പ്രോഗ്രാമിന്റെ അന്ന്….
ഗസ്റ്റ് കോഡിനേഷൻ കമ്മിറ്റി ആയതുകൊണ്ട് ഞാനാണ് ഷാജഹാനെ ഫോണിൽ വിളിച്ചത്. കോളേജിൽ എത്താൻ വാഹനം അറേഞ്ച് ചെയ്യേണ്ട കാര്യം തിരക്കിയപ്പോൾ അവൻ എത്തിക്കോളാം എന്ന് പറഞ്ഞു. പിന്നെ ഞാൻ എൻറെ ഓരോരോ കാര്യങ്ങളിൽ തിരക്കിലായിരുന്നു…
പ്രോഗ്രാം തുടങ്ങുന്നതിനു അൽപം മുമ്പ് എല്ലാ ഗസ്റ്റ്കളേയും ഫോളോ അപ്പ് ചെയ്യുന്ന കൂട്ടത്തിൽ ഞാൻ അവനെയും വിളിച്ചു. കോളേജ് കാൻറീനിൻ ഉണ്ടെന്നു അവൻ മറുപടിയും നൽകി. പിന്നെ വിളിക്കാനോ പറയാനോ പോയതൊന്നും ഇല്ല…
പ്രോഗ്രാം തുടങ്ങി…
ഇൻവൈറ്റഡ് സ്പെഷ്യൽ ഗസ്റ്റ്കൾ സ്റ്റേജിലും ഡിപ്പാർട്ട്മെൻറ് ഫാക്കൽറ്റിസും മറ്റു ഗസ്റ്റുകളും മുന്നിലെ നിരകളിലായി കയ്യേറി… പേപ്പർ പ്രസന്റേഷനും പോസ്റ്റർ പ്രസന്റേഷനും തകൃതിയായി നടന്നു എല്ലാം ഒന്നിനൊന്ന് നിലവാരം ഉള്ളതായിരുന്നു. അവസാനത്തോടടുത്തപ്പോൾ മൈക്കിൽ അനൗൺസ്മെൻറ് മുഴങ്ങി
നെക്സ്റ്റ് പ്രസേൻറ്റേഷൻ ഈസ് ഗോയിങ് ടു പ്രസൻറ് ബൈ മിസ്റ്റർ ഷാജഹാൻ അബ്ദുൽ റഷീദ്… ഹി ഈസ് ആൻ ബിടെക് ഫോർത്ത് ഇയർ സ്റ്റുഡൻറ് ആൻഡ് മോർ ഓവർ ദിസ് പേപ്പർ ഗോട്ട് കേരള സയൻസ് കോൺഗ്രസ് ബെസ്റ്റ് പേപ്പർ അവാർഡ്.. വീ വേർ ഈഗേർലീ വെയ്റ്റിംഗ് ഫോർ ദിസ് പ്രെസൻറ്റേഷൻ ആൻഡ് പ്ലീസ് കമ് ഓൺ സ്റ്റേജ്….
സ്പീക്കറിൽ ശബ്ദനാളങ്ങൾ അലയടിച്ചപ്പോൾ അവസാന നിരയിൽ നിന്നും ഒരു ചെറുപ്പക്കാരൻ എണീറ്റ് സ്റ്റേജിലേക്ക് വന്നു. എല്ലാവരും അവനെ ആകാംക്ഷയോടെ നോക്കുന്ന കൂട്ടത്തിൽ എൻറെ ശ്രദ്ധയും അവനിൽ പതിച്ചു…
പുഞ്ചിരിച്ചു കൊണ്ടാണ് അവൻ സ്റ്റേജിലേക്ക് കയറിയത്…
അവൻക്ക് ചുറ്റുമുള്ള മുറുമുറുപ്പുകളെയും അടക്കി ചിരികളെയും കാര്യമാക്കാതെ അവൻ ഡയസിന് മുന്നിൽ നിന്നു…
“ഗുഡ് ആഫ്റ്റർനൂൺ…
മൈ സെൽഫ് ഷാജഹാൻ അബ്ദുൽ റഷീദ്…
ഫസ്റ്റ് ഓഫ് ഓൾ ഐ വുഡ് ലൈക് ടു താങ്ക് കോൺഫ്രൻസ് കമ്മിറ്റി ഫോർ ഗിവിങ് മീ ദിസ് വണ്ടർഫുൾ ഓപ്പർച്യൂണിറ്റി…
ബിഫോർ സ്റ്റാർട്ടിങ്… ഇംഗ്ലീഷിലാണോ മലയാളത്തിലാണോ ഈ സെഷൻ നിങ്ങൾ കേൾക്കാൻ ആഗ്രഹിക്കുന്നത്??”
എന്തിൻറെ ആവശ്യത്തിനാ അവൻ അങ്ങനെ ഒരു ചോദ്യം ചോദിച്ചത് എന്ന് എനിക്ക് ആശ്ചര്യവും സംശയവും തോന്നി… തികച്ചും ഒരു ആവശ്യകതയും ഇല്ലാതിരുന്ന, ഒഴിവാക്കാമായിരുന്ന ഒരു ചോദ്യം…
“ബോസ്സേ… ഞങ്ങളൊക്കെ അത്യാവശ്യം സ്റ്റാൻഡേർഡ് ഉള്ളവരാണേ…. ”
ബി എസ് സി ഫൈനലിയറിലെ ഒരു ചേട്ടൻ കുറച്ചു ഉറക്കെ തമാശയോടെ പറഞ്ഞു….
