ഇതെല്ലാം ലക്ഷ്മിയോടൊരിക്കൽ അവൾ പറഞ്ഞിരുന്നു.. എല്ലാമറിഞ്ഞിട്ടും അവളോട് പറയേണ്ടായിരുന്നു എന്നു ലക്ഷ്മിക്ക് തോന്നി..
അടുത്ത ദിവസങ്ങളിലും ഒക്കെ അഷ്റഫ് സ്കൂൾ വിടുന്ന സമയങ്ങളിൽ ഗേറ്റിൽ വന്നു നിൽക്കുമായിരുന്നു. കൂടെ പഠിച്ച കൂട്ടുകാരോട് സംസാരിക്കുന്ന രീതിയിലാണങ്കിലും അവന്റെ നോട്ടം മുഴുവൻ ഷിനിയിലായിരുന്നു…
സ്കൂളിന് ചേർന്ന് അവൻ ഒരു സൈക്കിൾ കട ഇട്ടിട്ടുണ്ട്.. അവന്റെ അമ്മവീട്ടുകാർ ഇട്ടു കൊടുത്തതാണ് എന്നു രേവതി പറഞ്ഞറിഞ്ഞിരുന്നു.
കടയിൽ റിപ്പയറിങ്ങിനും മറ്റും ആൾക്കാർ ഇല്ലെങ്കിൽ മിക്കവാറും അവൻ ഷിനിയുടെ പുറകെ കാണും.നേര്യമംഗലം പാലം കഴിയുന്നത് വരെ .
പാലം കഴിഞ്ഞു വീട്ടിലേക്കുള്ള വഴിയെത്തുന്നത് വരെ അവനവരെ ഫോളോ ചെയ്യും.
വർഷാവസാന പരീക്ഷ കഴിഞ്ഞു..
ലാസ്റ് ദിവസം അഷ്റഫ് ഷിനിയുടെ പുറകെയെത്തി..
“ഷിനി….ഇനിയെന്നാണ് കാണാൻ പറ്റുക..സമയം കിട്ടുമ്പോൾ ഇതിനൊരു മറുപടി തരണം..”
അവനൊരു മടക്കിയ പേപ്പര് എടുത്തു ഷിനിയുടെ നേരെ നീട്ടി..
ഷിനിയിത് വാങ്ങാതെ മുന്നോട്ട് നടന്നു..
” ഷിനി.. പ്ലീസ്.. ഇത് വാങ്ങു..”
,” എന്താ അഷ്റഫെ ഇത്…. ആ കുട്ടിക്ക് തന്നെ ഇഷ്ടമല്ലന്ന് അറിയില്ലേ.. പിന്നെയെന്താ..”
രേവതിയവനോട് ചൂടായി..
ഒരു മാസം കഴിഞ്ഞു.. പത്താം ക്ലസ്സിലേക്കായി ഷിനിയും കൂട്ടുകാരും… ലക്ഷ്മിയും ഷിനിയും മിക്കവാറും കാണാറുണ്ടായിരുന്നു…. എന്നാൽ രേവതിയെയോ തുളസിയെയോ അങ്ങനെ കാണാറില്ലായിരുന്നു അവധിക്കാലത്ത്.
ഒരുമാസം അവധി കഴിഞ്ഞു പത്തിന് ക്ലാസ് തുടങ്ങിയപ്പോള് സ്കൂളിലെത്തിയെ ഷിനിയോട് രേവതി ഓടി വന്നൊരു കാര്യം പറഞ്ഞു..
” എടി ഷിനി നീയറിഞ്ഞോ..നിന്റെ കാമുകനെ പോലീസ് പിടിച്ചെന്നു..”
” ആരെ… അഷ്റഫിനെയോ?”
രേവതി അവളെ ചോടിപ്പിക്കാനായാണ് കാമുകനെന്നു പറഞ്ഞതെങ്കിലും ഷിനിക്കാകാംഷയായി.
‘ ആ ..അതേടി … ഇന്നലെ രാത്രി”
‘ എന്നാത്തിനാ അവനെ പോലീസ് പിടിച്ചേ ?” തുളസിക്ക് അകാംഷയടക്കനായില്ല
” അവന്റെ വീടിനപ്പുറത്തെ വീട്ടില് കയറി റബര് ഷീറ്റ് മോഷ്ടിച്ചു .. അവരവനെ കയ്യോടെ പിടിച്ചു പോലീസിലേല്പ്പിച്ചു”
‘ അയ്യോ ..പാവം … അവന്റെ വീട്ടില് കഷ്ടപ്പാടായിരിക്കും …അതല്ലേ പഠിപ്പ് നിര്ത്തീട്ട് കടയൊക്കെ ഇട്ടേ …പാവം ” എന്തിനും നന്മ മാത്രം കണ്ടെത്തുന്ന ലക്ഷ്മിക്ക് സങ്കടമാണ് വന്നത് .
