പാലം കഴിഞ്ഞു അല്പദൂരം മുന്നോട്ടു നടന്നപ്പോള് രേവതിയും തുളസിയും പിരിഞ്ഞു .
‘ നാളെ കാലത്തേ ഒന്നിച്ചു പോവാട്ടോ .. .നേരത്തെ . പോകുവാണേല് ഈ വഴിയില് ദാ ഇങ്ങനെ ഒരു കമ്പിട്ടിട്ടു പോയാ മതി ..രേവൂം തുളസീം ഒക്കെ അവിടുന്ന് കൂടും ” വഴിയരികില് നിന്ന ഒരു ചെറിയ പച്ചിലകമ്പ് ഒടിച്ചെടുത്തു ഇടവഴിയിലിട്ടു കാണിച്ചു കൊടുത്തിട്ട് ലക്ഷ്മി അവളുടെ വീട്ടിലേക്കുള്ള വഴിയെ തിരിഞ്ഞു
‘ ഓടി വാ ഷിനി … അവരവിടെ കാത്തു നിക്കുന്നുണ്ടാവും ..” പിറ്റേന്ന് കാലത്തേ വീട്ടിലേക്കുള്ള വഴിയില് കാത്തു നിന്ന lലക്ഷ്മി ഷിനിയെ കണ്ടതോടെ കൈ പൊക്കി വിളിച്ചു പറഞ്ഞു ..
ചാരകളര് ഫുള് പാവാടയും ക്രീം കളര് ഷര്ട്ടുമിട്ട് പുസ്തകക്കൂട് മാറോട് ചേര്ത്ത് പതിയെ നടന്നു വന്ന ഷിനീ ലക്ഷ്മിയെ കണ്ടപ്പോള് വേഗത കൂട്ടി .. , പിന്നി കെട്ടിയ മുടി മുന്നോട്ടിട്ടു , റോസ് കളര് റിബണ് കൊണ്ട് റോസാപൂ പോലെ കെട്ടിവെച്ചിരുന്ന അവളെ ലക്ഷ്മി സാകൂതം നോക്കി നിന്നു …
!! എന്ത് രസാ ആ കുട്ടിയെ കാണാന് … ഇരുനിറത്തിലുള്ള അപ്സരസ് എന്ന് പറയാം ..’!!
” ഒത്തിരി നേരായോ വന്നിട്ട് ?’
‘ ഹേയ് ..ഇല്ലാ …വാ വേഗന്നു നടക്കാം അവരവിടെ കാത്തു നിപ്പുണ്ടാവും ” ലക്ഷ്മി ഒടിച്ചിട്ട കമ്പ് എടുത്തു വലിച്ചെറിഞ്ഞ് സ്പീഡില് നടന്നു .
മെയിന് റോഡിലെത്തി രേവതിയുംടെ വീട്ടില് നിന്ന് കയറുന്ന വഴിയില് കമ്മ്യൂണിസ്റ്റ് പച്ച കിടക്കുന്നത് കണ്ട ലക്ഷ്മി ഷിനിയുടെ കൈ പിടിച്ചോടി..അല്പം കഴിഞ്ഞതേ പാലത്തിലേക്ക് എത്തുന്ന അവരെ കണ്ടു
‘ ദാ ..അവര് പോണു ..”
” നിക്ക് … പതിയെ പോവാം … ‘ അവരുടെ കൂടെ സൈക്കിള് ഉന്തിക്കൊണ്ട് ഇടയ്ക്കിടെ തിരിഞ്ഞു നോക്കി കൊണ്ട് അഷ്റഫും നടക്കുന്നത് കണ്ടു ഷിനി ലക്ഷ്മിയുടെ കൈ വിടുവിച്ചു.
” വാ പെണ്ണെ …. ഈ ആഴ്ചത്തെ വീക്കിലി തരാന്ന് പറഞ്ഞതാ രേവു’ ലക്ഷ്മി വീണ്ടും കൈ പിടിച്ചു വേഗത കൂട്ടിയപ്പോള് ഷിനിക്കും ഒപ്പം നടക്കാതിരിക്കനായില്ല..
‘ ഞാന് എട്ടിലാ പഠിക്കുന്നെ … ഡിവിഷന് വേറെയാന്നെ ഉള്ളൂ …” അഷ്റഫ് ഒപ്പമെത്തിയ ഷിനീയെ നോക്കി ചിരിച്ചു ..
