ഞാൻ കലിപ്പിൽ ഫോണെടുത്ത് അവളോട് ചീറി…
” അല്ല നിൻ്റമവാൻ തെങ്ങിൻ്റെ മണ്ടേന്ന് താഴോട്ട് വീണു…. പെട്ടന്നൊരു
ആംബുലൻസുമായി വാ… എന്നിട്ട് പെറുക്കി എടുത്ത് പോ… ”
എൻ്റെ മറുപടിക്ക് ഇച്ചിരി മാസ്സ് കൂട്ടി അവള് അതേ നാണയത്തിൽ ഒരു കൗണ്ടറടിച്ചു…
” അല്ലപിന്നെ ഇങ്ങോട്ട് വിളിച്ചതും പോരാ…എന്നെ കൊണ്ടൊന്നും പറയിപ്പിക്കരുത്… ”
അവള് ഞാൻ എന്തേലും പറയാൻ തുടങ്ങും മുന്നേ വീണ്ടും ചീറി…അപ്പോളായിരുന്നു തെറ്റ് നമ്മുടെ ഭാഗത്താണല്ലോന്ന് ഞാൻ ഓർത്തത്….
” അത് പിന്നെ അറിയാതെ കൈ തട്ടിയതല്ലേ…അപ്പൊ തന്നെ കട്ടാക്കിയല്ലോ… പിന്നെന്തിനാ വിളിച്ച് ശല്ല്യം ചെയ്യുന്നേ… ”
ഞാൻ കാര്യം പറഞ്ഞു കൊണ്ട് തിരിച്ചടിച്ചു…
” പിന്നേ…ശല്ല്യം ചെയ്യാൻ പറ്റിയ മൊതല്….ഞാൻ ജ്യോത്സ്യനൊന്നുമല്ല നീ കൈ തട്ടി വിളിച്ചതാണെന്ന് അക കണ്ണിൽ കാണാൻ… ”
എൻ്റെ വിശദീകരണം കേട്ടതും അവള് പുച്ഛത്തോടെ മറുപടി പറഞ്ഞു…
” അത് ചിന്തിക്കാൻ ജ്യോത്സ്യം ഒന്നും പഠിക്കണ്ടടി പുല്ലേ…സ്വയം ഒന്ന് കണ്ണാടിയിൽ നോക്കിയാ മതി…നിന്നെ പോലൊരു സാധനത്തിന്റെ ഒക്കെ ആര് വിളിക്കാനാ… ”
അവളുടെ മറുപടി പിടിക്കാത്ത ഞാൻ തിരിച്ചടിച്ചു…
” ദേ…വേണ്ടാട്ടോ…എനിക്ക് ചൂടാവുന്നുണ്ടേ… ”
എൻ്റെ ചൊറിഞ്ഞ തിരിച്ചടി കേട്ടതും അവള് ദേഷ്യത്തോടെ പറഞ്ഞു…
” ആണോ…എന്നാ ആ ചൂടിൽ കൊറച്ച് റേഷനരി വേവിച്ച് നിൻ്റണ്ണാക്കിലിട്ട് മൂടടി പുല്ലേ… ”
ഞാൻ അവളെ കളിയാക്കി പറഞ്ഞ് ഫോണ് കട്ടാക്കി…എന്തൊരാശ്വാസം….പക്ഷെ തിരിഞ്ഞ് നോക്കുമ്പോൾ ആര്യ മിസ്സ് കൈയ്യും കെട്ടി എന്നെ നോക്കി നിക്കുന്നു…. അതോടെ ഞാനൊന്ന് ചമ്മി…സംസാരിച്ചതൊക്കെ കേട്ട് കാണുമോ…??
” റേഷനരി ഇല്ല ബസുമതി അരി മതിയോ..?? ”
മിസ്സ് അതേ നിൽപ്പിൽ എന്നോട് ചോദിച്ചു…അപ്പൊ എല്ലാം കേട്ടു എന്ന് സാരം
” ഹേ എന്താ… ”
ഞാൻ കേട്ടിട്ടും കേൾക്കാത്ത പോലെ അഭിനയിച്ചു…
” അല്ല റേഷനരി ഇല്ല ബസുമതി അരി മതിയോന്ന്…നല്ല അരിയാ വേവും ഗുണവും ഒക്കെ ഉണ്ട്…എന്താ ഒരു ചാക്കെടുക്കട്ടെ… ”
മിസ്സെൻ്റെ പൊട്ടൻ കളി കണ്ട് വീണ്ടും എന്നെ നോക്കി ചോദിച്ചു..