ഫാക്കൽറ്റികൾ അടക്കം അവിടെ കൂടിയ എല്ലാവരും ചിരിക്കാൻ തുടങ്ങി… ഒന്നിനുപുറകെ ഒന്നായി കമൻറുകൾ വന്നെങ്കിലും ഒച്ച കുറവായ കാരണം അവകൾക്കൊന്നും വേണ്ടത്ര റീച്ച് കിട്ടിയില്ല…
ഒന്നു പുഞ്ചിരിച്ചുകൊണ്ട് ആള് സെഷൻ സ്റ്റാർട്ട് ചെയ്തു…
പ്രൊജക്ടർ ഡിസ്പ്ലേയിൽ സ്ലൈഡുകൾ തെളിഞ്ഞു…
“ഒക്കെ ലൈറ്റ് സ്റ്റാർട്ട്…. ടുഡേ ഐ ആം ഗോയിങ് ടു എക്സ്പ്ലെയിൻ അബൗട് സസ്റ്റൈനബിൾ മെറ്റീരിയൽ സയൻസ്… മെറ്റീരിയൽ സയൻസ് ഈസ് ബിലോങ്സ്റു അഡ്വാൻസ് കെമിക്കൽ എൻജിനീയറിങ്…
അവൻ അവൻ ഊർജ്ജസ്വലനായി പ്രസന്റേഷൻ സ്റ്റാർട്ട് ചെയ്തു… ഇംഗ്ലീഷിൽ ആയിരുന്നു പ്രസേൻറ്റേഷൻ തുടർന്നത്…
മെറ്റീരിയൽ സയൻസിലെ പ്രധാനപ്പെട്ട സബ് കാറ്റഗറികളായ സെറാമിക്സ്, മെറ്റൽസ്, പ്ലാസ്റ്റിക്സ് ഇവകളിൽ പ്ലാസ്റ്റിക് ആയിരുന്നു അവൻ തിരഞ്ഞെടുത്ത ടോപ്പിക്ക്…
“പ്ലാസ്റ്റിക് എന്ന് പറഞ്ഞാൽ നമുക്ക് എന്തോ വെറുക്കപ്പെട്ട സാധനമാണ്. അങ്ങനെയാണ് ഇന്നത്തെ സമൂഹം കണക്കാക്കപ്പെടുന്നത്. പക്ഷേ സത്യാവസ്ഥ എന്തെന്ന് വെച്ചാൽ ഈ ജനറേഷനിലെ എഞ്ചിനീയറിംഗിന്റെ നട്ടെല്ലാണ് പ്ലാസ്റ്റിക്.
സാധാരണ ഒരാൾ കരുതിയിരിക്കുന്നത് പ്ലാസ്റ്റിക് എന്നാൽ അത് കവർ പോലെയുള്ള നമ്മൾ ദൈനംദിന ആവശ്യങ്ങൾക്കായി ഉപയോഗിക്കുന്ന വസ്തുക്കൾ മാത്രമാണ് എന്നതാണ് എന്നാൽ നമ്മൾ ധരിക്കുന്ന വസ്ത്രങ്ങളിലും നമ്മൾ ഉപയോഗിക്കുന്ന എല്ലാ വസ്തുക്കളിലും ഈയൊരു പ്ലാസ്റ്റിക് ഘടകം അടങ്ങിയിട്ടുണ്ട് എന്നുള്ള വസ്തുത അത് ആർക്കും തന്നെ അറിയില്ല. ഈ സമൂഹത്തെ ഇതുപോലെയുള്ള തെറ്റിദ്ധാരണകളിൽ നിന്നും പിന്തിരിപ്പിക്കാനുള്ള ബാധ്യത അത് നമ്മളെ പോലെയുള്ള വിദ്യാർഥികൾക്കുണ്ട്… പ്രത്യേകിച്ച് കെമിസ്ട്രികാർക്ക്…
പ്ലാസ്റ്റിക് ഒരിക്കലും ഭൂമിയെ കാർന്നു തിന്നുന്ന ഒരു വസ്തുവല്ല. അതിൻറെ ദുരുപയോഗമാണ് ഇങ്ങനെയൊരു ഒരു അവസ്ഥയിലേക്ക് അതിനെ എത്തിക്കുന്നത്. ഏതൊരു ഒരു വസ്തുവിനെ പോലെ നെഗറ്റീവ്സ് പ്ലാസ്റ്റികിനും ഉണ്ട്. ശരിയായ സംസ്കരണത്തിലൂടെയും റീസൈക്ലിങ്ലൂടെയും നമുക്ക് പ്ലാസ്റ്റിക്കിന്റെ നെഗറ്റീവ് വശങ്ങൾ അതിജീവിക്കാനാവുന്നതാണ്. നമുക്ക് നമ്മുടെ ജീവിതത്തിൻറെ ഭംഗിയെ നിലനിർത്താവുന്നതാണ്…
പ്ലാസ്റ്റിക് എന്നാൽ റബ്ബർ പോലെ ഫൈബർ (നാര്) പോലെ ഒരു പോളിമർ മെറ്റീരിയൽ ആണ്. തെർമോപ്ലാസ്റ്റിക് തെർമോസെറ്റ് പ്ലാസ്റ്റിക്ക് എന്നിങ്ങനെ പ്ലാസ്റ്റിക്കിനെ തിരിച്ചിട്ടുണ്ട്.
