ഏയ്‌.. ഒന്നുമില്ല..അവളിനി എന്തൊക്കെ ചെയ്താലും തുറന്ന് പറഞ്ഞില്ലെങ്കിലോ എന്ന് ചിന്തിച്ചതാ…
തുറന്ന് പറയുന്ന വരെ നമ്മളീ നാടകം തുടരും…പിന്നെ ഇതിനുവേണ്ടി രണ്ട് ദിവസത്തെ രാവിലത്തെ ഉറക്കമാനഷ്ടപെട്ടേ… അതേ ഞാനെടുത്ത ക്ലാസ്സിലാ ഏട്ടന് ഇത്രയും ഭംഗിയായി അഭിനയിക്കാൻ കഴിഞ്ഞേ… അവൾഅഹങ്കാരത്തോടെ പറഞ്ഞു…നമ്മളിത് ചേച്ചിയെ കൊണ്ട് തന്നെ പറയിപ്പിക്കും… നമ്മളായിട്ട് ഇനി ചേച്ചിയോട്ചോദിക്കുന്ന പ്രശ്നമില്ല…ഇത്രയൊക്കെയായിട്ടും കരഞ്ഞതല്ലാതെ ഒരു വാക്ക് പറഞ്ഞോ.
.ആദ്യം എന്നോടെല്ലാം പറയാറുള്ളതാ..ഇപ്പോൾ ഒന്നും പറയുന്നില്ല അവൾ സങ്കടത്തോടെ പറഞ്ഞു…കുറച്ച്വിഷമിക്കട്ടെ ചേച്ചി..അങ്ങനെ തന്നെ വേണം.. ഹും…അവൾ പിന്നെയും എന്തൊക്കെയോ പറഞ്ഞുകൊണ്ട്അകത്തേക്ക് പോയി…
അനൂപ് ഉമ്മറത്ത് തിണ്ണമേൽ മുഖത്തേക്ക് കയ്യും കൊടുത്തിരുന്നു…ഒന്നില്ലേൽ ഇവളുടെ കൈ കൊണ്ട് അല്ലേൽആ ആദിയുടെ കൈ കൊണ്ട് എന്റെ കാര്യത്തിൽ ഒരു തീരുമാനമായി…ഇനി കരഞ്ഞു കൊണ്ടുള്ള മറ്റവളുടെഅഭിനയത്തിൽ ഞാൻ ചെന്ന് വീണതാണോ…
………
🌺🌺🌺🌺🌺🌺🌺🌺🌺🌺🌺🌺🌺🌺
ശ്യാമയോടൊപ്പം തിരികെ വീട്ടിലേക്ക് വരുമ്പോഴും മനസ്സിൽ അപ്പോഴും ആ മുഖം മാത്രമായിരുന്നു.. പരിഭവത്താൽവീർത്തുകെട്ടിയ ആ മുഖം.. തെല്ല് സങ്കടം മനസ്സിൽ വന്നെങ്കിലും ആ കുഞ്ഞുപിണക്കം മനസ്സിലേക്ക് വീണ്ടുംവന്നപ്പോൾ ആരതിയുടെ ചുണ്ടിൽ പുഞ്ചിരി വിരിഞ്ഞു.. സാധാരണ ഞായറാഴ്ച ആയതുകൊണ്ട് കോളേജിൽനിന്ന് വരുന്ന വരവിൽ എവിടെയെങ്കിലും ആദിയേട്ടനെ കാണാറുണ്ട്.. മുറ്റത്തോ ബാൽക്കണിയിലോ തന്നെകാണാനെന്ന പോലെ നിൽക്കുന്നുണ്ടാവും ആദിയേട്ടൻ ..ഒരു നോട്ടം ഒരു ചെറുപുഞ്ചിരി അവൾക്കെന്നും അവൻസമ്മാനിക്കാറുണ്ട്..
