അവൻ ചിരി അടക്കി എന്നോട് മറുപടി പറഞ്ഞു
” എന്നെകൊണ്ടോന്നും പറയിക്കണ്ട മൈരേ… മര്യാദയ്ക്ക് അവിടെങ്ങാനും ഇരുന്നാ പോരായിരുന്നോ… ”
ഞാൻ ശബ്ദം താഴ്ത്തി പല്ലിറുമിക്കൊണ്ടവനോടായി പറഞ്ഞു
” എന്താ രണ്ടാളും പിറുപിറുക്കുന്നെ…മനസ്സിലെൻ്റെ തന്തയ്ക്ക് വിളിക്കുവായിരിക്കും…അല്ലേ… ”
ഞങ്ങടെ കുശുകുശുപ്പ് കണ്ട് മിസ്സ് ചോദിച്ചു
” കറക്ക്റ്റ്…. ”
നന്ദു പെട്ടന്ന് ബോധമില്ലാതെ ഉറക്കെ തന്നെ പറഞ്ഞു…അതോടെ ഞാൻ മിണ്ടാതിരി മൈരേന്ന് പറഞ്ഞവൻ്റെ വായ പൊത്തി…ഇതൊക്കെ കണ്ട് ലാബ് ചെയ്യുന്ന ക്ലാസിലെ ബാക്കി എല്ലാം കിണിക്കുന്നുണ്ട്…
” അത് പിന്നെ ടീച്ചറെ മൂകാംബിക ക്ഷേത്രത്തിൽ വച്ച് ഇവൻ്റെ കൊച്ചിൻ്റെ ചോറൂണായിരുന്നു…അതാ രണ്ട് ദിവസം വരാഞ്ഞെ… ”
ഞാൻ പെട്ടന്ന് വായിൽ വന്ന കള്ളം വിളിച്ചു പറഞ്ഞു…പക്ഷെ ഉദേശിച്ചതല്ല പറഞ്ഞത് എന്ന് പറഞ്ഞു കഴിഞ്ഞപ്പോളായിരുന്നു മനസ്സിലായത്…
” ആരുടേ…ഇവൻ്റെയോ…? ”
എൻ്റെ മറുപടി കേട്ടതും മിസ്സ് ചിരിച്ചുകൊണ്ട് ചോദിച്ചു.. ഒപ്പം ക്ലാസിലെ പിള്ളാരുടെ കിണി വേറെയും..നന്ദുവെ നോക്കിയപ്പോൾ അവനെന്നെ നോക്കി പല്ലിറുമ്മുന്നു…അപ്പോഴായിരുന്നു എനിക്കും അമളി പറ്റിയത് മനസ്സിലാക്കിയത്…
” അത് പിന്നെ മാറിപ്പോയി ഇവൻ്റെയല്ല…ഇവൻ്റെ ചേട്ടൻ്റെ… ”
ഞാൻ ചമ്മിയ മുഖഭാവത്തോടെ പറഞ്ഞൊപ്പിച്ചു…നന്ദു എന്നെ ഇപ്പൊ കൊല്ലും എന്നർത്ഥത്തിൽ നോക്കി ദഹിപ്പിക്കുന്നുണ്ട്…
” ഓ അങ്ങനെ..ഞാൻ കരുതി ഏതോ പാവപ്പെട്ട പെൺകുട്ടീടെ ജീവിതം തൊലഞ്ഞെന്ന്… ”
എൻ്റെ മറുപടി കേട്ടതും ടീച്ചറ് നന്ദുവെ നോക്കി കളിയാക്കി ചിരിച്ചുകൊണ്ട് പറഞ്ഞു…അതിന് അവനെന്റെ കാലിനിട്ടൊരു ചവിട്ടു തന്നു…
” മ്മ് ശരി കേറിക്കോ…എനിക്കെന്താ… പഠിക്കാൻ ഉദേശമുണ്ടേൽ വല്ലപ്പോഴുമെങ്കിലും ഇങ്ങോട്ടേക്ക് വന്നോ… ”
മിസ്സ് ഞങ്ങളെ നോക്കി പറഞ്ഞു. എന്നിട്ട് കേറികോളാൻ കൈ കാട്ടി…അതോടെ ഞങ്ങള് രണ്ടും ഉള്ളിലേക്ക് കയറി…
” അതാ ആതിര… അവിടെ ചെയ്യുന്നുണ്ട് അവളാ നിങ്ങടെ ടീം മേറ്റ്…. ”
ഉള്ളിലേക്ക് കയറിയതും ആതിരയെ ചുണ്ടികാണിച്ച് ആര്യമിസ്സ് പറഞ്ഞു…
