ഞാൻ അവൻ്റെ ചോദ്യം കേട്ട് ഞെട്ടിക്കോണ്ട് സത്യം ബോധിപ്പിക്കാൻ പറഞ്ഞു
” നീ എനി ഒന്നും പറയണ്ട…ഞാൻ റെക്കോർഡ് ചെയ്തിട്ടുണ്ട്…ബാക്കി പിള്ളാര് കൂടി കേട്ടിട്ട്… ”
എൻ്റെ ന്യായീകരണം പാടെ തള്ളിക്കൊണ്ടവൻ്റെ മറുപടി വന്നു… അതോടെ ഞാൻ പെട്ടു…
” ആരാ അത്… എന്താ സംഭവം…. ”
അത്രയും നേരം ഇതൊക്കെ കണ്ട് നിന്ന ആതിര ഇടയ്ക്ക് കേറി ഞങ്ങളെ മാറി മാറി നോക്കിക്കൊണ്ട് ചോദിച്ചു
” കാവ്യാ മാധവൻ….എന്ത്യേ…മിണ്ടാതിരി പെണ്ണുംപിള്ളേ….ആവിശ്യം ഉള്ള
കാര്യത്തിൽ തലയിട്ടാ മതി…. ”
നന്ദു അവളുടെ ചോദ്യം കേട്ടതും കടുപ്പത്തിൽ തന്നെ മറുപടി പറഞ്ഞു…അതോടെ അവളുടെ വായടങ്ങി…
” ഡാ നന്ദു ഞാനൊന്ന് പറഞ്ഞോട്ടെ…. ”
ഞാൻ വീണ്ടും അവനെ നോക്കി പറഞ്ഞു
” നീയൊരു മൈരും പറയണ്ട…പറയണ്ടതൊക്കെ ഇതിലുണ്ട്… ”
അവനെൻ്റെ ഫോണ് കാണിച്ച് കടുപ്പത്തിൽ പറഞ്ഞു… എന്നിട്ട് തിരിഞ്ഞു നടക്കാൻ തുടങ്ങി…പക്ഷെ തൊട്ടടുത്ത നിമിഷം ഞാൻ അവൻ്റെ കൈയിൽ നിന്നും ഫോണ് തട്ടിപറച്ചോടി….
” നിക്കടാ മൈരേ…അതിങ്ങ് താടാ… ”
എൻ്റെ പിന്നാലെ ചീറിക്കൊണ്ടവൻ ഓടി…
” നിക്കത്തില്ല മൈരേ…അവന് പറഞ്ഞാലും മനസ്സിലാവില്ല… ”
ഞാൻ ഓടുന്ന ഓട്ടത്തിൽ അവന് മറുപടി കൊടുത്തു… എന്നിട്ട് ഓട്ടത്തിന്റെ വേഗത ഒന്നൂടെ കൂട്ടി പുറകെ അവനും…
” ഡാ അഭി പിടിയടാ അവനെ…. ”
ഓട്ടം ബോട്ടണിയുടെ മുന്നിൽ എത്തിയപ്പൊ ഒരു പെണ്ണിനോട് സംസാരിച്ചിരിക്കുന്ന അഭിയെ നോക്കി നന്ദു വിളിച്ചു പറഞ്ഞു…പക്ഷെ അപ്പോഴേക്കും ഞാൻ അഭിയെ തള്ളി ആ പെണ്ണിൻ്റെ മേത്തേക്ക് ഇട്ടിരുന്നു…
” സോറി അളിയാ…. ”
ഞാൻ ഓടുന്ന ഓട്ടത്തിൽ ചിരിച്ചുകൊണ്ടൊന്ന് തിരിഞ്ഞു നോക്കി അഭിയോട് പറഞ്ഞു…എന്നിട്ട് വേഗം ഞങ്ങടെ മതിലിനടുത്തേക്ക് വിട്ടു…പക്ഷെ പുറകിൽ നന്ദുവും വച്ച് പിടിക്കുന്നുണ്ട്…
” ഡാ ശ്രീ പിടിയടാ ആ മൈരനെ…. ”
മതിലിനടുതെത്തിയതും അതിന്റെ പൊറത്തിരിക്കുന്ന ശ്രീയോടായിരുന്നു ഇത്തവണ കൽപന…അത് കേട്ട് ശ്രീ വേഗം ചാടിയിറങ്ങി എന്നെ പിടിക്കാൻ വട്ടം നിന്നു….
