” ഏയ് ഇല്ല ” ഷാനു അജയുടെ തോളിലേക്ക് തല വെച്ചു കിടക്കുകയായിരുന്നു . ബുള്ളറ്റ് എങ്ങോട്ടോ ചീറി പാഞ്ഞു കൊണ്ടിരുന്നു
” ഒന്നും ചെയ്തെക്കല്ലന്നു പപ്പാ എന്നെ രഹസ്യമായി ഉപദേശിച്ച വിട്ടേ ?”
” പിന്നെ നീ ചെയ്തതോ ? ഞാന് പപ്പയോടു പറയും ?”
” നിന്റെ വാപ്പ സമ്മതിചില്ലേല് …പെണ്ണിന് വയറ്റിലുണ്ട് …എന്നും പറഞ്ഞു ഭീഷണി പെടുത്തി കല്യാണം കഴിക്കനാരുന്നു എന്റെ പ്ലാന് ”
” ദുഷ്ടാ ” ഷാനു അവന്റെ ചുമലില് കടിച്ചു ….
””””””””””””””””””””””””””””””””””””””””””””
‘ ജമീലാ ……’
” വരുവാ ഇക്കാ ”
ജമീലാ കുളി കഴിഞ്ഞ് വെള്ള ലുങ്കിയും നീല മുത്തുകള് കയ്യിലൊക്കെ പിടിപ്പിച്ച ബ്ലൌസും ഇട്ടിറങ്ങി വന്നു ”
‘ നീയിത് റാവുത്തര്ക്ക് കൊണ്ടോയി കൊടുക്ക് … പറ്റൂങ്കില് ഇങ്ങോട്ടിറങ്ങാന് പറ ”
” ഇക്കാ ….” ജമീല വല്ലാത്തൊരു ഭാവത്തിലയാളെ നോക്കി
” ചെല്ല് …ഞാനിന്നലെ നിന്നോടെല്ലാം പറഞ്ഞതല്ലേ ..ചെല്ല് ..പിള്ളേര് വരാന് നേരമായി ”
അസിസ് കാസറോളില് ബിരിയാണി നിറച്ചു , പപ്പടവും അച്ചാറും കച്ചമ്പറും പ്ലാസ്റിക് കവറുകളിലാക്കി അവള്ക്ക് കൊടുത്തു പറഞ്ഞു വിട്ടു .
മുറ്റത്ത് റാവുത്തരുടെ വണ്ടി കിടക്കുന്നത് കണ്ടിട്ട് ജമീല ബിരിയാണി ടേബിളില് വെച്ചിട്ട് നേരെ അയാളുടെ മുറിയിലേക്ക് കയറി
” അണ്ണാ ” ജമീലയുടെ സ്വരം കേട്ടയാള് കണ്ണ് തുറന്നു ..
‘ അണ്ണാ ….. ബിരിയാണി കൊണ്ട് വന്നിട്ടുണ്ട് …വാ ഞാന് വിളമ്പി തരാം ” അവളയാളുടെ കയ്യില് പിടിച്ചു
” നീ പൊക്കോ ജമീലാ , ഞാന് കഴിച്ചോളാം ”
” വാ …അണ്ണാ …കുറെ പറയാനുണ്ട് ‘ ജമീല അലമാരി തുറന്നു ചിവാസ് രീഗലിന്റെ ബോട്ടില് എടുത്തു വെച്ചിട്ട് ഗ്ലാസ്സെടുക്കാന് പോയി .
” അണ്ണാ …..പറ്റുവാണേല് അങ്ങോട്ടിറങ്ങാന് പറഞ്ഞിക്ക …” ബിരിയാണിയിലെ മുട്ടയും ഒരു പ്ലേറ്റില് കൊണ്ട് വന്നു വെച്ചിട്ട് , ജമീല ഗ്ലാസ്സിലേക്ക് ചിവാസ് ഒഴിച്ചു
” ഞാനെങ്ങനെ അവന്റെ മുഖത്ത് നോക്കും ജമീലാ …നീയെങ്ങനെ നോക്കും ? …നീയിനി ഇങ്ങോട്ട് വരണ്ട ….എനിക്കാ കാശും വേണ്ട …സൂറാ പോയെ പിന്നെ ഞാന് അല്പമെങ്കിലും സ്നേഹിച്ചിട്ടുണ്ടേ നിന്നെ മാത്രമാ ….ഞാനെന്നാ പറഞ്ഞാലും നീ വന്നു വെച്ചുണ്ടാക്കി തരും ..എല്ലാ ജോലീം ചെയ്യും …നീ ചോദിച്ചപ്പോഴേ ഞാനാ പൈസാ തരണമായിരുന്നു…അസ്സിയെ ഒന്ന് വന്നു കാണണോന്നുണ്ട് …അവന്റെ മുഖത്ത് നോക്കാന് വയ്യെനിക്ക്”
” ഞാന് പറഞ്ഞണ്ണ…എന്നെ കൊണ്ടും വയ്യാരുന്നു… മനസില് കുറ്റബോധം വെച്ചോണ്ടിങ്ങനെ….”
