: മീനുട്ടി പോയികിടക്ക് അമ്മക് നാളെ ഹോസ്പിറ്റലിൽ പോകണ്ടതല്ലേ നാളെ കഴിഞു സാറ്റർഡേ അല്ലെ അമ്മയും ലീവ് ആണ് നമ്മക്ക് നാളെ കഴിഞ്ഞു പോളികാം മോള് പോയി കിടക്കട ചക്കരെ…
മീനു : അപ്പ പറഞ്ഞോണ്ട് മാത്രം പോകാം.. ( പോകുന്ന പോക്കിൽ ഒരു കൊഞ്ഞനം കുത്തിട്ടാണ് പോകുന്നേ… ഇപ്പോ മനസ്സിൽ ആയി കാണുമല്ലോ അവൾക് ആരെയാ ഇഷ്ടം എന്ന് അവൾ അപ്പന്റ പൊന്നു ആണ്..) ഇനി എന്റെ കാന്താരിയെ എങ്ങനെ സമദനിപ്പിക്കുമോ ആവോ.. അവളോട്‌ കുറച്ചു ചേർന്ന് കിടന്നു . പുള്ളിക്കാരി തിരിഞ്ഞു കിടക്കുവാണ് പിണക്കം ആണ്
: ഡി…. (അനക്കം ഇല്ല ) മീരു…..
ആമി : ഉം( നേർത്ത ഒരു മൂളൽ )
:എന്താടി എന്റെ പെണ്ണിന്
ആമി : ഏട്ടാ ഞാൻ ഒരുപാട് തടി വച്ചോ ( ഓ അപ്പോ അതാണ് കാര്യം പെണ്ണിന് കുശുമ്പ് കേറീട്ടുള്ള പിണക്കം ആണ് )
: എന്ന് ആര് പറഞ്ഞു എന്റെ പെണ്ണ് സുന്ദരി അല്ലെ. ഈ മനുവിന്റെ ചൂന്ദരി..
മുഖം തിരിച്ചു എന്റെ കാണിലോട്ട് നോക്കിട് സത്യം എന്ന്. അതിനു മറുപടി ആയി അവളുടെ ചുണ്ടിൽ ചുണ്ട് ചേർത്ത് ആണ് അതിനുള്ള ഉത്തരം കൊടുത്തേ…. എന്നിട്ട് പതിയെ അവൾ എണീറ്റ് ബാത്റൂമിലേക്ക് പോയി.
” ഇപ്പൊ ഏകദേശം കാര്യങ്ങളൊക്കെ നിങ്ങൾക് മനസ്സിലായി കാണുമല്ലോ. അതെ ഞങ്ങളെ ലവ് മാരേജ് ആയിരുന്നു എന്നൊക്കെ പറയണം എന്ന് ഉണ്ട് പക്ഷെ ഞങ്ങളുടെ അറേഞ്ച് മാര്യേജ് ആണ്… എനിക്കും അവൾക്കും വെക്തമായി ഓർമ്മ ഇല്ലാത്ത ഒരു കല്യാണം.
കതക് ആരോ തുറക്കുന്നത് പോലെ തോന്നി. തല ഉയർത്തി നോക്കി…
: അല്ല ഇതാര്, അപ്പേടെ മുത്തോ, ഉറങ്ങിയില്ലെടാ….
“മീനുട്ടി ആണ്….. ”
മീനു : അപ്പേ എനിക്ക് ഉറക്കം വരണില്ല. ഞാൻ ഇവിടെ കിടന്നോട്ടെ… (എന്നും ചോദിച്ചോണ്ട് എന്റെ ദേഹത്തോട്ട് ഒരു ചാട്ടം)
അങ്ങനെ അവളുടെ സ്കൂളിലെ ഓരോ കാര്യം ചോദിച്ചു കൊണ്ട് അങ്ങനെ കിടന്നു ഇടയ്ക്ക് ഉഷ മിസ്സിനെ കുറിച്ച് ചോദിക്കുമ്പോൾ. തലയൊന്നു പൊക്കി എന്താണ് ഉദ്ദേശം എന്ന ഭാവത്തിൽ എന്നെ ഒന്ന് നോക്കും. ഞാനാണെങ്കിൽ അമ്മയോട് പറയരുത് എന്നു പറയും. അങ്ങനെ ഓരോന്ന് പറഞ്ഞു ഇരിക്കുമ്പോൾ ബാത്റൂമിലെ ഡോറും തുറന്നു വരുന്നു എന്റെ മീര..എന്റെ ഭാര്യ….
