എന്തൊരു മൈര് ഏർപ്പാടാണ്, കാമം തോന്നിയവരും കാമം തോന്നാത്തവരും എനിക്ക് എല്ലാം തന്നു, പക്ഷെ പ്രേമം തോന്നിയവൾ എനിക്ക് കിട്ടില്ല – ആകപ്പാടെ ഒരു അസ്വസ്ഥത. തുണി മാറാൻ നിന്നില്ല, പുറത്തേക്കിറങ്ങി നടന്നു. പുറത്താരെയും കണ്ടില്ല, ആരോടും പറയാനും പോയില്ല, എങ്ങോട്ടാ പോകുന്നതെന്ന് ഒരു നിശ്ചയം ഇല്ലായിരുന്നു. ബസ് വരുന്നത് കണ്ടപ്പോൾ കൈ കാട്ടി നിർത്തിച്ചു, ടൗണിലേക്ക്, നേരെ ബാറിൽ പോയി നാലെണ്ണം വീശി. ഒരു മനസ്സമാധാനം വന്നിരിക്കുന്നു. രണ്ടെണ്ണം കൂടി അടിച്ചിട്ട് ഒരു ഓട്ടോ പിടിച്ചു വീട്ടിലേക്കു പോന്നു. സമയം പതിനൊന്നു കഴിഞ്ഞിരിക്കുന്നു, കട്ടിലിലേക്ക് വീണതെ ഓർമയുള്ളു.
അഞ്ജനയെ മറന്നുകളയാനും ഒരു സുഹൃത്തെന്നപ്പോലെ തന്നെ കാണാനുമുള്ള തീരുമാനമെടുത്തിട്ടാണ് രാവിലെ കട്ടിലിൽ നിന്നെഴുന്നേറ്റത്. ഒന്നു കുളിച്ച് റെഡിയായി താഴേക്കിറങ്ങി. നിർമല ചേച്ചിയാണ് ബ്രേക്ക് ഫാസ്റ്റ് വിളമ്പിയത്. ദോശയും സാമ്പാറും തേങ്ങാ ചമ്മന്തിയും വയറു നിറയെ കഴിച്ച് എഴുന്നേറ്റു. കൈകഴുകി പുറത്തിറങ്ങിയപ്പോൾ അഞ്ജന പുറത്തെ കസേരയിലിരുന്ന് പത്രം വായിക്കുന്നുണ്ട്. ഒന്നു ചിരിച്ചു കാട്ടി ഒന്നും മിണ്ടാൻ നോക്കാതെ സ്കൂട്ടറുമെടുത്ത് സ്കൂളിലേക്ക് പോന്നു.
ചെന്നപ്പോൾ വസുമതി ടീച്ചറും വനജയും സ്റ്റാഫ്റൂമിൽ ഉണ്ടായിരുന്നു. രണ്ടു പേർക്കും ഒരു പുഞ്ചിരി സമ്മാനിച്ച് ഞാൻ എൻ്റെ പണിയിൽ മുഴുകി. രാവിലെ മുതൽ ഉച്ചവരെ ഓരോ ക്ലാസ്സ് ഉണ്ടായിരുന്നു. ഉച്ച ഭക്ഷണം കഴിച്ച് അബ്ദുള്ള മാഷിനൊപ്പം ഒരു നടത്തവും പുകയെടുപ്പും.. ഉച്ച കഴിഞ്ഞ് കുറച്ചു ഫ്രീ ആയിരുന്നെങ്കിലും സ്റ്റാഫ്റൂമിൽ തന്നെ ചടഞ്ഞു കൂടി. അടുത്ത മൂന്നു നാലു ദിവസം വലിയ സംഭവവികാസങ്ങളൊന്നുമില്ലാതെ കടന്നു പോയി. ഞാൻ ഒരു ദിവസതാളത്തിലേക്കു വന്നിരിക്കുന്നു.
