” റബ്ബേ ….എന്താ പറ്റിയെ ? എന്താ പറ്റിയെ ന്‍റെ അജൂന്…എതാശുപത്രിയിലാ ?”
അവളുടെ കരച്ചില്‍ കണ്ട് ദേവി ഒരോട്ടോ പിടിച്ചു ആശുപത്രിയിലേക്ക് തിരിച്ചു
“ഡാ നാറി ..നിന്‍റെ മസിലു പിടുത്തം നിര്‍ത്തി കാര്യം പറ ആ പെണ്ണിനോട് ..അവള് ദെ കരഞ്ഞു പിടിച്ചു വരുന്നുണ്ടെന്നു ദേവി വിളിച്ചു പറഞ്ഞു ”
” ങേ …ആണോ ..എന്നാ ഇച്ചിരി നേരോം കൂടി കിടക്കാം …നീയാ സ്റ്റാന്റ് ഇങ്ങടുപ്പിച്ചു വെക്ക്…ഇപ്പൊ സിസ്ററോട് പറയണ്ട നീഡില്‍ ഊരാന്‍ ”
അപ്പോഴേക്കും വാതില്‍ തുറന്നു ദേവികയും ഷാനുവും അകത്തേക്ക് വന്നു …മഹേഷിനെ ഒന്ന് ശ്രദ്ധിക്കുക പോലും ചെയ്യാതെ ഷാനു അവന്‍റെ നെഞ്ചിലേക്ക് വീണു
” എന്താ ഷാനു ..ഇത് …വയ്യാതെ കിടക്കുന്നതല്ലേ ..മാറ് ”
ഷാനു കരച്ചില്‍ അടക്കി എഴുന്നേറ്റു …അവളൊന്നും മിണ്ടിയില്ല … അവന്‍റെ മുടിയില്‍ വിരലോടിച്ചു കൊണ്ട് അരികില്‍ തന്നെയിരുന്നു … കണ്ണുനീര്‍ പൈപ്പ് തുറന്നത് പോലെ പ്രവഹിക്കുന്നുണ്ട്
” ഗ്ലൂക്കോമാ ഫീലിയാ എന്നോ മറ്റൊവാണ് ഡോകടര്‍ പറഞ്ഞെ …ഈയിടെ തുടങ്ങിയ അസുഖമാ …പഞ്ചാര കൂടുതലാ ചെറുക്കന് ഈയിടെയായി ….” മഹേഷ്‌ ദേവികയോട് പറഞ്ഞു …അജയ് അവനെ നോക്കി കണ്ണുരുട്ടി … അപ്പോഴും അവന്‍റെ നോട്ടം മുഴുവനും സുറുമയെഴുതിയ ആ കണ്ണില്‍ നിന്നൊഴുകുന്ന കണ്ണീരില്‍ ആയിരുന്നു അത് കേട്ടതും അവളുടെ ഉള്ളില്‍ നിന്നൊരു ഏങ്ങല്‍ പുറത്തേക്ക് വന്നു
” എടി ..പോകാം … ഇനീം നിന്നാല്‍ പ്രശ്നമാ ….അജയ്ടെ വീട്ടീന്ന് ആരേലും വന്നാലോ ”
ഷാനു വിഷമത്തോടെ എഴുന്നേറ്റു …കണ്ണുകള്‍ കൊണ്ട് അവള് അവനോട് യാത്ര ചോദിച്ചു വാതില്‍ക്കല്‍ എത്തിയതും രണ്ടു പേര്‍ മുറിയിലേക്ക് കയറി
‘ ആഹാ …. എന്‍റെ മകന്‍റെ പൈസ അടിച്ചു മാറ്റിയതും പോരാഞ്ഞിട്ട് ഇപ്പൊ ആശുപത്രിയിലും സ്വൈര്യം കൊടുക്കില്ലേ ?’
ഷാനുവിന്റെ നെഞ്ചിലാണ് ആ വാക്കുകള്‍ കൊണ്ടത് .. അടക്കി പിടിച്ച തേങ്ങല്‍ പുറത്തേക്ക് വന്നു . വാ പൊത്തി കാറി കൊണ്ട് അവള് വാതില്‍ക്കലേക്ക് കുതിച്ചതും കൂടെ വന്നയാള്‍ അവളുടെ വഴി തടഞ്ഞു
‘ എന്തിനാ പപ്പാ അവളെയിട്ടിങ്ങനെ കളിപ്പിക്കുന്നെ ?’ ഡാ അജൂ ..എഴുന്നേറ്റ് പോകാന്‍ നോക്ക് .. ഇനീം എന്തിനാ കിടക്കുന്നെ ?’
