നന്ദിനി അത് കേട്ട് ചിരിച്ചു…
നന്ദിനി :അത് കൊള്ളാം എന്നെ അങ്ങ് പൊക്കി കയറ്റി വെക്കുവാണല്ലോ… അങ്ങനെ പൊക്കല്ലേ ഒരുപാട് ജാഡ ആയി പോകും…
ശ്യാം :ഓഹ്ഹ് ഇത്തിരി ജാഡ ഇട്ടോ ഞാൻ പറഞ്ഞത് സത്യം ആണ് തനിക്ക് നല്ല സൗന്ദര്യം ഉണ്ട് അതിൽ ഒരു സംശയവുമില്ല…
തന്നെ ഇങ്ങനെ ഓപ്പൺ ആയിട്ട് പുകഴ്ത്തി സംസാരിക്കുന്നത് ഒരാൾ ആദ്യം ആയിട്ട് ആണ്. അത് കേൾക്കുമ്പോൾ ഒരു സുഖം തോന്നി… പിന്നെ മടി കാണിച്ചു നിൽക്കാനും തോന്നിയില്ല അവനോട് തന്റെ ഫോൺ നമ്പർ പറഞ്ഞു കൊടുത്തു. അത് അവൻ അപ്പോൾ തന്നെ ഫോണിൽ സേവ് ചെയ്തു വെക്കുകയും ചെയ്തു. ബൈ പറഞ്ഞു അവൻ തിരികെ റൂമിലേക്ക് നടന്നു അവൾ ചിരിച്ചു കൊണ്ട് സ്വന്തം റൂമിലേക്കും. അവന്റെ സംസാരത്തിലും ഇടപെടലിലും അവൾ ഹാപ്പി ആയിരുന്നു. മനസ്സ് ഇപ്പോൾ നല്ല ശാന്തം ആണ് നല്ല സന്തോഷവും.. എന്തായാലും ശ്യാമിനെ പോലെ ഒരാളെ ഫ്രണ്ട് ആയി കിട്ടിയപ്പോൾ എല്ലാം തുറന്നു പറയാൻ പറ്റിയ ഒരാൾ കൂടെ ഉള്ളത് പോലെ.. ശ്യാം വരുന്നത് കണ്ടപ്പോൾ മുത്തശ്ശി അവനോട് പ്രഭാത ഭക്ഷണം റെഡി ആയ കാര്യം പറഞ്ഞു. സമയം ഒരുപാട് ആയിട്ടും കഴിക്കാൻ വരാഞ്ഞത് എന്താണ് എന്നും തിരക്കി. അവൻ ആ വീട്ടിലെ ഒരു അംഗമായി മാറി കൊണ്ട് ഇരിക്കുക ആയിരുന്നു. ഭക്ഷണം കഴിച്ചു റൂമിൽ ചെന്ന് നന്ദിനിയുടെ നമ്പറിലേക്ക് അവൻ ഹായ് അയച്ചു… അവളും അത് പ്രതീക്ഷിച്ചു എന്തായാലും ശ്യാം വിളിക്കും എന്ന് ഉറപ്പ് ആയിരുന്നു.
അവൾ ഫോൺ എടുത്തു ടൈപ്പ് ചെയ്തു…
നന്ദിനി :ഹൈ….
ശ്യാം :എന്താ പരുപാടി..
നന്ദിനി :വെറുതെ കുത്തി ഇരിക്കുന്നു..
ശ്യാം :ഇവിടെ പുറത്ത് ഇറങ്ങാൻ പറ്റില്ലേ തീരെ…
നന്ദിനി :അതൊക്കെ പറ്റും പിന്നെ അടി വയറ്റിൽ വേദന ഉണ്ട് ചെറുതായ് അതുകൊണ്ട് ഇവിടെ തന്നെ ചുരുണ്ടു കൂടും…
(അവൾ മെസ്സേജ് വോയ്സ് അയക്കാൻ തുടങ്ങി, അത് കൊണ്ട് തിരിച്ചു അവനും റിപ്ലൈ വോയിസ് അയച്ചു )
ശ്യാം : ആ അറിയാം നല്ല വേദന ഉള്ളത്… ഫ്രണ്ട്സ് കുറേ ഉണ്ടായിരുന്നു ലേഡീസ് അവള് മാര് പറയുന്നത് കേട്ടിട്ടുണ്ട് ഇങ്ങനെ വേദന വരുന്നത് സഹിക്കാൻ പറ്റില്ല എന്ന്…
നന്ദിനി :അവിടെ ഒക്കെ അങ്ങനെ ഇതൊക്കെ പുറത്ത് പറയും അല്ലേ ഇവിടെ അതൊന്നും നടക്കില്ല. അതൊക്കെ അങ്ങനെ ആരോടും പറയരുത് എന്ന് പറയും…
ശ്യാം :അതെന്താ…
നന്ദിനി :ആവോ അറിയില്ല…
ശ്യാം :അതൊക്കെ ഞാൻ മുൻപ് പറഞ്ഞില്ലേ ജനറേഷൻ പ്രശ്നം ആണ്.
