ഞാൻ സ്വല്പം സ്ലോ ആണ് .
ചുരം കയറി തുടങ്ങിയതോടെ മഞ്ജു ഏ.സി ഓഫ് ചെയ്തു വിൻഡോ ഗ്ലാസ്സുകൾ താഴ്ത്തി…നല്ല തണുത്ത കുളിർ കാറ്റ് കാറിനകത്തേക്കും ഞങ്ങളുടെ ദേഹത്തിലേക്കും തണുപ്പ് പകർന്നു നൽകി..ആ കാറ്റിൽ മഞ്ജുവിന്റെ മുടിയിഴകൾ പാറി നടന്നു ..
ഞാനവളുടെ ഭംഗി ആസ്വദിച്ചെന്നോണം നോക്കി ഇരുന്നു .രണ്ടു കയ്യും സ്റ്റിയറിങ്ങിൽ പിടിച്ചു പതിയെ കാർ ബാലൻസ് ചെയ്തുകൊണ്ട് മഞ്ജു സ്വല്പം പതിയെ വിട്ടു….
“മഞ്ജുസിനെ കാണാൻ നല്ല ഭംഗിയാ ട്ടോ “
ഞാൻ അവളെ നോക്കി പറഞ്ഞു. സമയം അഞ്ചു മണി ഒക്കെ ആയി തുടങ്ങിയിരുന്നു . ഇനിയും ഒന്നര മണിക്കൂറോളം ഉണ്ട് ഊട്ടിയിലെത്താൻ ! നല്ല കുളിർ കാറ്റ് ഞങ്ങളെ തഴുകി ഉണർത്തുന്നുണ്ട്..
“ഓ..പിന്നെ ..”
അവൾ അതത്ര താല്പര്യമില്ലാത്ത പോലെ തള്ളി കളഞ്ഞു..
“അതെന്താ അത്ര പുച്ച്ചം ?”
ഞാൻ മഞ്ജുസിനെ നോക്കി.
“പുച്ഛം ഒന്നുമില്ല…പക്ഷെ അതിലൊന്നും കാര്യമില്ലെടാ ..”
അവൾ ഒഴുക്കൻ മട്ടിൽ പറഞ്ഞു. ഇത്ര ഭംഗി ഒകെ ഉണ്ടായിട്ടും ലൈഫ് ഇൽ അതിനു വല്യ റോൾ ഒന്നും ഉണ്ടായിരുന്നില്ല എന്ന തോന്നൽ ആകാം !
“എന്നാലും ലുക്ക് കിടു തന്നെ .. “
ഞാൻ കൈകൊണ്ട് തംപ്സ് അപ്പ് കാണിച്ചു പറഞ്ഞപ്പോൾ അവൾ അതിഷ്ട്ടപെട്ടെന്നോണം ചിരിച്ചു . കാറിന്റെ ഡാഷ് ബോർഡിൽ ഇരുന്ന അവളുടെ മൊബൈൽ ഞാൻ ആ സമയം കയ്യെത്തിച്ചു എടുത്തു..
സ്ക്രീൻ ലോക് ആണ് ! ഞാനതു അവളുടെ നേരെ കാണിച്ചപ്പോൾ മടി കൂടാതെ മഞ്ജു ഇടം കൈകൊണ്ട് പാറ്റേൺ വരച്ചു അൺലോക്ക് ചെയ്തു..
“നിന്റെ ഫോൺ എനിയ്ക്കും ഒന്ന് നോക്കാൻ തരണം ..വല്ല ഉഡായിപ്പും ഉണ്ടോന്നു നോക്കട്ടെ “
ഞാൻ അവളുടെ ഫോണിലേക്കു കണ്ണും നട്ടു ഗാലറി ഓപ്പൺ ചെയ്യുന്നത് കണ്ടു മഞ്ജു പറഞ്ഞു.
“അയ്യോ..അത് വേണ്ട…എന്റെ കാര്യം ഒകെ ഇപ്പൊ അറിഞ്ഞില്ലേ..ഇനി എന്നാത്തിനാ”
ഞാൻ നിരാശ ഭാവത്തിൽ അവളെ നോക്കി. ബീനയും കുഞ്ഞാന്റിയുമൊക്കെ ചാറ്റ് ആയും ഫോട്ടോ ആയും അതിലുണ്ട്..എല്ലാം ഡിലീറ്റ് ആക്കി കളയണം !
ഞാൻ പറഞ്ഞത് കേട്ട് മഞ്ജു ചിരിച്ചു .