ശനിയാഴ്ച വൈകിയാണ് എഴുന്നേറ്റത്. വിശന്നിട്ടു കുടൽ കരിയുന്നു.. പല്ലുവിളക്കി താഴേക്ക് ചെന്നു, മുറ്റത്തൊരു വണ്ടി കിടക്കുന്നു, ആരോക്കെയോ വന്നിട്ടുണ്ട് നോക്കിയപ്പോൾ നിർമല ചേച്ചിയുടെ ആങ്ങളയും കുടുംബവുമാണ്, അഞ്ജനയുടെ മാതാപിതാക്കളും പിന്നെ അനിയനും. എന്തൊക്കെയോ ബഹളം. ഞാൻ അടുക്കളയിലേക്കു കയറി. കമല തക്രുതിയായിട്ടു ഉച്ച ഭക്ഷണത്തിനുള്ള ഒരുക്കത്തിലാണ്. എന്നെ കണ്ടതും ഹാ മാഷെഴുന്നേറ്റോ.. ഇരിക്ക്, ഭക്ഷണം തരാം എന്നു പറഞ്ഞ് എനിക്കുള്ള ബ്രേക്ക് ഫാസ്റ്റ് വിളമ്പിത്തന്നു.
എന്താ കമലേച്ചി വിശേഷം, വിരുന്നുകാർ ഉണ്ടല്ലോ എന്നു ചോദിച്ചപ്പോൾ കമല ഒന്നു ചിരിച്ചിട്ടു മറുപടി തന്നു അവർ അഞ്ജനയേ കൂട്ടാൻ വന്നതാണ്. അവളെ ശല്യം ചെയ്തു കൊണ്ടിരുന്ന ഒരുത്തനില്ലേ.. അവൻ കഴിഞ്ഞ ദിവസം ഒരു ബൈക്ക് ആക്സിഡൻ്റിൽ ചത്തു പോയി. അതുകൊണ്ട് അഞ്ജനയെ കൂട്ടാൻ വന്നതാണ് അവർ. ഞാനൊന്നും മിണ്ടാൻ പോയില്ല ഒന്നു ചിരിച്ചിട്ട് പതിയെ ഭക്ഷണം കഴിച്ചു.
ഇടക്ക് നിർമല ചേച്ചി അടുക്കളയിലേക്കു വന്നു.. കണ്ണാ അഞ്ജന പോകുവാ ഇന്ന്, എൻ്റെ തലയിൽ ഒന്നു തലോടി സ്നേഹത്തോടെ മുഖത്തു നോക്കി ചേച്ചി പറഞ്ഞു. ഞാൻ തലയാട്ടി, കമല പറഞ്ഞു. എൻ്റെ തൊണ്ട ഒന്നിടറിയോ തന്നൊരു സംശയം… ചേച്ചി കവിളിൽ ഒന്നു തലോടി കമലക്ക് കേൾക്കാതിരിക്കാൻ പാകത്തിന് പറഞ്ഞു… സാരമില്ലടാ കണ്ണാ.. അവൾ നിനക്ക് വിധിച്ചിട്ടില്ലെന്നു കരുതിയാൽ മതി. ഞാൻ ഒന്നു ചിരിച്ചു കാണിച്ചിട്ട് പിന്നെയും പുട്ടും ചെറുപയർ ഉലർത്തിയതും പപ്പടവും കഴിക്കുന്നതിലേക്ക് ശ്രദ്ധ കേന്ദ്രീകരിച്ചു.
കഴിച്ചിട്ട് ഉമ്മറത്തേക്കു ചെന്നപ്പോൾ പതിവുപോലെ സോമൻ സാറും അളിയനും കത്തി വെച്ചിരിക്കുന്നുണ്ട്… ഞാനൊന്ന് കുശലം പറഞ്ഞിട്ട് മുകളിലേക്ക് പോന്നു അഞ്ജനയെ അവിടെങ്ങും കണ്ടില്ല. ഒരു പുകയെടുത്തു, വായിച്ചു പകുതിയാക്കിയ ഒരു ബുക്കെടുത്ത് തുടർന്നു വായിക്കാൻ ശ്രമിച്ചു… എപ്പോഴോ ഉറങ്ങിപ്പോയി.
കമലയുടെ ഉച്ചത്തിലുള്ള വിളി കേട്ടാണ് ഉറക്കാം ഞെട്ടിയത്, മാഷേ, ഊണ് കഴിക്കാൻ വായോ. ഇപ്പൊ വിശക്കുന്നില്ല അന്ന് പറഞ്ഞെങ്കിലും, അവരെല്ലാം താഴെ കാത്തിരിക്കുകയാണെന്നുള്ള കമലയുടെ മറുപടി കേട്ടപ്പോൾ എഴുന്നേറ്റു മുഖവും കഴുകി താഴേക്ക് നടന്നു.