കുട്ടൻ :അവളൊരു പാവം ആടാ, പിന്നെ നമ്മൾ ഇങ്ങനെ ചെറിയ വെയിറ്റ് ഒക്കെ ഇട്ട് നിന്നില്ല എങ്കിൽ അവൾ തലയിൽ കേറി നിരങ്ങും. ഇതാകുമ്പോൾ ഒരു ത്രില്ല് ആണ്…
ശ്യാം :ഓഹോ ഇവിടെ ഓരോന്ന് സെറ്റ് ആവാൻ പാട് പെടുന്നു…
കുട്ടൻ : ഒഹ്ഹ്ഹ് നീ കരുതുന്നത് സേഫ് ആയിട്ടുള്ള ലൈഫ് ആണ്… എനിക്ക് അങ്ങനെ അല്ല സ്വന്തം ആയി ജോലി ചെയ്തു നല്ലൊരു നിലയിൽ എത്തണം…
ശ്യാം :നിനക്ക് ഭ്രാന്ത് ആണ്, ഇത്രയും സ്വത്ത്‌ കൈയിൽ വെച്ചിട്ട് ആണോ നീ വേറെ സ്വന്തം ആയിട്ട് ഉണ്ടാക്കാൻ പോകുന്നത്..
കുട്ടൻ :അതേ…
ശ്യാം കൈ തൊഴുതു കൊണ്ട് അവനെ ആക്കി പറഞ്ഞു…
ശ്യാം :നമിച്ചു മോനെ നിന്റെ ഇഷ്ടം…
കുട്ടൻ അത് കേട്ട് ചിരിച്ചു…
കുട്ടൻ :വാ ഇവിടെ പറമ്പിൽ കുളിക്കടവ് ഉണ്ട് പോയി ഒരടിപൊളി കുളി പാസ്സാക്കാം…
ശ്യാം :ങേ കുളിക്കടവോ…. പെണ്ണുങ്ങൾ ഒക്കെ കാണുമോ മോനെ…..
കുട്ടൻ :ആഹ്ഹ് കോഴിത്തരത്തിന് ഒരു കുറവുമില്ല…
പെട്ടെന്ന് മുത്തശ്ശി അങ്ങോട്ട് കയറി വന്നു..
മുത്തശ്ശി :കോഴിയോ ആർക്കാ കോഴി വേണ്ടേ… ദേ ഇവിടെ എല്ലാം ശൈവം ആണ് കേട്ടോ…
ശ്യാം :അല്ല മുത്തശ്ശി എനിക്കും അത് തന്നെ ആണ് ഇഷ്ടം മുത്തശ്ശി…
കുട്ടൻ :ഇവിടെ മുത്തശ്ശി ഉണ്ടാക്കിയ കറി മതി പോരെ.. അതെന്തായാലും ഞങ്ങൾ കഴിച്ചോളാം…
മുത്തശ്ശി :ആഹ്ഹ്ഹ് അതിന് ഞാൻ അടുക്കളയിൽ കയറിയാൽ അവൾ പുകിൽ ഉണ്ടാക്കും.. സ്വന്തം ആയി വെച്ചുണ്ടാക്കി തന്നിരിക്കുവാ.. നിനക്ക് ഇഷ്ടം ഉള്ള മാമ്പഴപുളിശ്ശേരി വരെ അവൾ റെഡി ആക്കിയിട്ടുണ്ട്…
ശ്യാം പെട്ടെന്ന് അടക്കി പറഞ്ഞു…
“ഓഹ്ഹ് അപ്പോൾ ഇനി ഒരാഴ്ച വെജി തന്നെ ”
മുത്തശ്ശി :എന്താ മോനെ….!
ശ്യാം :ഹേയ് ഒന്നുമില്ല മുത്തശ്ശി….
മുത്തശ്ശി :കുട്ടാ നീ എന്തായാലും തിരുവനന്തപുരം പോകുവല്ലേ… എന്നാൽ പിന്നെ മേമ എടുത്തു കേറീട്ടു വാ അവരും ഫോൺ വിളിക്കുമ്പോൾ നിന്റെ കാര്യം തിരക്കും…
കുട്ടൻ :ആഹ്ഹ് കേറാം മുത്തശ്ശി…
മുത്തശ്ശി :അതൊന്നു ഓർമ്മിപ്പിക്കാൻ വന്നതാ…
കുട്ടൻ :അത് കുഴപ്പമില്ല ഞാൻ പൊക്കോളാം എന്തായാലും ചിലപ്പോൾ രണ്ട് ദിവസം എടുക്കും…
മുത്തശ്ശി ശ്യാമിനെ നോക്കി ചോദിച്ചു…
മുത്തശ്ശി :എങ്ങനെ കുട്ടിക്ക് ഞങ്ങളുടെ വീടും നാടും ഒക്കെ ഇഷ്ട്ടായോ…
ശ്യാം :ഇഷ്ട്ടായി മുത്തശ്ശി… അടിപൊളി ഇതൊക്കെ ആണ് ലൈഫ്….
