‘ സോറി …” ഷിനിയറിയാതെ പറഞ്ഞു പോയി .. അഷ്റഫ് അവളെ അവിശ്വസനീയതോടെ നോക്കി ..
” എനിക്ക് ഷിനിയെ ഇഷ്ടമാ … എന്നെ ഇഷ്ടമല്ലേ ഷിനി ..ഒന്ന് പറഞ്ഞിട്ട് പോ ഷിനി ” വീട്ടിലേക്കുള്ള വഴിയിറങ്ങിയപ്പോള് അഷ്റഫ് കുറുകെ നിന്നു ..ഷിനിയവനെ ധൃതിയില് മറികടന്നു പോയെങ്കിലും എന്നുമുള്ള ആ അനിഷ്ടഭാവം അവളില് ഇല്ലായിരുന്നു .
‘ ആ ..ആ …എനിക്കറിയാം … ഇഷ്ടമാണെന്ന് … ഞാന് അങ്ങനെ വിശ്വസിച്ചോട്ടെ ..’ അഷ്റഫ് വിളിച്ചു പറഞ്ഞു .. അല്പമകലെ ചെന്നിട്ട് ഷിനിയവനെ തിരിഞ്ഞു നോക്കി … ഒരു ചെറുപുഞ്ചിരിയവളില് ഉണ്ടായിരുന്നു … ലക്ഷ്മിയത് കണ്ടവളുടെ കൈത്തണ്ടയില് നുള്ളി ..
‘ ഉം ..ഉം .. മിണ്ടാപ്പൂച്ച കലമുടക്കാന് തുടങ്ങുവാണേ…..”
‘ പോടീ ഒന്ന് …” ഷിനി അവളെ കൊഞ്ഞനംകുത്തികാണിച്ചിട്ട് വീട്ടിലേക്കോടി …
കുളിക്കുമ്പോള് അറിയാതെ വന്ന മൂളിപ്പാട്ട് അവളെ ലജ്ജാലുവാക്കി ..
!!! താന് …താനറിയാതെ അവനെ ഇഷ്ടപ്പെടുവാണോ …. ഞാന് ..ഞാനിങ്ങനെ അല്ലല്ലോ ദൈവമേ .. നാളെ ..നാളെ അവനെ കാണുമ്പോള് മാറി പോണം ..പഠിത്തം .. ജോലി …കുടുംബം ….അത് മതി തനിക്ക് …!!!
ഷിനി ചിന്തകളെ പറിച്ചു നട്ടെങ്കിലും അഷ്റഫിന്റെ മുഖം കയറി വന്നു കൊണ്ടിരുന്നു ..കൂട്ടത്തില് കൂട്ടുകാരികളുടെ കളിയാക്കലും അവനെ കുറിച്ചുള്ള സംസാരങ്ങളും …
പിറ്റേന്ന് ക്ലാസ് കഴിഞ്ഞ് പോരുമ്പോള് ഷിനി തനിച്ചായിരുന്നു ..ലക്ഷ്മി അന്ന് വന്നിട്ടുണ്ടായിരുന്നില്ല ..
.രേവതിക്ക് എന്തോ വാങ്ങണമെന്ന് പറഞ്ഞു അവള് തുളസിയെയും കൂട്ടിയോരു ഫ്രണ്ടിന്റെ വീട്ടില് പോയി.
മുന്നിലും പുറകിലും അനേകം കുട്ടികള് ഉണ്ടെങ്കിലും നേര്യമംഗലം പാലത്തില് എത്തിയപ്പോള് പുറകിലെ സൈക്കിള് ബെല് കേട്ട് ഷിനിയുടെ ഹൃദയം പെരുമ്പറ കൊട്ടി . അവള് തിരിഞ്ഞു നോക്കുന്നെനും മുന്നേ അഷ്റഫ് സൈക്കിള് അവളുടെ അടുത്ത് കൊണ്ട് പോയി നിര്ത്തി ..
‘ ഇന്ന് ലക്ഷ്മിയില്ലല്ലേ ….. ഒത്തിരി നാളായി ഷിനിയെ ഇങ്ങനെ തനിച്ചു കിട്ടണമെന്നു കരുതീട്ട് ..”
