★★★★★★★★★★★★★★
ഗോവ…..
സാന്റാ മറീന…
കടലിലെ സ്വർഗം…അതാണ് സാന്റാ മറീന ഷിപ് ..എല്ലാത്തരം ലക്ഷറിയും അനുഭവിക്കാൻ പറ്റിയ ഇടം..ഡ്രഗ്സ്..സെക്സ്..എല്ലാം… ബിസിനസ്സ്കാരന്മാരുടെ ചൂതാട്ട കേന്ദ്രം…കാസിനോ…
ഗോവൻ കടൽത്തീരത്തു നങ്കൂരമിട്ട് കിടക്കുന്ന ഒരു കൊച്ചു കൊട്ടാരം അതാണ് സാന്റാ മറീന..
ഒരുത്തൻ പറന്ന് വന്ന് കസേരകളിൽക്കൂടി വീണു…
“എന്റെ കാസിനോയിൽ വന്ന് അലമ്പ് കാണിക്കാൻ മാത്രമായോടാ നായിന്റെ മക്കളേ…”…അടികിട്ടിയവനോട് ഒരാൾ അലറി…
തല്ല് കിട്ടിയവൻ എണീറ്റ് വന്ന് അയാളെ തല്ലാൻ കയ്യോങ്ങി… അയാൾ അവന്റെ കയ്യിൽ പിടിച്ചു ഒറ്റ തിരിക്കൽ തിരിച്ചു…അവന്റെ കൈ വാഴത്തണ്ട് പോലെ ഒടിഞ്ഞുതൂങ്ങി… അയാൾ അവന്റെ അവന്റെ വയറിന് നോക്കി ഒരു ചവിട്ട് കൊടുത്തു അവൻ പിന്നെയും നേരെ കസേരകൾക്കിടയിലേക്ക്…
പെട്ടെന്ന് ഒരാൾ ആളുകളുടെ ഇടയിൽ നിന്നും അയാൾക്ക് നേരെ ചാടിവീണു..അയാൾ പെട്ടെന്ന് ഒഴിഞ്ഞുമാറി…
“മാർക്കസ് നീ ഇനി അധിക നാൾ ഇവിടെ വാഴും എന്ന് കരുതണ്ടാ..അലെക്സിയുടെ പിള്ളേരെ വെറുപ്പിച്ചിട്ട് നിനക്ക് അതിന് സാധിക്കില്ല…”..അവൻ അയാളോട് പറഞ്ഞു…അയാൾ..
മാർക്കസ്…
വിൽഫ്രഡ് മാർക്കസ്…സാന്റാ മറീനയുടെ അധിപൻ…കരുത്തിന് ഇന്നും ഒരു കോട്ടം വരാത്ത ഒരു നാല്പത്തഞ്ചുകാരൻ…
“സാന്റാ മറീനയുടെ തന്ത ഞാനാണെങ്കി ഇവിടെ അധിക നാൾ വാഴുമോ ഇല്ലയോ എന്നൊക്കെ ഞാൻ തീരുമാനിച്ചോളാം… അതിന് ഒരു പന്നീടെ മോനും ഇങ്ങോട്ട് കയറി വരണ്ടാ…”..എന്ന് പറഞ്ഞിട്ട് മാർക്കസ് അവന്റെ നെഞ്ചിൽ ആഞ്ഞുചവിട്ടി…അവൻ തെറിച്ചുപോയി..
“തൂത്തുവാരി കളയെടാ…”..മാർക്കസ് തന്റെ അനുയായികളോട് പറഞ്ഞു…
“ഗയ്സ്.. ജസ്റ്റ് ചിൽ.. വാസ് ദാറ്റ് ഫൺ… ഹഹ്‌..?”…മാർക്കസ് കണ്ടുനിൽക്കുന്ന ആളുകളോട് ചോദിച്ചു..
ആളുകൾ ചിരിച്ചു കയ്യടിച്ചു..
“റ്റൂ മച്ച് ഫൺ..”..ഒരു പെണ്ണ് വിളിച്ചുപറഞ്ഞു…
“സം ബ്ലഡി ക്രീപ്സ്…എന്ജോയ് ദി നൈറ്റ് ഡിയർസ്…”..മാർക്കസ് അവരോട് പറഞ്ഞു…
ആളുകൾ തിരിഞ്ഞു അവരുടെ വിനോദങ്ങളിൽ ഏർപ്പെട്ടു…
“സാർ…”..മാർക്കസിനെ അവന്റെ ഒരു അനുയായി വിളിച്ചു…
“വാട്ട്…”..മാർക്കസ് ചോദിച്ചു…
“ഒരു സന്ദേശം വന്നിട്ടുണ്ട്…”…അയാൾ മാർക്കസിനോട് പറഞ്ഞു…
“പറയൂ…”..മാർക്കസ് അയാളോട് പറഞ്ഞു..