ആമി : നീ പോയില്ലെടി… (മുടി കൊതുന്ന ഇടയിൽ കുറച്ചു ദെഷ്യത്തോടെ ആണ് ചോദ്യം )
മീനു : ഞാൻ ഇന്ന് ഇവിടെ ആണ് കിടക്കുന്നെ അപ്പ എന്നോട് കിടന്നോളാൻ പറഞ്ഞു… (അവൾ ഒന്ന് കൊഞ്ഞനം കുത്തി കാണിച്ചു )
ആമി :ദേ പെണ്ണെ നിന്റെ കളി കുറച്ചു കൂടുന്നുണ്ടേ.. നിങ്ങളാ ഇവൾക്ക് വളം വച്ചു കൊടുക്കുന്നെ ( ചുമ്മാ കിടന്ന എന്റെ മെക്കിട്ടു ആയി. അമ്മയു മോളും അടികുടിയാൽ ഞാൻ ഒന്നും മിണ്ടില്ല. ഞാൻ നന്നായി ഒന്ന് ഇളിച്ചു കാണിച്ചു)
: അവള് ഇവിടെ കിടന്നോട്ടെടി…. ‘എന്നും പറഞ്ഞു മോളുടെ നെറ്റിയിൽ ഒരു മുത്തം കൊടുത്തു ചേർത്തുപിടിച്ചു..’ എന്നിട്ട് കൈ നീട്ടി അവളെ വിളിച്ചു പൂച്ച കുഞ്ഞു പതുങ്ങുന്ന പോലെ എന്റെ നെഞ്ചിൽ മുഖം പൂഴ്ത്തി.
അങ്ങനെ രണ്ടുപേരും ചേർത്തുപിടിച്ച് അങ്ങനെ കിടന്നു.
: അപ്പേ…. കഥ പറ പ്ലീസ്…..?
അവൾവിടുന്ന ലക്ഷണം ഇല്ല..
: മം പറയാം…
ആമി എന്റെ മുഖത്തേക്ക് തന്നെ നോക്കി കിടക്കുന്നു ഞാൻ അവളുടെ കണ്ണിലേക്കു എന്റെ ചുണ്ടുകൾ അടുപ്പിച്ചു. പതിയെ മീനുവിന്റ മുടിയിൽ തലോടി ഞാൻ കഥ പറയാൻ തയാറെടുത്തു….
“””””””””””””””””””””””””””””””””””””””””””
മംഗലത്ത് കാവ് എന്ന അതിമനോഹരമായ ഗ്രാമവും പ്രകൃതിയുടെ പച്ചപ്പും മണ്ണിന്റെ പുതുമയും വിട്ടുമാറാത്ത അതിസുന്ദരമായ കൊച്ചു വലിയ ഗ്രാമം. അവിടുത്തെ നാട്ടാർക്ക് എല്ലാം ഭയഭക്തി ബഹുമാനം ആയ വിശ്വനാഥൻ അഥവാ വിശ്വേട്ടൻ എന്റെ അച്ഛൻ. നാട്ടിലെ പേരെടുത്ത പ്രമാണിയും നാട്ടുകാരുടെ എല്ലാം പ്രിയപ്പെട്ടവനായ വിശ്വനാഥന്റെയും, കുടുംബിനിയും സർവ്വോപരി ഈശ്വരഭക്തയും അതിലേറെ പാവവും ആയ മാളുമ്മ എന്ന മാലിനിയുടേം രണ്ടാംമക്കളിൽ രണ്ടാമനായ എന്റെ കഥയാണിത്. എനിക്ക് പുറമെ ഒരു ചേട്ടനാണ്, ചേട്ടൻ ബാങ്കിൽ വർക്ക് ചെയ്യുന്നു ചേട്ടന്റെ മാരേജ് കഴിഞ്ഞിട്ട് ഒരു വർഷത്തോളം ആകുന്നു ചേട്ടന്റെ പേര് അജിത്ത് എന്ന അജി, ചേട്ടത്തി ഒരു കോളേജ് ലക്ചർ ആണ് ഭർത്താവിന്റെ വീടിനെ സ്വന്തം വീട് ആയും അവിടുത്തെ സഹ ജനങ്ങളെ സ്വന്തം വീട്ടുകാരായും കരുതുന്ന രേവതി എന്ന എന്റെ ദേവു ഏട്ടത്തി.