” ശ്രീ മാറടാ….ഒരു കുപ്പി ബിയറ്…. ”
ഞാൻ ഓടുന്ന ഓട്ടത്തിൽ അവനെ നോക്കി വിളിച്ചു പറഞ്ഞു…
” ഓക്കെ യൂ കാരിയോൺ… ”
എൻ്റെ ഓഫറ് കേട്ട് ശ്രീ ചിരിച്ചുകൊണ്ട് മറുപടി പറഞ്ഞു… എന്നിട്ട് മുന്നീന്ന് മാറി….അതോടെ ഞാൻ അവനേം കടന്ന് മുന്നോട്ടോടി…പക്ഷെ നന്ദു അവൻ്റെ അടുത്തെത്തിയതും ഓട്ടം നിർത്തി…മതിയായി കാണും…അതോടെ കുറച്ച് മുന്നോട്ടെത്തി ഞാനും നിർത്തി…പിന്നെ അതിക സമയം എടുക്കാതെ ആ മൈരത്തി വിളിച്ച കോൾ റെക്കോഡ് ഡെലീറ്റ് ചെയ്യ്തു….അതോടെ ഒന്ന് നെടുവീർപ്പിട്ട് അവന്മാരുടെ അടുത്തേക്ക് തിരിച്ചു നടന്നു…നന്ദു കുറച്ചു മുന്നേ പാസ്സ്‌വേർഡ് കണ്ടില്ലായിരുന്നെങ്കിൽ ഇതിൻ്റെയൊന്നും ആവശ്യമിലയിരുന്നു… അപ്പോഴേക്കും നന്ദു ശ്രീയോടെല്ലാം തുറന്ന് പറഞ്ഞ് കാണണം…
” ഡാ മൈരേ ഇവനെൻ്റോടെല്ലാം പറഞ്ഞു… വോയിസ് കേൾപ്പിക്ക് നാറീ…. ”
ഞാൻ അടുത്തെത്തിയതും ശ്രീ എന്നെ നോക്കി പറഞ്ഞു
” എൻ്റെ പൊന്നു മൈരേ നീയും അവനെ പോലെ ഒക്കെ വിശ്വസിച്ചോ… ”
ഞാൻ അവനെ നോക്കി പല്ലിറുമ്മികൊണ്ട് പറഞ്ഞു…
” പിന്നെ നീയെന്തിനാടാ ഫോണെടുത്ത് ഓടിയത്…അത് ഡിലീറ്റ് ചെയ്യാനല്ലേ… ”
എൻ്റെ മറുപടി കേട്ടതും നന്ദു ചീറി…
” ഓടിയത് അതിന് തന്നെയാ…വെറൊന്നും കൊണ്ടല്ല സത്യം അതെല്ലെങ്കിലും നീയൊക്കെ ആ വോയിസ് വെച്ച് പിന്നെ എന്നെ ഊക്കും…പക്ഷെ ഞാൻ നിങ്ങടെ മുന്നിൽ ഇപ്പൊ തന്നെ എൻ്റെ നിരപരാധിത്വം തെളിയിക്കാൻ പോകുവാ… ”
ഞാൻ അവന്മാരെ നോക്കി പുച്ഛത്തിൽ അതും പറഞ്ഞ് ഫോൺ എടുത്ത് അവളെ വിളിച്ചു… കുറച്ചു നേരത്തെ റിംഗിന് ശേഷം അവള് ഫോണെടുത്തു അതോടെ ഞാൻ അവന്മാരെ നോക്കി മിണ്ടരുതെന്ന് ആംഗ്യം കാണിച്ചു…
” പൊലയാടി മോളെ നീ എന്തൊക്കെയാടി ഫോണിലുടെ നേരത്തെ വിളിച്ചു പറഞ്ഞേ…. ”
ഞാൻ ഫോണിലൂടെ അവളോട് കലിപ്പിൽ ചീറി…ഇതോക്കെ അവന്മാര് കാണുന്നും കേൾക്കുന്നും ഉണ്ടായിരുന്നു…
” ഹാ… ഹാ… ഹാ.. ”
എൻ്റെ ചീറലിന് മറുതലയ്ക്കൽ ഒരു പൊട്ടിച്ചിരി മാത്രം കേട്ടു…
” കാര്യം പറയുമ്പൊ ചിരിക്കുന്നോടി മൈരേ…നിന്നോടെപ്പാടി ഞാൻ കൊഞ്ചിയത്….നിന്നെ എപ്പാടി ഞാൻ ചേർത്തുപിടിച്ചേ….മേലാൽ അനാവിശ്യം പറഞ്ഞാലുണ്ടല്ലോ നിൻ്റെ വായിലെ സൺഷെയിഡ് വാർത്ത പോലുള്ള പല്ലുണ്ടല്ലോ അതൊറ്റൊന്നും ബാക്കി കാണില്ല പറഞ്ഞേക്കാം… ”
ഞാൻ വീണ്ടും കലിപ്പ് മൊത്തമായും പറഞ്ഞു തീർത്തു…
” എൻ്റെ പൊന്നു മോനേ ചൂടാവല്ലേ… ഇയാള് എന്നെ വിളിച്ച് ആവിശ്യമില്ലാതെ തെറി പറഞ്ഞപ്പൊ എന്തേലും തിരിച്ച് ഞാനും പറയണ്ടേ… അതിന് വിളിച്ചതാ…അപ്പോളാ കൂട്ടുകാരനാ ഫോണെടുത്തെന്ന് മനസ്സിലായത്… അതോടെ ചെറുതായിട്ട് ചേച്ചി ഒന്ന് പണി തന്നതല്ലേ… ”
എൻ്റെ ദേഷ്യപെടല് കൂടിയപ്പൊ അവള് ചിരിച്ചുകൊണ്ട് കാര്യം പറഞ്ഞു… അതോടെ ഞാൻ അവന്മാരെ കേട്ടല്ലോ എന്നർത്ഥത്തിൽ ദഹിപ്പിക്കുന്ന ഒരു നോട്ടം നോക്കി…
” അറിയാടി പുല്ലേ നീ അതിന് തന്നെയാ പറഞ്ഞതെന്നെനിക്കറിയാം…. ഇനി മേലാൽ ഇമ്മാതിരി പണിയും ആയിട്ട് വന്നാ നിൻ്റണാക്കില് ഞാൻ അമിട്ട് വച്ച് പൊട്ടിക്കും പറഞ്ഞേക്കാം….നിർത്തിക്കോണം….
