“ആ വരൂ, ഇരിക്ക് രണ്ടുപേരും ”
അവൾ പറഞ്ഞപ്പോൾ രണ്ടുപേരും ഇരുന്നു .. അവിടെ ഇരിക്കുന്ന അർജുൻ നെ അവർ രണ്ടും സംശയത്തോടെ നോക്കുന്നുണ്ട്
“മാഡം.. അഖിൽ എന്തെങ്കിലും പ്രശ്നം ഉണ്ടാകിയോ??”
പ്രകാശ് സർ അവനെ നോക്കിക്കൊണ്ട് ചോദിച്ചു
“ഏയ് ഇല്ലാലോ സാറേ”
“അല്ല പിന്നെ… ഇവൻ ഇവിടെ??” ജിനു ആയിരുന്നു
‘ഓകെ സീ മിസ്റ്റർ പ്രകാശ് ആൻഡ് ജിനു.. ഞാൻ ഇപ്പോൾ ഒരു കാര്യം പറയാൻ പോകുകയാണ് അതിന്റെ സീരിയസ്നെസ് അറിഞ്ഞു രണ്ടുപേരും പ്രവർത്തിക്കണം നമ്മുടെ എംപ്ലോയീസിനോടും പറയണം ok??’ ”
“ഓകെ മാഡം എന്താണ്” അവർ രണ്ടും ജാഗരൂഗരായി
“ഇത് അഖിൽ അല്ല, അർജുൻ ആണ് എന്റെ വുഡ് ബി … ഞാൻ കല്യാണം കഴിക്കാൻ പോകുന്ന ആൾ .. അതിന്റെ ബഹുമാനം ഒക്കെ കൊടുക്കണം നിങ്ങൾ. പിന്നെ അർജുൻ ഇവിടെ ജോലിക്ക് ഉണ്ടാവില്ല ഇനി ok ??”
അവൾ പറഞ്ഞു തീർന്നപ്പോൾ രണ്ടു പേരും കൂടെ അന്തംവിട്ട് അവനെ നോക്കി . അവനു പക്ഷെ എന്ത് പറയണം എന്നറിയില്ലായിരുന്നു
“പക്ഷെ മാഡം ?? ഹൗ??” ജിനു അത്ഭുതത്തോടെ അവളെ നോക്കി
“എന്താ…ജിനു??”
“അല്ല മാഡം എങ്ങനെ ഇതൊക്കെ??”
“സീ മിസ്റ്റർ ജിനു അതൊന്നും നിങ്ങൾ തിരക്കണ്ട ഞാൻ പറഞ്ഞത് പോലെ ചെയ്യുക ok??”
അവൾ തറപ്പിച്ചു പറഞ്ഞു
“Ok മാഡം” ജിനു തേഞ്ഞ മുഖവുമായി പറഞ്ഞു
“Ok അപ്പോൾ രണ്ടുപേരും താഴേക്ക് പൊയ്ക്കോളൂ .. ടാർഗറ്റ് കാര്യങ്ങൾ ഒക്കെ കഴിഞ്ഞദിവസം നമ്മൾ പറഞ്ഞ പോലെ ട്രാക്ക് ചെയ്യുന്നുണ്ടല്ലോ അല്ലെ??”
“ഉണ്ട് മാഡം” പ്രകാശ് സർ പറഞ്ഞു
” ok അപ്പോൾ പൊക്കോളൂ”
അവർ രണ്ടും എണീറ്റ് പോയി.. പോകുന്ന വഴി അവർ അവനെ നോക്കുന്നുണ്ട് അവൻ എന്തുപറയണം എന്നറിയാതെ അവിടെ ഇരുന്നു
“ഹോ അപ്പോ അത് കഴിഞ്ഞല്ലൊ സമാധാനം ആയിലെ ഏട്ടന്??” അവർ ഇറങ്ങിയതും അവൾ ചോദിച്ചു
“പിന്നെ… ഇനി അവരെ ഒക്കെ ഞാൻ എങ്ങനെ ഫേസ് ചെയ്യും ദൈവമേ”
അവൾ ചെയറിൽ നിന്ന് എണീറ്റവന്റെ ചെറിന്റെ ഹാൻഡ് റെസ്റ്റിൽ ഇരുന്നു
അവൻ അവൾ എന്താ ചെയ്യാൻ പോവുന്നെ ന്ന് അവളെ നോക്കി..
“എന്താ അമ്മു??”
“എന്ത്??”