” അത് പിന്നെ മിസ്സേ… അമ്മ… വരുമ്പൊ അരി വാങ്ങാൻ……. “
” മോനേ വേണ്ട ഞാൻ തുടക്കം മുതലേ കേട്ടു…സോ ബുദ്ധിമുട്ടെണ്ടാ… ”
ഞാൻ വായിൽ വന്ന കള്ളം എങ്ങനൊക്കയോ പറഞ്ഞൊപ്പിക്കുമ്പോഴേക്കും മിസ്സ് ചാടി കേറി പറഞ്ഞു… ഞാൻ ആണെങ്കിൽ ” അടിപൊളി ബാ പോവാം… ” ആ സീനിലും ആയി….
” എന്താടാ നീയൊക്കെ ഇങ്ങനെ… ഏതവളോടാ ഈ കെടന്ന് കീറുന്നെ…നിനക്ക് ഇതിനൊക്കെ പുറത്ത് സമയം കിട്ടില്ലേ…ക്ലാസിൽ വരുമ്പോളാണോ… ഇതിനൊക്കെ സമയം… ”
എൻ്റെ മിണ്ടാട്ടം കണ്ടിട്ട് മിസ്സ് കടുപ്പത്തിൽ തന്നെ ചോദിച്ചു
” അതിന് മിസ്സേ ക്ലാസിൻ്റെ വെളിയിലല്ലേ… ”
ഞാൻ പെട്ടന്ന് വന്ന ഒരു സംശയം അങ്ങ് ചോദിച്ചു… പക്ഷെ വേണ്ടായിരുന്നില്ല…അത് കേട്ടതും മിസ്സിന്റെ മുഖത്ത് കലിപ്പ് ഭാവം വരുന്നത് കണ്ടു….
” എന്നെ കൊണ്ടൊന്നും പറയിപ്പിക്കണ്ടാ…ക്ലാസീന്ന് പൊറത്താക്കിയത് അവനഭിമനത്തോടെ പറയുവാ…ഏത് നേരത്താണോ ഇതിനെ ഒക്കെ ഇങ്ങോട്ടേക്ക് കെട്ടിയെടുത്തേ…കേറി പോയി വാല്ല്യു എഴുതി കാണിക്കടാ… ”
മിസ്സ് ക്ലാസ്സിലേക്ക് വിരല് ചൂണ്ടി ചീറി… അതോടെ ഞാൻ വേഗം ഉള്ളിലേക്ക് കയറി അവൻ്റടുത്തേക്ക് വിട്ടു…അല്ലേൽ ഭദ്രകാളി എന്നെ കൊല്ലും…
” നിനക്ക് സമാധാനം ആയല്ലോ നാറീ… ”
അവൻ്റടുതെത്തിയതും ഞാൻ അവളുടെ ബുക്ക് നോക്കി വാല്ല്യു പകർത്തി എഴുത്തുന്ന അവനെ നോക്കി ചീറി…
” അയിന്…ഞാനിയാളെ എന്തോ ചെയ്യ്തു…എന്നെ പേനെയെടുത്തെറിയാൾ ഞാൻ പറഞ്ഞോ… ”
എഴുതുന്നതിൽ നിന്നും ശ്രദ്ധ മാറ്റാതെ തന്നെ അവൻ എനിക്ക് മറുപടി തന്നു…
” അണ്ടി… എന്നെ കൊണ്ടൊന്നും പറയിപ്പിക്കണ്ട…. ”
അടുത്തൊരു പെണ്ണിരിക്കുന്ന ഓർമ്മ ഒന്നും ഇല്ലാതെ ഞാൻ മിസ്സിന് മുന്നിൽ നാറിയ കലിപ്പിൽ അവനോട് ചീറി… പിന്നെ അല്ലേലും അവളെ ആര് മൈൻ്റ് ചെയ്യാൻ പോകുന്നു..അവള് കേട്ടാ എനിക്ക് മൈരാ…
” ഹലോ… ഇവിടെ ഒരു പെണ്ണിരിക്കുന്ന കാര്യം ഓർമ്മ വേണം… ”
എൻ്റെ വിളി കേട്ട് അവളൊരാക്കിയ ചിരിയോടെ പറഞ്ഞു
” അയിന് ഞാനെന്താക്കണം നിൻ്റടിപ്പാവാട അലക്കി തരണോ…മിണ്ടതിരുന്നെഴുതീട്ട് പോടി… ”
അവളുടെ ചോദ്യത്തിന് ഉള്ളിലുള്ള കലിപ്പിൽ അവനു കൊടുത്ത അതേ നാണയത്തിൽ തന്നെ ഞാൻ മറുപടി കൊടുത്തു…
” ശെടാ….ഞാനെന്ത് ചെയ്യ്തിട്ടാ എൻ്റെ നെഞ്ചത്തോട്ട് കേറുന്നെ… ”
അവളെൻ്റെ മറുപടി കേട്ട് കടുപ്പത്തിൽ പറഞ്ഞു…
” രണ്ടും ഒന്ന് മിണ്ടാതിരിക്കുവോ…. മനുഷ്യനെ മെനക്കെടുത്താൻ… ”
ഞങ്ങളുടെ സംസാരം കേട്ട് നന്ദു ആരോടെന്നില്ലാതെ ചീറി…
” നീ മിണ്ടിപോകരുത്…നീ വാ തൊറക്കരുത്….പുറത്ത് എത്തീട്ട് ബാക്കി തരാം…
”
അവനെ നോക്കി കടുപ്പത്തിൽ പറഞ്ഞ് ഞാനും വാല്ല്യു നോക്കി എഴുതാൻ തുടങ്ങി…
പിന്നെ കുറച്ച് നേരത്തെ എഴുത്തിന് ശേഷം അത് മിസ്സിനെ വിളിച്ച് കാണിച്ച് സൈൻ വാങ്ങി പോകാൻ ഒരുങ്ങി…. അപ്പോഴായിരുന്നു മറ്റവളുടെ കോൾ വീണ്ടും വന്നത്…നമ്പറ് സേവ് അല്ലെങ്കിലും എനിക്ക് കണ്ട് പരിചയം ഉണ്ട്….
