ശ്യാം :എനിക്ക് സത്യത്തിൽ നിങ്ങളുടെ ഈ വരമ്പിൽ കൂടെ പോകുന്നത് വരെ പേടിയാണ്…
നന്ദിനി :അതെന്താ?
ശ്യാം :എവിടെ ആണ് തെറ്റി അടിച്ചു വീഴുന്നത് എന്ന് പറയാൻ പറ്റില്ലല്ലോ…
നന്ദിനി :കാൽ ഉറപ്പിച്ചു നടന്നാൽ മതി… വീഴില്ല
ശ്യാം :അടി തെറ്റിയാൽ ആനയും വീഴും മോളെ..
നന്ദിനി :അത് ആന ഇത് പൂച്ച…
ശ്യാം :ആഹാ താൻ കൊള്ളാല്ലോടോ തീപ്പട്ടി കൊള്ളി ഇങ്ങനെ ഇരിക്കുവാണേലും നല്ല അടി ആണല്ലോ അടിക്കുന്നത്…
നന്ദിനി :അഹ് ഇതൊക്കെ ചെറുത്….
ശ്യാം :സത്യം പറഞ്ഞാൽ തന്നെ ഞാൻ ആദ്യം കണ്ടപ്പോൾ കരുതി ശെരിക്കും ഒരു തൊട്ടാവാടി ആയിരിക്കും എന്ന്.. ഇപ്പോൾ മനസ്സിൽ ആയി താൻ അത്രയ്ക്ക് അങ്ങ് പാവം അല്ലെന്ന്..
നന്ദിനി :ഞാൻ പാവമല്ലേ ചേട്ടാ… സത്യം പറഞ്ഞാൽ എനിക്ക് കാര്യം പറഞ്ഞു സമയം പോകാൻ ആകെ ഉള്ളത് മുത്തശ്ശി മാത്രം ആണ്. മുത്തശ്ശൻ എപ്പോഴും തൊടിയിൽ ഓഹ് പറമ്പിലോ ആയിരിക്കും.
ശ്യാം :താൻ ഉണ്ണിയെ വിളിക്കാറില്ലേ…
നന്ദിനി :കുട്ടേട്ടൻ ഫോൺ സംസാരിക്കുന്നത് മടി ആണ്.. സംസാരിച്ചാലും അത് അധിക നേരം ഉണ്ടാകില്ല. എന്തെങ്കിലും പറഞ്ഞു പെട്ടെന്ന് വെച്ചിട്ട് പോകും.
അവർ അങ്ങനെ ഓരോന്ന് പറഞ്ഞു വയലിന്റെ വരമ്പുകളിലേക്ക് കയറി..
നന്ദിനി :ഈ കാണുന്ന പാടവും അതിന് അപ്പുറത്ത് കാണുന്ന പാടവും ഒക്കെ നമ്മുടെ ആണ്…
ശ്യാം :ഒഹ്ഹ്ഹ് ഇതിപ്പോ വിളഞ്ഞു തുടങ്ങിയോ…
നന്ദിനി :ഹേയ് ഇല്ല പാൽ പരുവം ആണ്.. കൊയ്ത്തു ആകുമ്പോൾ നല്ല രസം ആണ്. അന്ന് വീട്ടിൽ മുറ്റത്തു വലിയ ടാർപ്പ ഒക്കെ ഇട്ട് വലിച്ചു കെട്ടും. അന്ന് എല്ലാവർക്കും വീട്ടിൽ സദ്യ ഒക്കെ കൊടുക്കും.. വെറും സദ്യ അല്ല എല്ലാം ചേർത്ത് വല്യ സദ്യ. പണ്ട് തൊട്ടേ അങ്ങനെ ആണ് ഇവിടെ കൊടുത്തിരുന്നത് ഇപ്പോഴും അങ്ങനെ തന്നെ പോകുന്നു…
ശ്യാം :കൊള്ളാം… ഗ്രാമത്തിന്റെ ഭംഗി തന്നെ ഈ വയലുകൾ ആണ്…
നന്ദിനി :ഞാൻ ഒരു കാര്യം ചോദിച്ചാൽ സത്യം പറയുവോ…
ശ്യാം നിന്നു എന്നിട്ട് തിരിഞ്ഞു നന്ദിനിയെ നോക്കി.
ശ്യാം :എന്തെ….?
