“എന്റെ പൊന്നല്ലേ…ഞാൻ വെറുതേ പറഞ്ഞതാ…പിടി വിട് മോളെ.. പ്ലീസ്…നാണം കെടുത്തല്ലേ…നല്ല വേദനയാ…!
ചുറ്റിനുമുള്ള ആരെങ്കിലും ശ്രദ്ധിക്കുന്നുണ്ടോയെന്ന് നോക്കികൊണ്ട് ഞാൻ ചാരുവിനോട് പറഞ്ഞു.. അല്ല യാചിച്ചു….. കാലത്തി അങ്ങനേലും ഒന്ന് പിടി വിട്ടാലോ…. വിചാരിക്കണ പോലല്ല പെണ്ണിന് ഒടുക്കത്തെ സ്റ്റാമിനായാണ്……..
“ഹൗ……”!!!!!
ഒടുക്കമൊരു പിച്ചല് കൂടി തന്നവൾ പിടി വിട്ടു……ഹമ്മേ…നീറുന്നു പണ്ടാരം…
ഞാൻ വേഗം തന്നെ ഷർട്ടൊന്ന് പൊക്കി നോക്കി…വെളുത്ത ശരീരമായത് കൊണ്ടന്നെ പെണ്ണ് പിടിച്ചു തിരിച്ചിടത്ത് നാരങ്ങ അച്ചാറിട്ടത് പോലെ ചുവന്നു കിടപ്പുണ്ട് വട്ടത്തിൽ….
“ദേ നോക്ക്…മുറിഞ്ഞെന്ന തോന്നണേ…!
ആരോടെന്നില്ലാതെ സ്വയം പറഞ്ഞോണ്ട് ഞാൻ തന്നെ ഇരുന്ന് വയറു തിരുമ്മാൻ തുടങ്ങി…. വേറാരും വരില്ലെന്ന് എനിക്ക് നന്നായിട്ടറിയാം.. പ്രത്യേകിച്ച് അടുത്തിരിക്കുന്ന സാധനംതിരിഞ്ഞു കൂടി നോക്കുകേല…. അഹ് അല്ലേലും വടി കൊടുത്തടി വാങ്ങിയതല്ലേ…അപ്പൊ പിന്നെ സ്വയമിരുന്നങ് അനുഭവിക്ക.. അത്രതന്നെ….
ഒടുക്കം തിരുമ്മി തിരുമ്മി വേദനയൊരല്പം കുറഞ്ഞപ്പോ ഇതൊക്കെ ചെയ്ത് കൂട്ടിയതിനെ ഒന്ന് നോക്കി…
എണ്ണടി എണ്ണ്…നീയിരുന്നു മരങ്ങളുടെ കണക്കെഴുത്…ഇതിനൊക്കെ ഞാൻ പകരം ചോദിച്ചിരിക്കും…. എന്നെ പിച്ചിയതിനും മാന്തിയതിനും എല്ലാത്തിനും എണ്ണി എണ്ണി കണക്ക് ചോദിച്ചിരിക്കും…ഹും….
സ്വയമേ പറഞ്ഞാശ്വസിച്ചുകൊണ്ട് ഞാൻ വീണ്ടുമാ കമ്പിയിൽ തലവെച്ചു കിടന്നു…എങ്ങാനും ചിലപ്പോ പാവം തോന്നി വീണ്ടും വന്നു മിണ്ടിയലോ…അപ്പൊ പിടിച്ചു എയറിൽ കേറ്റാം….. വല്യ പ്ലാനൊക്കെയാ ഞാനവിടെ അതേ ഇരുപ്പ് ഇരുന്നു മിസ്സ്‌ വരുമെന്ന പ്രതീക്ഷയിൽ…. പക്ഷേ ചോതിയും വന്നില്ല കൂ…..അല്ലെങ്കിൽ വേണ്ട ബാക്കി പറയണില്ല… ഇടക്കെപ്പോഴോ ട്രൈയിനൊന്ന് കുലുങ്ങിയപ്പോളാണ് ഞാൻ കണ്ണ് തുറന്നത്….
മൈര് ആകെ മൊത്തമൊരു മന്ദത….ഓഹ്…ചാരിയിരുന്ന അതേ ഇരുപ്പിൽ തന്നെ ഞാനങ്ങു ഉറങ്ങിപോയന്നെ…..കയ്യിലെ വാച്ചിൽ നോക്കിയപ്പോ സമയം പതിനൊന്നു മണി…
ഇത്രനേരം ഞാനിരുന്ന് ഉറങ്ങിയോ….. ആകെ മൊത്തം സംശമായിരുന്നപ്പോളാണ് കൂടെ വന്നിരുന്ന ഒന്നിന്റെ കാര്യം ഓർമ്മ വന്നത്…പെണ്ണിതെവിടെ പോയെന്ന് നോക്കാനൊന്ന് തല തിരിച്ചപ്പോളാണ് നല്ല ചൂട് കാറ്റന്റെ കഴുത്തിലേക്ക് അടിച്ചത്…
വഴക്കിട്ട് ഇരുന്നവളാണ്ടെ എന്റെ തോളും ചാരി കിടന്നുറങ്ങുന്നു….. ഞാനൊന്നനങ്ങിയപ്പോളാണ് പെണ്ണൊന്നൂടെ ചേർന്ന് ഇരുന്നത് അതായത് മുഖമെന്റെ കഴുത്തിലേക്ക് അടുപ്പിച്ചത്…
“ചാരു…!!
