ശ്യാം :നിന്നെ മുഖം കൊടുക്കാതെ സ്വന്തം ആഗ്രഹങ്ങൾക്ക് വേണ്ടി പറക്കാൻ നിൽക്കുന്ന അവനു ചിലപ്പോൾ അവിടെ ചെന്ന് മറ്റ് പെണ്ണുങ്ങളെ കണ്ടാൽ പിന്നെ നീ ഈ കാത്തിരുന്നത് മുഴുവൻ വെറുതെ ആകില്ലേ…
നന്ദിനി :ഇല്ല എന്റെ കുട്ടേട്ടൻ എന്നോട് അങ്ങനെ ഒരിക്കലും ചെയ്യി…….
അവൻ അവന്റെ ചൂണ്ട് വിരൽ കൊണ്ട് അവളുടെ ചുണ്ടിൽ മെല്ലെ വെച്ച് കൊണ്ട് പറഞ്ഞു…
ശ്യാം :ഈ ലോകത്തെ കുറിച്ച് നിനക്ക് അറിയില്ല നന്ദിനി.. ഈ കൊച്ചു കേരളം ഒന്നുമല്ല ഇതിന് പുറത്തേക്ക് വന്നാൽ മറ്റൊരു ലോകം ഉണ്ട് നീ ഒരു പാവം ആണ് ഒരു പൊട്ടി പെണ്ണ്….
അവളുടെ ചുണ്ടുകൾക്ക് മുകളിൽ കൂടി അവന്റ വിരലുകൾ കടന്നു പോകുമ്പോൾ എന്തോ ഒരു ഊർജം അവളുടെ ഉള്ളിലേക്ക് കയറും പോലെ തോന്നി. മദ്യത്തിന്റെ ലഹരിയിൽ ആണോ അവൾക്ക് അവനോട് തിരിച്ചും ലഹരി തോന്നി തുടങ്ങും പോലെ. മനസ്സിനെ കടിഞ്ഞാൺ ഇടാൻ പറ്റാത്ത പോലെ അവളുടെ ചിന്തകൾക്ക് അന്ത്യം ഇല്ലാത്തത് പോലെ ആ ഹൃദയം വളരെ വേഗത്തിൽ ഇടിക്കാൻ തുടങ്ങി..
ശ്യാം :നീ പറ എന്നെ നിനക്ക് ഇഷ്ടം അല്ലെ. ഞാൻ വന്നു കഴിഞ്ഞല്ലേ നീ ഇത്രയും സന്തോഷവതി ആയത്…
നന്ദിനി :അതേ…. സത്യം ആ കാര്യം ശെരിയാണ്.. ഞാൻ എല്ലാം ഓപ്പൺ ആയത് ശ്യാം ചേട്ടന്റെ അടുത്ത് ആണ്. എനിക്ക് കുട്ടേട്ടൻ ഇങ്ങനെ ഒരു അവസരവും തന്നിട്ടില്ല.. ഞാൻ ചെല്ലുമ്പോൾ ഒക്കെ എന്റെ അടുത്ത് നിന്ന് ഒഴിഞ്ഞു മാറിയിട്ടേ ഉള്ളൂ..
അവൻ അവളുടെ കൈയിൽ ഇരുന്ന സിഗരറ്റ് വാങ്ങി ഭിത്തിയിൽ അമർത്തി അത് അണച്ചു കളഞ്ഞു. ബിയർ വാങ്ങി മേശയിൽ വെച്ചു എന്നിട്ട് അവളുടെ അടുത്ത് ഇരുന്നു കൊണ്ട് അവളുടെ മുഖത്ത് അടുത്ത് വന്നു…
ശ്യാം :ഈ ചുണ്ടിൽ ഞാൻ ഒന്ന് ഉമ്മ വെച്ചോട്ടെ….
