പിന്നെ ഇത് ഇവിടെ കുഴിച്ചു മൂടിയേരെ. സഞ്ജയുടെ ശരീര ഭാഗങ്ങൾ അടങ്ങിയ കവർ തിരിച്ചു നൽകി.
പിന്നെ അതികം താമസിക്കാതെ സലീം അവിടന്ന് ഇറങ്ങി. പക്ഷേ ഹൈദ്രരബാദിന് അല്ല പോയത്. പകരം മംഗലാപുരത്തേക്കാണ് പോയത്.
ചെന്നൈ SRM യൂണിവേഴ്സിറ്റി ക്യാമ്പസ്:
ചെന്നൈ SRM കോളേജ് ക്യാമ്പസ്:
രാവിലെ എത്തിയ സി.ഐ ഭദ്രൻ റെയിൽവേ സ്റ്റേഷനടുത്തുള്ള ഒരു ഹോട്ടലിൽ റൂം എടുത്തു. ബ്രേക്ഫാസ്റ് ഒക്കെ കഴിച്ച ശേഷം നേരെ SRM യൂണിവേഴ്സിറ്റിയിലേക്ക് തിരിച്ചു.
രാവിലെ തന്നെ ഉദയ് യൂണിവേഴ്സിറ്റി ഡീനിനെ കണ്ട് എല്ലാം സെറ്റാക്കി. IB ID കാർഡ് കാണിച്ചതോടെ എല്ലാം എളുപ്പമായി. പിന്നെ കമ്പ്യൂട്ടർ സയൻസ് ഡിപ്പാർട്മെൻ്റെ ഹെഡിനെ കണ്ടു അർജ്ജുവിൻ്റെയും രാഹുലിൻ്റെ പ്രൊഫൈൽ നൽകി പറയേണ്ട കാര്യങ്ങളുടെ ഒരു ബ്രീഫ് നൽകി.
“യൂണിവേഴ്സിറ്റി സിസ്റ്റത്തിൽ തന്നെ ലോഗിൻ ചെയ്‌താലും ഡീറ്റെയിൽസ് ഒക്കെ കാണും. സംഭവം ശരിയാണ്.
അത് കേട്ടപ്പോൾ HOD ഒന്ന് അമ്പരന്നു. അയാൾ അത് ചെക്ക് ചെയ്‌തു നോക്കി.
“സാർ ഇന്ന് ഒരു ദിവസത്തേക്ക് ഞാൻ നിങ്ങളുടെ ഡിപ്പാർട്മെൻ്റെലെ asst പ്രൊഫസ്സർ ആണ്. കൂടുതൽ ചോദ്യങ്ങൾ ചോദിക്കുകയാണെങ്കിൽ എന്നെ വിളിച്ചാൽ മതി. വരുന്ന ആളോട് അവരുടെ പ്രൊജക്റ്റ് ഗൈഡ് ആയിരുന്നു എന്ന് പറഞ്ഞാൽ മതി”
പത്തരയോടെ ഭദ്രൻ യൂണിവേഴ്സിറ്റിയിൽ എത്തി. ആദ്യം അഡ്മിനിസ്‌ട്രേറ്റീവ് ബ്ലോക്കിൽ പരീക്ഷ കൺട്രോളറുടെ ഓഫീസിലേക്കാണ്. അവിടെ പരീക്ഷ കൺട്രോളറെ കണ്ടു. ID കാർഡ് കാണിച്ചു
“സാർ ഞാൻ കേരള പോലീസിൽ നിന്നാണ്. വ്യാജ ഡിഗ്രി പരാതി കിട്ടിയിട്ടുണ്ട്. അതിനെ പറ്റി അറിയാൻ ആണ്. unofficial ആയി പറഞ്ഞാൽ മതി. “
അയാൾ അർജ്ജുവിൻ്റെയും രാഹുലിൻ്റെയും ഡിഗ്രീ സെർട്ടിഫിക്കറ്റുകളുടെ കോപ്പി നൽകി.
“കോപ്പി കണ്ടിട്ട് ഇത് ഇവിടത്തെ സർട്ടിഫിക്കറ്റ് ആണെന്ന് തോന്നുന്നു. എങ്കിലും സിസ്റ്റത്തിൽ ചെക്ക് ചെയ്‌തു നോക്കാം. “
അയാൾ ചെക്കിൻ ചെയ്‌തു നോക്കി
“സാർ രണ്ടു പേരും ഇവിടെ പഠിച്ചതാണ്. ആരോ വ്യാജ പരാതി തന്നതാകും. “
അയാൾ മോണിറ്റർ കാണിച്ചു.
“സാർ, ഇത് എൻ്റെ കാർഡ് ആണ്. കൂടുതൽ എന്തെങ്കിലും അറിയണമെങ്കിൽ വിളിച്ചാൽ മതി .”
ഭദ്രൻ നന്ദി പറഞ്ഞിറങ്ങി.