മെല്ലെയവളുടെ തോളിലൊന്ന് തട്ടി വിളിച്ചു നോക്കി…ഒരനക്കവുമില്ല നല്ല സുഖമായുള്ള ഉറക്കമാണെന്ന് തോന്നുന്നു…
“ടി പെണ്ണെ…. എണീറ്റെ….!!
ഞാനൊന്നൂടെ തട്ടി വിളിച്ചു…ഇവളെ ഇപ്പോളെ എണീപ്പിച്ചു വിടണം അല്ലെങ്കിൽ എന്റെ ബോഡിയുടെ ഒരുഭാഗം തന്നെ തളർന്നു പോകാൻ സാധ്യതയുണ്ട്…മറ്റൊന്നുമല്ല പെണ്ണിങ്ങനെ തന്നെ കിടന്നിട്ട് എന്റെ തോളിന്റെ ഒരു സൈഡ് എനിക്ക് അറിയാൻ പറ്റുന്നില്ല…ശരീരത്തിൽ അങ്ങനെയൊരു ഭാഗമേ ഇല്ലായെന്ന് തോന്നിപ്പോകും…
“എണീക്ക് പെണ്ണെ…നിന്റെയീ കുഞ്ഞിതലക്ക് ഇത്രയും ഭാരമോ.. “
അവളുടെ മുഖത്തേക്ക് വീണു കിടന്ന ഒരുപറ്റം മുടികളെ മെല്ലേ പിറകിലേക്ക് ഇട്ടുകൊണ്ട് ഞാൻ വിളിച്ചു…. വിളിച്ചിട്ടും വിളിച്ചിട്ടും എണീക്കാതായപ്പോ ഒടുക്കം കുലുക്കി വിളിച്ചാണ് മിസ്സിനെ എണീപ്പിച്ചത്…. ഒറക്കച്ചടവിൽ ഞെട്ടി എണീറ്റ മിസ്സൊന്നും മനസിലാവാതെ ചുറ്റിനുമിരുന്ന് നോക്കുന്നത് കണ്ടു.. ഒടുക്കമാ കൃഷ്‌ണമണികളിൽ എന്നെ കണ്ടപ്പോളാണ് ആ ചുണ്ടുകളിൽ എന്നും കാണുന്നൊരു ചിരി വിടർന്നത്..
“നല്ല ഉറക്കമായിരുന്നെന്ന് തോന്നുന്നല്ലോ…?
സീറ്റിൽ നിവർന്നിരുന്നുകൊണ്ട് ഞാൻ ചോദിച്ചു….. ഉത്തരമൊന്നും പ്രതീക്ഷിക്കണ്ടയെന്ന് എനിക്ക് ആദ്യമേ തോന്നിയിരുന്നു…കാരണം ചാരുവിന്റെ ബ്രെയിനിൽ കാര്യങ്ങളൊക്കെ ലോഡ് ആയികൊണ്ട് ഇരിക്കുവാണ്…അതാണ് പെണ്ണാ ചിരിയോടെ തന്നെ പതുങ്ങിയിരിക്കുന്നത്….
പാവത്തിന്റെ ഉറക്കം വിട്ട് മാറാത്ത മുഖവും കണ്ണുകളും കണ്ടപ്പോ വിളിച്ചെണീപ്പിക്കേണ്ടിയിരുന്നില്ലായെന്ന് വരെ തോന്നിപ്പോയി….
“നിന്റെ ഉറക്കം മാറിയില്ലേ…വാ…””
ചുമ്മാതൊന്ന് വിളിച്ചു നോക്കിയതാണ് പക്ഷെ പെണ്ണാണെങ്കിൽ അത് കേൾക്കാൻ വേണ്ടി കാത്തിരുന്നത് പോലെ നീങ്ങി നീങ്ങി വന്നെന്റെ തോളിൽ പഴയത് പോലെ ചാരിയിരുന്നു…കാല് രണ്ടും സീറ്റിലേക്ക് കയറ്റി മടക്കി വച്ചിട്ടുണ്ട്… അപ്പോ വിശാലമായൊരു പള്ളിയുറക്കത്തിനുള്ള പുറപ്പാടിലാണ്…..
