“”എന്താടാ കള്ളാ നോക്കുന്നെ… നിനക്ക് സമയമാവുമ്പോൾ എല്ലാം ഞാൻ തരും. ഇപ്പോഴല്ല എന്റെ കഴുത്തിൽ ഒരു താലി വീഴുമ്പോൾ “” അതും പറഞ്ഞു അവൾ എന്റെ തോളിൽ കയ്യിട്ടു നിന്നു.
“”ആവണി വരും കൈ മാറ്റ് “” അവളുടെ കൈ എടുത്തു കൊണ്ട് ഞാൻ പറഞ്ഞു.
മിയ അടുക്കളയിലേക്ക് തിരിഞ്ഞതും ആവണി കതക് തുറന്നു പുറത്തേക്കു വന്നു ടൈമിംഗ്!!!!
അവൾ എന്നെ നോക്കി ചിരിച്ചു കൊണ്ട് അടുക്കളയിലേക്ക് പോയി. ഞാൻ ഓഫീസിൽ നിന്നും വന്ന അതെ പോലെ ബെഡിൽ കിടന്നു. നെഞ്ചിടിക്കുന്നത് പോലെ.. ഒരു നിമിഷം അങ്ങോട്ടോ ഇങ്ങോട്ടോ മാറിയിരുന്നെങ്കിൽ എല്ലാം തീരും. രണ്ടു പേരും അവരുടെ വഴിക്കു പോവും. മാത്രമല്ല അവർ ഇപ്പോൾ ഏറ്റവും നല്ല കൂട്ടുകാരാണ്.. അതും ഇല്ലാതാവും.. എന്നാൽ ഞാൻ ആരെ സ്നേഹിക്കും.. ആരോടായാലും എനിക്ക് സത്യം പറയാൻ പേടിയാണ്.. ഒരു കാര്യം ഉറപ്പാണ്.. സത്യം തിരിച്ചറിയുന്ന നിമിഷം അതോടെ എല്ലാ ബന്ധങ്ങളും അവസാനിക്കും. മൂന്നുപേരും മൂന്നു വഴിക്കാവും.. ആലോചിക്കാൻ വയ്യാ… ഇനി എങ്ങനെ കാര്യങ്ങൾ മുന്നോട്ടു കൊണ്ടു പോകണമെന്ന് എനിക്കറിയാൻ പാടില്ല. ആവണിയാണെങ്കിൽ ഒരു അനാഥയാണ് മാത്രമല്ല നാടൻ പെൺകുട്ടി.. എന്നാൽ മിയ നേരെ മറിച്ചാണ്.. അല്പം മോഡേൺ ആണ് എങ്കിലും അച്ചടക്കവും ബുദ്ധിയുമുള്ള പെണ്ണാണ്. എന്തും ഓപ്പൺ ആയി പറയും.. പതിയെ കണ്ണുകളടച്ചു ഞാൻ ചിന്തകളിൽ മുഴുകി..
“”പോയി ഡ്രസ്സ്‌ മാറ്റടാ “” ശബ്ദം കേട്ടു ഞാൻ കണ്ണ് തുറന്നു. മുന്നിൽ ആവണിയും മിയയും.
“”എന്താടാ നിനക്ക്. വയ്യേ “” നെറ്റിയിൽ കൈ വച്ചു മിയ ചോദിച്ചു.
“”അവനു ഒരു കുഴപ്പവുമില്ല. പോയി കുളിക്കാൻ നോക്ക് “” ആവണി എന്നെയും അവളെയും നോക്കി പറഞ്ഞു.
കൂടുതൽ സംസാരിക്കാൻ നിൽക്കാതെ ഞാൻ ബാത്‌റൂമിൽ കയറി കുളിച്ചു വന്നു. അപ്പോഴേക്കും അവൾ ഫുഡ്‌ എല്ലാം റെഡി ആക്കി വന്നു. ഞാൻ വീട്ടിലേക്കു വിളിച്ചു. മിയയും അവളുടെ വീട്ടിലേക്കു വിളിക്കുന്നുണ്ട്. മിയക്കു അവളുടെ അച്ഛൻ എന്നുപറഞ്ഞാൽ ജീവനാണ്. പക്ഷെ ആർക്കും വിളിക്കാനില്ലാതെ ഞങ്ങളെ ശല്യപെടുത്താതെ ഒരു മൂലയിലിരുന്നു ഫോണിൽ കളിക്കുകയാണ് ആവണി. കണ്ടപ്പോൾ എനിക്ക് പാവം തോന്നി. ഞാൻ വേഗം ഫോൺ cut ചെയ്തു.. പിന്നെ ഞങ്ങൾ ഓരോ കഥകൾ പറയാൻ തുടങ്ങി. പിന്നെ ഉറക്കത്തിലേക്കു…
രാവിലെ ആവണി തട്ടിവിളിച്ചെണീപ്പിച്ചു. മിയ ബാത്‌റൂമിൽ ആണെന്ന് തോന്നുന്നു. ഞാൻ സമയം നോക്കി 6 മണി..
