എനിക്കു ഉറപ്പായിരുന്നു..
പക്ഷെ ഞാൻ ചോദിച്ചതിന് മറുപടി ഒന്നും വന്നില്ല..
“നിങ്ങളെന്താ ഇപ്പൊ എന്റെ മനസ്സിൽ വരാത്തത്.. അല്ലെങ്കിൽ ചുമ്മാ വന്ന് എന്നെ ഡിസ്റ്റർബ് ചെയ്യുന്നതാണല്ലോ.. മര്യാദക്ക് പറഞ്ഞോ എന്നെയെന്താ ചെയ്തത് നിങ്ങൾ.. നീന്താൻ അറിയാത്ത ഞാൻ എങ്ങനെയാ ഇന്ന് നീന്തിയത്.. ഞാനെന്തു കൊണ്ട നനയാതെ കടലിൽ ഇറങ്ങിയിട്ടും.. എനിക്കു അറിയണം എല്ലാം..പറയാൻ…”
ഞാൻ വീണ്ടും ദേഷ്യത്തോടെ അലറിക്കൊണ്ട് പറഞ്ഞു..
പറഞ്ഞു തീർന്നതും എന്റെ ബോധം മറഞ്ഞതും ഒന്നിച്ചായിരുന്നു..
“ഹഹഹഹ… നീയാള് കൊള്ളാലോട… എന്തായിരുന്നു ബീച്ചിൽ പരിപാടി…”
ആ സ്ത്രീ പൊട്ടിച്ചിരിച്ചുകൊണ്ട് ചോദിച്ചു.. ഞാൻ ആകെ ചൂളിപ്പോയി.. അപ്പൊ ഇവൾ എല്ലാം കണ്ടോ.. മൈര്..
“എന്തെ ഇപ്പൊ ഒന്നും പറയാനില്ലേ നിനക്ക്..കുറച്ചു മുൻപ് അലറുവായിരുന്നല്ലോ.. എന്ത് പറ്റി..”
വീണ്ടും എന്നെ ആകികൊണ്ട് ആ സ്ത്രീ ചോദിച്ചു..
“നിങ്ങൾക്ക് നാണമില്ലേ ഇതൊക്കെ ഒളിഞ്ഞു നോക്കാൻ..”
“ഓഹോ.. കണ്ണിൽ കണ്ടെടുത്തുന്നൊക്കെ തോന്ന്യത് ചെയ്യുമ്പോ ആലോചിക്കണമായിരുന്നു.. എന്നിട്ടിപ്പോ ഞാൻ ഒളിഞ്ഞു നോക്കിന്ന്..”
അവൾ വളരെ സാധാരണയായിട്ടാണ് എന്നോട് സംസാരിച്ചത്.. എന്നോട് വളരെ അടുപ്പമുള്ള ആരോ സംസാരിക്കുന്നത് പോലെ..എന്നെ തന്നെ അത്ഭുതപ്പെടുത്തി അത്…
“ഞാൻ എന്ത് ചെയ്തെന്നാ.. മനുഷ്യന്മാരൊക്കെ ചെയ്യുന്നത് തന്നെയല്ലേ ഞാനും ചെയ്തുള്ളു..”
ഞാനും ഒട്ടും വിട്ടു കൊടുക്കാൻ നിന്നില്ല..
“ഹ്മ്മ് നീ മനുഷ്യനോ മൃഗമോ എന്ന് എനിക്കിപ്പോ സംശയായി തുടങ്ങി..നിന്നെ ഇങ്ങനെ കെട്ടഴിച്ചു വിട്ടാൽ പറ്റില്ല.. വരട്ടെ.. വഴിയുണ്ടാകാം…”
“അല്ല.. നിങ്ങളാരാ.. നിങ്ങളെന്തിനാ ഇങ്ങനെ എന്റെ കാര്യത്തിൽ ഇടപെട്ടുകൊണ്ടിരിക്കുന്നത്.. ഞാൻ എനിക്കു ഇഷ്ട്ടുള്ളത് ചെയ്യും.””
ഞാൻ ദേഷ്യത്തോടെ പറഞ്ഞു..
“നിന്റെ കാര്യത്തിൽ ഇടപെടാനുള്ള അവകാശമുള്ളത് കൊണ്ട്.. ”
വളരെ കൂൾ ആയിട്ട് തന്നെ അവർ മറുപടി പറഞ്ഞു..
“എന്തവകാശം.. നിങ്ങൾ വീണ്ടും എന്നെ കളിപ്പിക്കുകയാണോ… ഞാൻ ചോദിച്ചതിന് ആദ്യം മറുപടി പറ.. എന്നെയെന്തിനാ ഇന്ന് ബീച്ച്ലേക്ക് വരുത്തിച്ചത്.. നാളായല്ലേ എന്നോട് വരാൻ പറഞ്ഞത് “
“ഓഹോ അപ്പൊ അതൊക്കെ ഓർമയുണ്ടായിരുന്നോ.. ഞാൻ നീ വരില്ലെന്ന് വിചാരിച്ചു.. അത് കൊണ്ട് വരുത്തിച്ചു.. അത്ര തന്നെ..”
