ഭഗവതിയുടെ മുഹബ്ബത്ത് – 3

അയ്യേ..നശിപ്പിച്ച്.. അവന്റെ മുഖത്ത് പരിഹാസം തെളിഞ്ഞു…ഇതുങ്ങളൊക്കെ എന്നത്തെ കാലത്ത്ജനിക്കേണ്ടതായിരുന്നോ എന്തോ…ഇങ്ങനെയും പ്രേമമുണ്ടോ ഭഗവാനേ..അവൻ സ്വയം പറഞ്ഞു..

എന്തായാലും എനിക്ക് ആദിയേട്ടനെ ഒന്ന് കാണണം.. കണ്ടാൽ മാത്രം മതി…

ഉം…നീയാ ഫോണോന്നെടുത്ത് ഒന്നൂടെ വിളിച്ചുനോക്ക്..

അവൾ ഫോണെടുത്ത് വിളിച്ചതും റിംഗ് ചെയ്യുന്നുണ്ട് പക്ഷേ എടുത്തില്ല..അവൾ നിരാശയോടെ ഫോൺ വച്ചു…

കണ്ടോ ഞാൻ പറഞ്ഞില്ലേ എന്നെ മനപ്പൂർവം അവോയ്ഡ് ചെയ്യാ..വീണ്ടും കണ്ണുകൾ നിറഞ്ഞു…

നീയൊന്ന് വെയിറ്റ് ചെയ്യൂ…തിരക്ക് പിടിക്കല്ലേ ഇപ്പോൾ റിംഗ് ചെയ്തല്ലേയുള്ളൂ..

ഒരു പത്ത് മിനിറ്റ് കഴിഞ്ഞതും ആരതിയുടെ ഫോണിലേക്ക് കോൾ വന്നു.. “കോളിങ് ആദിയേട്ടൻ” അവൾ അത്കണ്ടതും പെട്ടെന്ന് എടുക്കാൻ പോയി…

വരട്ടെ എന്നവളോട് പറഞ്ഞതും ഫോൺ എടുത്തുകൊണ്ട് അനൂപ് സംസാരിക്കാൻ തുടങ്ങി…

ഹലോ എന്താ ആദി വിളിച്ചത്…

അല്ല ഇത് ആരതിയുടെ നമ്പർ തന്നല്ലേ…ആദിയുടെ ശബ്ദത്തിൽ വല്ലാത്ത ഗൗരവം നിറഞ്ഞിരുന്നു..

അതേലോ.. ഉള്ളിൽ നിറഞ്ഞ ചിരി അടക്കി പിടിച്ചുകൊണ്ട് അനൂപ് പറഞ്ഞു..

അല്ല വിളിക്കുമ്പോഴൊക്കെ നിങ്ങളാണല്ലോ ഫോൺ അറ്റൻഡ് ചെയ്യുന്നത്…

ഇതിനിടയിൽ ഫോൺ തരാൻ ആരതി പതുക്കെ പറഞ്ഞെങ്കിലും മിണ്ടാതിരിക്കാൻ അനൂപ് കൈകൊണ്ട് അവളെകാണിച്ചു…

ഫോണെടുക്കുന്നത് ആരായാലും എന്താ..നിങ്ങൾ കാര്യം പറയൂ..അവൾ കുളിക്കുകയാണ്… അല്ലേൽ പിന്നെവിളിക്ക്..പിന്നെ ഇപ്പോഴൊന്നും വിളിച്ചാൽ കിട്ടീല്ലാട്ടോ..ഞങ്ങളിവിടെ അടുത്ത് കൃഷ്ണന്റെ അമ്പലത്തിൽപോവാൻ നിൽക്കാണ്.. ഇപ്പോൾ തന്നെ നേരം വൈകി..എന്നാൽ ഓക്കേ വയ്ക്കട്ടെ..

എന്തിനാ അനൂപേട്ടാ ഇങ്ങനെ ചെയ്തത്…എനിക്കൊന്നും മനസിലാവുന്നില്ല..

ഇത്രനാള് നീ ശ്രമിച്ചിട്ട് അവൻ വല്ലതും തുറന്ന് പറഞ്ഞോ.. നിങ്ങൾ രണ്ടിനേം ഒന്നിനും കൊള്ളില്ല..ആരാദ്യംപറയുമെന്ന് ചിന്തിച്ച് ചിന്തിച്ച് സമയം കളയും.. ഇനി ഞാനൊന്ന് ശ്രമിക്കട്ടെ..പിന്നെ നിനക്കവനെകാണണ്ടേ..അവൻ ഇനി എന്തായാലും അമ്പലത്തിൽ വരും..

ശരിക്കും വരുമോ.. അവൾ വിശ്വാസം വരാത്ത പോലെ ചോദിച്ചു..