” അതേടി പക്ഷെ …തോറ്റ് തോറ്റ് കിടക്കുന്നതാന്നെ ഉള്ളൂ..” രേവതി കളിയാക്കിയപ്പോള് .. സൈക്കിള് ഉന്തി അതില് ചാടിക്കയറി അഷ്റഫ് പാഞ്ഞു പോയി ..പാലം കടന്നപ്പോള് അവനതെ സ്പീഡില് തിരിച്ചു വന്നു പിന്നേം പോയി ..
നല്ല നിറം ..പൊക്കം ആവശ്യത്തിനുള്ള വണ്ണം … ഇടക്കിടെ ഓരോ തമാശകള് പറഞ്ഞു ഉറക്കെ പൊട്ടിച്ചിരിക്കുന്നുണ്ട്. കാണാനൊക്കെ നല്ലതാണെങ്കിലും എന്ത് കൊണ്ടോ ഷിനിക്കവനെ അത്ര ഇഷ്ടമായില്ല …
ഓരോ ഇന്റര്വല്ലിനും അഷ്റഫ് വാതില്ക്കല് വരികയോ , ഏതെങ്കിലും കൂട്ടുകാരനോട് സംസാരിക്കാനെന്ന പോലെയോ വരുന്നത് ഷിനി ശ്രദ്ധിക്കാതിരുന്നില്ല …എന്നലവള് അവനോടോട്ടും താത്പര്യം കാണിച്ചില്ല
ഓണ പരീക്ഷ കഴിഞ്ഞു വന്ന ഷിനിയെ കാത്തിരുന്നത് ഒരു സന്തോഷവാര്ത്തയായിരുന്നു … അഷ്റഫ് പഠിപ്പ് നിര്ത്തിയത്രെ …. ശല്യമൊഴിവായി കിട്ടിയതില് അവള് ആഹ്ലാദിച്ചു ..
നല്ല പോലെ പഠിക്കുന്ന കുട്ടി ആയിരുന്നു ഷിനി….ടീച്ചര്മാര്ക്കും കൂട്ടുകാര്ക്കുമൊക്കെ അവളെ ഇഷ്ടമായി . അധികമാരോടും സംസാരിക്കില്ല … ഒതുക്കമുള്ള സ്വഭാവം .എന്നാല് പഠിപ്പിലെന്ന പോലെ മറ്റു കാര്യങ്ങളിലും ഷിനി മിടുക്ക് തെളിയിച്ചിരുന്നു .
ഒന്പതില് പഠിക്കുന്ന സമയം … പതിവ് പോലെ ഷിനി ലക്ഷ്മിയോടും കൂട്ടുകാരോടുമൊപ്പം വീട്ടിലേക്ക് നടക്കുകയായിരുന്നു … നേര്യമംഗലം ടൌണിലെത്തിയപ്പോള് തൊട്ടു പുറകില് സൈക്കിള് ബെല് കേട്ട് അവള് ഞെട്ടിത്തിരിഞ്ഞു നോക്കി . … അഷ്റഫ് ..ഒരു കടയുടെ മുന്നില് നിന്ന് സൈക്കിള് നന്നാക്കുകയായിരുന്നു അവന് …അവനെ കണ്ട ഷിനിയുടെ കണ്ണുകള് ചുവന്നു .അവള് ലക്ഷ്മിയുടെ കയ്യില് മുറുകെ പിടിച്ചു ..
!! ഒഴിവായെന്നു കരുതിയതാണല്ലോ ശല്യം !! ഷിനി പിറുപിറുത്തു
“ദേടി.. നോക്കുന്നുണ്ട് നിന്നെയവൻ”
‘ നീയൊന്നു വരുന്നുണ്ടോ ലക്ഷ്മി’ ഷിനിയവളുടെ കൈ പിടിച്ചു മുന്നോട്ട് നടന്നു… നേര്യമംഗലം പാലത്തിനു നടുവിലെത്തിയപ്പോൾ പുറകിൽ നിന്നു സൈക്കിൾ ബെൽ കേട്ടപ്പോൾ അവൾക്കുറപ്പായിരുന്നു അത് അഷ്റഫ് ആണെന്ന്..
‘ ഷിനി… ഒരു മിനിറ്റ്..’
കുറുകെ നിർത്തിയ സൈക്കിളിനെ മറികടന്നു ഷിനി മുന്നോട്ട് നടന്നപ്പോൾ അവൻ വീണ്ടും പുറകെയെത്തി.
‘ ഷിനി.. എനിക്ക് നിന്നെ ഇഷ്ടമാണ്… ഒത്തിരിയൊത്തിരി ഇഷ്ടമാണ് .. ഐ ലവ് യൂ ..”