ആ വലിയ വീടിന് മുൻപിലെത്തിയതും ആരെയോ പ്രതീക്ഷിച്ചെന്ന പോലെ അവൾ അവിടമാകെകണ്ണോടിച്ചു..പക്ഷേ ആരെയും കണ്ടില്ല..വണ്ടി മുൻപോട്ട് പോയെങ്കിലും അവിടം കണ്ണിൽ നിന്ന് മറയുന്നത് വരെതിരിഞ്ഞു നോക്കിയെങ്കിലും നിരാശയായിരുന്നു ഫലം.. അവനവളിൽ നിന്ന് ഒഴിഞ്ഞുമാറുന്നത് പോലെ അവൾക്ക്തോന്നി..മനസ്സിൽ എന്തെന്നില്ലാത്ത സങ്കടം വന്ന് മൂടി…
🌸🌸🌸🌸🌸🌸🌸🌸🌸🌸🌸
വീട്ടിലേക്ക് ചെല്ലുമ്പോൾ തന്നെ കാത്തുനിൽക്കാറുള്ള അച്ചുവിന് പകരം നിൽക്കുന്നത് അനൂപാണ്.. ഉമ്മറത്തേക്ക് കയറിചെന്നതും അടുത്തേക്ക് അനൂപ് വന്നു…എന്നിട്ട് പതുക്കെ പറഞ്ഞു… അച്ചുഅകത്തുണ്ട്..നിന്നോടൊന്നും പറഞ്ഞിട്ടില്ലെന്ന് ഞാൻ പറഞ്ഞെങ്കിലും അവൾ മുഴുവൻ വിശ്വസിച്ചുകാണില്ല… ശരിക്കും അഭിനയിച്ചോളണെ..പ്ലീസ്..അല്ലെങ്കിൽ എന്റെ കാര്യത്തിൽ ഇന്നൊരു തീരുമാനമാവും.. അവൻ കൈകൂപ്പി കൊണ്ട് പറഞ്ഞു അത് കേട്ടതും ആരതിക്ക് ചിരിയാണ് വന്നത്…
അപ്പോഴേക്കും അച്ചു അകത്തുനിന്ന് വന്നു…അവളൊന്ന് അവരെ നോക്കി ആക്കിചിരിച്ചു.. താഴേക്ക് തലയുമിട്ട്ആരതി നടന്നു…
ചേച്ചി…എന്തായി തീരുമാനം…
എന്ത്…അവളെ നോക്കികൊണ്ട്‌ ആരതി ചോദിച്ചു…
എന്റെ ഏട്ടനെ കല്യാണം കഴിക്കുന്ന കാര്യം… രാവിലെ തെളിച്ചൊന്നും പറഞ്ഞില്ലല്ലോ…
ഇന്ന് തന്നെ വേണോ ഇപ്പോൾ വൈകിയില്ലേ.. ഇന്നിനി മുഹൂർത്തം ഉണ്ടാവോ ആവോ..എന്നവളോട്പറയാമെന്നാണ് മനസ്സിൽ കരുതിയത്.. പിന്നെ അനൂപേട്ടന്റെ മുഖത്തെ ദയനീയ ഭാവം കണ്ടപ്പോൾ പറയാൻവന്നതങ് മിഴുങ്ങി അച്ചൂനെ തറപ്പിച്ചൊരു നോട്ടവും നോക്കി റൂമിലേക്ക് പോയി…
ഓ ഭയങ്കരി തന്നെ അല്ലേ ഏട്ടാ..എന്തെങ്കിലും വിട്ട് പറയുന്നുണ്ടോന്ന് നോക്കിയേ.. പഠിച്ച കള്ളി തന്നെ അച്ചുവത്പറയുമ്പോൾ അനൂപൊന്ന് ചിരിച്ചെന്ന് വരുത്തി…
എന്റമ്മോ അനിയത്തിയും ചേച്ചിയും അഭിനയിച്ചങ് തകർക്കുവല്ലേ…പാവം ഞാൻ ഈ അഭിനയ പ്രതിഭകളുടെഇടയിൽ തന്നെ വന്ന് പെട്ടല്ലോ… ഈയുള്ളവനെ കാത്തോണേ ഭഗവാനേ.. അവൻ മുകളിലേക്ക് നോക്കിപ്രാർത്ഥിച്ചു..
🌸🌸🌸🌸🌸🌸🌸🌸🌸🌸🌸
ഇപ്പോൾ രണ്ടുമൂന്നു ദിവസമായി ഒന്നുമില്ലെങ്കിലും എന്തെങ്കിലും കാരണം ഉണ്ടാക്കി വിളിക്കാറുള്ളതാണ്ആദിയേട്ടൻ..ഒന്ന് രണ്ട് വാക്കെങ്കിലും പറയും..ആ ശബ്ദമൊന്ന് കേട്ടതിന്റെ നിർവൃതിയിൽ താൻ സുഖമായികിടന്നുറങ്ങും..കുറേ സമയം ഒരു വിളിക്കായി കാത്തിരുന്നു.. പക്ഷേ ഇന്നതുണ്ടായില്ല.. പിന്നെഅനൂപേട്ടനുമായുള്ള തന്റെ ബന്ധം തുറന്നു പറയാമെന്ന് കരുതി രണ്ട് തവണ വിളിച്ചെങ്കിലും ഫോൺ സ്വിച്ച്ഓഫ്‌ ആയിരുന്നു…അതുകൂടിയായപ്പോൾ വല്ലാത്ത പരിഭ്രമം തോന്നി ആരതിക്ക്..അന്ന് കിടന്നിട്ടും ചിന്ത മുഴുവൻആദിയെ കുറിച്ചായിരുന്നു..ഇന്നത്തെ സംഭവത്തിന് ശേഷം എന്തായിരിക്കും ആദി തന്നെ കുറിച്ച് ചിന്തിച്ചിരിക്കുകഎന്നൊക്കെയോർത്ത് ഉറങ്ങാൻ കഴിഞ്ഞില്ല..