ഷാനു അമ്പരന്നു എല്ലാരേം നോക്കി
അജയുടെ പപ്പാ അവളുടെ നേരെ തിരിഞ്ഞു
” മോളെ …എന്‍റെ അളിയനു അല്പം ബ്ലഡ് കൊടുക്കാനാ ഇവന്‍ വന്നെ ..പുള്ളീനെ ഇപ്പൊ കീമോക്ക് കൊണ്ട് പോയി ..ബ്ലഡ് കൊടുത്തതല്ലേ ഇത്തിരി കിടന്നിട്ടു പോയാല്‍ മതീന്ന് ഡോക്ടര്‍ പറഞ്ഞോണ്ടാ ഇവനിവിടെ കിടന്നെ കേട്ടോ ..”
……..അജൂ , iഇവളേം കൊണ്ട് നേരെ വീട്ടിലേക്ക് വിട്ടോ …അധികം ചുറ്റാന്‍ ഒന്നും നിക്കണ്ട കേട്ടോ .”
ഷാനുവിനോന്നും അപ്പോഴും മനസിലായില്ല …. ദേവിക അവളുടെ കരം പിടിച്ചു താഴേക്കിറങ്ങി . എന്തോ പറഞ്ഞു ചിരിച്ചോണ്ട് അജയും മഹേഷും പുറകെ .താഴെ വന്നു മഹേഷ്‌ ബൈക്ക് സ്റ്റാര്‍ട്ട്‌ ചെയ്തു ..
” കേറടി പെണ്ണെ ” ബുള്ളറ്റ് സ്റ്റാര്‍ട്ട്‌ ചെയ്തു അജയ് പറഞ്ഞപ്പോ ഷാനുവോന്നു മടിച്ചു . അപ്പോഴേക്കും മഹേഷും ദേവികയും റോഡിലേക്ക് ഇറങ്ങിയതിനാല്‍ ഷാനു അവന്‍റെ പുറകില്‍ കയറി .
കൊട്ടാരം പോലൊരു വീടിന്‍റെ മുന്നില്‍ നിര്‍ത്തിയപ്പോള്‍ ഷാനു ആകെ പേടിച്ചു
” ന്താ അജൂ ഇവിടെ ? അജൂന്റെ വീടാണോ ?”
” ഹമം … വാ ” അവള് ഭീതിയോടെ അകത്തേക്ക് കയറി
” ഇതാണോ വല്യ മൊഞ്ചത്തി ….. ഈ പറയുന്ന മൊഞ്ചൊന്നും ഇല്ലല്ലോ ” ഷാനുവിന്റെ മുഖം പിന്നെയും വീര്‍ത്തു
അത് കേട്ടു കൊണ്ടാണ് അകത്തു നിന്നൊരു പെണ്ണിറങ്ങി വന്നത്
” എന്‍റെ മമ്മി പപ്പാടെ വീതം ഹോസ്പിറ്റലില്‍ നിന്ന് കഴിഞ്ഞതെ ഉള്ളൂ …ഇനി മമ്മീം കൂടെ തുടങ്ങിക്കോ :” അവള് വന്നു ഷാനുവിന്റെ കയ്യില്‍ പിടിച്ചു .
” ആഹാ …വന്നു കേറിയാതെ നാത്തൂനും നാത്തൂനും ഒന്നിച്ചു …നമ്മളെ അമ്മായിയമ്മ ആക്കി ”
” മമ്മി പോയെ …പോയി ഞാങ്ങക്കൊരു ചായ ഇട്ടോണ്ട് വാ ” അടുത്ത പെങ്ങളും ഇറങ്ങി വന്നു പറഞ്ഞു
ഷാനുവിനെ അവര്‍ അകത്തേക്ക് കൂട്ടി കൊണ്ട് പോയി …അജയിനെ അവള് അവിടെ നോക്കിയെങ്കിലും കണ്ടില്ല
” അജു കണ്ടു പിടിച്ച പെണ്ണ് കൊള്ളാം അല്ലേടി …..”
” ഹം … എന്താ ഷാനു പേടിച്ചു പോയോ ? അവന്‍ നിന്നെ പറ്റിച്ചതല്ലേ ? പപ്പയും ചേട്ടനും കൂടി പോയി നിന്‍റെ വാപ്പാടെ അടുത്ത് പെണ്ണ് ചോദിച്ചു ….. അടുത്ത ദിവസം തന്നെ രെജിസ്ടര്‍ ചെയ്യാമെന്ന് തീരുമാനവും ആയി … പക്ഷെ പഠിത്തം തീരുന്ന വരെ നീ വീട്ടില്‍ ….. കട്ടക്ക് സപ്പോര്‍ട്ട് തന്നത് ഞങ്ങളാണേ ….അതിനുള്ള ചിലവ് സ്പെഷ്യല്‍ വേണം കേട്ടോ ?’