അയ്യോ എന്നെ പരിചയപ്പെടുത്തി ഇല്ലല്ലോ.. നിങ്ങൾ ചോദിക്കാതെയായപ്പോ ഞാൻ ആ കാര്യം വിട്ടുപോയി. നിങ്ങൾ നല്ല ആള്ക്കാരാ… കൊള്ളാം ഏതായാലും
ഞാൻ അർജുൻ എന്ന അജു.. ഫാഷൻ മോഡലിംഗ്ൽ താല്പര്യം ഉള്ളതിനാൽ വീട്ടുകാരുടെ കയ്യും കാലും പിടിച്ച് എറണാകുളത്ത് ജോലി ചെയ്യുന്നു. വീട്ടിൽ നിന്ന് മാറിനിൽക്കുന്നത് വീട്ടിൽ ആർക്കും ഇഷ്ടമല്ല അതാണ് മെയിൻ ഇഷ്യൂ .ആ ഒരു കാര്യത്തിന്റെ പേരിൽ അച്ഛന്റെ വായിലിരിക്കുന്നത് കുറെ കേട്ടത് മിച്ചം.
അപ്പൊ കഥയിലേക്ക് വരാം
” അമ്മാ….അമ്മ പറഞ്ഞാ അച്ഛൻ കേൾക്കും.. ”
പാത്രത്തിലെ അവസാന കഷ്ണ ദോശയും വായിലാക്കി ഞാൻ അമ്മയെ സോപ്പിടാൻ നോക്കുന്നു
” നടക്കില്ല മോനെ നടക്കില്ല…ആ കാര്യത്തിന് എന്റെ മോൻ വെള്ളം വാങ്ങി വെക്കേണ്ട “
എന്റെ പ്രതീക്ഷകളെ തല്ലിക്കെടുത്തിയായിരുന്നു അമ്മയുടെ മറുപടി
” എന്റെ അമ്മ കുട്ടി അങ്ങനെ പറയല്ലേ പ്ലീസ്… അമ്മടെ അജുന് വേണ്ടി അല്ലെ… ”
” ഇല്ലെടാ പൊന്നേ നടക്കില്ല മോൻ വേറെ വല്ല പ്ലാനും ഉണ്ടെങ്കിൽ പറഞ്ഞോക്ക്..”
എന്റെ പാത്രത്തിലേക്ക് ഒരു ദോശയും കൂടെ ഇട്ട് അമ്മ വീണ്ടും പണിയിൽ മുഴുകി
” അഹ്…. ദേ വരുന്നു നിന്റെ പുന്നാര ഏട്ടത്തി അങ്ങോട്ടേക്ക് പറ… ചെലപ്പോ നടക്കും ”
അമ്മയുടെ വാക്കുകൾ എന്നെ എത്തിച്ചത് ദേഷ്യതാൽ കത്തിജ്വലിക്കുന്ന കണ്ണുകളുമായി നിൽക്കുന്ന ഏട്ടത്തിയിൽ ആണ്
ഏട്ടത്തി രണ്ടു ചുവട് മുന്നോട്ട് വെച്ച് അടുക്കളയിൽ കേറി എന്നെ മൊത്തത്തിൽ ഒന്ന് നോക്കി.. കാര്യം പിടികിട്ടിയപ്പോ ഞാൻ സ്ലാബിൽ നിന്ന് താഴ്യ്ക്ക് ഇറങ്ങി.ദൈവമേ ജീവൻ ബാക്കി വച്ചേക്കണേ..
” അജു നിന്നോട് പല തവണ പറഞ്ഞിട്ടുണ്ട്….. കുളിക്കാതെ ആഹാരത്തെ തൊടരുതെന്ന്…. അതെങ്ങനെയാ ഏട്ടന്റെ അല്ലെ അനിയൻ…അമ്മ ഇപ്പൊ എന്തിനാ ഇവന് ഫുഡ്‌ കൊടുത്തേ…”
എനിക്കെട്ട് ഒരു അടിയും തന്ന് അടുക്കളയിലേക്ക് കയറി അമ്മക്ക് നേരെ തിരിഞ്ഞു. കുളിക്കാതെ ഫുഡ്‌ കഴിക്കുന്നത് ഇഷ്ടമല്ല പുള്ളിക്കരത്തിക്ക്. അമ്മ കൈമലർത്തി . ഞാൻ ആണെകിൽ നാളത്തെ കാര്യത്തിന് ഇടക്ക് ഇത് വിട്ടും പോയി. അഹ് ഏതായാലും കിട്ടുന്നത് വാങ്ങിക്കാം.
” എന്റെ പൊന്നേട്ടത്തി… വാങ്ങിക്കാനുള്ളത് ഒക്കെ പിന്നെ വാങ്ങിച്ചോളാം ഞാൻ.. പറ്റുമെങ്കിൽ എന്നെ ഒന്ന് ഹെല്പ് ചെയ്യ്…,”
ഞാൻ അവസാനശ്രമം എന്നോണം ഏട്ടത്തിയുടെ മുഖത്തേക്ക് നോക്കി
