” അജി.. നിനക്കെന്നെ വിവാഹം ചെയ്തൂടെ.. ”
ഞാൻ അതിന് മറുപടിയൊന്നും പറഞ്ഞില്ല. അവൾ വീണ്ടും തുടർന്നു.
” എനിക്ക് ഈ ലോകത്ത് ഏറ്റവും സുരക്ഷിതം എന്ന് തോന്നുന്നത് ഇപ്പോൾ നിന്റെ കൂടെ ഇരിക്കുമ്പോഴാണ്.. നിനക്കറിയോ രവി എന്നെ വിവാഹം കഴിച്ചത് എന്തിനാണ് എന്ന്. അന്ന് നീയും അവനും വീട്ടിൽ വന്നപ്പോൾ ഞാൻ അറിയാതെ അവനെ കളിയാക്കിയില്ലേ.. അത് മനസ്സിൽ വെച്ച് കൊണ്ട് എന്നോട്
പകപോക്കനായിരുന്നു.
ഏതൊരു പെണ്ണും സ്വപ്നം കാണുന്ന ആദ്യ രാത്രി എന്റെ ജീവിതത്തിലെ തന്നെ നശിച്ച രാത്രി ആയിരുന്നു. അന്ന് അവൻ മൃഗത്തെ പോലെയാണ് എന്നെ ഭോഗിച്ചത്. ഞാൻ അന്നും ചിന്തിച്ചത് നീയെന്നെ ചതിച്ചിടത്തോളം വേദനയൊന്നും എനിക്ക് അതിൽ തോന്നിയില്ല. പിന്നെ എന്റെ ശരീരത്തിൽ അവൻ തൊട്ടില്ല. പക്ഷെ അന്ന് ചെയ്തത് എന്റെ വയറ്റിൽ ഒരു കുഞ്ഞ് ജീവന്റെ തുടിപ്പിന് കാരണമായിരുന്നു. പിന്നെ ഇന്ന് വരെ എന്റെ കുഞ്ഞിന് വേണ്ടിയാണ് ഞാൻ ജീവിച്ചത്. അവന്റെ കള്ള് കൂടിയല്ലാതെ അവന്റെ വഴിവിട്ട ജീവിത രീതിയൊന്നും ഞാൻ അറിഞ്ഞിരുന്നില്ല. അച്ഛനും അമ്മയും മരണപെട്ടപ്പോൾ കുഞ്ഞിനോട് കുറച്ച് സ്നേ ഹം കാണിക്കുന്നത് കണ്ടപ്പോൾ അവൻ മാറി തുടങ്ങിയെന്നാണ് കരുതിയത്. പക്ഷെ പൊതുവാൾ സാർ ഇന്ന് പറഞ്ഞതൊക്കെ ആലോചിക്കുമ്പോൾ എനിക്കും കുഞ്ഞിനും എന്തെങ്കിലും പറ്റുമോ എന്നൊരു പേടി തോന്നുവാ…”
ഞാൻ വണ്ടി സഡൻ ബ്രെക്കിട്ട് നിർത്തി . അവളുടെ കൈ പിടിച്ചു കൊണ്ട് പറഞ്ഞു.
” നീ പേടിക്കണ്ട.. നിനക്കും കുഞ്ഞിനും ഒന്നും സംഭവിക്കില്ല. ഞാൻ ഉണ്ടാകും നിന്റെ കൂടെ ”
അവൾ എന്റെ കൈ പിടിച്ച് അതിൽ തല വെച്ച് തേങ്ങി. ഞാൻ അവളുടെ നെറുകയിൽ തലോടി . എന്നിട്ട് വണ്ടിയെടുത്തു. പിന്നെ അവൾ തന്നെ കാറിൽ പാട്ട് വെച്ചു. കുറെ ദൂരം കാർ നിർത്താതെ ഓടിക്കൊണ്ടിരുന്നു. അനു കാറിനുള്ളിൽ വെച്ച ഓരോ പാട്ടുകളും ആസ്വദിച്ച് കേൾക്കുകയാണ്.
കുറച്ച് ദൂരം പോയപ്പോൾ ഞാൻ പുറത്തേക്ക് നോക്കിയപ്പോൾ ഒരു ചെറിയ ചായക്കട കണ്ടു. സമയം നാലുമണി കഴിഞ്ഞിരിക്കുന്നു. ഞാൻ കാർ അവിടെ നിർത്തി. അവളും ഞാനും ഓരോ ചായ കുടിച്ചു അവിടന്ന്.
” നമ്മൾ എങ്ങോട്ടാണ് പോകുന്നത് എന്ന് ഞാൻ ചോദിക്കുന്നില്ല , പക്ഷെ ഇനിയും ഒരു പാട് ദൂരമുണ്ടോ അജി..”
അവളെന്നോട് ചോദിച്ചു.
