ദീപക്ക് പറഞ്ഞത് ശരിയാണ്. കോളേജിനടുത്തു തന്നെ കുറച്ചു കൂടി സൗകര്യമുള്ള വീട് ഉണ്ടോ എന്ന് നോക്ക്. പിന്നെ കാറിൻ്റെ കാര്യം വലിയ വാഹനമായാൽ കോളേജിൽ അത് സ്റ്റാൻഡ് ഔട്ട് ചെയ്യും. തത്കാലം ജേക്കബ് സാർൻ്റെ ജീപ്പ് തന്നെ നോക്കാം അവർ മുൻപ് കുറച്ചു നാൾ കൊണ്ടുനടന്നതല്ലേ”
“ബോയ്സ് നാളെ ഞാൻ ഹൈദരബാദ് പോകും. സെൽവൻ ആയിരിക്കും ഓപ്പറേഷൻ ഹെഡ് ചെയ്യുക. അർജ്ജുനെ ഡീൽ ചെയ്യേണ്ടത് അരുണും. “
പിറ്റേ ദിവസം രാവിലെ ജീവ ഫ്ലൈറ്റിൽ ഹൈദരബാദിലേക്ക് പുറപ്പെട്ടു. ഹൈദരബാദ് ലാൻഡ് ചെയ്ത് ഉടനെ ജീവക്ക് വിശ്വനാഥൻ്റെ കാൾ എത്തി.
“ജീവ നീ ഇപ്പോൾ തന്നെ ബാംഗ്ലൂർക്ക് തിരിക്കണം. അവിടെ സഞ്ജയ് കൊലപ്പെട്ടിരിക്കുന്നു. പിന്നെ ഒരാൾ കൂടി മരണപ്പെട്ടിട്ടുണ്ട്. maybe his attacker ഇന്നലെ രാത്രിയാണ് സംഭവം. രാവിലെ പത്രം ഇടാൻ ചെന്നവരാണ് കണ്ടത്. ലോക്കൽ പോലീസ് സ്ഥലത്തു എത്തിയിട്ടുണ്ട്. നമ്മുടെ ആളാണ് എന്ന് ഇതുവരെ അറിയിച്ചിട്ടില്ല. ഐ.ബി.യിൽ നിന്നുള്ള ആർബാസ് സ്ഥലത്തു എത്തിയിട്ട് റിപ്പോർട്ട് ചെയ്യും. ലോക്കൽ പോലീസുമായി ആൾ കോർഡിനേറ്റ് ചെയ്തോളും. തത്ക്കാലം ത്രിശൂൽ exposed ആകേണ്ട. “
“നമ്മൾ നിതിൻ്റെ ഫോൺ ഉപയോഗിച്ചു ട്രാപ് സെറ്റ് ചെയ്തിരുന്നു. പെട്ടന്ന് കൊച്ചിയിലേക്ക് ആളുകളെ മാറ്റിയപ്പോൾ ട്രാപ്പ് വീക്കായി പോയി. ഞാൻ കമ്പ്ലീറ്റ് ഉത്തരവാദിത്തം ഏറ്റെടുക്കുന്നു. “
“അതൊക്കെ പിന്നെ റിവ്യൂ ചെയ്യാം. നീ അരുണിൻ്റെയും ദീപക്ക് പിന്നെ സ്റ്റാൻലി മൂന്നു പേരെയും അറിയിച്ചേരെ അവർ ഒരു ടീം ആയി വർക്ക് ചെയ്തല്ലേ. ഞാൻ ഡൽഹിയിൽ നിന്ന് കൊച്ചിയിലേക്ക് പകരം ആളെ വിടാം. പിന്നെ പുതിയ കോബ്ര സ്ട്രൈക്ക് ടീമിനെ ബാംഗ്ലൂർക്കും. lets hunt down those bastards. “
“ശരി സാർ. “
ജീവ നീ അവിടെ ചെന്നിട്ട് മതി അരുണിനെ അറിയിക്കുന്നത്. “
കുറച്ചു ദിവസങ്ങൾ മുൻപ് ബാംഗ്ലൂർ കോക്സ് ടൗൺ:
നേരത്തെ നിശ്ചയിച്ച പ്രകാരം ആദീൽ സലീമിനെയും ജാഫറിനെയും കണ്ടു മുട്ടി. ആദീൽ എത്തിയപ്പോഴേക്കും സലീമും ജാഫറും കൂടി ഒരു വീട് തന്നെ വാടകക്ക് എടുത്തു. അതും നല്ല സൗകര്യങ്ങൾ ഉള്ള ഒരു വീട്. പിന്നെ റെഡി ക്യാഷ് കൊടുത്തു രണ്ടു സെക്കൻഡ് ഹാൻഡ് ബൈക്ക് വാങ്ങി. രാജയുടെ വീട്ടിൽ നിന്ന് എടുത്ത പണം കൈയിലുള്ളത് കൊണ്ട് കാശിനു യാതൊരു ബുദ്ധിമുട്ടില്ല.