ഷാനുവിന്റെ മുഖം നിലാവ് പെയ്തത് പോലെ വിടര്‍ന്നു …അവളത് വിശ്വസിക്കാനാവാതെ അവരെ നോക്കി
‘ മോളെ നിന്നെ കണ്ട അന്ന് മുതലിന്നു വരെയുള്ള കാര്യങ്ങള്‍ അജുമോന്‍ മമ്മീടെ അടുത്ത് പറയുമായിരുന്നു … പൈസ തന്നു വിട്ടു , അവനെ നിന്‍റെ അടുത്തേക്ക് പറഞ്ഞു വിട്ടതും പപ്പേം മമ്മിയുമാ…വാപ്പ വന്നിട്ട് പെണ്ണ് ചോദിക്കാന്‍ വേണ്ടിയാ ഞങ്ങള് ലീവിന് വന്നത് തന്നെ , മൊത്തം പൈസയും ഞങ്ങള് തന്നേനെ … പക്ഷെ അജു വേണ്ടാന്ന് പറഞ്ഞു ..ദേവിയുടെ അടുത്ത് നിന്ന് അഞ്ചു ലക്ഷമല്ലേ , കൂടുതല്‍ കൊടുത്താല്‍ നിന്‍റെ ഇക്കാക്ക ചോദ്യം ചെയ്താലോ എന്ന് പേടിച്ചു അവന്‍ സമ്മതിച്ചില്ല …നാട്ടുകാര് പറഞ്ഞു കേട്ടറിയുന്നതിനു മുന്‍പേ പപ്പേം ചേട്ടനും കൂടി നിന്‍റെ വീട്ടില്‍ പോയി …വാപ്പ സമ്മതിക്കുകേം ചെയ്തു…….പിന്നെ മോളെ …ആ അഞ്ചു ലക്ഷം …..അത് ഞങ്ങള് നിനക്ക് തന്ന മഹറാ കേട്ടോ … ”
” നോക്ക് ഷാനു … ഞാന്‍ അവിടുന്നു കൊണ്ട് വന്നതാ ….ഇട്ടു നോക്ക് …. ന്യൂ ഇയറായിട്ട് നാത്തൂന്റെ വക ഗിഫ്റ്റ് ” കാല്‍ പാദം വരെയിറക്കമുള്ള റെഡ് കളര്‍ ഒറ്റയുടുപ്പ് ,
അവള് ഷാനുവിനെ നിര്‍ബന്ധിച്ചു അതിടീപ്പിച്ചു.. ഡ്രസ്സിംഗ് റൂമില്‍ നിന്നിറങ്ങി വന്ന ഷാനുവിന്റെ നേരെ മറ്റേ നാത്തൂന്‍ ഒരു മൊബൈല്‍ നീട്ടി ..ഐ ഫോണ്‍
” ഇതാ എന്‍റെ സമ്മാനം ”
” സുന്ദരിയാണല്ലോ എന്‍റെ മോള് ” അജയുടെ മമ്മി ചായ കൊണ്ട് അകത്തേക്ക് വന്നു …അവര്‍ ഷാനുവിന്റെ ഡ്രസ്സ്‌ഒക്കെ പിടിച്ചിട്ടു , മുഖത്തൊക്കെ ഒന്ന് തലോടി നെറ്റിയില്‍ ഉമ്മ വെച്ചു
” എടി … എനിക്ക് പോലും ഇല്ല ഐ ഫോണ്‍ ..നീയിതവള്‍ക്ക് കൊടുത്തല്ലേ ?”
അജയ് അകത്തേക്ക് വന്നു
” ഡാ ..ഞങ്ങളിപ്പോ നാല് പെണ്ണുങ്ങള്‍ ഒറ്റക്കെട്ടാ …. ജീവന്‍ വേണേല്‍ ഓടിക്കോ ” എല്ലാവരും ആ തമാശ ആസ്വദിച്ചു ചിരിച്ചപ്പോഴും ഷാനുവിന്റെ കണ്ണുകള്‍ നനഞ്ഞിരുന്നു
” എടി ….ചേച്ചിമാര് അന്ന് നമ്മളു കുമരകം പോയപ്പോ വല്ലോം നടന്നോ എന്ന് വല്ലോം ചോദിച്ചോ?”
” ങേ ?”
” ങേ ….ഡി പൊട്ടി …നമ്മളു ബന്ധപ്പെട്ടോ എന്നെങ്ങാനും ചോദിച്ചോന്ന്?’