“☠️ചെകുത്താൻ വേട്ടയ്ക്ക് ഇറങ്ങിയിട്ടുണ്ട്…☠️”
അയാൾ മാർക്കസിനോട് പറഞ്ഞു..ആ സന്ദേശം അയാളിൽ ഒരു ഞെട്ടലുളവാക്കി…
“അയച്ച ആളുടെ പേര്…”..മാർക്കസ് അയാളോട് ചോദിച്ചു…
“അജയൻ…”..അയാൾ പറഞ്ഞു…
“കാൾ ഹിം ആൻഡ് ഗിവ് ഇറ്റ് ടു മി…”…മാർക്കസ് അയാളോട് പറഞ്ഞു…
അയാൾ കാൾ ചെയ്തിട്ട് ഫോൺ മാർക്കസിന് കൊടുത്തു…അപ്പുറത്ത് ഫോൺ എടുത്തു…
“വിൽഫ്രഡ് മാർക്കസ് ഹിയർ…”…അയാൾ അജയനോട് പറഞ്ഞു…
“സാറെ അജയനാണ്…”…അജയൻ പറഞ്ഞു..
“നിന്റെ സന്ദേശം കിട്ടി..ഏതാ ഈ പുതിയ ചെകുത്താൻ…”…മാർക്കസ് അജയനോട് ചോദിച്ചു…
“പുതിയതല്ല സാറെ…പഴയതാണ്…”…അജയൻ പറഞ്ഞു…
“അതേതാ ഈ പഴയത്…ഏതാ ഊര്…”…മാർക്കസ് അജയനോട് ചോദിച്ചു…
“മിഥിലാപുരി…”..അജയൻ പറഞ്ഞു…
ആ പേര് തന്നെ മാർക്കസിൽ ഒരുതരം ഭയം ജനിപ്പിച്ചു…
“ആര് അബൂബക്കറോ…”…മാർക്കസ് അജയനോട് ചോദിച്ചു…
“അബൂബക്കറെക്കാൾ മുന്തിയ ഇനമാണ്…”…അജയൻ പറഞ്ഞു…
“സമർ…?”…തന്റെ ഭയം പുറത്തുകാണിക്കാതെ മാർക്കസ് ചോദിച്ചു…
“അതെ…സമർ അലി ഖുറേഷി..💀”…അജയൻ പറഞ്ഞു…ആ പേര് മാർക്കസിലേക്ക് ഒരു കൂർത്ത കത്തിയെപ്പോലെ തറച്ചുകയറി…
“അപ്പൊ രാംദാസിനെ തീർത്തത്…”…മാർക്കസ് സംശയത്തോടെ ചോദിച്ചു…
“രാംദാസ് മാത്രമല്ല…”…അജയൻ പറഞ്ഞു…
“പിന്നെ…”…
“അസീസിനേം…”..അജയൻ പറഞ്ഞു…
വെള്ളിടി കിട്ടിയപോലെ മാർക്കസ് അജയൻ പറഞ്ഞത് കേട്ടിരുന്നു…
“ഓഹോ…”..മാർക്കസ് പറഞ്ഞു…
“സാറ് ഒന്ന് നോക്കിയിരുന്നോ…”..അജയൻ മാർക്കസിന് ഒരു മുന്നറിയിപ്പ് കൊടുത്തു…
“സാന്റാ മറീനയിൽ വന്ന് അവനെന്നെയങ്ങ്‌ ഉലത്തും…”…മാർക്കസ് വാശിയോടെ പറഞ്ഞു…
“സാറെ അവന്റെ പേര് സമർ അലി ഖുറേഷി എന്നാണ്…”…അജയൻ പറഞ്ഞു…
“സൊ…”..മാർക്കസ് തിരിച്ചു ചോദിച്ചു…
“നമ്മുടെ നാട്ടുകാർ അവന് വേറെ ഒരു പേരിലാണ് വിളിക്കുന്നത്…ചെകുത്താന്റെ സന്തതിയെന്ന്…”…അജയൻ പറഞ്ഞു…
“ഹമ്…”…മാർക്കസ് അതിന് മൂളിക്കൊടുത്തു…
“ആ പേര് അബൂബക്കറിന്റെ മകനായതുകൊണ്ട് മാത്രമല്ല കൊടുത്തത് എന്ന് നമുക്ക് രണ്ടുപേർക്കും അറിയാം…”…അജയൻ പറഞ്ഞു…
“അതിന്…”…മാർക്കസ് ചോദിച്ചു…
“സൂക്ഷിച്ചാൽ നന്ന്…”…അജയൻ പറഞ്ഞു…
“ആ…”..എന്ന് പറഞ്ഞു മാർക്കസ് ഫോൺ കട്ട് ചെയ്തു…മാർക്കസ് ശരിക്കും ഭയന്നിരുന്നു…മരണം തന്റെ തൊട്ടുമുന്നിൽ എത്തിയപോലെ അയാൾക്ക് തോന്നി…മാർക്കസ് തന്റെ അനുയായിയെ വിളിച്ചു സെക്യൂരിറ്റി ടൈറ്റ് ആക്കാൻ പറഞ്ഞു…
“എന്തുപറ്റി സാർ…”..അനുയായി ചോദിച്ചു…
“ഡെവിൾ ഈസ് കമിങ്…”..ഒരുതരം ഭയം കലർന്ന സ്വരത്തോടെ മാർക്കസ് മൊഴിഞ്ഞു….