കൂടാതെ പുതിയ മൊബൈൽ ഫോണുകളും സിം കാർഡുകളും വാങ്ങി. അടുത്ത പരിപാടി ചിദംബരൻ ഹാക്ക് ചെയ്തെ അഡ്രസ്സ് നിരീക്ഷിക്കുക എന്നതാണ്. ശിവയുടെ കൂട്ടുകാരൻ നിതിൻ്റെ സോഷ്യൽ മീഡിയ ഫോട്ടോ ഉള്ളത് കൊണ്ട് ആളു തന്നയാണോ അവിടെ താമസസിക്കുന്നത് എന്നറിയാൻ ബുദ്ധിമുട്ടില്ല.
നിരീക്ഷണം നടത്തേണ്ട അഡ്രസ്സ് ഗൂഗിൾ മാപ്പ് നോക്കിയപ്പോൾ തന്നെ സലീമിന് അത് ഒരു ട്രാപ് ആണെന്ന് മനസ്സിലായി. കാരണം ആ വീട് ഒരു വഴിയുടെ (റോസ് സ്ട്രീറ്റ് ) അവസാനമായാണ് സ്ഥിതി ചെയുന്നത്. signal triangulation വഴി ഇടതു വശത്തെ അവസാന വീടായിരിക്കണം എന്നാണ് ചിദംബരത്തിൻ്റെ അടുത്തു നിന്ന് മനസ്സിലാക്കിയത്. മെയിൻ റോഡിൽ നിന്ന് 300 മീറ്റർ മാത്രം ഉള്ള ചെറിയ വഴി. ഒരു ഡെഡ് എൻഡ്. എങ്കിലും സലീം നേരിട്ട് പരിശോധിക്കാൻ തീരുമാനിച്ചു. പക്ഷേ അത് ചിലപ്പോൾ മാറി എന്ന് വരാം.
രാവിലെ നടക്കാൻ പോകുന്ന എന്ന വ്യാജനെ സലീം ആ വഴി ലക്ഷ്യമാക്കി നീങ്ങി. അന്നേരമാണ് സലീം ഒരു കാര്യം ശ്രദ്ധിച്ചത് അതു കൊണ്ട് അവൻ ആ വഴിയിൽ കയറാതെ തിരികെ വന്നു. എന്നിട്ട് ആദിലിനെയും ജാഫറിനെയും വിളിച്ചിട്ടു ഒരു പേപ്പർ എടുത്തു ഒരു മാപ് വരച്ചു.
“ഇത് ശരിക്കും ഒരു കെണിയാണ്. റോസ് സ്ട്രീറ്റ് തുടങ്ങുന്നിടത്ത് ഈ ഭാഗത്തു ബാങ്ക് ഉണ്ട്. ഒപ്പം ബാങ്കിനോട് ചേർന്ന് ATM മെഷീൻ. എൻ്റെ അനുമാനം ശരിയാണെങ്കിൽ ഈ വഴിയിലൂടെ പോകുന്നവരെ നിരീക്ഷിക്കാൻ ഇവിടെ ഒരു ക്യാമറ ഉണ്ടാകും. അതു കൊണ്ട് നീ ATM ൽ കയറി പൈസ എടുക്കാനെന്ന വ്യാജേനെ പരിശോധിക്കണം. ഇപ്പോൾ വേണ്ട പീക്ക് ടൈം നോക്കി പോയാൽ മതി.