” ഇല്ലെടി ഇനി ഒരു അഞ്ചു കിലോമീറ്റർ കൂടെ..”
ഞാനും അവളും ചായ കുടിച്ച് ഞാൻ കടക്കാരന് പൈസ കൊടുത്തു. എന്നിട്ട് വണ്ടിയിൽ കയറി. കുറച്ച് ദൂരം കൂടി ചെന്നപ്പോൾ ഒരു ചെറിയ കവല കണ്ടു. അവിടെയുള്ള ഒരു ചെറിയ ടീസ്റ്റൽ ആന്റ് ബേക്കറിയുടെ മുൻപിൽ ഞാൻ വണ്ടി നിർത്തി. അവളോടും ഇറങ്ങാൻ പറഞ്ഞു.
ഞങ്ങളെ കണ്ടപ്പോൾ ആ കടയിലെ ആൾ എന്നെ വന്ന് കെട്ടിപിടിച്ചു. അനു ഒന്നും മനസ്സിലാകാതെ എന്റെ മുഖത്തേക്ക് നോക്കി. ഞാൻ പറഞ്ഞു .
” അനു ഇത് ജോജോ.. രവിയുടെ യും എന്റെയും ഒപ്പം കോളേജിൽ ഒപ്പം ഉണ്ടായിരുന്നു ”
” വാ അജിത് നമുക്ക് വീട്ടിലേക്ക് പോവാം.. ”
ജോജോ അവന്റെ കട അവിടത്തെ പണിക്കരാനെ ഏല്പിച്ച് വണ്ടിയിൽ കയറി. കുറച്ച് കൂടി മുന്നോട്ട് പോയി ഒരു ഓടിട്ട വീടിന്റെ മുൻപിൽ വണ്ടി നിർത്തി.
ആ വീട്ട് മുറ്റത്ത് ഒരു കുട്ടി കളിക്കുന്നുണ്ടായിരുന്നു. ഞാനും ജോജോയും അനുവും കാറിൽ നിന്നിറങ്ങി. ജോജോ ആ കുട്ടിയെ എടുത്ത് ഞങ്ങളോട് വീട്ടിലേക്ക് കയറാൻ പറഞ്ഞു. ഞങ്ങൾ അകത്തേക്ക് കയറി. അപ്പോൾ അടുക്കളയിൽ നിന്ന് നാൻസി പൂമുഖത്തേക്ക് വന്നു. അനുവിനോട് ഞാൻ ചോദിച്ചു.
” ആളെ മനസ്സിലായോ.. എന്നെ പണ്ട് ചാരക്കേസിൽ കുടുക്കിയ പ്രതിയാ..”
എന്ന് പറഞ്ഞ് ഞാൻ ചിരിച്ചു. അത് കേട്ട് ജോജോയും ചിരിച്ചു. നാൻസി എന്നെ നോക്കി കൊണ്ട് കൊഞ്ഞനം കുത്തി കാണിച്ചു. എന്നിട്ട് കുഞ്ഞിനെ ജോജോയുടെ കയ്യിൽ നിന്ന് മേടിച്ചു. ജോജോ കുഞ്ഞിനെ നാൻസിയ്ക്ക് കൊടുത്ത ശേഷം അന്ന് അവിടെ നടന്നതും പിന്നെ അവരുടെ ജീവിതത്തിലുണ്ടായതെല്ലാം അനുവിനോട് വിവരിച്ചു. നാൻസി അത് കേട്ട് നെടുവീർപ്പിട്ടു. അനു എല്ലാം പറഞ് കഴിഞ്ഞപ്പോൾ വീടിന് പുറത്തേക്കോടി കാറിൽ തല വെച്ച് പൊട്ടി കരഞ്ഞു.
ഞാൻ പിന്നാലെ പോയി അവളെ തിരിച്ച് നിർത്തി.
” എന്താ.. അനു ഇത്.. കരച്ചിൽ നിർത്ത് .. പ്ലീസ്.. പോട്ടെ സാരല്ല ”
അവൾ വീണ്ടും എന്റെ തോളിൽ കിടന്ന് കരഞ്ഞ് കൊണ്ടിരുന്നു.
” അനു ഇതൊക്കെ ദൈവം നമുക്ക് വിധിച്ചതാണ് എന്ന് കരുതി സമാധാനിക്ക് ..”
ഞാൻ അവളുടെ താടി ഉയർത്തി പറഞ്ഞു..
