” ആഹാ അന്തസ്സ്…അപ്പൊ പരിപാടി ഒക്കെ കഴിഞ്ഞ സ്ഥിതിക്ക് ഒരു കാര്യം പറയാം… ഈ ബസ്സിൽ കാണുന്ന തരുണീമണികളുടെ മുന്നിൽ അഭ്യാസം കാണിക്കാൻ ഇമ്മാതിരി പരിപാടിയായി ഇറങ്ങിയാൽ ഇതുപോലെ നല്ലത് കിട്ടും… കേട്ടോ കൂട്ടുകാരാ… ”
ഞാൻ ബസ്സിലെ പെൺപിള്ളേരെ ചൂണ്ടി കാണിച്ച് അവനെ ഒന്ന് കുലുക്കി കൊണ്ട് പറഞ്ഞു… പക്ഷെ അവന് തിരിച്ചൊന്നും പറയാനുണ്ടായിരുന്നില്ല… ആകെ ചമ്മി നാറീല്ലെ…
” അപ്പൊ പോട്ടേ… ഭാഗ്യം ഉണ്ടേൽ വീണ്ടും കാണാം… ”
ഞാൻ അവനെ നോക്കി ചിരിച്ചുകൊണ്ട് പറഞ്ഞ് തിരിഞ്ഞു നടന്നു…കൂടെ അവന്മാരും…പക്ഷെ ദിവ്യ അവിടെ നിന്ന നിൽപ്പ് തന്നെയാണ്…
” ഡീ നീ വരുന്നില്ലേ… ”
ഞാൻ അവളെ നോക്കി വിളിച്ചു ചോദിച്ചു… അതോടെ ഏതോ സ്വപ്നത്തിൽ നിന്ന് ഞെട്ടിയ പോലെ അവള് ഓടി ഞങ്ങടെ അടുത്തേക്ക് വന്നു…ഇതിന്റെ കിളിയൊക്കെ പോയീന്നാ തോന്നുന്നെ….
” ഡാ ഒരു മിനിറ്റ്… ”
തിരിച്ച് നടക്കാൻ തുടങ്ങിയതും അഭി എന്നെ നോക്കി പറഞ്ഞു… എന്നിട്ട് തിരിച്ച് പോയി ആ ഡ്രൈവറ് ചെക്കനിട്ടൊന്ന് ചെറിയ രീതിയിൽ പൊട്ടിച്ച് തിരിച്ച് വന്നു…
” അതു ഇന്നലെ കൊടുക്കാൻ തന്നുവിട്ടതാ… “
അഭി ഞങ്ങളെ നോക്കി ചിരിച്ചുകൊണ്ട് പറഞ്ഞു
” ഹോ ഞാനത് മറന്നു…ഇപ്പൊ വരാവേ… ”
അഭിക്ക് പിന്നാലെ ശ്രീയും പോയി…
” മോനെ ഒന്നും കരുതല്ലേടാ…നിനക്ക് ഞങ്ങടെ ചങ്ങായി സ്പെഷ്യൽ ആയിട്ട് തന്നതാ… തന്നില്ലൽ അവൻ പിണങ്ങും… ”
ഡ്രൈവർ ചെക്കനോട് ചിരിച്ചുകൊണ്ട് പറഞ്ഞ് ശ്രീയും ഒന്ന് ചെറുതായി പൊട്ടിച്ചു… അതോടെ വെടി വഴിപാട് നല്ല വെടിപ്പായി കഴിഞ്ഞതോടെ ഞങ്ങൾ വണ്ടി വച്ച സ്ഥലത്തേക്ക് തിരിച്ചു നടന്നു…ഇതൊക്കെ കണ്ട് ആൾക്കാര് ഞെട്ടുന്നുണ്ടായിരുന്നു… പിന്നെ ഞങ്ങടെ ഒപ്പം വന്ന പിള്ളേവർക്ക് ഇത് അത്ര വലിയ പുത്തരിയൊന്നുമല്ല എപ്പോഴും കാണുന്നതല്ലേ…പിന്നെ ദിവ്യയുടെ കിളി പണ്ടെങ്ങാനും പോയതാ…അതെനി പെട്ടെന്ന് വരൂന്ന് തോന്നുന്നില്ല….
കുറച്ച് മുന്നോട്ട് നടന്നതും നന്ദുവും പിള്ളേരും വേറെ ദിശയിലേക്ക് നടന്നു…അവന്മാര് അപ്പുറത്തെ ഭാഗത്താണ് വണ്ടി വച്ചത്… പിന്നെ കോളേജീന്ന് പിള്ളാരുള്ളോണ്ട് വണ്ടി ഒക്കെ ഫുള്ളാ… അതോണ്ട് അവള് തന്നെ ശരണം….