ഷിനിയൊന്നും മിണ്ടിയില്ല..ഫസ്റ്റ് ബെല്ലടിച്ചത് കൊണ്ടവര് അകത്തേക്ക് കയറി ..
ദിവസങ്ങള് കഴിഞ്ഞു … കര്ക്കടകം തകര്ത്തു പെയ്യുന്നു ..
നേര്യമംഗലം പാലത്തിലൂടെ കുട്ടികള് നിര നിരയായി പോകുന്നു ..
‘ ദേടി .. നിന്റെ കാമുകന് വരുന്നുണ്ട് ”
രേവതി എപ്പോഴുമവളേ കളിയാക്കാനായി അങ്ങനെ പറയും .. വണ് വെ പ്രേമം ആണെങ്കിലും കൂട്ടുകാര് അങ്ങനെ ആണല്ലോ പറയുക ..ആണ്ടടി നിന്റെ ലൈന് … നിന്റെ ചെക്കന് നോക്കുന്നുണ്ട് കേട്ടോ .. എടാ ..നിന്റെ ചരക്ക് പോകുന്നു എന്നിങ്ങനെ ..
അഷ്റഫ് സൈക്കിള് ഷിനിയെ മുട്ടി മുട്ടിയില്ല എന്നപോലെ നിര്ത്തി .
” മാറ് അഷറഫെ…എനിക്ക് പോണം ” ഷിനി പരിഭ്രാന്തയായി തിരിഞ്ഞു നോക്കി .. കുറെ പിള്ളേര് കൂടെയുണ്ട് ..ലക്ഷ്മിയും രേവതിയും അല്പം പുറകില് ..അവര് ആര്ത്തലച്ചോഴുകുന്ന പുഴയെ നോക്കി മെല്ലെയാണ് നടക്കുന്നത് ..
‘ എന്നെ ഇഷ്ടമാണെന്ന് പറ ..എന്നാ മാറാം’ അഷ്റഫ് സൈക്കിള് അവളുടെ മുന്നിലേക്ക് വെച്ചു
‘ ഇല്ല … എനിക്കിഷ്ടമില്ല …മാറ് മുന്നീന്ന് ” സൈക്കിള് ഹാന്ഡില് തട്ടി മാറ്റി അവള് മുന്നോട്ടു നടന്നു ..അഷ്റഫ് വീണ്ടും അവളുടെ മുന്നിലേക്ക് സൈക്കിള് കയറ്റി നിര്ത്തി .. ഇപ്പോള് അവള്ക്ക് പോകണമെങ്കില് അവന് മാറാതെ തരമില്ല ..
” പോടാ കള്ളാ …. ഷീറ്റ് കള്ളാ .. പെരുങ്കള്ളാ..” ഷിനി പെട്ടന്നുണ്ടായ ദേഷ്യത്തോടെ അവനെ നോക്കി ഉറക്കെ വിളിച്ചു പറഞ്ഞു … പിള്ളേരെല്ലാം ചിരിക്കാന് തുടങ്ങി .
അഷ്റഫിന്റെ മുഖമിരുണ്ടു … അവന് അവളുടെ നേരെ കയ്യോങ്ങി ..എന്നിട്ട് ചുറ്റും നോക്കി ..അവന് പിന്നോക്കം മാറി പാലത്തിന്റെ കൈവരിയിലേക്ക് കയറി ..
” ഞാനിപ്പോ ചാടും ..നീയെന്നെ കള്ളാന്ന് വിളിച്ചല്ലേ … നീയെന്നെ കള്ളാന്നു വിളിച്ചല്ലേ ..” അവന് കൈവരിയുടെ മുകളില് കയറി ഭീഷണി മുഴക്കി .
‘ അഷ്റഫെ ..എന്തായീ കാണിക്കുന്നേ .. ഇറങ്ങ് …ഇറങ്ങവിടുന്നു” ലക്ഷ്മി തലയില് കൈ വെച്ച് ഉറക്കെ പറഞ്ഞു .
‘ ഞാന് ഇറങ്ങൂല്ല ..ഇറങ്ങണേല് ഷിനി പറയണം …എന്നെ ഇഷ്ടമാന്നും പറയണം ” അഷ്റഫ് കൈ വരിയില് നിന്ന് പിടി വിട്ടു താഴേക്ക് ചാടുന്ന പോലെ നിന്നു
” എടി ..ഷിനി …അവനോടു പറയടി …ചാടരുതെന്ന് പറയടി” ലക്ഷ്മി ഷിനിയുടെ കൈ പിടിച്ചു ..