നീ നോക്കിക്കോ ഈവക കാര്യങ്ങളിലൊക്കെ ഞാൻ പുലിയാട്ടാ.. ഞാൻ കൂടെ ഉള്ളതുകൊണ്ട് ഉറപ്പായിട്ടും വരും.. നമ്മളെ ആകെയൊന്ന് നിരീക്ഷിച്ച് കാര്യങ്ങൾ ഉറപ്പിക്കാൻ…
അത് കേട്ടതും അവളുടെ കണ്ണുകളിൽ തിളക്കം വന്നു..മുഖത്ത് പുഞ്ചിരി വിടർന്നു..

എന്നാൽ വേഗം റെഡിയാവൂട്ടോ..അച്ചുവും അവിടെ വിഷമിച്ചിരിക്കാ.. നീ വരില്ലെന്ന് കരുതി…പിന്നെ നീയിന്ന്ഞാൻ തന്ന ആ പിങ്ക് കളർ സാരി ഉടുത്താൽ മതീട്ടോ…

അതെന്തിനാ..അവൾ സംശയത്തോടെ ചോദിച്ചു..

അതൊക്കെയുണ്ട്…അവൻ ചിരിച്ചുകൊണ്ട് അതും പറഞ്ഞ് നടന്നകന്നു…

🌸🌸🌸🌸🌸🌸🌸🌸🌸

ആരതിക്ക് എന്തെന്നില്ലാത്ത സന്തോഷം തോന്നി..താൻ ഇന്ന് ആദിയേട്ടനെ കാണാൻ പോകുന്നു..അനൂപേട്ടനെകാണുന്നത് സ്വന്തം ഏട്ടനെ പോലെയാണെന്ന് ആദിയേട്ടനോട് ഇന്ന് ഞാൻ തുറന്ന് പറയും.. എന്തെങ്കിലുംതെറ്റിധാരണ ഉണ്ടെങ്കിൽ അതോടുകൂടി മാറട്ടെ..

അവൾ സാരിക്ക് മാച്ചുള്ള കല്ലുകൾ പതിപ്പിച്ച കമ്മലും മാലയും എടുത്ത് അണിഞ്ഞു..കയ്യിൽ ഒന്ന് രണ്ട്കല്ലുവളകൾ അണിഞ്ഞു.. കണ്ണാടിയിൽ പിന്നെയും പിന്നെയും നോക്കി തൃപ്തിയാവാതെ പൊട്ട് മാറ്റി വച്ചു.. കുറേനേരത്തെ അണിഞ്ഞൊരുക്കത്തിന് ശേഷം അവൾ പുറത്തേക്കിറങ്ങി..

എത്ര നേരായി ചേച്ചി കാത്തുനിൽക്കുന്നു ഇങ്ങനെയുണ്ടോ ഒരു റെഡിയാവൽ… അച്ചുവത് പറയുമ്പോൾഎന്തായാലും സുന്ദരിയായിട്ടുണ്ട് ട്ടോ എന്ന് അനൂപ് കൂട്ടി ചേർത്തു..താനൊരു നല്ല നടനാണെന്ന് അച്ചുവിനെബോധിപ്പിക്കാനെന്ന പോലെ…

ചേച്ചി വേണേൽ ഫ്രണ്ടിൽ കയറിക്കോട്ടോ എന്ന് അച്ചു പറഞ്ഞുവെങ്കിലും ദേഷ്യം മുഖത്ത് വരുത്തിക്കൊണ്ട്കാറിന്റെ ബാക്ക് ഡോർ തുറന്ന് ആരതി കയറി ഒപ്പം അച്ചുവും…

ഈ അരുണേട്ടൻ എന്തുണ്ടായാലും നേരത്തിനും കാലത്തിനും വരില്ല എന്റെയൊരു വിധി.. ഇനിഎപ്പോഴാണാവോ വരുന്നത്..എപ്പോഴും ജോലി..ജോലി..ഹോ എനിക്ക് ദേഷ്യം വരുന്നുണ്ട്..അച്ചു പിന്നെയുംഎന്തൊക്കെയോ കാറിലിരുന്ന് പിറുപിറുത്തു കൊണ്ടിരുന്നു.. ഇത്തവണ അവളുടെ സംസാരം കേട്ട് ആരതിക്ക്പാവം തോന്നി..ഈ അരുണിന്റെ ഒരു കാര്യം ജോലി കഴിഞ്ഞേ മറ്റെന്തും ഉള്ളൂ.. എല്ലാത്തിനും അതിന്റെതായപ്രാധാന്യം കൊടുക്കണ്ടേ.. ആര് പറഞ്ഞാലും കേൾക്കത്തും ഇല്ല..പാവം അച്ചു അവൾ മനസ്സിൽ പറഞ്ഞു…