നന്ദിനി ആകെ ഒന്ന് കിടുങ്ങി ഇതുവരെ ആരെയും ഉമ്മ വെച്ചിട്ടില്ല. ആ ഹൃദയം വല്ലാതെ ഇടിച്ചു കൊണ്ട് ഇരുന്നു.. അവനോട് വേണ്ട എന്ന് പറയാൻ ഉള്ള ശക്തി ഉള്ളിൽ നിന്ന് പുറത്തേക്ക് വരാത്ത പോലെ തോന്നി…
ശ്യാം അപ്പോഴേക്കും അവളുടെ കവിളിൽ കൈ കൊണ്ട് പിടിച്ചു.. ആ കണ്ണുകളിൽ നോക്കി എന്നിട്ട് അവളുടെ തിരു നെറ്റിയിൽ കറുത്ത പൊട്ടിനു മുകളിൽ കൂടി ചുംബിച്ചു. കണ്ണുകൾ അടച്ചു അവൾ അങ്ങനെ ഇരുന്നു പോയി. അടുത്തത് അവളുടെ ചുണ്ടുകളിലേക്ക് അവന്റെ ശ്വാസോചാസം അടിക്കുന്നത് അവൾ അറിഞ്ഞു… അപ്പോഴേക്കും അവൻ അവളുടെ കനം കുറഞ്ഞ ചുണ്ടുകളെ വായിലാക്കി ഉറുഞ്ചി എടുത്തു… അവൾ അവന്റെ മുന്നിൽ ഒരു അടിമയെ പോലെ ഇരുന്നു. അവൾക്ക് ഒന്നും പറയാൻ പറ്റാത്ത അവസ്ഥ ആയിരുന്നു അത്. ബിയറിന്റെ കിക്ക് ചെറുതായി അവൾക്ക് തല കറങ്ങും പോലെ തോന്നൽ ഉണ്ടാക്കി… ഏതോ ഒരു നിമിഷത്തിൽ പെട്ടെന്ന് ഉൽബോധം തിരിച്ചു കിട്ടിയിട്ട് ആകണം അവൾ പെട്ടെന്ന് അവനിൽ നിന്ന് ഒഴിഞ്ഞു മാറി. അപ്പോഴേക്കും അവളുടെ അവൻ നന്നായി പാനം ചെയ്തു കഴിഞ്ഞിരുന്നു….
ശ്യാം :എന്താ എന്ത് പറ്റി നന്ദിനി….
അവൾ അവനെ നോക്കി….
നന്ദിനി :വേണ്ട നമ്മൾ അതിരു കടക്കുന്നത് പോലെ തോന്നുന്നു….
ശ്യാം :അതൊക്കെ തോന്നൽ മാത്രം ആണ് നീ ഒന്നും പേടിക്കണ്ട…. നിന്നെ പോലെ ഒരു സുന്ദരി കുട്ടിയെ ഒരിക്കൽ പോലും മുത്തം വെക്കാൻ ആഗ്രഹിക്കാത്ത ആൺകുട്ടികൾ ഉണ്ടാകില്ല..
അവളുടെ മുഖത്തേക്ക് വീണു കിടന്ന മുടിയിഴകൾ അവളുടെ ചെവിയുടെ മടക്കിലേക്ക് എടുത്തു വെച്ച് കൊണ്ട്.. ആ മുഖത്തേക്ക് നോക്കി വീണ്ടും അവൻ സംസാരിക്കാൻ തുടങ്ങി…
ശ്യാം :നിനക്ക് ഒരു കാര്യം അറിയാമോ നന്ദിനി….
നന്ദിനി :എന്താ….!
ശ്യാം :ചിലപ്പോൾ ഇത് വിധി ആയിരിക്കും… അല്ലെങ്കിൽ ഇവിടെ വരാനും… കുളിക്കടവിൽ ഞാൻ കാൽ വഴുതി വീഴാനും ലോക് ഡൌൺ വീഴാനും നമ്മൾ തമ്മിൽ നല്ല അടുപ്പത്തിൽ ആകാനും..
നന്ദിനി :കുട്ടേട്ടൻ….!
അവൻ പെട്ടെന്ന് അവളുടെ ചുണ്ടിൽ വിരൽ വെച്ചു സംസാരിക്കാൻ തുടങ്ങി…
ശ്യാം :അവൻ നമ്മൾ കണ്ട് മുട്ടേണ്ടി വരുന്നതിനു ഒരു നിമിത്തം മാത്രം ആയിരുന്നു… അത്രയും കരുതിയാൽ മതി.. അവനു നിന്നെ ആവശ്യം ഇല്ല എങ്ങനെ എങ്കിലും പുറത്ത് പോകണം അവന്റെ സ്വപ്‌നങ്ങൾ നടക്കണം.. അതിൽ ഒരിക്കലും നന്ദിനി ഇല്ല. ഉണ്ടായിരുന്നു എങ്കിൽ നാളുകൾക്ക് ശേഷം കണ്ട നന്ദിനിയെ അവൻ അപ്രോച് ചെയ്യുന്നത് ഇങ്ങനെ ആകില്ല. അവൻ ഞാൻ നോക്കുമ്പോൾ പരമാവധി നിന്നെ ഒഴിഞ്ഞു മാറി പോകുവാൻ ആണ് ശ്രമിച്ചിട്ടുള്ളത്…
നന്ദിനി :പക്ഷേ എനിക്ക് അത്….
ശ്യാം :കഴിയും കഴിയണം… എന്നെ ഈ മണ്ണിൽ പിടിച്ചു നിർത്തിയത് നീയാണ് നന്ദിനി.. ഇനി നീ എന്റെ പെണ്ണ് ആണ് അതിൽ മറ്റാർക്കും സ്ഥാനം ഇല്ല…
നന്ദിനി :ചേട്ടാ അത്…. എന്റെയും കുട്ടേട്ടന്റെയും….