” എന്നിട്ട് …എന്നിട്ടവന് വല്ലോം നിന്നെ ചെയ്തോ ? റാവുത്തരുടെ വാക്കുകള് ഇടറി …അയാള് ഒറ്റ വലിക്ക് ഗ്ലാസ് കാലിയാക്കി. ജമീല മുട്ട എടുത്തു പാതി മുറിച്ചയാളുടെ വായിലേക്ക് വെച്ചു
സാരമില്ല …നീയെനിക്ക് വേണ്ടി അല്ലെ കിടന്നു കൊടുത്തതെന്ന് പറഞ്ഞു എന്നെ ആശ്വസിപ്പിച്ചപ്പോള് ..ഞാന് പറഞ്ഞു പോയി …ഞാനും സുഖിച്ചിക്ക എന്ന് … മനസ്സില് സുഖിച്ചിട്ടു ഇക്കയെ വഞ്ചിക്കാന് എനിക്ക് മനസ് വന്നില്ല അണ്ണാ .അപ്പൊ ഇക്ക ….ഇക്ക എന്നോട് പറഞ്ഞണ്ണാ ….. അപ്പോഴത്തെ ആവശ്യത്തിനു …കാശിനു വേണ്ടി കിടന്നു കൊടുക്കന്നവള് വേശ്യയാണെന്ന്….”
” ജമീലാ …….” റാവുത്തര് അവളെ നോക്കി , അയാളുടെ കണ്ണുകള് നിറഞ്ഞിരുന്നോ
” അതോണ്ട് ..അതോണ്ട് …. എന്റെ ഭാര്യ വേശ്യയല്ല …ആണിന് മൂന്നും നാലും കേട്ടാമെങ്കില് നീയും ഒന്നൂടി ആയിക്കോ എന്ന് ”
” ജമീലാ ” റാവുത്തരുടെ കണ്ണുകള് മിഴിഞ്ഞു . ജമീല അയാളുടെ മുണ്ടിനു മേലെ കൂടി കയ്യോടിച്ചു
അവിടെ ഇപ്പൊ ആള്ക്കാര് വന്നു തുടങ്ങും അണ്ണാ …നാളെ നമുക്ക് ചെയ്യാം …അണ്ണന് വേണോങ്കി…ഞാന് ” അവള് മുഖം താഴ്ത്തിയപ്പോള് റാവുത്തര് അവളെ കെട്ടി പിടിച്ചു
”””””””””””””””””””””””””””””””””
” അസിയണ്ണാ…അണ്ണാ ”
” ആരാത് …വരുവാ ”
അസിസ് വരാന്തയിലേക്കിറങ്ങി ..മുറ്റത്ത് മൂന്നാല് പേര് നില്പ്പുണ്ട്
” എന്താ സുലൈമാനെ …എന്നാ പറ്റി ?”
” അണ്ണാ …അണ്ണന്റെ മോള് ഒരുത്തന്റെ ബൈക്കില് കേറി പോണ കണ്ടു …”
” അതിന്?”
അസിസ് ചാരുപടിയിലേക്കിരുന്നു
“അവളെയിന്നലെ അവന്റെ കൂടെ കാറിലും കണ്ടു . അവന് നമ്മടെ ജാതിയല്ല … ടൌണി കച്ചോടം നടത്തുന്ന മാത്യു സാറിന്റെ മകനാ ..പണത്തിന്റെ ഹുങ്കില്. പെണ്ണിനെ പിഴപ്പിക്കാന് വേണ്ടി അവനൊക്കെ ..”