മുത്തശ്ശി :എന്നാൽ വന്നപാടെ രണ്ടാളും ഒന്ന് കുളിച്ചു വാ..
കുട്ടൻ :ഞങ്ങൾ അങ്ങോട്ട് പോകുന്ന കാര്യം പറഞ്ഞു കൊണ്ട് ഇരിക്കുക ആയിരുന്നു..
മുത്തശ്ശി :എന്നാൽ പോയി കുളിച്ചു വാ, ഊണ് കാലം ആയി ഇരിക്കുവാ… എല്ലാം നിന്റെ പെണ്ണിന്റെ കൈ വെച്ച് ഉണ്ടാക്കിയതാ…
ശ്യാം :എന്നാ വാ നല്ല വിശപ്പ് പെട്ടെന്ന് കുളിച്ചിട്ട് വരാം….
മുത്തശ്ശിക്ക് ശ്യാമിനെ വല്ലാണ്ട് ഇഷ്ടം ആയി കാരണം അവൻ ആ ഒരു പ്രായത്തിൽ പോലും നല്ല തമാശയും ചുറു ചുറുകോടെ ആണ് നടക്കുന്നതും സംസാരിക്കുന്നതും എല്ലാം… കുളത്തിലേക്ക് പോകുന്നത് വീടിന്റെ സൈഡിൽ കൂടി ഉള്ള പറമ്പിൽ കൂടി ആണ് അത് നേരെ പോകുന്നത് ചുറ്റും മതിലുകൾ കൊണ്ട് കെട്ടി ഉയർത്തിയ കുളത്തിലേക്ക് ആണ്. കുളത്തിന്റെ മുൻ വശത്തു കയറി ഉള്ളിലേക്ക് പോകാൻ രണ്ടു വാതിലുകൾ ഉണ്ട് അവിടെ നിന്ന് ഓട് ഇട്ട് കുളത്തിലേക്ക് ചരിഞ്ഞു കിടക്കുന്ന ഒരു ഇറക്ക് അത് തന്നെ ഒരു വീടിന് തുല്യം എന്ന് തോന്നി പോകും..
ശ്യാം :എടാ കുളം എന്നൊക്കെ പറഞ്ഞത് ഇത് നിങ്ങളുടെ സ്വന്തം ആണോ…
കുട്ടൻ :പിന്നെ നീയെന്താ കരുതിയത്..
ശ്യാം :ഞാൻ കരുതി ഈ നാട്ടിൻ പുറത്ത് ഒക്കെ കാണില്ലേ പിള്ളേർ ഒക്കെ വന്ന് തലകുത്തി മറിയുന്നത് പെണ്ണുങ്ങൾ സൈഡിൽ നിന്ന് തുണി ഇറ്റി കഴുകുന്നത്….
കുട്ടൻ : ആഹാ അതും ഉണ്ട് ഞാൻ അങ്ങോട്ട് പോകാറില്ല…
ശ്യാം :എന്തെ….!
കുട്ടൻ :ഇതാകുമ്പോൾ നമ്മുടെ പറമ്പിൽ തന്നെ അല്ലേ…
ശ്യാം :എടാ നമുക്ക് അവിടെ പോകാം ടാ…
കുട്ടൻ :എടാ വായി നോക്കി അവിടെ പെൺപിള്ളേർ ഉണ്ടെങ്കിൽ കാണാൻ അല്ലേ…
ശ്യാം :ശെ കണ്ടു പിടിച്ചു….
കുട്ടൻ :എടാ അവിടെ ഈ നാട്ടിലെ സർവ്വ എണ്ണവും വന്നു നെരങ്ങുന്ന സ്ഥലം ആണ്… പിന്നെ തുണി കഴുകിയ വെള്ളവും നമ്മൾ കുളിക്കുന്ന വെള്ളത്തിൽ തന്നെ ആണ്. ഞാൻ ഒരിക്കൽ പോയത് ആണ് ചില ആൾക്കാർ കഴുകി കീറി പോകുന്ന തുണി അവിടെ തന്നെ കളയും.. സത്യം പറഞ്ഞാൽ അത് കാണുമ്പോൾ എനിക്ക് ദേഷ്യം വെരും. എല്ലാം ഉണ്ടായിട്ടും അത് സൂക്ഷിച്ചു കൊണ്ട് നടക്കാൻ ഈ നാട്ടുകാർക്ക് അറിയില്ല…
ശ്യാം :ഓഹ് എന്നാൽ പോകേണ്ട ഇവിടെ തന്നെ ഓക്കേ…
പടവ് ഇറങ്ങി കൊണ്ട് വന്ന ഡ്രസ്സ്‌ ഊരി പടവിൽ വെച്ചു. തോർത്തു എടുത്തു ചുറ്റി കുളത്തിലേക്ക് ഒറ്റ ചാട്ടം. തൊട്ട് പിറകെ കുട്ടനും ചാടി. നല്ല കണ്ണീർ പോലത്തെ വെള്ളം പക്ഷേ അത് കൽപടവുകൾക്ക് മുന്നിൽ മാത്രം പിന്നെ അങ്ങോട്ട് ചെറിയ പച്ചപ്പ് പിടിച്ചു കാണാൻ തുടങ്ങും. രണ്ടാളും നന്നായി കുളിച്ചു ബഹളം വെച്ച് ഉല്ലസിച്ചു. കുട്ടൻ കുളിച്ചു കേറിയെങ്കിലും ശ്യാം പിന്നെയും കുളത്തിൽ തന്നെ കിടന്നു.