തെർമോപ്ലാസ്റ്റിക് നമുക്ക് വീണ്ടും റീസൈക്കിൾ ചെയ്തും റീപ്രൊസസ്സ് ചെയ്തും ഉപയോഗിക്കാവുന്നതാണ്. നമ്മൾ ദൈനംദിന ആവശ്യത്തിന് ഉപയോഗിക്കുന്നതിൽ ഭൂരിഭാഗവും തെർമോപ്ലാസ്റ്റികാണ്.
തെർമോസെറ്റ് പാസ്റ്റിക് എൻജിനീയറിങ് പ്ലാസ്റ്റികാണ്. റീസൈക്ലിംഗോ റീപ്രോസസിംഗോ സാധ്യമല്ല. അതുകൊണ്ടുതന്നെ തെർമോസെറ്റ് പ്ലാസ്റ്റിക്കിന്റെ ഉപയോഗങ്ങളിൽ തെർമോപ്ലാസ്റ്റിക് ഉപയോഗിക്കാനുള്ള റിസർച്ച് വർക്കുകൾ നിരവധി ആണ് നടന്നു കൊണ്ടിരിക്കുന്നത്.
തെർമോപ്ലാസ്റ്റിക് ശരിയായ രീതിയിൽ സംസ്കരിക്കാത്തതാണ് നമ്മൾ ഇന്ന് നേരിടുന്ന പ്രധാന വെല്ലുവിളി… ജനസംഖ്യയിൽ മുന്നിലുള്ള ഇന്ത്യ പോലെയുള്ള രാജ്യത്ത് എല്ലാവരെയും പ്ലാസ്റ്റിക് വേസ്റ്റ് ഡിസ്പോസലിന്റെ രീതികളിൽ ബോധവാന്മാരാക്കുക എന്നതും പ്രായോഗികമല്ല…
പ്ലാസ്റ്റിക് അശ്രദ്ധേയമായി വലിച്ചെറിയുമ്പോൾ ഉണ്ടാവുന്ന പ്രശ്നങ്ങൾ നമുക്കെല്ലാം അറിയാവുന്നതാണല്ലോ??
അതിനൊരു പരിഹാരം എന്നതാണ് ഞങ്ങളുടെ റിസർച്ച്…
ജൈവ വിഘടനം നടക്കുന്ന പ്ലാസ്റ്റിക്ക് അധവാ ബയോഡീഗ്രേഡബിൾ ആയിട്ടുള്ള പ്ലാസ്റ്റിക് അതാണ് ഞങ്ങളുടെ ഈ പ്രൊജക്റ്റിന്റെ ഉദ്ദേശം…
ബയോഡീഗ്രേഡബിൾ ആയിട്ടുള്ള പ്ലാസ്റ്റിക് മെറ്റീരിയൽ വളരെ വിലയേറിയത് കൊണ്ട് സാധാരണക്കാരന് ഒരിക്കലും താങ്ങാവുന്നതല്ല… പിന്നെ ഉള്ള സൊല്യൂഷൻ നമ്മൾ സാധാരണ ഉപയോഗിക്കുന്ന പ്ലാസ്റ്റിക്കിനെ ബയോഡീഗ്രേഡബിൾ ആക്കുക എന്നതാണ്….
സ്റ്റാർച്ച് ഉപയോഗിച്ച് നിരവധി പഠനങ്ങൾ നടന്നിട്ടുണ്ട് എങ്കിലും കോമേഴ്ഷ്യലീ പ്രാക്ടിക്കൽ അല്ല… ഞങ്ങൾ പരിഹാരമായി മുന്നോട്ട് വെക്കുന്ന ഉപാധി മെറ്റൽ ഓക്സൈഡ്സ് ഇൻ കോർപ്പറേറ്റ് ചെയ്യുക ഡീഗ്രഡേഷൻ റിയാക്ഷൻ പ്രൊപ്പഗേറ്റ് ചെയ്യാൻ വേണ്ടി സെല്ലുലോസ് കൂടി കോമ്പോസിറ്റ് ചെയ്യുന്നതോടുകൂടി, സാധാരണ ഉപയോഗിക്കുന്ന പ്ലാസ്റ്റികളായ പോളിഎഥിലീൻ പോളിപ്രോപ്പിലിൻ തുടങ്ങിയ തെർമോപ്ലാസ്റ്റിക് മെറ്റീരിയലുകൾ ഡീഗ്രേഡബിൾ ആകാൻ സാധിക്കും..