” അവളാണേല് ഹിജാബും പര്ദ്ദയും ഒന്നും ഇടാണ്ടാ നടപ്പ് …. പെണ്ണിനെ വിളിച്ചു പറഞ്ഞേക്ക് ….അല്ലെ ഞങ്ങള് ഇടപെടേണ്ടി വരും ” അടുത്തയാള് തുടര്ന്നു പറഞ്ഞപ്പോള് അസിസ് മുറ്റത്തേക്കിറങ്ങി
” ദെ …അവന് പറഞ്ഞത് ന്യായം …. പണത്തിന്റെ ഹുങ്കില് … ഇങ്ങനെ കണ്ടാല് എല്ലാ അപ്പന്മാരോടും ഒന്ന് സൂക്ഷിക്കാന് പറയുന്നത് ന്യായം ….പക്ഷെ ..നീ പറഞ്ഞത് എന്നതാടാ സുലൈമാനെ ..നീയീ പറഞ്ഞ പര്ദ്ദ നമ്മടെ സ്ഥലത്ത് വന്നിട്ട് അധികം നാളായോ? അതിനു മുന്നേം നമ്മളു മാന്യമായ വസ്ത്രം ധരിച്ചല്ലേ നടന്നിരുന്നെ ? ങേ … ഡാ സുലൈമാനെ … നീ ആ കാണുന്ന വീട് കണ്ടോ …നിന്റെ മൂത്ത പെങ്ങള്ടെ വീടല്ലേ അത് …. നീയവിടെ കേറീട്ട് എത്ര നാളായി …. പെരുന്നാളിന് ഇറച്ചീം കൊണ്ട് മാത്രം ചെന്നാ പോര …കാശൊന്നും കൊടുക്കണ്ട … നാട്ടാരാടെ കാര്യം അന്വേഷിക്കാതെ സ്വന്തം വീട്ടുകാര് പട്ടിണിയാണോ എന്നാദ്യം നോക്ക് …
പിന്നെ …ആ പയ്യന് …അവന്റെ അപ്പനിവിടെ വന്നാരുന്നു…. ചേരേണ്ടത് മതങ്ങള് തമ്മിലല്ല ..മനുഷ്യര് തമ്മില്ലാ ….ഞങ്ങളാ കല്യാണം അങ്ങ് ഉറപ്പിച്ചു ”
വന്നവര് അങ്ങോട്ടിമിങ്ങോട്ടും നോക്കി കുശുകുശുക്കാന് തുടങ്ങി
” ചെറുക്കന് നമ്മടെ മാതത്തിലെക്ക് ചെരുമാ അസിയണ്ണാ..?”
അപ്പോഴേക്കും റാവുത്തരുടെ ജീപ്പ് അവിടെ വന്നു നിന്നു. അയാളും ജമീലയും മുറ്റത്തേക്ക് കയറി.
” അതൊക്കെ അവരുടെ ഇഷ്ടം ..പിന്നെ നിങ്ങക്ക് നിര്ബന്ധം ആണേല് ഞാനാ ചെറുക്കനോട് പറഞ്ഞു നോക്കാം “
” ങാ ..അത് മതി ….” സുലൈമാന് തിരിഞ്ഞു മറ്റുള്ളവരെ നോക്കി
” എന്നാലും കുഴപ്പമുണ്ട് ….ഷാമോനില്ലേ ..എന്റെ മകന് ….അവന്റെ കല്യാണോം ഉറപ്പിച്ചു ….പെണ്ണ് ഹിന്ദുവാ ….. ഷാനൂന്റെ ചെറുക്കന് ഇങ്ങോട്ട് വരുന്ന സ്ഥിതിക്ക് ഇവന് അങ്ങോട്ട് പോട്ടെ അല്ലെ ? ഡാ … ഇത് പോലത്തെ കാര്യങ്ങള് പറയാനാണേലും …നീയീ രാജനെ കൂടി കൂട്ടി കൊണ്ട് വന്നല്ലോ ….. അവന്റെ അമ്മ ജാനകി തളര്ന്നു കിടന്നപ്പോ ഈ കാണുന്ന മാതക്കാരേം രാഷ്ട്രീയക്കാരേം ഒന്നും കണ്ടില്ലലോ …വന്നത് അവന്റെ സുഹൃത്തക്കളും കുടുംബശ്രി പെണ്ണുങ്ങളുമാ…….. എന്തിനു വേറെ ? ഞാനാ അറബി നാട്ടില് കിടന്നു നരകിച്ചപ്പോ …ആഹാരമുണ്ടോ വസ്ത്രമുണ്ടോ എന്നോ മറ്റോ ചോദിച്ചു നീയൊക്കെ ഒരിക്കലെങ്കിലും ഈ പടി ചവിട്ടിയിട്ടുണ്ടോ ? എന്നിട്ട് അവനൊക്കെ വന്നിരിക്കുന്നു … ഇടുന്ന ഡ്രസ്സിനേം ഒക്കെ കുറ്റം പറഞ്ഞോണ്ട് …ഭൂ …” അസി നിലത്തേക്ക് കാര്ക്കിച്ചു തുപ്പി