” ഷിനി ..അവന് ചാടുവോ ? ” തുളസിക്കും വേവലാതിയായി ..
‘” ഞാന് ചാടാന് പോകുവാ …ഇപ്പ ചാടും …” അഷ്റഫ് വീണ്ടും ഭീഷണി മുഴക്കി .
” എടി പറയടി ഷിനി …” രേവതിയും ഷിനിയെ നിര്ബന്ധിച്ചു ..ഷിനി മറിഞ്ഞു കിടക്കുന്ന സൈക്കിള് മറി കടന്നു മുന്നോട്ടു നീങ്ങി ..പിള്ളേരെല്ലാം എന്തു സംഭവിക്കുമെന്ന് നോക്കി നില്പ്പാണ് …
” എടി നല്ല വെള്ളമുണ്ട് ഷിനി … അടിയൊഴുക്കും … പേടിയാവുന്നു ദേവീ ..” ലക്ഷ്മി തലയില് കൈ വെച്ച് ഷിനിയെ നോക്കി
‘ ഞാന് ചാടാന് പോകുവാ …ഷിനി പറയുന്നുണ്ടോ ” അഷ്റഫ് അവസാനമെന്നോണം പറഞ്ഞു
ഷിനി തിരിഞ്ഞു നോക്കാതെ മുന്നോട്ടു നടന്നു
” അയ്യോ …..ആണ്ടെ ….” ലക്ഷ്മിയുടെ കാറിച്ച കേട്ട് ഷിനി തിരിഞ്ഞു നോക്കുമ്പോള് കൈ വരിയില് അഷ്റഫ് ഇല്ല
” ബ്ലും ” വെള്ളത്തിലേക്ക് വീഴുന്ന ശബ്ദം കേട്ട് പിള്ളേരെല്ലാം കൂടി എത്തി നോക്കി …
‘ എന്നതാ …എന്നതാ പിള്ളേരെ ”
പിള്ളേരെല്ലാം പാലത്തിന്റെ കൈ വരിയില് നിന്നെത്തി നോക്കുന്നത് കണ്ടപ്പോള് മൂന്നാറില് നിന്ന് തേയില കയറ്റി വന്ന വാന് നിര്ത്തി അതിലെ ആളുകള് പാലത്തിന്റെ സൈഡിലെക്ക് ഓടിയെത്തി .
‘ ദൈവമേ ..നല്ല ഒഴുക്കാണല്ലോ ആരാ ചാടിയെ … പിള്ളേര് വല്ലോമാണോ ?”
പിന്നെയും വണ്ടികള് നിര്ത്തുന്നത് കണ്ടപ്പോള് രേവതി ഷിനിയെയും ലക്ഷ്മിയെയും പിടിച്ചു വലിച്ചു കൊണ്ടോടി…
” എടി ..നീ കാരണമാ അവന് ചാടിയെന്ന് ആരുമറിയണ്ട… പെട്ടന്ന് വാ ” അവള് ഓടുന്നതിനിടെ പറഞ്ഞു
‘ ദേവീ …ഒന്നും പറ്റാണ്ടിരുന്നാ മതിയാരുന്നു ..” ലക്ഷ്മിക്ക് സങ്കടം ..
” നീ കാരണമാ ഷിനി …നിന്നെയവന് ഒത്തിരിയിഷ്ടമാ ” തുളസി കൂടി പറഞ്ഞപ്പോള് ഷിനിക്കെന്തോ പോലെയായി ..അവള് തിരിഞ്ഞു നോക്കി കൊണ്ട് ലക്ഷ്മിയുടെ കൈ പിടിച്ചു വീട്ടിലേക്കോടി … അപ്പോഴേക്കും ആള്ക്കാര് അവിടെ തടിച്ചു കൂടിയിരുന്നു .
‘ ദേവീ … ഒന്നും പറ്റാണ്ടിരുന്നാ മതിയാരുന്നു …ആരേലുമൊക്കെ ചാടി രക്ഷിക്കുമായിരിക്കും അല്ലെ .ഷിനി …. നിനക്ക് വിഷമമോന്നുമില്ലേ അവന് ചാടിയതില് …അവനെന്തെലും പറ്റിയാ അവന് നിന്റെ പേര് പറയുമോ ..” ലക്ഷ്മിയുടെ ഓരോ വാക്കുകളും ഷിനിക്ക് ആഖാതമായി …അവളുടെ ഉള്ളിലും ഒരുതരം വിഷാദം ഉടലെടുത്തു …