കൂടുതൽ കാര്യങ്ങൾ അറിയാൻ അയാൾ കമ്പ്യൂട്ടർ സയൻസ് ഡിപ്പാർട്മെൻ്റെ HOD യെ കണ്ടു.
“ഞാൻ ഭദ്രൻ കേരള പോലീസിൽ നിന്നാണ്.”
അയാൾ ID കാർഡ് കാണിച്ചു.
“ഇവിടെ പഠിച്ചിരുന്ന രണ്ടു പേരെ കുറിച്ച് അറിയാനാണ്. ഒരു അർജ്ജുൻ ദേവും രാഹുൽ കൃഷ്‌ണ.”
“ അർജ്ജുൻ ദേവ് രാഹുൽ കൃഷ്‌ണ, അറിയാം നല്ല സ്റ്റുഡൻസ് ആണ്. കൂടുതൽ അറിയണമെങ്കിൽ അവരുടെ പ്രൊജക്റ്റ് ഗൈഡിനെ വിളിക്കാം.”
അയാളുടെ സംസാരം കേട്ടപ്പോൾ ഭദ്രന് ചില സംശയങ്ങൾ തോന്നി. സാധരണ ഒരാൾ എന്തിനാണ് അന്വേഷിക്കുന്നത് എന്ന് ക്യൂരിയോസിറ്റിയുടെ പുറത്തു ചോദിക്കും. ഇവിടെ HOD യുടെ ഭാഗത്തു നിന്ന് അങ്ങനെ ഉണ്ടായില്ല. പോരാത്തതിന് കാണാതെ പഠിച്ചു പറയുന്ന പോലെ റെഡി മെയ്‌ഡ്‌ ഉത്തരം . പിന്നെ മുഖത്തു ചെറിയ ഒരു പരിഭ്രമം. എങ്കിലും ഭദ്രൻ അത് പുറത്തു കാണിച്ചില്ല. കൂടുതൽ അന്വേഷിക്കേണ്ടിയിരിക്കുന്നു.
“ശരി സാർ ഒന്ന് വിളിക്കാമോ? HOD ആളെ വിട്ട് ഉദയനെ വിളിപ്പിച്ചു. “
ഉദയ് കടന്നു വന്നപ്പോൾ തന്നെ ഭദ്രൻ ശ്രദ്ധിച്ചു. ആള് ചെറുപ്പമാണ് പിന്നെ ID TAG പുതിയതായി തോന്നി. എങ്കിലും അയാൾ അത് പുറത്തു കാണിച്ചില്ല.
“സാർ ഞാൻ കേരള പോലീസിൽ നിന്നാണ്. രണ്ടു പേർ വ്യാജ ഡിഗ്രീ സർട്ടിഫിക്കറ്റ് വെച്ച് ജോലിക്ക് കയറി എന്നൊരു പരാതി കിട്ടിയിട്ടുണ്ട്. ഒരു അർജ്ജുൻ ദേവ് പിന്നെ രാഹുൽ കൃഷ്ണൻ “
ഭദ്രൻ മനഃപൂർവ്വം നുണ പറഞ്ഞു.
“അന്വേഷിച്ചപ്പോൾ അവർ ഇവിടെ പഠിച്ചവർ തന്നെയാണ്. HOD പറഞ്ഞു സാർ ആണ് പ്രൊജക്റ്റ് ഗൈഡ് എന്ന് അത് കൊണ്ട് ഒന്ന് കാണാം എന്ന് കരുതി.”
ഭദ്രൻ തിരിച്ചും മറിച്ചുമൊക്കെ ചോദിച്ചെങ്കിലും ഉദയൻ സമ്മർഥമായി ഉത്തരങ്ങൾ പറഞ്ഞു.
ഉച്ചയോടെ ഭദ്രൻ അവിടന്ന് ഇറങ്ങി. ഭദ്രൻ്റെ പിന്നാലെ ത്രിശൂൽ ചെന്നൈ ടീമിലെ ആൾ ഉണ്ടായിരുന്നു. നേരെ ഒരു ഹോട്ടലിൽ കയറി ഫുഡ് ഓർഡർ ചെയ്‌തു.
അറിഞ്ഞടത്തോളം അവർ അവിടെ തന്നെയാണ് പഠിച്ചത്. പക്ഷേ എന്തോ അങ്ങോട്ട് ശരിയാകുന്നില്ല. Asst Prof Uday kumar was too good. പക്ഷേ ഇനി എങ്ങനെ അന്വേഷിക്കും. ആ ബാച്ചിൽ പെട്ട ആരെയെങ്കിലും കിട്ടാതെ നിജസ്ഥിതി അറിയാൻ സാധിക്കില്ല. ഊഹങ്ങൾ വെച്ചു ലെന മാഡാത്തിൻ്റെ അടുത്തു ഒന്നും പറയാൻ പറ്റില്ല.
