” നടക്കില്ല ”
ഒന്ന് കേൾക്കുകപോലും ചെയ്യാതെ.. എന്റെ വാക്കുകൾ അപ്പാടെ ഇല്ലാതാക്കി. അമ്മയിൽ നിന്ന് ആക്കിയുള്ള ചിരി എനിക്ക് കേൾകാം എങ്കിലും ഞാൻ അത് കാര്യമാക്കില്ല.. ഇനി അറ്റകൈ തന്നെ പ്രയോഗിക്കാം, ഫ്രിഡ്ജ് തുറന്ന് എന്തോ എടുക്കുന്നതിനിടയിൽ ഞാൻ ഒരു ഡിമാൻഡ് ഇട്ട്
” എന്റെ കൂടെ നിന്നാൽ ഞാൻ ഡയറി മിൽക്ക് സിൽക്ക് വാങ്ങിതരാം…. എന്ത് പറയുന്നു “
അതിൽ വീഴും എന്ന് എനിക്ക് ഉറപ്പായിരുന്നു. പുള്ളിക്കാരിക്ക് ഡയറി മിൽക്കിൽ ആരോ കൈവിഷം കൊടുത്തിട്ടുണ്ട്. അതോടെ പുള്ളി ഒന്ന് അടങ്ങി എന്നെനിക്ക് തോന്നി
” 3 എണ്ണം വാങ്ങിച്ചു തന്നാൽ ഞാൻ കൂടെ നിക്കാം.. ഡീൽ ആണോ… ”
ഇതെല്ലാം കേട്ട് കൊണ്ട് അമ്മ മൂലയ്ക്ക് നിന്ന് തേങ്ങാ തിരുമുന്നു
” നിനക്ക് നാണമില്ലേ പെണ്ണേ… ചോക്ലേറ്റും തിന്നു നടക്കാൻ കൊച്ചുകുട്ടിയാണെന്നാ പെണ്ണിന്റ വിചാരം ”
പറയുന്നതിനോടൊപ്പം അമ്മയുടെ കുണുങ്ങി ചിരിയും കേൾക്കാം
” അച്ചോടാ പറയണ്ടേ …. എന്റെ കുട്ടിക്കും ഞാൻ തരത്തില്ലേ…. ”
പുറം തിരിഞ്ഞു നിന്ന് തേങ്ങ തിരുമ്മുന്ന അമ്മയുടെ വയറിലൂടെ കൈയ്യിട്ട് കൊണ്ടാണ് ഏട്ടത്തി അത് പറഞ്ഞത്.. സംഭവം അമ്മയും മരുമോളും ഭയങ്കര സിങ്ക് ആണ്
” ഹാ…. കൊഞ്ചാതെ പോ… പെണ്ണെ… ”
” ദേ…. അമ്മായിമ്മേ ഞാൻ ഒരു കാര്യം പറഞ്ഞേക്കാം.. മര്യാദക് അല്ലങ്കിൽ ഞാൻ ഗാർഹിക പീഡനത്തിന് നിങ്ങൾക് എതിരെ പരാതി കൊടുക്കും… കൊടുക്കട്ടെ…. ഏഹ് ”
അല്പം ദെഷ്യം പിടിച്ചുള്ള സംസാരം. ഇത് ഇവിടെ പതിവാണ്, നമ്മള് ഓർക്കും രണ്ടുംകുടെ ഉടക്കിയെന്ന്.. എവിടെ അത് കാണാൻ ഉള്ള ഭാഗ്യം ഒന്നും നമ്മക്ക് ഇല്ലേ…
അത് പറഞ്ഞു നിർത്തിയതും രണ്ടും കൂടെ മുഖത്തോട് മുഖം നോക്കി ചിരിക്കാൻ തുടങ്ങി
” അമ്മയുടേം മോളുടേം സ്നേഹപ്രകടനം കഴിഞ്ഞെങ്കിൽ.. ഈ ഉള്ളവന്റെ പ്രശ്നത്തിന് പരിഹാരം കാണാൻ തമ്പുരാട്ടിയെ കൊണ്ടുപൊക്കോട്ടെ… ”
ഞാൻ ഒരു ആക്കിയ ചിരിയോടെ അത് പറഞ്ഞപ്പോ ഏട്ടത്തി എന്നെ നോക്കി കൊഞ്ഞനം കുത്തി അമ്മയാണെകിൽ ഒരാടിയും…
” എന്തോന്നാ.. എല്ലാരും ഭയകര കളി തമാശയിൽ ആണല്ലോ… ”
അടുക്കളയിലേക്ക് കേറിക്കൊണ്ട് ഏട്ടൻ എന്റെ മുഖത്തേക്ക് നോക്കി
” എന്താടാ ”
എന്റെ മുഖം ഒന്ന് മാറിയാൽ ഏട്ടന് മനസിലാകും അതാണ് സത്യം.