അതോടെ എനിക്ക് വരേണ്ടിയിരുന്നില്ലാന്ന് തോന്നി…എനി അതിന്റെ ചൊറി സഹിക്കണ്ടേ…ഏത് നേരത്താണോ കെട്ടി എടുക്കാൻ തോന്നിയത്… പക്ഷെ നന്ദു അവളുടെ അടുത്തേക്ക് നീങ്ങി..ഒടുക്കം സഹിക്കെട്ട് ഞാനും…
” അല്ല രണ്ടാളും എവിടായിരുന്നു…ലാബ് ചെയ്യേണ്ട ബോധം ഒന്നൂല്ല്യേ… ”
ഞങ്ങളടുത്തെത്തിയതും ആതിര ഒരു ചിരിയോടെ ചോദിച്ചു
” ചന്ദ്രനിൽ ഒരു കിണറ് കുഴിക്കാൻ പോയതാ… എന്ത്യേ…നിന്ന് കിന്നരിക്കാണ്ട് ചെയ്യുന്ന കാര്യം എന്താന്ന് പറഞ്ഞ് താടി… ”
അവളുടെ ചോദ്യം കേട്ടതും നന്ദു അവളെ കളിയാക്കി ചിരിച്ചുകൊണ്ട് പറഞ്ഞു…ഞാൻ ആണെങ്കിൽ അധികം സംസാരിക്കാൻ നിന്നില്ല…
” ഉണ്ട…നേരോം കാലോം നോക്കാതെ കേറി വരും എന്നിട്ടെൻ്റെ നെഞ്ചത്ത് കേറിക്കോ… അല്ലപിന്നെ… ആ സർക്യൂട്ട് സെറ്റാക്ക്… ”
അവൻ്റെ കളിയാക്കല് പിടിക്കാത്തതു കൊണ്ടവള് കടുപ്പത്തിലാണ് മറുപടി പറഞ്ഞത്…ഒപ്പം ചെയ്യേണ്ട എക്സ്പിരിമെൻ്റിനെ പറ്റിയും പറഞ്ഞു…പിന്നൊന്നും നോക്കാതെ ഞാൻ വേഗം സർക്യൂട്ട് സെറ്റ് ചെയ്യാൻ തുടങ്ങി…
കുറച്ച് നേരത്തെ പണിക്കൊടുവിൽ സർക്യൂട്ട് സെറ്റാക്കി…പക്ഷെ വാല്ല്യു മാറുന്നില്ല…എവിടെയോ എന്തോ തകരാറുണ്ട്…
” ഡാ നീയാ കോപ്പർ വയറൊന്ന് തൊട്ടേ… ”
ഞാൻ നന്ദുവെ നോക്കി പറഞ്ഞു…പൊട്ടൻ അത് കേൾക്കേണ്ട താമസം തൊട്ട് നോക്കി…അടുത്ത നിമിഷം ഷോക്ക് കിട്ടി കൈ വലിച്ചു…
” ഡാ പട്ടീ…… ”
അവൻ എന്നെ നോക്കി ചീറി…
” അപ്പൊ കറൻ്റുണ്ട്… എവിടെയോ ലൂസ് കോണ്ടാക്റ്റായതാ പ്രശ്നം…. ”
ഞാൻ അവനെ നോക്കി ഇളിച്ചുകൊണ്ട് പറഞ്ഞു…പിന്നെ ചെറിയ എക്പിരിമെൻ്റായോണ്ട് അത്ര വല്ല്യ കറൻ്റൊന്നും ഇല്ല കേട്ടോ…ചെറിയ ഒരു തരിപ്പുണ്ടാവും….അതാ ഞാൻ ആ പൊട്ടനോട് തൊട്ടു നോക്കാൻ പറഞ്ഞത്…
” എന്താടാ അവിടെ…. ”
ഞങ്ങടെ ബഹളം കേട്ട് തൊട്ടടുത്തുള്ള മിസ്സ് ചോദിച്ചു…
” ഹേയ് ഒന്നൂല്ല്യ മിസ്സേ… ഒരു ലൂസ് കോണ്ടാക്റ്റ്… ”
ഞാൻ അവനെ നോക്കി ചിരിച്ചുകൊണ്ട് മിസ്സിനോട് മറുപടി പറഞ്ഞു…
പിന്നെ കൊറച്ച് നേരം ലാബ് ചെയ്യ്തു…അതിനിടയ്ക്ക് ആതിരയുടെ കൊണ ഉണ്ടെങ്കിലും ഞാനതിനെ മൈൻ്റ് ചെയ്യാൻ പോയില്ല…
” ഡാ നീയാ വീഡിയോ ഒന്ന് എനിക്ക് കാണിച്ചേ… ”
കുറച്ച് നേരത്തെ ലാബ് ചെയ്യലിന് ശേഷം നന്ദു എന്നോട് ചോദിച്ചു…
” എൻ്റെ പൊന്നു മൈരേ ഇത് കഴിയട്ടെ…ഇപ്പൊ എന്നാത്തിനാ നിനക്കത്… ”