അവൾ അവന്റെ തലമുടിയിൽ വിരൽ ഇട്ട് ഓടിച്ചു
“നീ എന്താ ചെയ്യുന്നേ അമ്മു” അവൻ തല ഉയർത്തി അവളെ നോക്കി
“ദെ… മര്യാദക്ക് ഇരുന്നോ … ഇല്ലേ അറിയാല്ലോ എന്നെ ”
“അയ്യോ അറിയാമെ… ”
“എത്ര കൊല്ലം ആയി ഞാൻ ആഗ്രഹിക്കുന്നതാന്നറിയമോ ഇങ്ങനെ അച്ചുവേട്ടന്റെ കൂടെ എപ്പോഴും ഇരിക്കാൻ”
അവൻ അവളെ നോക്കി ഒന്ന് ചിരിച്ചു
“അപ്പോ നമുക്ക് ഷോപ്പിങിന് പോണ്ടേ പോയാലോ??”
“വേണോ”
“പിന്നെ വേണ്ടേ?? ”
“ആ പോവാം ”
“അതിനു മുന്നേ നമുക്ക് എന്തെങ്കിലും കഴിക്കാം .. ന്നിട്ട് പോവാം ”
“ആം ”
“എന്ന വാ ..” അവൾ എണീറ്റു
അവർ പോകാൻ ഇറങ്ങിയതും അവളൂടെ ഫോണ് ബെൽ അടിച്ചു
“അച്ഛൻ ആണല്ലോ” ഭയങ്കര സന്തോഷത്തോടെ അവൾ അറ്റൻഡ് ചെയ്തു
“ഹലോ അച്ഛാ… ഞാൻ ഇപ്പോ വിളിച്ചെല്ലേ ഉള്ളു… ആ … ഉണ്ട്…. കൊടുക്കാം”
“ദേ അച്ചന് ഏട്ടനോട് സംസാരിക്കണം ന്ന് ” അവൾ ഫോണ് അർജുൻ നു നീട്ടി . അവൻ അത് വാങ്ങി ചെവിയിൽ വച്ചു
“ഹലോ…”
“ഹലോ…അർജുൻ?”
“അതേ.. അങ്കിൾ പറയൂ”
“ഹോ ഫൈനലി…”
“എന്താ അങ്കിൾ??”
“എത്ര കൊല്ലം ആയി ഞാൻ ദിവസവും കേള്കുന്ന് പേരാണ് ഇതെന്ന് അറിയാമോ… അവൾ തന്റെ അമ്മു…. ഇവിടെ ഒരു മുറി മുഴുവൻ എഴുതി ഇട്ടിട്ടുണ്ട് തന്റെ പേര്”
“എന്താ അങ്കിൾ പറയുന്നേ?”
“അർജുൻ.. ഒരു കാര്യം.. അവളെ സങ്കടപെടുത്തരുത്.. ഞാൻ അവളെ അങ്ങോട്ട് ഇപോ വിട്ടത് തന്നെ താൻ ജയിലിൽ നിന്നും ഇറങ്ങിയത് അറിഞ്ഞിട്ടു തന്നെ ആണ്.. അവിടെ ജോലിക്ക് തന്നെ എത്തിച്ചതും അങ്ങനെ തന്നെ ആണ്”
പുള്ളി പറയുന്നത് കേട്ട് അർജുൻ ഞെട്ടി
“അങ്കിൾ??”
“ഏയ്… താൻ മുഖം മാറ്റരുത്… പഴേ മുഖഭാവം തന്നെ മൈന്റൈൻ ചെയ്യുക… അവൾ അറിയരുത് ഞാൻ പറയുന്നത്”
അർജുൻ അവളുടെ അടുത്ത് നിന്നും കുറച്ചു മാറി നിന്നു.
“എന്താ അങ്കിൾ ഉദ്ദേശിക്കുന്നത്”
“എഡോ… അവൾ….അവളെ ഞാൻ ഓസ്ട്രേലിയയിലേക്ക് കൊണ്ടുപോന്ന ശേഷം.. തന്റെ പേര് പറഞ്ഞു കരയാത്ത ദിവസങ്ങളില്ല… സ്കൂളിലും കോളേജിലും ഒക്കെ പോകുമ്പോ പതിയെ മാറും എന്നു കരുതി എങ്കിലും ഒരു മാറ്റവും ഉണ്ടായില്ല… നന്നായി പഠിക്കും എങ്കിലും ആരുമായും കൂട്ടില്ല.. വിചിത്രമായ സംഭവങ്ങൾ ചെയ്യുക.. കൈ മുറിക്കുക… നേരത്തെ പറഞ്ഞ പോലെ തന്റെ പേര് ഒരു റൂം മുഴുവൻ എഴുതി വെക്കുക അതും സ്വന്തം ബ്ലഡ് കൊണ്ട്…”