” രണ്ടാളോടും ഒരു കാര്യം പറയാം ”
” എന്തോന്നാടാ കുറെ ആയല്ലോ .. നീ പറ… എന്തെമ്മേ കാര്യം ”
ഏട്ടത്തി അമ്മയുടെ മുഖത്തേക്ക് നോക്കി
” ഇവൻ ഏതോ.. വണ്ടി വാങ്ങിയെന്നോ അത് അച്ഛനോട് പറയണമെന്നോ… എന്തൊക്കയോ പറയുന്ന കേട്ട് ”
അരിഞ്ഞ പച്ചക്കറി അടുപ്പത്തു വച്ച ചീനച്ചട്ടിയിൽ ഇട്ടുകൊണ്ട് അമ്മ ഒരു ഒഴിക്കൻ മട്ടിൽ പറഞ്ഞു നിർത്തി
” അയ്യേ… ഈ ചിള് കേസിനാണോ ഞാൻ… ഡേയ്… ഒന്ന് പോയി പരിഹരിച്ചു കൊട്.. ചെല്ല് നമ്മടെ പയ്യനല്ലേ…. ”
അടുപ്പിൽ ഇരിക്കുന്ന തോരൻ ഇളകികൊണ്ട് ഇരുന്ന തവി കൈയിൽ എടുത്ത് കറക്കികൊണ്ട് ഏട്ടത്തി ഏട്ടനോട് അത് പറയുമ്പോ… ഏട്ടന്നൂൾപ്പടെ എല്ലാരും ചിരിച്ചു പോയി… ഇപ്പോ മനസിലായില്ലേ ഞങ്ങളുടെ ഒരു വൈബ്…
” പോടെയ്… പോടെയ്… നീ വാടേ…. ”
എട്ടത്തിക്ക് നേരെ ഒരു ലോഡ് പുച്ഛം വാരിവിതറി കൊണ്ട് ഏട്ടൻ എന്റെ തോളിൽ കൈയിട്ട് മുന്നോട്ടു നടന്നു
അച്ഛനോട് കാര്യങ്ങൾ എല്ലാം ചേട്ടൻ തന്നെയാണ് പറഞ്ഞത്. അങ്ങേര് ആദ്യം കുറെ മൊട കാണിച്ചെങ്കിലും. ഏട്ടന്റെ വാശിക്ക് മുന്നിൽ അച്ഛന് സമ്മതിക്കേണ്ടിവന്നു.. സത്യം അറിയുമ്പോൾ ഏട്ടൻ എന്നെ വാരി ഉടുക്കാതെ ഇരുന്നാൽ മതി.
അന്ന് കാര്യങ്ങൾ അങ്ങനെ പോയി പിറ്റേന്ന് രാവിലെ തന്നെ അവർ വിളിച്ച് കറക്റ്റ് ലൊക്കേഷൻ ചോദിച്ചു ജംഗ്ഷനിലെത്തി എന്നും പറഞ്ഞു.. ഞാൻ ലൊക്കേഷൻ അയച്ചുകൊടുത്തു വീടിന്ടെ ഉമ്മറത്ത് ഇരിപ്പായി..
“നീ ഇങ്ങനെ ഇരിക്കുന്നത് കണ്ടാൽ തോന്നും നിന്റെ ഭാര്യ പ്രസവിക്കാൻ കിടക്കുവാണെന്നു…”
ഞാൻ ടെൻഷൻ അടിക്കുന്നത് കണ്ട് ഏട്ടത്തി പറഞ്ഞു. അവർക്ക് അങ്ങനെ പറയാം വരുന്ന സാധനത്തിന്റെ വില അറിഞ്ഞാൽ ഉള്ള കര്യം ഓർക്കാൻ കൂടെ വയ്യ. അയിന്റെ ഇടക്ക് ഓരോ ചളിയായി ഇറങ്ങിക്കോളും… ഇതിന് പോഷകാഹാരത്തിന് കുറവുണ്ട് കൂടാതെ ബുദ്ധിക്കും ഇതിനൊക്കെ ആരാന്നോ ലക്‌ച്ചർ ആയി ജോലിക്കൊടുത്തെ
” ഇതേ ഒരു പേപ്പറിൽ എഴുതി തന്നേര് സമയം കിട്ടുമ്പോ വായിച്ചു ചിരിച്ചോളാം…. ”
ഏട്ടത്തിയുടെ ആ കമന്ററി പാടെ പുച്ഛിച്ചു തള്ളി ഞാൻ അവിടെനിന്നും എണ്ണിറ്റ്
” ഓ നിന്റെ സ്റ്റാഡേർഡ്നു പറ്റിയ ഒരണം ഞാൻ പറഞ്ഞന്നേ ഉള്ളെ… ദേ ഡാ വണ്ടി വന്നു.. ഏഹ് ഇത് എന്തോന്നാ ഇത്രം വലിയ വണ്ടി ഒരു ബൈക്ക് കൊണ്ട് വരാൻ.”