അങ്ങനെയുള്ള ചിന്തകൾ അവളെ വല്ലാതെ അലട്ടി…
ഒന്നും വേണ്ടായിരുന്നു..ഒന്നിന് പിറകെ ഒന്നായി ഓരോ പ്രശ്നങ്ങൾ ജീവിതത്തിലേക്ക്വന്നുകൊണ്ടിരിക്കുകയാണ്… തന്റെ ഉറക്കം കെടുത്തുകയാണ് ഇനി എന്നാണാവോ ഇതൊക്കെയൊന്ന്മാറുക…ഓരോന്നും ആലോചിച്ചങ്ങനെ രാത്രി മുഴുവൻ കിടന്നു…
🌸🌸🌸🌸🌸🌸🌸🌸🌸🌸🌸
മോളെ ഇന്ന് കൃഷ്ണന്റെ അമ്പലത്തിൽ ഉത്സവമല്ലേ..അച്ചുവും അനൂപും വൈകുന്നേരം പോകുന്നുണ്ട്.. നീയുംഅച്ചുവുമായി എന്തോ വഴക്കുണ്ടായീലേ.. അതുകൊണ്ട് അവൾ വിളിച്ചാൽ നീ വരില്ലെന്നും എന്നോട് പറയാനുംപറഞ്ഞു..നീ പോണുണ്ടോ…
അപ്പോൾ അവൾ ഈ കാണിച്ചുകൂട്ടുന്നതൊക്കെ പരിധി വിടുന്നുണ്ടെന്ന് അവൾക്കറിയാം…ആരതി ചിന്തിച്ചു… ഇല്ലമ്മേ ഞാൻ പോണില്ല നല്ല സുഖല്ല്യ…
എന്ത് പറ്റി…
ഏയ്‌.. കുഴപ്പൊന്നൂല്യ ചെറിയൊരു തലവേദന അത്രേയുള്ളൂ…
എന്നാപിന്നെ പോവണ്ട ഞാനവളോട് പറയാം..പിന്നെ ചെറിയ കാര്യത്തിനായാലും നിങ്ങൾ തമ്മിൽ പിണങ്ങരുത്അവളൊരു പാവാ… നിന്നെ വല്യ ഇഷ്ടാ അവൾക്ക്..ഭാനു പറഞ്ഞു..
ഉം.. എനിക്കറിയാം അമ്മേ..ആരതിയൊന്ന് പുഞ്ചിരിച്ചു…
🌸🌸🌸🌸🌸🌸🌸🌸🌸🌸
എന്താ കുട്ടി പണ്ടത്തെ പോലെ തന്നെ മുറിയിൽ വീണ്ടും അടച്ചിരിക്കാൻ തുടങ്ങിയോ.. പുറത്തേക്കൊന്നുംഇറങ്ങേണ്ടെന്ന് വീണ്ടും തീരുമാനിച്ചോ..അനൂപിന്റെ ശബ്ദം കേട്ടപ്പോഴാണ് മേശമേൽ തലയും വച്ച്കിടക്കുകയായിരുന്ന ആരതി എണീറ്റത്…
അനൂപേട്ടാ…അടക്കി വച്ച സങ്കടം കണ്ണുനീരായി പുറത്തേക്കൊഴുകാൻ തുടങ്ങി..
എന്താടി..എപ്പോഴും കരയാൻ ഇതിനുമാത്രം കണ്ണുനീർ നീയെവിടെയാ സ്റ്റോക്ക് ചെയ്ത് വച്ചേക്കുന്നേ..
അതല്ല അനൂപേട്ടാ ആദിയേട്ടൻ വിളിച്ചിട്ട് രണ്ടുദിവസായി ഞാൻ വിളിച്ചപ്പോൾ ഫോൺ സ്വിച്ച് ഓഫ്‌.. അല്ലേൽക്ലാസ് കഴിഞ്ഞ് വരുമ്പോൾ കാണാറുള്ളതാ ഇപ്പോൾ മനപൂർവം എന്നെ കാണാതിരിക്കാൻ മാറി നിൽക്കുവാ…
ഓ അപ്പോൾ നിങ്ങൾ എന്നും വിളിക്കാറുമുണ്ടോ…
ഇപ്പോൾ രണ്ടുമൂന്നു ദിവസായിട്ട് വിളിക്കാറുണ്ട്…
എന്നിട്ടെന്താ പറയാറ്..അവൻ അർത്ഥം വച്ച് ചിരിച്ചുകൊണ്ട് ചോദിച്ചു…
ഓ ചിലപ്പോൾ നമ്പർ മാറിപോയതാണെന്ന് പറഞ്ഞ് വക്കും…അല്ലേൽ എന്തെങ്കിലും ചെറിയൊരു കാരണംഉണ്ടാവും അത്രേയുള്ളൂ.. എന്നാലും ആ ശബ്ദമൊന്ന് കേൾക്കലോ..