” ദെ.. നോക്ക് ഇനി നീ കരയാൻ പാടില്ല.. ഇനി നിന്റെയും എന്റെയും ജീവിതം ഇങ്ങനെ ആക്കിയ അവനോട് ഇതിന് പകരം ചോദിക്കയാണ് വേണ്ടത് ”
അവൾ കണ്ണ് തുടച്ചു. എന്നിട്ട് എന്റെ കൈ പിടിച്ച് ജോജോയുടെ വീട്ടിനകത്തേക്ക് കേറിയപ്പോൾ നാൻസി അവളെ കെട്ടിപ്പിടിച്ച് കരഞ്ഞു കൊണ്ട് മാപ്പ് ചോദിച്ചു. അനു അവളെ ആശ്വസിപ്പിച്ചു. ഈ സമയം ജോജോ കസേരയിൽ നിന്നെഴുന്നേറ്റ് അനുവിന്റെ അടുക്കൽ ചെന്ന് പറഞ്ഞു.
” അനു.. നിന്നെയും ഇവനെയും ഞങ്ങൾ ദ്രോഹിച്ചിട്ടേ ഉള്ളൂ… പക്ഷെ ഇവൻ ഒരു ജോലിയും ചെയ്യാൻ കഴിയാതെ അവസാനം ഐസ്ക്രീം വിൽക്കുന്ന ജോലി ചെയ്യുമ്പോഴാണ് ഞങ്ങൾ കണ്ടത്. ഒരു കാലില്ലാത്ത എനിക്ക് ആ ജോലി വളരെ പ്രയാസമായിരുന്നു. അന്ന് സ്‌കൂളിൽ വെച്ച് കണ്ട ശേഷം ഇവൻ ഞങ്ങളെ തേടി വന്നു. എനിക്ക് ഒരു ചെറിയ കടയും ഈ വീടും വയ്ക്കാൻ സഹായിച്ചു. ഇടയ്ക്കൊക്കെ ഞങ്ങളുടെ സുഖവിവരം അന്വേഷിക്കാൻ വരും.
അന്നൊക്കെ ഇവൻ ഒന്നേ ആവശ്യപെട്ടിട്ടുള്ളൂ.. ഒരു നാൾ നിന്നെയും കൂട്ടി വരുമ്പോൾ ഉള്ള സത്യങ്ങൾ പറയുക എന്ന് മാത്രം. നിന്നോട് മാത്രമല്ല ഏത് കോടതിയിലും വന്ന് ഞങ്ങൾ ഇത് ഏറ്റു പറയും. അത് ഇവനോടുള്ള കടപ്പാട് കൊണ്ട് മാത്രല്ല ഇനി ഒരാളും രവി കാരണം ജീവിതം തകരരുത് ”
സമയം ആറുമണി ആയപ്പോൾ ഞങ്ങൾ അവരോട് യാത്ര പറഞ്ഞ് ഇറങ്ങി.
പോകുന്ന വഴിക്ക് ഒരു വലിയ ഹോട്ടൽ ആന്റ് റെസ്റ്റോറെന്റിന്റെ മുൻപിൽ വണ്ടി നിർത്തി. ഞാൻ അവളോട് പറഞ്ഞു.
” അനു ഇനിയും ഒരുപാട് ദൂരം ഉണ്ട്‌ വീട്ടിലേക്ക്.. നമുക്ക് എന്തെങ്കിലും കഴിച്ച് യാത്ര തുടരാം. ”
അവൾ ഓക്കേ പറഞ്ഞു. ഹൈ വെയിൽ യാത്ര ചെയ്യുന്നവർക്ക് ഭക്ഷണം കഴിക്കാനും താമസിക്കാനും പറ്റിയ ഒരു ഫൈവ് സ്റ്റാർ ഹോട്ടൽ ആയിരുന്നു അത്. ഞങ്ങൾ ഉള്ളിൽ കയറി , ഓരോ പ്ലേറ്റ് ചപ്പാത്തിയും ചിക്കൻ കറിയും ഓർഡർ ചെയ്തു.
എനിക്ക് നല്ല വിശപ്പുണ്ടായിരുന്നു. അനുവിനും അത് പോലെ തന്നെ. ഉച്ചയ്ക്ക് പൊതുവാൾ സാറിന്റെ വീട്ടിൽ നിന്ന് ഭക്ഷണം കഴിച്ച ശേഷം ജോജോയുടെ വീട്ടിൽ നിന്ന് ചായ മാത്രേ കുടിച്ചിരുന്നുള്ളു.
ഭക്ഷണം കഴിച്ച് കൊണ്ടിരിക്കുന്നതിനിടയിൽ പെട്ടെന്ന് അനു ഛർദിക്കാൻ തുടങ്ങി. അവിടെ ഉണ്ടായിരുന്ന സ്റ്റാഫും മറ്റും ഓടി വന്നു. ഞാൻ അവളെ താങ്കി പിടിച്ച് വാഷ്‌റൂമിലേക്ക് കൊണ്ട് പോയി. പിന്നാലെ വന്ന സ്റ്റാഫും മറ്റുള്ളവരും എന്ത് പറ്റി എന്ന് ചോദിച്ചു. അവൾ മുഖം. കഴുകി അവരോട് പറഞ്ഞു.