ശ്യമുമായി ഉള്ള ചങ്ങാത്തം അവൾക്ക് നല്ല മാറ്റം ഉണ്ടാക്കാൻ തുടങ്ങി.. എല്ലാം തുറന്നു പറയാൻ കഴിയുന്ന ഒരു സുഹൃത് എന്ന രീതിയിൽ ശ്യാം എത്തി. ഇത് തന്നെ ആണ് അവൾ കുട്ടേട്ടനിൽ നിന്ന് പ്രതീക്ഷിച്ചത് എന്നാൽ അത് കുട്ടനെ കൊണ്ട് കൊടുക്കാൻ സാധിച്ചില്ല. പിന്നീട് ഉള്ള ദിവസങ്ങൾ ഓരോന്ന് ആയി നീങ്ങുമ്പോൾ അവരുടെ ചാറ്റിങ് പിന്നെ ഫോൺ വിളി ആയി മാറി കൂടുതൽ കൂടുതൽ അടുക്കുവാൻ ആയി തുടങ്ങി.. നന്ദിനി തന്റെ ചെറുപ്പം മുതൽ നടന്നിട്ടുള്ള ഓരോ കാര്യങ്ങൾ അവനോട് പറഞ്ഞു കൊടുത്തു. തന്റെ ഇഷ്ട്ടപെട്ട ഡ്രസ്സ്‌, ഫുഡ്‌, കളർ, പാട്ടു, ഹീറോ, സിനിമ, ഗായകൻ അവളുടെ മനസ്സ് തുറന്നു ശ്യാമിനോട് എല്ലാം സംസാരിച്ചു. ഒടുവിൽ ആ നാല് ദിവസം മെല്ലെ നീങ്ങി നന്ദിനിക്ക് വീട്ടിൽ നിന്ന് പുറത്തേക്ക് ഒക്കെ ഇറങ്ങാൻ ആയി… അവർ പരസ്പരം വീണ്ടും ഒരുമിച്ചു തോപ്പിലും തൊടിയിലും ഒക്കെ പോകും അവിടെ നിന്ന് അവളുടെ ഫോട്ടോ ശ്യാം എടുക്കും. അതൊക്കെ അവളെ കാണിച്ചു കൊടുക്കും അതെല്ലാം അവന്റെ ക്രിയേറ്റിവിറ്റിയിൽ ചെയ്യുന്നത് ആണ് കാണുവാൻ നല്ല രസമുള്ള ഫോട്ടോകൾ. അങ്ങനെ തൊടിയിൽ പണിക്കാർ ഉണ്ടെങ്കിൽ രണ്ടാളും അങ്ങോട്ട് പോകില്ല. ഒരിക്കൽ കുളത്തിന്റെ പടവിൽ ഇറങ്ങി ഇരുന്നു ചുമ്മാ സംസാരിക്കാൻ തുടങ്ങി..
ശ്യാം :ഇത്രയും ഞാൻ ചോദിച്ചു ഇനി എന്നോട് എന്തെങ്കിലും ചോദിക്കാൻ ഉണ്ടോ നന്ദിനിക്ക്…
നന്ദിനി :ചേട്ടന്റെ എടുത്തു ഇനി എന്താ ചോദിക്കുക… അത് ശെരി ആണല്ലേ ഞാൻ ആണ് എല്ലാം അങ്ങോട്ട് പറഞ്ഞു കൊണ്ട് ഇരിക്കുന്നത്… ഉം എന്നാൽ പിന്നെ വീട്ടുകാരെ കുറിച്ച് പറ…
ശ്യാം :എന്റെയോ അത് ഞാൻ പറഞ്ഞിട്ടുണ്ടല്ലോ ബിസിനസ് കാര്യങ്ങൾ ആയി ഓടി നടക്കുന്ന ഫാമിലി ആണ് എന്റെ അത് കൊണ്ട് ഞാൻ എന്ന വ്യക്തി അവിടെ ഉണ്ടെന്ന് അറിയുന്നത് പോലും ഞാൻ അവിടെ ചെല്ലുമ്പോൾ ആയിരിക്കും…
നന്ദിനി :അത് കൊള്ളാല്ലോ…
ശ്യാം :അതെന്നെ അവിടെ അങ്ങനെ ആരെയും കെയർ ചെയ്തു കൊണ്ട് നടക്കില്ല… ഒരു വിധം കാര്യം അറിഞ്ഞു പ്രവർത്തിക്കാൻ അറിയാവുന്നവർ ആകുമ്പോൾ അവരുടെ രീതിയിൽ അങ്ങ് വിട്ടേക്കും…
നന്ദിനി :ചേട്ടന് ബ്രദർ, സിസ്റ്റർ അങ്ങനെ ആരും ഇല്ലേ…
ശ്യാം :ഹേയ് ഒറ്റ തടി ഒറ്റ മകൻ….