ഞാൻ ഫോണിലൂടെ ഭീഷണി സ്വരം ഉയർത്തിയതിന് ശേഷം ഫോണ് കട്ടാക്കി…കാരണം കേൾക്കേണ്ടതൊക്കെ അവന്മാര് കേട്ടല്ലോ പിന്നെന്തിനാ ഇവളോടധികം സംസാരിക്കാൻ നിൽക്കുന്നേ…
” കേട്ടല്ലോ… സമാധാനമായല്ലോ…. ”
ഞാൻ അടുത്തതായി അവന്മാരെ നോക്കി ചീറി…അതിന് രണ്ടും എന്നെ നോക്കി
ഇളിച്ചു കാട്ടി…
” എൻ്റെ മോനെ എന്നാലും പെട്ടെന്ന് അങ്ങനൊക്കെ കേട്ടപ്പോൾ ഞാനങ്ങ് ഞെട്ടിപ്പോയി…അവള് ആള് കൊള്ളാലോ… ”
നന്ദു മതിലിന് മുകളിൽ എൻ്റെ തൊട്ടടുത്തിരുന്ന് എന്നെ നോക്കി പറഞ്ഞു…
” ആ… രണ്ട് കൊള്ളാത്തേൻ്റെ സൂക്കേടുണ്ട്… മിക്കവാറും എൻ്റെ കൈയ്യീന്ന് തന്നെ ആയിരിക്കും…. ”
ഞാൻ ആരോടെന്നില്ലാതെ പറഞ്ഞു…
” ഡാ പക്ഷെ നിനക്ക് ലാഭമല്ലേ…മറ്റെ ആതിരയും ഉണ്ടായിരുന്നു എന്നിവൻ പറഞ്ഞല്ലോ… അങ്ങനാണേൽ ആ തലവേദന ഒഴിഞ്ഞു മാറില്ലേ…. ”
ശ്രീ എന്നെ നോക്കി ചിരിച്ചുകൊണ്ട് ചോദിച്ചു…അപ്പോഴായിരുന്നു ഞാനും ആ കാര്യം ഓർത്തത്…
” പറഞ്ഞ പോലെ അത് ശരിയാണല്ലോ മോനേ…അന്ന് പറഞ്ഞപ്പോൾ വിശ്വസിക്കാത്തവൾ ഇന്നെന്തായാലും വിശ്വസിച്ചു കാണുമല്ലോ…സത്യം നമ്മുക്കല്ലേ അറിയൂ… ”
ശ്രീ പറഞ്ഞു കഴിഞ്ഞതും നന്ദു എന്നെ നോക്കി ചോദിച്ചു…
” ശരിയാ…മൈരിനെ കൊണ്ടങ്ങനൊരു ഗുണം ഉണ്ടായല്ലേ… ”
ഞാൻ അവന്മാരെ നോക്കി ചിരിച്ചു കൊണ്ട് പറഞ്ഞു…അവന്മരും തിരിച്ച് പല്ലിളിച്ചു… അതെന്തായാലും എനിക്കിഷ്ടായി….
പിന്നെ എന്തൊക്കെയോ സംസാരിച്ച് സമയം തള്ളിനീക്കി… കുറച്ച് സമയം കഴിഞ്ഞപ്പോൾ അഭി വന്നിട്ടവനെ തള്ളിയിട്ടതിന് ഒന്ന് വയറ്റിനിട്ട് തന്നു… പിന്നെ നടന്ന കാര്യങ്ങൾ അവനോടും പറഞ്ഞ് അങ്ങനെ കാൻ്റീന്ന് ഭക്ഷണവും കഴിച്ചൊരു മൂന്ന് മണിയാവാറായപ്പൊ വീട്ടിലേക്ക് വിട്ടു…വീടെത്തിയതും എപ്പോഴെത്തേം പോലെ ഒറ്റ കിടത്തം…