“”ഡീ കുറച്ചു നേരം കൂടി പ്ലീസ്‌ “”
“”വേണ്ട മതി എഴുന്നേൽക്കു വാ “”” അവൾ കൈ പിടിച്ചു വലിക്കാൻ തുടങ്ങി. ഞാൻ ബലം പിടിച്ചു. നടക്കില്ലെന്നു മനസിലായ അവൾ പതിയെ എന്റെ അടുത്ത് കിടന്നു എന്നെ കെട്ടിപിടിച്ചു കിടന്നു. രാവിലെതന്നെ മൂഡ് കയറ്റാനായിട്ട് വന്നോളും എന്നും പറഞ്ഞു ഞാൻ അവളെയും കെട്ടിപിടിച്ചു കിടന്നു.
“”അയ്യോ…..”” എന്റെ ശബ്ദം കേട്ടു അവൾ ഞെട്ടി ചാടി.
“”നീയെന്താ കാണിക്കുന്നേ അവൾ ഇറങ്ങി വരില്ലേ “”
“”ആ ഇനി മുതൽ നേരത്തെ എണീറ്റില്ലെങ്കിൽ ഇതായിരിക്കും അവസ്ഥ “”
ഞാൻ തല ചൊറിഞ്ഞു.. ഓഹ് ഉറക്കത്തിന്റെ കാര്യത്തിൽ തീരുമാനമായി. ഞാൻ എണീറ്റിരുന്നതു കണ്ടു ആവണി അടുക്കളയിലേക്ക് പോയി. പിന്നെ തിരിച്ചു വന്നു ഒരു ഗ്ലാസ്‌ ചായ തന്നു. ആ സമയം മിയ ഇറങ്ങി വന്നു…
“”ആഹാ എന്ത് പറ്റി നേരത്തെയൊക്കെ എണീക്കാൻ തീരുമാനിച്ചോ “! എന്നെ കളിയാക്കി കൊണ്ടവൾ ചോദിച്ചു..
“”അത് പിന്നെ ജീവിതത്തിൽ എന്തെങ്കിലും മാറ്റങ്ങളൊക്കെ വേണ്ടേ “”
അത് കേട്ടതും ആവണി ഉള്ളിൽ ചിരിക്കുന്നത് ഞാൻ കണ്ടു..
“”നല്ല കാര്യം. ഗുഡ് ബോയ് “”
എന്നെ അഭിനന്ദിച്ചു അവർ അവരുടെ പണികൾ ചെയ്യാൻ തുടങ്ങി. പിന്നെ ആവണി കുളിക്കാൻ കയറിയപ്പോൾ മിയ ഓടി വന്നു. എന്നെ കെട്ടി പിടിച്ചു ഒരുമ്മ തന്നു. ഞാനും അവളെ കെട്ടിപിടിച്ചു.
സത്യം പറഞ്ഞാൽ പിന്നീട് ഇതൊരു പതിവായി മാറി. എന്തായാലും എന്നും രാവിലെ എനിക്ക് രണ്ട് ഉമ്മ കിട്ടും. ആ കാര്യത്തിൽ ഒരു മാറ്റവുമില്ല.
ദിവസങ്ങൾ കഴിഞ്ഞു ശനിയാഴ്ച ഓഫീസ് കഴിഞ്ഞു റൂമിലെത്തി. ഇന്നാണ് മാമിന്റെ പാർട്ടി. ഇവിടുന്നു taxi വിളിച്ചു പോകാൻ തീരുമാനിച്ചു.
ഡ്രസ്സ്‌ എല്ലാം മാറ്റി ഒരുമിച്ചു സെൽഫിയൊക്ക എടുത്തു. അവർ രണ്ടു പേരും ഒരുമിച്ചു കുറെ സെൽഫി എടുത്തു.. പിന്നെ രണ്ടുപേരും ഒരുമിച്ചു നിന്ന് എന്നോട് ഫോട്ടോ എടുത്തു കൊടുക്കാൻ പറഞ്ഞു… രണ്ടുപേരുടെയും ആ ഫ്രണ്ട്ഷിപ് കണ്ടു ഞാൻ ഭയപ്പെട്ടു!!!!!
താഴെ ഇറങ്ങിയ ഞങ്ങൾ ഒരു യൂബർ taxi വിളിച്ചു… അപ്പോഴേക്കും മിയക്കു ഒരു call വന്നു.