നന്ദിനി :അയ്യോ അത് ഒരു വിഷമം ഇല്ലേ…
ശ്യാം :എന്തിനു… ഒരു വിഷമവും എനിക്കില്ല ആരുടെയും കാര്യം നോക്കുകയും വേണ്ട അന്വേഷിക്കുകയും വേണ്ട സ്വന്തം ഫ്രീഡം… കള്ള് കുടി കറക്കം ഉറക്കം…
നന്ദിനി :പൊളി ലൈഫ് ആണല്ലോ…
ശ്യാം :പിന്നല്ല… ഓഹ്ഹ് ഈ ലോക് ഡൌൺ വന്നത് ഗുണവും ഉണ്ട് ദോഷവും ഉണ്ട്… പുറത്ത് എങ്ങോട്ടും ഇറങ്ങാൻ പറ്റില്ല.. ഇവിടെ സത്യത്തിൽ ഇങ്ങനെ പറമ്പിലും തൊടിയിലും ഒക്കെ പോകാൻ കഴിയും അവിടെ അതും ഇല്ല. അവിടെ ഒരു ഫ്രണ്ട് വിളിച്ചു ഹർത്താൽ പോകുന്ന പോലെ ആണ് അവിടെ കാര്യങ്ങൾ പോകുന്നത് നിരത്തിൽ വണ്ടി പോലും പോകുന്നില്ല എന്നാ പറയുന്നത്…
നന്ദിനി :ഇപ്പോൾ ഞങ്ങളുടെ ഗ്രാമം തന്നെ അല്ലെ നല്ലത്…
ശ്യാം :ആഹ്ഹ് ഇങ്ങനത്തെ അവസ്ഥയിൽ ഗ്രാമം തന്നെ ആണ് ബെറ്റർ… കോവിഡ് വന്നത് കൊണ്ട് തന്നെ പോലെ ഒരു നാടൻ സുന്ദരിയുടെ കൂട്ടും കിട്ടി…
നന്ദിനി :ഓഹ്ഹ് പിന്നെ ഞാൻ അത്രയ്ക്ക് സുന്ദരി ആണോ…
ശ്യാം :സത്യം പറയാല്ലോ ഈ മലയാളി നാടൻ പെൺകുട്ടികൾ അടിപൊളി ആണെന്ന് പറയുമ്പോൾ ഞാൻ അവന്മാരെ ഒക്കെ പുച്ഛിച്ചുട്ടുണ്ട്.. പക്ഷേ അത് ഒക്കെ ഞാൻ ഇങ്ങ് തിരിച്ചു എടുത്തു… താൻ അടിപൊളി ആണ്.. എനിക്ക് തന്റെ ഏറ്റവും ഇഷ്ടം ഓരോ ദിവസവും താൻ ഇടുന്ന ഡ്രസ്സ്‌കൾ ഒക്കെ ആണ്….
നന്ദിനി :എനിക്ക് നാടൻ ഡ്രസ്സ്‌ ഭയങ്കര ഇഷ്ടം ആണ്…
ശ്യാം :നാടൻ മാത്രം ആണോ മോഡേൺ ഡ്രസ്സിൽ തീരെ താല്പര്യം ഇല്ലാത്തത് ആണോ…
നന്ദിനി :എനിക്ക് നാടൻ ആണ് ഇഷ്ടം പക്ഷേ മോഡേൺ ഡ്രസ്സ്‌ കോളേജ് ടൈം ഇട്ടുണ്ട്…
ശ്യാം :ങേ എങ്ങനെ ഇവിടെ നിന്ന് ഇട്ടിട്ട് പോയോ…
നന്ദിനി :ഇവിടെ നിന്ന് ഇട്ടേച് പോയാൽ എന്നെ കൊല്ലും… എന്റെ ഒരു ഫ്രണ്ട് കോളേജ് അടുത്താണ് വീട്. അവളുടെ വീട്ടിൽ അപ്പുപ്പന്റെ സപ്തതി സമയത്ത് ഫ്രണ്ട്സ് എല്ലാം ക്ഷണിച്ചു വീട്ടിൽ പ്രശ്നം ആയത് കൊണ്ട് വിടില്ല എന്നറിയാമായിരുന്നു… പിന്നെ അവൾ വീട്ടിൽ വന്നു മുത്തശ്ശനോടും മുത്തശ്ശിയോടും സംസാരിച്ചു ഒടുവിൽ അത് ഓക്കേ ആയി. അവളുടെ പേരെന്റ്സ് ഫ്രീഡത്തിൽ ആണ് വളർത്തിയിരിക്കുന്നത് അവൾ എന്ത് ചോദിച്ചാലും വാങ്ങി കൊടുക്കും. എന്റെയും അവളുടെയും ബോഡി സെയിം ആണ് ഞങ്ങൾ രണ്ടാളും സ്ലിം ഫിറ്റ് ആണ്.. സത്യം പറഞ്ഞാൽ അത് തന്നെ ക്ലാസ്സിൽ ഒരു ചർച്ച ആയിരുന്നു.. സ്ലിം ബ്യുട്ടി എന്നാ ഞങ്ങളെ രണ്ടാളെയും വിളിച്ചിരുന്നത്…..