ഞാൻ അവൻ്റെ ചോദ്യത്തിന് ഒരൊഴുക്കൻ മട്ടിൽ മറുപടി പറഞ്ഞു
” പിന്നേ… ഇയാളല്ലേ മൂലമറ്റത്തേക്ക് കറണ്ടെത്തിക്കുന്നത്….ഒന്ന് കാണാനാ
മൈരെ ഇങ്ങ് താ… ”
അവൻ എൻ്റെ പോക്കറ്റിൽ നിന്ന് ഫോണെടുത്ത് കൊണ്ട് പറഞ്ഞു…എന്നിട്ട് എക്സ്പിരിമെൻ്റ് ചെയ്യുന്ന എന്നെ നിർബന്ധിച്ച് ലോക്കൊക്കെ തൊറപ്പിച്ച് വീഡിയോ എടുത്ത് നോക്കി…
” മൈര് നല്ല വെടിപ്പായിട്ടുണ്ട്…. ”
അവൻ വിഡിയോ കണ്ടതും എന്നെ നോക്കി ചിരിച്ചു കൊണ്ട് പറഞ്ഞ് ഫോൺ മേശയ്ക്കു മീതേ വച്ചു… പക്ഷെ ഒട്ടും പ്രതീക്ഷിക്കാത്തെ ദേ കെടക്കുന്നു അടുത്ത പണി…ആ പന്നിയുടെ കൈ തട്ടി അവളെ വീഡിയോ കോൾ പോയി… പണ്ടാരം എൻ്റെ നെറ്റ് ഓണും ആയിരുന്നു…
” നായിൻ്റെ മോനേ… ”
ഞാൻ കോൾ പോകുന്നത് കണ്ട് ഞെട്ടിക്കൊണ്ട് അവനെ നോക്കി ചീറി…പക്ഷെ എന്ത് കാര്യം…വാട്സാപ്പിൽ പോയ കോൾ പോയതാണല്ലോ…കട്ടാകീട്ട് കാര്യമില്ലല്ലോ…
” നീ എന്ത് പണിയാ മൈരേ കാണിച്ചത്…. ”
കോൾ കട്ടാക്കിയതിന് ശേഷം ഞാൻ അവനെ നോക്കി ചീറി….
” അളിയാ നീ ക്ഷമി… കൈ അറിയാണ്ട് തട്ടിപ്പോയതല്ലേ… ”
എൻ്റെ ചീറല് കണ്ടതും അവൻ ആതിരയ്ക്ക് പിന്നിൽ പോയി മറുപടി പറഞ്ഞു…അവളാണെങ്കിൽ എന്താ കാര്യം എന്നറിയാതെ ഇങ്ങനെ കിളി പോയ അവസ്ഥയിൽ നോക്കി ഇരിക്കുന്നുണ്ട്….
” എന്നെ കൊണ്ടൊന്നും പറയിപ്പിക്കണ്ട… ”
ഞാൻ അവനെ നോക്കി കടുപ്പത്തിൽ തന്നെ പറഞ്ഞു…അപ്പോൾ തന്നെ അവളുടെ കോള് കൂടി വന്നതോടെ എനിക്ക് കേറി വന്നു…ഞാൻ നന്ദുവേയും ഫോണും മാറി മാറി നോക്കി…അത് കണ്ടവൻ ” എന്നെ കൊല്ലതിരിക്കാൻ പറ്റുവോ… ” എന്ന ഡയലോഗും പറഞ്ഞ് ചിത്രത്തിലെ നമ്മുടെ ലാലേട്ടൻ്റെ അവസ്ഥയിൽ എന്നെ ദയനീയമായി നോക്കി…അത് കേട്ടതും ഞാൻ അടുത്തുള്ള ഒരു പെന്നെടുത്തവനെ എറിഞ്ഞു…
” അർജ്ജുൻ ഗെറ്റൗട്ട്….. ”
എൻ്റെ ഏറ് കണ്ട മിസ്സെന്നെ നോക്കി ചീറി…അതോടെ അവനെ കലിപ്പിലൊന്ന് നോക്കി ഫോണും എടുത്ത് ക്ലാസിന് വെളിയിൽ വരാന്തയിലേക്കിറങ്ങി പോന്നു…അപ്പോഴേക്കും ഫോണ് കട്ടായിരുന്നു…പക്ഷെ അഞ്ച് മിനിറ്റ് കഴിഞ്ഞ് വീണ്ടും കോൾ വന്നു…
” എന്താടി പുല്ലേ നിൻ്റമായി ഇവിടെ പേറ്റ് നോവെടുത്ത് കെടക്കുന്നുണ്ടോ…ഇങ്ങനെ വിളിച്ചോണ്ടിരിക്കാൻ… ”