നിങ്ങൾ പ്ലാൻ ചെയ്താണോ ഡ്രസ്സ്‌ ഇട്ടത് പെട്ടെന്നാണ് അച്ചുവിന്റെ ചോദ്യം വന്നത്…

അപ്പോഴാണ് ആരതി ശ്രദ്ധിക്കുന്നത് തന്റെ സാരിക്ക് മാച്ചായ അതേ പിങ്ക് കളർ ഷർട്ട്‌ ആണ് അനൂപേട്ടനുംഇട്ടിരിക്കുന്നത്…

ഇനിയിവിടെ ഞാൻ അറിയാതെ എന്തെങ്കിലും നടക്കുന്നുണ്ടോ ഏട്ടാ..അച്ചുവിന്റെ ചോദ്യ ശരങ്ങളിൽ നിന്ന്അടുത്തത് വന്നു…

എന്റെ അച്ചു പ്ലാനിങ് ഒന്നുമില്ല..അറിയാതെ പറ്റിപോയതാ..അനൂപ് പറഞ്ഞു..

അങ്ങനെയായാൽ മതി വിശ്വാസം വരാത്ത പോലെ അച്ചു സ്വരം താഴ്ത്തി പറഞ്ഞു…
ഈശ്വരാ..ഈ അനൂപേട്ടൻ എന്തിനുള്ള പുറപ്പാട് ആണോ എന്തോ..പ്ലാൻ ചെയ്ത് ചെയ്ത് ഉള്ളത് കൂടെ കയ്യീന്ന്പോവോ..ആരതി സങ്കടത്തോടെ ചിന്തിച്ചു…

🌻🌻🌻🌻🌻🌻🌻🌻🌻🌻🌻🌻🌻🌻🌻

ഉത്സവ ദിവസമാണെങ്കിലും ദീപാരാധന സമയത്താണ് അവർ അമ്പലത്തിലേക്ക് പോയത്..വീട്ടിൽ നിന്ന്കുറച്ചുദൂരം ഉള്ളതുകൊണ്ട് രാവിലെയോ വൈകുന്നേരമോ ഒരു നേരമേ പോവാറുള്ളൂ..വൈകുന്നേരമാവുമ്പോൾകുറച്ചുകഴിയുമ്പോൾ ജോലി കഴിഞ്ഞ് അരുണും വരും..പിന്നെ ദീപാരാധനയും തൊഴുത് കുറച്ച് നേരംകാവടിയാട്ടവും കണ്ട് തിരികെ പോവും…

അമ്പലത്തിന് രണ്ട് വശത്തും ഓരോ പടുകൂറ്റൻ ആൽമരങ്ങൾ ഭക്തരെ സ്വാഗതം ചെയ്യാനെന്ന പോലെപടർന്ന് പന്തലിച്ച് നിൽക്കുന്നുണ്ട്..പാതി വീണ ഇരുട്ടിൽ ദീപങ്ങളെങ്ങനെ ശോഭയോടെ പ്രകാശിച്ചു നിൽക്കുന്നത്കാണാൻ തന്നെ സുന്ദരമായിരുന്നു..ആരതിയും അനൂപും അച്ചുവും ഒരു വശത്തേക്ക് നിന്നു…നട തുറന്ന് കണ്ണനെതൊഴാനായി എല്ലാവരും കാത്തുനിൽക്കുകയാണ്..ആരതിയുടെ കണ്ണുകൾ ചുറ്റും പരതുന്നുണ്ട്ആദിയെ..അച്ചുവിനും അനൂപിനും നാടുവിലായാണ് അവൾ നിൽക്കുന്നത്.. കുറച്ചുനേരം അങ്ങിനെ നിന്നിട്ടുംപലരും വന്നിട്ടും അവൾ പ്രതീക്ഷിച്ച ആൾ മാത്രം വന്നില്ല…

അച്ചുവിന്റെ അവസ്ഥയും അതുതന്നെ.. അതുകൊണ്ട് അവൾ ചുറ്റുമുള്ളതൊന്നും ശ്രദ്ധിക്കുന്നില്ല..

ദീപാരാധനയ്ക്ക് മുൻപെങ്കിലും അരുൺ വരുമോ എന്നുള്ള ചിന്തയിലാണവൾ..ഇടയ്ക്കൊന്ന് ചുറ്റുംകണ്ണോടിക്കുന്നുണ്ട്…

അനൂപേട്ടാ.., ആരതി മെല്ലെ ചെവിയിൽ വിളിച്ചു…അവനാണേൽ അവിടെ വന്ന് നിൽക്കുന്ന സകലപെണ്ണുങ്ങളെയും വായിൽ നോക്കുകയാണ്…അതുകൊണ്ട് തന്നെ ഒന്നും കേൾക്കുന്നുമില്ല..

അവൾ വീണ്ടും അവനെ തോണ്ടി വിളിച്ചു…

Leave a Reply

Your email address will not be published. Required fields are marked *