” നീയിതേത് ലോകത്താ…വന്ന് വണ്ടി എടുക്ക്… ”
വണ്ടിയുടെ അടുത്തെത്തിയതും കിളി പാറി നടക്കുന്ന അവളുടെ നേരെ ചാവി നീട്ടിക്കൊണ്ട് ഞാൻ ചോദിച്ചു…
അതോടെ അവള് പെട്ടെന്ന് ഞെട്ടിക്കൊണ്ട് ചാവി വാങ്ങി വണ്ടി കേറി…അതോടെ ഞാനും വണ്ടിയുടെ പുറകിൽ കേറി…
“മ്മ് പോവാം… ”
വണ്ടീ കേറിയതും ഞാൻ പറഞ്ഞു… അതോടെ അവള് വണ്ടി മുന്നോട്ടേക്കെടുത്തു… യാത്രയിൽ അവളൊന്നും സംസാരിക്കുന്നുണ്ടായിരുന്നില്ല… ഞെട്ടൽ മാത്രേ ഇപ്പൊ ഈ സാധനത്തിനുള്ളൂ….
” ഡീ ഹമ്പ്…. ബ്രേക്കിഡ്…. ”
മുന്നിലൊരു ഹമ്പ് കണ്ടതും ഞാൻ പുറകീന്ന് വിളിച്ചു പറഞ്ഞു…പക്ഷെ എവിടുന്ന്… അപ്പോഴേക്കും വണ്ടി അത് ചാടി കേറിയിരുന്നു…ഞാൻ പുറകിലിരുന്ന് ചെറുതായി ഒന്ന് തുള്ളി പ്പോയി…ഭാഗ്യം ചെറിയ സ്പീഡിൽ ആയതോണ്ട് ഒന്നും പറ്റിയില്ല..അല്ലേൽ ഞാൻ പുറകീന്ന് പറന്നേനെ…
” നീയെന്നെ കൊല്ലുവോ….കിനാവ് കണ്ട് വണ്ടി ഓടിക്കാതെ നേരെ നോക്കി ഓടിക്ക്… ”
ഞാൻ പുറകിലിരുന്ന് കണ്ണാടിയിലൂടെ അവളെ നോക്കി ചീറി…
” സോറി ഞാൻ കണ്ടില്ല… ”
അവളെന്നെ നോക്കി പതിഞ്ഞ സ്വരത്തിൽ മറുപടി പറഞ്ഞു…അതിന് ഞാൻ ഒന്ന് മൂളിയതല്ലാതെ പിന്നൊന്നും പറഞ്ഞില്ല…പക്ഷെ എന്റെ ഭാഗ്യത്തിന് അതിന് ശേഷം അവള് ശ്രദ്ധിച്ചാണ് വണ്ടി ഓടിച്ചത്…
അങ്ങനെ കുറച്ചു സമയത്തെ യാത്രയ്ക്കൊടുവിൽ കോളേജെത്തി…ഞാൻ അവളോട് ഉള്ളിലേക്ക് എടുത്തോന്ന് പറഞ്ഞു…അല്ലാതെ പുറത്തിറങ്ങി നടക്കാൻ ഒന്നും എനിക്ക് വയ്യാ…അതോടെ അവൾ വണ്ടി ഉള്ളിലേക്കെടുത്തു…
” പാട്ടൊക്കെ ഉണ്ടല്ലോ…അപ്പൊ എന്തോ ആർട്ട്സിൻ്റെ പരിപാടി ഉണ്ട്… ”
കോളേജീന്നുള്ള പാട്ട് കേട്ട് ഞാൻ ആരോടെന്നില്ലാതെ പറഞ്ഞു… പിന്നെ കുറച്ച്
മുന്നോട്ട് ഞങ്ങടെ സ്ഥലത്തിനടുത്തെത്തിയതും ഞാൻ അവളോട് വണ്ടി നിർത്താൻ പറഞ്ഞു…അതോടെ അവള് വണ്ടി നിരത്തി…പിള്ളേരൊക്കെ മതിലിന് മുകളിൽ ഇരിക്കുന്നുണ്ട്… അതോണ്ട് ഞാൻ കുറച്ചു മാറിയാണ് വണ്ടി നിരത്താൻ പറഞ്ഞത്….