ഫോൺ cut ചെയ്തപ്പോൾ ആരാണെന്ന് ചോദിച്ചു.. നാട്ടിൽ നിന്നും ബന്ധത്തിലുള്ള രാജീവ്‌ ആണെന്നും പറഞ്ഞു. Taxi വന്നു ഞങ്ങൾ അതിൽ കയറി ഗ്രാൻഡ് ഹോട്ടലിന്റെ മുമ്പിൽ ഇറങ്ങി. അപ്പച്ചന്റെ കൂടെ ഒരുപാട് സമയം ഇതിലും വലിയ ഹോട്ടലുകളിൽ താമസിച്ച ദിനങ്ങൾ എനിക്ക് ഓർമ്മ വന്നു.
ഞങ്ങൾ അകത്തേക്ക് പ്രവേശിച്ചു. ഞങ്ങൾക്കായി ഒരുക്കിയ ഹാളിലേക്ക് കടന്നതും അന്തംവിട്ടു പോയി. വെളിച്ചം കുറച്ചു കൊണ്ടു ഭംഗിയായി ഒരുക്കി വച്ചിരിക്കുന്നു. Candle ഡിന്നർ പോലെ.. അവിടെയും ഇവിടെയുമായി ഓഫീസിലെ ആളുകൾ. എല്ലാവരും പൊളി ഡ്രെസ്സിൽ ആണ്. എന്നെ പിന്നെ പറയണ്ടല്ലോ. ഒരുങ്ങാൻ വിചാരിച്ചാൽ പിന്നെ ഞാൻ പുലി ആണ്.. ആ ഒരു അന്തരീക്ഷം ശരിക്കും മനസിന്‌ കുളിർമ നൽകി. എല്ലാവരുമായും ഫോട്ടോയെടുത്തു ഞങ്ങൾ ആസ്വദിച്ചു.
മാഡത്തിനെ കാണുന്നില്ലല്ലോ എന്ന് പറഞ്ഞു തിരിഞ്ഞതും ഒരു റെഡ് കളർ സാരിയിൽ കറുത്ത ബ്ലൗസ് ധരിച്ചു ഒരു രാജകുമാരിയെ പോലെ മാഡം വരുന്നു. എല്ലാവരും ഞെട്ടിപ്പോയി!!!!!. ഓഫീസിൽ വെറും ഷർട്ടും പാന്റും ആയി ധരിച്ചിരുന്ന മാടത്തെ ഈ വേഷത്തിൽ ആദ്യമായാണ് കാണുന്നത്. മേക്കപ്പ് ചെയ്തു വലിയൊരു വട്ടപ്പൊട്ടും തൂങ്ങിയാടുന്ന വലിയ കമ്മലുകളും മനം മയക്കും സൗന്ദര്യം… അവരെ കണ്ടു തുറന്നു കിടന്ന എന്റെ വാ ആരും കാണാതെ ആവണി അടപ്പിച്ചു!!!!!
പിന്നെ എല്ലാവരും മാഡത്തിനെ പുകഴ്ത്തി കൊണ്ടിരുന്നു. പതിയെ മീറ്റിങ്ങിലേക്ക്. എല്ലാവരും മുന്നിലെ കസേരകളിൽ ഇരുന്നു. മാഡം ഞങ്ങളുടെ മുന്നിൽ വച്ചു മാഡം ജോയിൻ ചെയ്ത കാലത്തെ കുറിച്ച് സംസാരിക്കാൻ തുടങ്ങി. ഈ ജോലിയിലെ വിജയ പരാജയങ്ങൾ ബുദ്ധിമുട്ടുകൾ അങ്ങനെ ഓരോന്ന്. ഒരു ട്രെയിനി ആയി ജോയിൻ ചെയ്ത മാം ഇന്നീ ലെവലിൽ നിൽക്കുന്നത് ഒരുപാട് കഷ്ടപ്പെട്ടിട്ടാണെന്നു മനസിലായി.. പെട്ടെന്ന് മാഡത്തിന് call വന്നു. Call അറ്റൻഡ് ചെയ്തതിനു ശേഷം എന്തൊക്കെയോ സംസാരിച്ചു cut ചെയ്തു. എന്തോ വലിയ സർപ്രൈസ് മാഡം ഞങ്ങൾക്കായി ഒരുക്കിയിരുന്നു.. ആരോ ഒരാൾ കൂടി വരാനുണ്ടെന്നു പറഞ്ഞു. ഇനിയിപ്പോൾ ആര് വരാൻ എല്ലാവരും ചിന്തിച്ചു. ഞങ്ങളെയെല്ലാം അത്ഭുതപെടുത്തി കൊണ്ട് അവൾ ഞങ്ങളുടെ മുന്നിലേക്ക്‌ വന്നു.. മലയാളത്തിലെ പ്രിയ നടി.. പ്രേമം സിനിമയിലൂടെ നമ്മുടെ മുന്നിലേക്കാവതരിച്ച പ്രിയ നടി മഡോണ സെബാസ്റ്റ്യൻ!!!!!!!