ഞാൻ അവളുടെ ഗാലറി തുറന്നു നോക്കി . ഫോട്ടോസ് ഓരോന്നായി എടുത്തു നോക്കി . ആൽബത്തിൽ നിന്നുമെടുത്ത പോലുള്ള ഫോട്ടോസ്..മഞ്ജുസിന്റെ ചെറുപ്പം ആണ്..കുഞ്ഞു കുട്ടി ആയപ്പോൾ മുതൽ ഉള്ളത് ഉണ്ട് ..അവളുടെ അച്ഛനും അമ്മക്കുമൊപ്പം നിൽക്കുന്നത്…കസേരയിൽ ഒറ്റയ്ക്ക് ഇരിക്കുന്നത്..കൈകൊട്ടി ചിരിക്കുന്നത് ..നല്ല കുഞ്ഞു വാവ !
നല്ല ഗാംഭീര്യമുള്ള , കാണാൻ സുമുഖനായ ഒരാളാണ് മഞ്ജുവിന്റെ അച്ഛൻ എന്ന് ആ ഫോട്ടോസ് കണ്ടപ്പോൾ എനിക്ക് തോന്നി..അച്ഛനൊപ്പം മടിയിൽ ജീപ്പിന്റെ ഫ്രണ്ട് സീറ്റിൽ ഇരുന്നു വളയം പിടിക്കുന്ന കൊച്ചു കുഞ്ഞു ആയിരുന്നപ്പോൾ ഉള്ള മഞ്ജുവിന്റെ പടം എല്ലാം എന്റെ മുൻപിൽ ഒന്നിന് പിറകെ ഒന്നായി തെളിഞ്ഞു …
“ഇതൊക്കെ മഞ്ജുസിന്റെ ആണോ ?”
ഞാൻ ഡിസ്പ്ലേ അവക്ക് നേരെ നീട്ടികൊണ്ട് ചോദിച്ചു .
“മ്മ്…എന്നെ എടുത്തിരിക്കുന്നത് അച്ഛൻ ..അപ്പുറത്തുള്ളത് അച്ഛന്റെ അനിയൻ ”
മഞ്ജു ആ ഫോട്ടത്തിന്റെ വിശേഷങ്ങൾ പറഞ്ഞു..
നീക്കി നീക്കി ..മഞ്ജു വലുതായി തുടങ്ങി..സ്കൂളിലെ ഫോട്ടോസ് ഒകെ വന്നു തുടങ്ങി…
“മ്മ്…പണ്ടും നല്ല ലുക്ക് ആണ് ട്ടോ “
ഞാൻ അവളുടെ ഹൈ സ്കൂൾ ലെവെലിലുള്ള ഫോട്ടോസ് നോക്കി പറഞ്ഞു..
മഞ്ജു പതിയെ ചിരിച്ചു.
ഞാൻ ഫോട്ടോസ് തോണ്ടി കൊണ്ട് ഇരുന്നു ..പെട്ടെന്നാണ് കുറച്ചൂടെ വലുതായിട്ടുള്ള മഞ്ജുസിന്റെ ഫോട്ടോസ് വന്നത്…
ഇത്തവണ ഞാൻ ഒന്ന് ഞെട്ടി…കരാട്ടെ വേഷത്തിൽ മഞ്ജു !
“മഞ്ജുസ് ഫാൻസി ഡ്രെസ്സിനു പോയോ ?”
ഞാൻ ആ ഫോട്ടോ അവൾക്കു നേരെ പിടിച്ചുകൊണ്ട് ചിരിയോടെ ചോദിച്ചു.
“കുറച്ചൂടെ തോണ്ടി നോക്ക്..അപ്പൊ മനസിലാവും “
മഞ്ജു ചിരിയോടെ പറഞ്ഞു..
ഞാൻ ഒന്നുടെ തോണ്ടി..
ഇത്തവണ കരാട്ടെ വേഷം തന്നെ ..പക്ഷെ ഒരു ഗ്രൂപ്പിന്റെ കൂടെ ആണ് . ഇടതു കാൽ മാത്രം പൊക്കി വേറൊരാളുടെ തോളിൽ വെച്ചു നിൽക്കുന്ന ഫോട്ടോ ചുറ്റിനും ഒന്ന് രണ്ടു കുട്ടികൾ വേറെ ഉണ്ട് ..കഷ്ടിച്ച് പതിനേഴ് പതിനെട്ട് വയസുള്ള ടൈമിലെ ഫോട്ടോ ആണ് അതെന്നു എനിക്ക് തോന്നി..