ഒന്ന് കണ്ണടച്ച് തുടങ്ങിയാലപ്പോ തന്നെ എണീറ്റ് മാറി അപ്പുറത്തെ സീറ്റിലേക്ക് ഇരിക്കാമെന്ന പ്ലാനിൽ ഞാനിരുന്ന് കണക്ക് കൂട്ടിയെങ്കിലും അതെല്ലാം അപ്പാടെ തെറ്റിച്ചുകൊണ്ട് പെണ്ണെന്റെയൊരു കൈ പിടിച്ചു അവളുടെ നെഞ്ചിലേക്ക് ചേർത്ത് വച്ചൊരൊറ്റയുറക്കം……………ശെടാ…ഇവള്ടെ ഉറക്കം കളഞ്ഞു പകരം വീട്ടാമെന്ന് പ്ലാൻ ചെയ്ത ഞാനാരായിപ്പോ…. ഏതായാലും ഈ പിടുത്തമിപ്പോളൊന്നും വിടുകേലന്ന് ഉറപ്പായതോടെ ഞാനും സൈഡിലേക്ക് തലവെച്ചു ഉറങ്ങാനൊരു ശ്രമം നടത്തി…ആദ്യമൊന്നും ഉറക്കമെന്നെ കടക്ഷിച്ചില്ലെങ്കിലും ഇടക്കെപ്പോഴോ കണ്ണുകളടച്ചപ്പോളാ ഇരുട്ടിൽ ചാരുവിനെ കണ്ടതും മെല്ലേ മെല്ലേ ഞാനും ഉറക്കത്തിലേക്ക് വീണു പോയി
——————————–
സത്യം പറയാലോ…. ഈ ട്രെയിൻ യാത്രപോലെ ബോറടിച്ചൊരു പരിപാടിയും വേറെയില്ല.. പ്രത്യേകിച്ച് രണ്ടും മൂന്നും ദിവസമൊക്കെ നീണ്ടു പോകുന്ന യാത്രകൾ….. ഇരുന്നിരുന്നു ചത്തെന്നു തന്നെ പറയാം ഞാനും ചാരുവും…ഇടക്കെപ്പോഴോ TTR വന്നു ടികെറ്റൊക്കെ നോക്കിയിട്ട് പോയി…വെറുതെ ഇരുന്ന് വട്ടാവുമ്പോ ഞാനോരോന്നും പറഞ്ഞു മിസ്സിനെ പ്രാന്താക്കാൻ ചെല്ലും അവളതിനെല്ലാം കയ്യിലെ വിരലും നഖവുമുപയോഗിച്ചു മറുപടിയും തരും.. പിന്നെ ഞാൻ കൊറച്ചു നേരത്തേക്ക് അങ്ങനെയൊരാൾ കൂടെയുണ്ടന്നെ പോലും മൈൻഡ് ചെയ്യാതിരിക്കും…. പലപ്പോഴും വെള്ളകൊടിയുമായി ഒത്തുതീർപ്പിനായി ചാരു തന്നെയാണ് വരാർ…അങ്ങനെ പിണങ്ങിയും വഴക്കടിച്ചും നുള്ളിപ്പറിച്ചും അന്നത്തെ ദിവസവും കടന്നു പോയി…ഇടക്ക് വീട്ടിൽ നിന്ന് അമ്മയും അച്ഛനും വിളിച്ചു പ്രശ്നങ്ങൾ എന്തെങ്കിലും ഉണ്ടോയെന്നു അന്വേഷിക്കും…
ഒടുക്കം വേറൊരു പണിയുമീ ട്രെയിനിനകത്തു ചെയ്യാനില്ലെന്ന ബോധം വന്നതും ഞാനുമിരുന്നു മിസ്സിന്റെ കൂടെ ഏതോ വെബ് സീരീസ് കാണാൻ തുടങ്ങി…. സംഭവം നല്ല രസമാണ് കണ്ടിരിക്കാൻ.. ഭാഷയൊന്നും മനസിലായില്ലെങ്കിലും കഥയെന്താണെന്ന് ചാരു ഇടക്കിടക്ക് പറഞ്ഞു തരും…ഞാനതും കേട്ടിരിക്കും……. ഇടക്ക് വിശപ്പ് വരുമ്പോ ട്രെയിനിനകത്തു കൂടെ വിൽക്കാൻ കൊണ്ടുനടക്കുന്ന കടലയും സമൂസയുമൊക്കെ വാങ്ങി കഴിച്ചോണ്ടിരുന്നു ഞാൻ…മിസ്സിന് പിന്നെ അതൊന്നും പറ്റുകേല…നാട്ടീന്നു കേറിയപ്പോ തന്നെ കെട്ടിപൊതിഞ്ഞു കൊണ്ടുവന്ന കൊറേ എണ്ണക്കടികളും വറുത്തതും കരിച്ചതുമൊക്കെയായി അവളുടെ ഭക്ഷണം…. രാത്രി ആയപ്പോ ബിരിയാണിയും ചപ്പാത്തിയുമായൊക്കെ ഒരു പയ്യൻ കേറി വന്നു…