നന്ദിനി :സത്യം ഇട് വേറെ ആരോടും പറയരുത് എന്ന്…
ശ്യാം :സത്യം…
നന്ദിനി :കുട്ടേട്ടൻ വിളിക്കുകയും കുടിക്കുകയും ചെയ്യോ…
ശ്യാം :ഹേയ് അവൻ ഒരു പഴഞ്ചൻ ആണ്… അവൻ അത് ഒന്നും ഇഷ്ടം അല്ല…
നന്ദിനി :ഹമ്പട കള്ളാ എന്നിട്ട് എന്നോട് കള്ളം പറഞ്ഞത് ആണ് അല്ലേ…
ശ്യാം :ആര്?
നന്ദിനി :ഒരിക്കൽ എന്നോട് പറഞ്ഞു ഇങ്ങനെ ബാംഗ്ലൂർ ചെല്ലുമ്പോൾ എനിക്ക് ഒരുപാട് സ്ട്രസ് ജോലിയിൽ വന്നാൽ ഒരു ബോട്ടിൽ ഫുൾ കുടിക്കും എന്നൊക്കെ…
ശ്യാം :ബെസ്റ്റ്… അവൻ ഒരു ബിയർ പോലും കുടിച് ഞാൻ കണ്ടിട്ടില്ല…
നന്ദിനി :ഞാൻ സത്യത്തിൽ അതിശയിച്ചു പോയി…
ശ്യാം :അല്ല നന്ദിനി കുടിച്ചിട്ടില്ല ഇതുവരെ…
നന്ദിനി :കോളേജ് പഠിക്കുന്ന ടൈം ആനുവൽ ഡേ കൂട്ടുകാരികൾ കൊണ്ട് വന്നപ്പോൾ ബിയർ കുടിച്ചു ഇച്ചിരി… ഒഹ്ഹ്ഹ് വല്ലാത്ത കയ്പ് ആണ്…
ശ്യാം :അത് ആണല്ലോ രസം… പിന്നെ വലിച്ചിട്ടുണ്ടോ…
നന്ദിനി :ഹേയ് അതൊന്നുമില്ല….
ശ്യാം :അപ്പോൾ കുട്ടൻ കുടിക്കുന്നതിൽ വിഷമം ഇല്ലേ നന്ദിനിക്ക്…
നന്ദിനി :എന്തിനു ആണുങ്ങൾ ആണെങ്കിൽ അത്യാവശ്യം കുടിക്കണം എന്നാലേ ഒരു രസമുള്ളൂ…
ശ്യാം :അത് എന്തായാലും എനിക്ക് ഇഷ്ടം ആയി… പെൺകുട്ടികൾ ആണെങ്കിൽ ഇങ്ങനെ വേണം..
അവർ നടന്നു നടന്നു വയലിന്റെ അക്കരെ എത്തി. വള്ളികൾ കെട്ടി പിണഞ്ഞു കിടക്കുന്ന ഒരു കാവിൽ എത്തി…
ശ്യാം :ഓഹ്ഹ് ഇത് കാണുമ്പോൾ നല്ല രസം ഉണ്ട്…
നന്ദിനി :അതേ രാത്രി കണ്ടാൽ പേടിച്ചു പോകും…
ശ്യാം :എന്ത് പേടിക്കാൻ…
നന്ദിനി :ഇവിടെ രാത്രി പ്രേതം ഉണ്ടെന്ന പറയുന്നേ…
ശ്യാം :ഒന്ന് പോയെ നന്ദിനി ചുമ്മാ പുളു അടിക്കല്ലേ…
നന്ദിനി :പുളു അല്ല… മുത്തശ്ശി ഒക്കെ പറഞ്ഞിട്ടുണ്ട്.. ഇവിടെ യക്ഷി അമ്മയെയാണ് ആരാധിക്കുന്നത് തന്നെ. പാടത്തെ വിളവ് എടുപ്പ് സമയത്ത് ഇവിടെ പൂജ ഒക്കെ ഉണ്ട്…
ശ്യാം :ഒഹ്ഹ്ഹ് ആ ഓരോ ആചാരങ്ങൾ…
നന്ദിനി :ഇനി ഇവിടെ ഉള്ളത് കുളം ആണ്…
ശ്യാം :അയ്യോ ഇനി കുളം വേണ്ട.. ഒന്ന് പോയി കണ്ടു അനുഭവിച്ചു….