” ഇവക്ക് കിട്ടിയതൊന്നും പോരെ… ”
ഞാൻ മേശയ്ക്കു മീതേ വച്ച ഫോണിൽ അവളുടെ കോൾ കണ്ടതും ആരോടെന്നില്ലാതെ പറഞ്ഞു…
പക്ഷെ ഞാൻ കോൾ കട്ടാക്കാൻ ഫോണെടുക്കും മുൻപേ നന്ദു കോളെടുത്ത് സപീക്കറിലിട്ടു… റെക്കോർഡ് ബട്ടണും ഞെക്കി എന്ന് തോന്നുന്നു…
” ഡാ നന്ദു വേണ്ട…. കട്ടാക്കിയേക്ക്… തമാശ കളിക്കല്ലേ… ഫോണിങ്ങ് താ…. ”
ഞാൻ അവനെ നോക്കി കടുപ്പത്തിൽ പറഞ്ഞ് ഫോൺ തരാൻ കൈ നീട്ടി…
” ഹലോ…നിനക്കെന്താ ഫോണെടുത്താ പ്രശ്നം…എത്ര നേരായി ഞാൻ കെടന്നു വിളിക്കുന്നു…അത്രയ്ക്കേ ഉള്ളു അല്ലേ എന്നോടുള്ള സ്നേഹം… ”
ഫോണിലൂടെ ദിവ്യയുടെ ശബ്ദം ഉയർന്നു…അതൊരു കൂട്ട ഞെട്ടലിന് വഴിയാക്കി…ഞാൻ ഞെട്ടിക്കോണ്ട് കണ്ണ് മിഴിച്ചു പോയി…നന്ദുവും ആതിരയും അതേ അവസ്ഥയിൽ…എനിക്കാണേൽ തൊണ്ടയിൽ ഉമിനീര് വറ്റിയ അവസ്ഥ… ശബ്ദം പുറത്തു വരുന്നില്ല…
” എന്താ ഒന്നും പറയാനില്ലേ…നീ ഇപ്പൊ വിളിക്കും ഇപ്പൊ വിളിക്കും എന്ന് പ്രതീക്ഷിച്ചിരുന്ന ഞാൻ പൊട്ടി….നീ രാത്രി ഹോസ്പിറ്റലിൽ കൂട്ടുകാരൊക്കെ ഉറങ്ങിയാൽ കൊഞ്ചാനും ചേർത്ത് പിടിക്കാനും വാ കേട്ടോ…കാണിച്ച് തരാം ഞാൻ…. ”
അത്രയും കൂടി പറഞ്ഞവള് ഫോണ് കട്ടാക്കിയതോടെ ഞാൻ നിന്നുരുകി…നായിൻ്റെ മോള് അവൻ കേൾക്കുന്നുണ്ട് എന്നറിഞ്ഞപ്പൊ എനിക്കിട്ട് വച്ചതാണ്….പക്ഷെ ഞാനിതെന്ത് പറഞ്ഞിവനെ വിശ്വസിപ്പിക്കും…
” കള്ളാ പരനാറി…നിന്റെ രാത്രിയിലെ കളികാണല് ഇതായിരുന്നല്ലേ… ”
അവനെൻ്റെ കള്ളി പിടിച്ച പോലെ പല്ലിറുമ്മി പറഞ്ഞു…
” ഡാ നീ കരുതും പോലെ ഒന്നുമല്ല…അവള് നീ കേൾക്കുന്നുണ്ടെന്നറിഞ്ഞ് തട്ടിവിട്ടതാ… ”