ശ്യാം :അറിയാം… നിശ്ചയം അല്ലേ കഴിഞ്ഞുള്ളു വിവാഹം കഴിഞ്ഞില്ലല്ലോ…. വിവാഹത്തിന് മുൻപ് തീരുമാനം മാറണമെങ്കിൽ മാറ്റം എന്നെ ഉള്ളൂ… പിന്നെ നിനക്ക് എന്നെ ഇഷ്ടം അല്ലേ നന്ദിനി….
അവളുടെ മനസ്സിൽ വല്ലാതെ നീറി…. ചെറുപ്പം മുതൽ താൻ കുട്ടേട്ടൻ അല്ലാതെ മറ്റൊരാളെ സങ്കൽപ്പിക്കുക പോലും ചെയ്തിട്ടില്ല. ഇന്ന് ആദ്യം ആയിട്ട് ആണ് മറ്റൊരു പുരുഷൻ തന്റെ ശരീരത്തിൽ തൊടുകയും ചുണ്ട്കൾ ചേർത്ത് ഉമ്മ വെക്കുകയും ചെയ്തത്… പക്ഷേ ശ്യാമുമായി കൂട്ട് കൂടി കഴിഞ്ഞപ്പോൾ ഒരു പ്രത്യേക ജീവിതം തന്നെ ആയിരുന്നു തന്റേത്. എല്ലാം തുറന്നു സംസാരിക്കാൻ കഴിയും ഒന്നിനും അടച്ചു പൂട്ടില്ല സ്വാതന്ത്ര്യം അങ്ങനെ ശ്യാമിന്റെ ക്വാളിറ്റികൾ വളരെ വലുത് ആണ്.. ഒരിക്കലും കുട്ടേട്ടനെ വിവാഹം കഴിച്ചാൽ തനിക്ക് ഈ ക്വാളിറ്റി കിട്ടില്ല എന്ന് അവൾക്ക് അറിയാം. ഈ സമയം എടുക്കുന്ന തീരുമാനം വളരെ ഇമ്പോര്ടന്റ്റ്‌ ആണ്.. ആലോചിച്ചു തന്നെ ഉത്തരം കണ്ടെത്തണം… അവൾ ആകെ കുഴങ്ങി…
ശ്യാം :എന്താ തനിക്ക് എന്നെ ഇഷ്ടം അല്ലേ നന്ദിനി…
നന്ദിനി :ഇഷ്ടം ആണ് ശ്യാം ചേട്ടാ… പക്ഷേ ഞാൻ ചെയ്യുന്നത് ഒക്കെ തെറ്റ് അല്ലേ ഒരു പുരുഷന് വാക് കൊടുത്തിട്ട് മറ്റൊരാൾ കൂടെ പോകുന്നത്…
ശ്യാം :എന്ത് തെറ്റ്… ഇവിടെ തെറ്റും ശെരിയും ഒന്നും ഇല്ല നന്ദിനി… ഇതൊക്കെ നമ്മളുടെ ഇഷ്ടം ആണ്… സ്വയം തടങ്കലിൽ കഴിയാണോ അതോ പറന്നു നടക്കണോ എന്ന് നീ തന്നെ മുടിവ് എടുക്കണം…. നിന്റെ ജീവിതം ഈ ഗ്രാമത്തിൽ മാത്രം ഒതുങ്ങി പോകരുത്.. കാണേണ്ട കാഴ്ച്ച എല്ലാം കാണണം എന്നാലേ ലൈഫ് എൻജോയ് ആകുക ഉള്ളു…
നന്ദിനി :അതേ എനിക്ക് അറിയാം ശ്യാം ചേട്ടാ…. പക്ഷേ എങ്ങനെ ഇനി നമ്മളുടെ കാര്യം ഇവിടെ പറയാൻ പറ്റും…
ശ്യാം :അത് കുട്ടൻ തന്നെ ആണ് ബെറ്റർ.. അവനോട് കാര്യം പറഞ്ഞു നിന്നെ എനിക്ക് സ്വന്തം ആക്കണം… അത് ഞാൻ പറഞ്ഞു കൊള്ളാം.. എനിക്ക് അറിയാം അവനു ഒരിക്കലും നിന്നെ ആവശ്യം ഇല്ല അവനു ബന്ധങ്ങൾ എന്നുള്ള പേരിൽ ആണ് ഈ നാട്ടിൽ വരുന്നത് പോലും…അതിനപ്പുറം ഒന്നും തന്നെ ഇല്ല.. താൻ പേടിക്കണ്ട ഞാൻ വാക്ക് തെരുന്നു ഉറപ്പായിട്ടും ഞാൻ തന്നെ കൊണ്ട് പോകും എന്റെ പെണ്ണായിട്ട്…