അവളൊന്നും മിണ്ടിയില്ല ..
‘ എന്നെ ഇഷ്ടമല്ലേ …അതെ ..ഇഷ്ടമാ … എനിക്കറിയാം ..” അവളുടെ ഒപ്പം അഷ്റഫ് നടന്നു ..
സൈക്കിളിന്റെ കരിയറില് നിന്നവന് ഒരു റോസാപ്പൂ എടുത്തവള്ക്ക് നീട്ടി ..ഷിനിയത് വാങ്ങിയില്ല …പാലം കഴിയാറായപ്പോഴേക്കും അവന് ആ റോസും കടലാസ്സില് പൊതിഞ്ഞ തേന് മിട്ടായിയും അവളുടെ കയ്യില് പിടിപ്പിച്ചു … അവന്റെ കൈ അവളുടെ കയ്യിലമര്ന്നപ്പോള് അവളുടെ ഹൃദയം പൊട്ടിത്തെറികുമെന്ന പോലെയായി … ചുരുട്ടി പിടിച്ച കയ്യുമായി അവള് വീട്ടിലേക്കുള്ള വഴിയെ ഓടിയിറങ്ങി … അല്പം മാറിയിട്ടവള് കടലാസ്സ് പൊതിയഴിച്ചു നോക്കി … ചുവന്ന കളറിലുള്ള തേന് മുട്ടായി … വായിലിട്ടാല് അലിയുന്ന തേന് മുട്ടായി അലിപ്പിച്ചവള് തിരിഞ്ഞു നോക്കിയപ്പോള് സൈക്കിളില് പിടിച്ചുകൊണ്ട് തന്നെ നോക്കി നില്ക്കുന്ന അഷ്റഫിനെയാണ് കണ്ടത് … നാണിച്ചു പോയ ഷിനി തിരിഞ്ഞു നോക്കാതെ വീട്ടിലേക്കോടി
തുടര്ന്നുള്ള ദിവസങ്ങളില് അഷ്റഫ് അവളുടെ പുറകെയുണ്ടായിരുന്നു .. സംസാരിച്ചുമോന്നുമില്ലെങ്കിലും ലക്ഷ്മിയോടും തുളസിയോടുമെല്ലാം സംസാരിക്കുന്ന അഷ്റഫിന്റെ കണ്ണുകള് ഷിനിയിലായിരുന്നു … അവന്റെ തമാശകള് അവളും ആസ്വദിച്ചു തുടങ്ങി ..ചുണ്ടില് ചെറുതായി പുഞ്ചിരി വിടര്ന്നു തുടങ്ങി …അത് ചിരിയായി …പിന്നെ പൊട്ടിച്ചിരിയായി .. ഷിനിയുടെ പേടിയുമെല്ലാം പതിയെ മാറുകയായിരുന്നു…
അതേവരെ എല്ലാ ആണുങ്ങളെയും ഒരു അവിശ്വാസ കണ്ണിലൂടെ കണ്ട ഷിനി അഷറഫിനേ വിശ്വസിച്ചു ….അവനെ സ്നേഹിക്കാന് തുടങ്ങി
അഷ്റഫ് അവളുടെ അടുത്ത് സംസാരിക്കാന് തുടങ്ങി …അവര്ക്ക് സംസാരിക്കാനായി ലക്ഷ്മിയും മറ്റും ഒന്ന് രണ്ടടി പിന്നോക്കം മാറി നടക്കാനായി തുടങ്ങി ..
ആദ്യമൊക്കെ അവന്റെ തമാശകള് , സംസാരങ്ങള് കേട്ട് നടക്കുകയായിരുന്നു ഷിനിയെങ്കിലും പതിയെ അവളും അവനോടു തിരിച്ചു സംസാരിക്കാന് തുടങ്ങി … സ്കൂള് വിടുമ്പോള് വീട്ടിലേക്കുള്ള വഴി വരെ അവനെന്നും പിന്തുടരും …അങ്ങനെ പത്താം ക്ലാസ് കഴിയാറായി ….