★★★★★★★★★★★★★★
ദിവസങ്ങൾ കടന്നുപോയി…സമറും ഷാഹിയും തമ്മിൽ ചെറിയ കൂട്ടായി..സമറിന് ഷാഹിയോട് വലുതായിട്ട് അടുക്കാൻ ഇനിയും സാധിച്ചിട്ടില്ല..എന്തെങ്കിലും സംസാരിക്കും കുറച്ചുനേരം..പിന്നെ രണ്ടും വേറെ വേറെ വഴിക്ക് പോകും..രണ്ടുപേർക്കും പരസ്പരം നല്ലപോലെ കൂട്ട് ആവണം എന്നുണ്ട്..പക്ഷെ അതിന് പറ്റിയ ഒരു സാഹചര്യം രണ്ടുപേർക്കും കിട്ടിയില്ല..അവൾ ഒരു യജമാനനോട് ഉള്ള ബഹുമാനം അവന് കൊടുത്തു..അവൻ എത്ര അടുക്കാൻ ശ്രമിച്ചിട്ടും അവൾ അങ്ങോട്ട് അടുത്തില്ല.. പക്ഷെ അവളുടെ ഉള്ളിലും അവനോട് അടുക്കണം എന്നുണ്ട് പക്ഷെ ഒരു പൈസ പോലും വാങ്ങാതെ തന്നെ ഇവിടെ താമസിക്കുന്ന അവന്റെ കാരുണ്യത്തിൽ കൂടുതൽ കൈ കടത്താൻ അവൾ ആഗ്രഹിച്ചില്ല…ഇടയ്ക്കിടയ്ക്ക് കുഞ്ഞുട്ടൻ പ്രത്യക്ഷപ്പെടും…ഒരു ജഗപൊകയാകും ആ ദിവസം മുഴുവൻ…പക്ഷെ അവനും സമറിനെയും ഷാഹിയെയും അടുപ്പിക്കാൻ സാധിച്ചില്ല…പിന്നെ അവൻ വന്ന പോലെ തന്നെ മുങ്ങും…ഷാഹി ഇപ്പോഴും ബസിൽ തന്നെയാണ് കോളേജിലേക്ക് വന്നുകൊണ്ടിരുന്നത്…സമറിന്റെ വീട്ടിൽ ആണ് താൻ എന്നുള്ളത് ഗായത്രിയോടും അനുവിനോടും ഷാഹി ഇനിയും പറഞ്ഞിട്ടില്ല…സമറും കോളേജിൽ നിന്ന് ഷാഹിയോട് ഒന്നും സംസാരിക്കാൻ പോകാറില്ല…ഗായത്രിയും അനുവും സമറിനെക്കുറിച്ചു ഓരോന്ന് പറയുമ്പോൾ ഷാഹി ഉള്ളിൽ ഊറിച്ചിരിക്കും…അവളും ഓരോന്ന് കൂട്ടി പറഞ്ഞുകൊടുക്കും…അവൾ അതിൽ വളരെ സന്തോഷം കണ്ടെത്തി..
ഗായത്രിയും അനുവും ഞാനും കൂടി ഇന്റർവെൽ ന് പുറത്തേക്ക് ഇറങ്ങി…ഞങ്ങൾ ഓരോന്ന് സംസാരിച്ചു ഉദ്യാനത്തിലേക്ക് പോയി..അതാണ് ഞങ്ങളുടെ പ്രധാന താവളം…അപ്പോൾ സമർ ബൈക്കിൽ പുറത്തേക്ക് പോകുന്നത് ഞങ്ങൾ മൂന്നുപേരും കണ്ടു…
“എന്നാ ലുക്ക് ആണെടി ഇവന്…”..അനു പറഞ്ഞു…
അത് സത്യമാണ് എനിക്കും തോന്നി..അത്ര ഭംഗിയായിരുന്നു സമറിനെ കാണാൻ..കട്ടതാടിയും കട്ടിമീശയും നല്ല ഉയരവും അതിനൊത്ത തടിയും കരുത്തുറ്റ ശരീരവും പിന്നെ നല്ല നിറവും ചൊറുക്കുള്ള മുഖവും…ഏത് പെണ്ണും അവനെ ആഗ്രഹിക്കും…ഏതെങ്കിലും സാധാ ഡ്രസ്സ് ധരിച്ചാൽ തന്നെ അവനെ കാണാൻ ഒടുക്കത്തെ ലുക്ക് ആണ്.. ഇന്നാണെങ്കിൽ ഷർട്ട് ന് മുകളിൽകൂടി ഒരു ജാക്കറ്റും ഇട്ടിട്ടുണ്ട്…എന്തൊരു ലുക്ക് ആണ് ഈ പഹയന്…