അഷ്റഫ് ഹൻഡിലിൽ വെച്ചിരുന്ന ഒരു റോസാപ്പൂ എടുത്തവളുടെ കയ്യിൽ ബലമായി പിടിപ്പിച്ചു..
ദേഷ്യത്തോടെ ഷിനിയത് ആറ്റിലേക്ക് വലിച്ചെറിഞ്ഞു…
” ഷിനി …ഞാൻ നാളെയും വരും…. സ്നേഹിച്ചവർക്കെ സ്നേഹത്തിന്റെ വിലയറിയൂ…. ഞാൻ നിന്നെ എത്ര2മാത്രം സ്നേഹിക്കുന്നുണ്ടെന്നു നിനക്ക് അറിയുമോ?”
അഷ്റഫ് പുറകിൽ നിന്നു വിളിച്ച് പറഞ്ഞു.
ഷിനിയോന്നും മിണ്ടാതെ മുന്നോട്ട് നടന്നു… പാലം കഴിഞ്ഞപ്പോൾ രേവതിയും തുളസിയും പിരിഞ്ഞു..അത് വരെ ഷിനിയെ കൂട്ടുകാര് അഷ്റഫിന്റെ പേര് പറഞ്ഞു കളിയാക്കുന്നുണ്ടായിരുന്നു … ഷിനിക്കാണേല് ദേഷ്യവും ..
” അവൻ നിന്നെ ശെരിക്കും സ്നേഹിക്കുന്നുണ്ടെന്നാ തോന്നുന്നെ…. കാണാനൊക്കെ നല്ലതാ അല്ലെ ഷിനി? നല്ല തമാശയൊക്കെ പറയും”
” എല്ലാം അറിയുന്ന നീയും വീണ്ടും വീണ്ടും പറയുകയാണോ ലെച്ചു..”
” അതൊണ്ടല്ല… എന്തോ ഒരു പാവം തോന്നി|”
” എനിക്ക് വേണ്ട…. എനിക്കിഷ്ടമല്ല ഇതൊന്നും…. എനിക്ക് കേൾക്കുകേം വേണ്ട”
” സാരോല്ല. .അതൊക്കെ വിട്…..” ലക്ഷ്മി അവളുടെ തോളത്തു തട്ടിയിട്ട് വീട്ടിലേക്കു നടന്നു.
ഷിനിയവളുടെ അമ്മ വീട്ടിൽ നിന്നായിരുന്നു അതിനു മുന്പ് പഠിച്ചിരുന്നത്… കസിന് ബ്രദേര്സിന്റെകൂടെയുള്ള കളികളുടെ ഇടവേളകളിൽ ഉണ്ടാകുന്ന തട്ടലും മുട്ടലും അവളുടെ വലുതായി വരുന്ന മുലയിലും മറ്റും അറിഞ്ഞുകൊണ്ട് ആണെന്ന് തോന്നിയപ്പോള് ഷിനി അവരില് നിന്നൊഴിഞ്ഞു മാറി .
നല്ലപോലെ വായിക്കുന്ന ഷിനി പഠിത്തത്തിലെന്ന പോലെ വായനയിലും ഒക്കെ ശ്രദ്ധ ചെലുത്തിയിരുന്നു ..
ആർത്തവം മുതലുള്ള കാര്യങ്ങളും… തന്നെ തന്നെ സംരക്ഷിക്കേണ്ട കാര്യങ്ങളും അവൾക്ക് മറ്റാരും പറഞ്ഞു കൊടുക്കേണ്ട. ആവശ്യമുണ്ടായിരുന്നില്ല
ശരീരത്തില് മാറ്റങ്ങള് ഉണ്ടാകുന്ന പ്രായത്തിൽ തന്റെ കസിൻസ് അറിയാതെയന്ന പോലെ ചെയ്യുന്ന പ്രവർത്തികൾ അവളുടെ മനസിനെ പിടിച്ചുലച്ചു.. വീണ്ടും അവർ മുന്നോട്ട് പോകുമെന്ന അവസ്ഥ ആയപ്പോളാണ് ഷിനി തന്റെ അമ്മയോട് സൂചിപ്പിച്ചു നേര്യമംഗലത്തേക്ക് മടങ്ങിയത്.. ചെറു പ്രായത്തിൽ തന്റെ നേരെ യുണ്ടായ നീക്കങ്ങൾ അവൾക്ക് ആണുങ്ങളോടുള്ള കാഴ്ചപ്പാട് മാറ്റിമറിച്ചു.. ഒരു കയ്യകലമിട്ടാണ് ഷിനിയെല്ലാവരോടും പെരുമാറിയിരുന്നത്.