എന്നെ ആക്കികൊണ്ട് സംസാരിച്ച വാക്കുകൾ നിർത്തി മുഖത്ത് ആചാര്യം വന്ന് നിറഞ്ഞു..കണ്ടെയ്നർ വന്നപ്പോ ഏട്ടത്തി ഒന്ന് ശംകിച്ചു.
” നി വല്ല കാറും അണോ വാങ്ങിയെ….”
വണ്ടിയിൽ ഒന്ന് നോക്കികൊണ്ട്‌ ഏട്ടൻ അങ്ങോട്ടേക് വന്നു, അപ്പൊത്തന്നെ തൊപ്പിവെച്ച ഒരാൾ എന്റെ അരികിൽ എത്തിയിരുന്നു
” ഇതിൽ പറയുന്ന അർജുൻ വിശ്വനാഥൻ ”
അയാൾ ഞങ്ങളെ ഒന്ന് നോക്കിട്ട് ചോദിച്ചു നിർത്തി
” ഞാൻ ആണ് ”
അയാൾ തിരക്കുന്ന ആൾ ഞാൻ ആണെന്നറിഞ്ഞതോടെ ഒരു ഫോം എന്റെ നേരെ നീട്ടി.. അപ്പോളേക്കും ബൈക്ക് അൺലോഡ് ചെയ്തിരുന്നു ഏട്ടനും ഏട്ടത്തിയും എന്നെ ഒന്ന് നോക്കി ബൈക്കിന്റെ അടുത്തേക്ക് നടന്നു.. ഞാൻ ആ ഫോമിൽ ഒപ്പ്പും ഇട്ട് അങ്ങോട്ടേക് ചെന്നു
അയ്യോടാ മറന്നു….. അച്ഛനും അമ്മയും ഇവിടെ ഇല്ല … അവർ അടുത്തൊരു വീട്ടിൽ കല്യാണത്തിന് പോയേക്കുവാ… ഇല്ലേൽ ഇപ്പൊ കാണാമായിരുന്നു പുകില്.
അപ്പോ തിരിച്ചു വരാം
കവർ പൊട്ടിച്ചു വണ്ടി കണ്ടപ്പോ രണ്ടാളുടേം കിളി പാറി എന്നെനിക് മനസിലായി
” ഇതിന് എത്ര ആയെന്നാടാ നാറി നീ ഞങ്ങളോട് പറഞ്ഞെ.. ”
എന്നെ രൂക്ഷമായി നോക്കി ഏട്ടൻ എനിക്ക് നേരെ ചോദ്യം എറിഞ്ഞപ്പോ ഞാൻ ഒന്ന് പതറി
” ദാ… സർ എമൗണ്ട് ബില്ല് ”
അഹ് തീർന്ന്…. അല്ല ഈ മലരൻ പോയില്ലായിരുന്നോ…?? ആ ഫോം തന്ന നാറിയാണ്
ആല്ലേൽ തന്നെ ബില്ല് കൊടുക്കാൻ ഇവനാര് ബിൽലാദനോ….!
” ഇങ്ങ് തന്നെ നോക്കട്ടെ ”
എന്നും പറഞ്ഞു ഏട്ടത്തി ആ പേപ്പർ കൈയിൽ നിന്ന് വാങ്ങിയതേ…
” ഈശ്വരാ… ”
നെഞ്ചത്ത് കൈവെച്ചുപോയി പാവം
” എന്നാടി… എന്നാന്നു… ”
ഏട്ടൻ ഏട്ടത്തിയെ കുലിക്കി വിളിച്ചു.. അമ്പരന്ന മുഖത്തോടെ കൈയിലെ പേപ്പർ മാത്രം ഏട്ടന് നേരെ നീട്ടി അവിടേം ഇത് തന്നെ അവസ്ഥ
അപ്പോളേക്കും വന്നവർ പോയി നാട്ടുകാർ കുടി.. അത് പിന്നെ അങ്ങനെ ആണല്ലോ മറ്റുള്ളവരുടെ വീട്ടിൽ എന്ത് നടക്കുന്നു എന്നറിഞ്ഞില്ലെങ്കിൽ ഒരു സമാധാനവും അവർക്ക് കിട്ടുകേല..
” ഇതാരുടെ വണ്ടിയാ അജി.. ”
രമണി ചേച്ചിയാണ്… ഇതറിഞ്ഞിട്ട് വേണം പെണ്ണുമ്പുള്ളക്ക് തൊഴിലുറപ്പില് പോയി ഡീറ്റെയിൽസ് കൊടുക്കാൻ. പണ്ട് പത്തിലോ മറ്റോ പഠിക്കുമ്പോ സുകുമാരൻ ചേട്ടന്റെ കടയിൽ നിന്ന് കോല് മുട്ടായി വാങ്ങി കഴിച്ചോണ്ട് വന്ന ഞാൻ സിഗരറ്റ് വലിച്ചെന്ന് വീട്ടിൽ പറഞ്ഞ മോന്റെ മോളാണ് നമ്മടെ രമണി ചേച്ചി… ദൈവമേ ചേച്ചിക്ക് നല്ലത് മാത്രം വരുത്തണേ…….