എന്തായാലും രാത്രി തന്നെ തിരിച്ചു പോകണം. കൂടുതൽ ദിവസം ഇവിടെ നിന്നാൽ തൻ്റെ ജോലി തന്നെ പോകും.
ഭക്ഷണം കഴിച്ചു ശേഷം ഹോട്ടലിൽ പോയി വിശ്രമിച്ചു. വൈകിട്ടുള്ള ട്രെയിനിൽ ടിക്കറ്റ് ബുക്ക് ചെയ്‌ത ശേഷം റെയിൽവേ സ്റ്റേഷനിൽ പോയി. റെയിൽവേ സ്റ്റേഷൻ വരെ ത്രിശൂൽ agent സി ഐ ഭദ്രനെ പിന്തുടർന്നു. അന്വേഷണം അവസാനിപ്പിച്ചു തിരിച്ചു പോകാനാണ് എന്ന് മനസ്സിലായപ്പോൾ അയാൾ തിരിച്ചു പോയി.
ട്രെയിൻ വരാൻ ഇനിയും സമയമുണ്ട്. ഭദ്രൻ വീണ്ടും ആലോചനയിലാണ്.
താൻ കണ്ട പരീക്ഷ കൺട്രോളർ നുണ പറഞ്ഞതായി തോന്നുന്നില്ല. അയാൾ സിസ്റ്റം ചെക്ക് ചെയ്‌ത അവർ അവിടെയാണ് പഠിച്ചത് എന്ന് കൺഫേം ചെയ്‌തു. ഡിപ്പാർട്മെൻ്റെ HOD ആണ് നുണ പറഞ്ഞതായി തോന്നിയത്. പക്ഷേ അതു കഴിഞ്ഞു കണ്ട ഉദയ് കുമാർ എല്ലാം കൃത്യമായി ആണ് പറഞ്ഞത്. He was too good, too good to be a professor.
പെട്ടന്ന് ഭദ്രന് ഒരു ഐഡിയ തോന്നി. അയാൾ ടെലിഫോൺ ബൂത്തിൽ പോയി വിസിറ്റിംഗ് കാർഡ് എടുത്ത് പരീക്ഷ കോൺട്രോളറെ വിളിച്ചു.
“സാർ ഞാൻ ഭദ്രൻ രാവിലെ കണ്ടിരുന്നു.”
“മനസ്സിലായി സാർ”
“എനിക്ക് നിങ്ങളുടെ കമ്പ്യൂട്ടർ സയൻസ് ഡിപ്പാർട്മെൻ്റെലെ ഉദയ് സാറിൻ്റെ contact ഒന്ന് തരാമോ.”
“ഉദയ് എന്ന് തന്നയാണോ പേര്. എൻ്റെ അറിവിൽ അങ്ങനെ ഒരു പ്രൊഫസർ ആ ഡിപ്പാർട്മെൻ്റെൽ ഇല്ലല്ലോ”
കുറച്ചു നേരത്തേക്ക് ഭദ്രന് എന്തു പറയണം എന്നറിയാതെ നിന്നു.
“സാർ, Department HOD നമ്പർ മതിയോ?”
“no thank you ഇപ്പോൾ ആവിശ്യമില്ല.”
ഭദ്രൻ ഫോൺ വെച്ചു.
ഭദ്രനോടാണ് കളി. ഇതിൻ്റെ പിന്നിലെ കളി എന്തായാലും ഈ ഭദ്രൻ കണ്ടെത്തിയിരിക്കും.
ത്രിശൂൽ ഓഫീസ് ബാംഗ്ലൂർ:
ജീവയുടെ നേതൃത്വത്തിൽ മീറ്റിങ് നടക്കുകയാണ്. ജീവ, സ്റ്റാൻലി ബാംഗ്ലൂർ ടെക് ടീമിലെ റോണി. പിന്നെ IB ഏജൻറ് അർബ്ബാസ് ,ഓൺലൈൻ ആയി വിശ്വനാഥനുമുണ്ട് പക്ഷേ അത് ജീവക്ക് മാത്രമേ അറിയുകയുള്ളൂ.
സഞ്ജയുടെ മൃതദേഹം പോസ്റ്റ്മോർട്ടം കഴിഞ്ഞു സ്വദേശമായ മധ്യപ്രദേശിലേക്ക് ചാർട്ടേർഡ് ഫ്ലൈറ്റിൽ കൊണ്ടുപോയിരിക്കുകയാണ്‌. അരുണും ദീപക്കുമാണ് കൂടെ പോയിരിക്കുന്നത്.
“അർബാസ് ഫോര്മാലിറ്റീസ് എളുപ്പമാക്കി മൃതദേഹം വിട്ടു കിട്ടാൻ ഇടപെട്ടതിന് നന്ദി. അന്വേഷണ പുരോഗതി ഒന്ന് അപ്ഡേറ്റ് ചെയ്യാമോ?”