കുട്ടൻ കൊണ്ട് വന്ന ഒറ്റ മുണ്ട് കുത്തിയുടുത്തു അവനു വേണ്ടി കാത്തിരുന്നു. കുറെ കഴിഞ്ഞപ്പോൾ അവൻ കരയ്ക്ക് കയറി വന്നു തല തുവർത്തി എന്നിട്ട് കരയിൽ ഉണ്ടായിരുന്ന തന്റെ ട്രാക് ഷൂട്ട്‌ എടുത്തു ഇട്ടു. പെട്ടെന്ന് കാൽ വഴുതി ശ്യാം താഴേക്കു വീണു ആ വീഴ്ചയിൽ മുട്ട് നന്നായി ഇടിക്കുകയും ചെയ്തു. അവിടെ നിന്ന് ഉരുണ്ട് കുളത്തിലേക്ക് ചെന്നു മറിഞ്ഞു. കുട്ടൻ പിടിക്കാൻ നോക്കി എങ്കിലും ശ്യാം അപ്പോഴേക്കും കുളത്തിലേക്ക് മറിഞ്ഞിരുന്നു..
കുട്ടൻ :ശ്യാമേ ടാ…..
കൈയിൽ മടക്കി വെച്ചിരുന്ന തന്റെ ഇട്ടു കൊണ്ട് വന്ന ഡ്രസ്സ്‌ കൈ പടവിലേക്ക് എറിഞ്ഞു കൊണ്ട് കുട്ടൻ അവന്റെ അടുത്തേക്ക് ഓടി.അപ്പോഴേക്കും ശ്യാം വെള്ളത്തിൽ എത്തിയിരുന്നു. വെള്ളത്തിൽ ആയത് കൊണ്ട് തല പൊട്ടിയില്ല പക്ഷേ കാലിന്റെ മുട്ടിനു താഴെ നല്ല പോലെ ഇടിച്ചു തൊലി പോയിട്ടുണ്ട്…അപ്പോഴേക്കും കുട്ടൻ അവനെ കൈയിൽ താങ്ങി പിടിച്ചു കരയിലേക്ക് കയറി..
കുട്ടൻ : ടാ ശ്യാമേ…..
ശ്യാം :ആഹ്ഹ്ഹ് എന്റമ്മേ…. കാൽ ചേർത്ത് പിടിച്ചു കൊണ്ട് ശ്യാം കരഞ്ഞു…
കുട്ടൻ എന്താ ചെയ്യേണ്ടത് എന്ന് ആലോചിച്ചു നിന്ന് പോയി. വേദന മെല്ലെ മാറി തുടങ്ങിയപ്പോൾ ശ്യാം മെല്ലെ തല പൊക്കി കുട്ടനെ നോക്കി… അപ്പോഴും അവന്റെ കണ്ണിൽ വേദന നിറഞ്ഞു നിന്നു…
കുട്ടൻ :ടാ കുഴപ്പം വല്ലോം ഉണ്ടോ പ്രശ്നം ആയോ….
ശ്യാം :മോനെ പരലോകം കണ്ടു… നിന്റെ മുത്തശ്ശനോട് പറ അയ്യവും പറമ്പും വൃത്തി ആക്കാൻ വരുന്നവരെ കൊണ്ട് ആദ്യം ഈ പായൽ തേച്ച് കഴുകിക്കാൻ…
കുട്ടൻ ചിരിച്ചു കൊണ്ട് ആണ് അതിനു മറുപടി പറഞ്ഞു..
കുട്ടൻ :എടാ ഞാൻ പറഞ്ഞില്ലേ ഇവിടെ കിടന്നു നെകളിപ്പ് കാണിച്ചാൽ കൈയും കാലും ഒക്കെ തിരിയും…