‘ എന്തേലും പറഞ്ഞു ഊരാൻ നോക്ക്..വേഗം വേഗം…’ മനസ്സാക്ഷി പിറുപിറുത്തു.
” ഞാൻ വേറൊന്നും ഉദ്ദേശിച്ചു ചോദിച്ചതല്ലേ… താൻ ഇങ്ങനെ കരഞ്ഞോണ്ടിരിക്കുന്നത് കണ്ടപ്പോ ആ മൂഡ് മാറ്റി ടെറർ മോഡ് ആക്കാൻ ചോദിച്ചതാ… ” ഞാൻ കൈകൂപ്പി കൊണ്ട് പറഞ്ഞു…
അവൾ ഒന്നും മിണ്ടാതെ നിലത്തു നോക്കി ഇരുന്നു. ഞാൻ സമയം നോക്കി.. രണ്ട് മണി ആവാറായിട്ടുണ്ട്… വിശക്കുന്നുണ്ട്… പിശാച് എടുത്ത് തന്നാലേ കഴിക്കാൻ പറ്റൂ…
” അല്ല.. താനിനി അതും ആലോചിച്ചിരിക്കണ്ട… നമുക്ക് വഴി ഉണ്ടാക്കാം… ഇപ്പൊ പോയി ഫുഡ് എടുത്തോണ്ട് വാ… നമുക്ക് കഴിക്കാം… ”
അവൾ പതുക്കെ എണീറ്റ് കണ്ണൊന്നു തുടച്ചു അടുക്കളയിലേക്ക് പോയി…
അല്ല.. ശെരിക്കും ഇത് തേപ്പ് ആണോ?? ഞാൻ ആലോചിച്ചു… ഏയ്.. അവൻ പറ്റിച്ചിട്ടൊന്നും ഇല്ല. അവൾ പഠിക്കണം എന്ന് പറഞ്ഞു, എന്തേലും കാരണം
കൊണ്ട് അവന് അതിഷ്ടപ്പെട്ടില്ല… അവൻ വേറെ കെട്ടി. ഇവൾക്ക് അവനെ പറഞ്ഞു മനസിലാക്കാനും സാധിച്ചില്ല… ഏയ്… ഇതിൽ അങ്ങനെ തേപ്പൊന്നും ഇല്ല. ചില സാഹചര്യം കൊണ്ട് അവർക്ക് ഒന്നാവാൻ പറ്റിയില്ല.. അത്രേ ഉള്ളൂ… ഞാൻ അനാലിസിസ് അവസാനിപ്പിച്ചു.
അപ്പോഴേക്കും ഒരു പ്ലേറ്റിൽ ഫ്രൈഡ് റൈസും അച്ചാറും സലാഡും ഒക്കെ ആയി അവൾ വന്നിരുന്നു. ഞാൻ അത് വാങ്ങി പതുക്കെ കഴിക്കാൻ തുടങ്ങി. അവളുടെ കയ്യിലും ഉണ്ട് ഒരു പ്ലേറ്റ്…ബെഡിൽ ഇരുന്നു അവളും കഴിക്കാൻ തുടങ്ങി.
” ലൈഫിൽ ഇങ്ങനെ ഓരോ കാര്യങ്ങൾ ഉണ്ടാവും..നമ്മൾ അതിലൊന്നും… “, ഞാൻ പതുക്കെ പറഞ്ഞു തുടങ്ങി…
” ഉപദേശം ആണോ?? എന്നാ വേണ്ട.. എനിക്ക് സങ്കടം ഒക്കെ ഉണ്ട്… പക്ഷെ എനിക്ക് എന്റെ കരിയർ ആണ് ഇതിനേക്കാ പ്രധാനം… ” പിശാച് പ്ലേറ്റിൽ നോക്കി ആണ് പറഞ്ഞത്…
‘ആ… കൊള്ളാലോ.. ഞാൻ വർഷങ്ങൾ എടുത്ത് പഠിച്ച സംഭവം ഇവൾ ഇത്ര പെട്ടെന്ന് പഠിച്ചോ?? ‘ എനിക്ക് പിശാചിനോട് ഇത്തിരി ബഹുമാനം ഒക്കെ തോന്നി…
” അല്ല, അതിനു തന്റെ പ്ലാൻ എന്താ…?? ” ഞാൻ ചോദിച്ചു.
” ഞാൻ കോഴ്സ് കഴിഞ്ഞു NET എഴുതും, എവിടെ എങ്കിലും പഠിപ്പിക്കാൻ കേറും… പിന്നെ എവിടെ എങ്കിലും വല്ല സയൻറ്സ്റ്റ് വേക്കൻസി ഉണ്ടേൽ അവിടെ കേറും.. അത്രേ ഇപ്പൊ എന്റെ മനസ്സിൽ ഉള്ളൂ…”
‘ അരേ വാ.. ‘, ബഹുമാനം കൂടുന്നുണ്ട്…
” താൻ സൂപ്പർ ആണ് ട്ടാ….” ഞാൻ മനസ്സിൽ ഉള്ളത് തുറന്നു പറഞ്ഞു…
അവൾ വെറുതെ ചിരിച്ചു..പെട്ടെന്ന് ഫോൺ റിങ് ചെയ്തു. സുജിത് ആണ്… ഫോൺ അറ്റൻഡ് ചെയ്തു.
കേരളത്തിലെ കോളേജിലേക്ക് എം.ടെക്.അലോട് മെൻറ് റിസൾട് വന്നിട്ടുണ്ട്… അത് പറയാൻ ആണ്… ഞാൻ ഫോണിൽ സൈറ്റ് എടുത്ത് നോക്കി… കൊള്ളാം, എൻ.ഐ.ടി. ഒന്നും ഇല്ലെങ്കിലും തിരുവനന്തപുരത്തു നല്ലൊരു കോളേജിൽ കിട്ടിയിട്ടുണ്ട്….
സന്തോഷം ആയി… മുഖത്തു ഒരു ചിരി വന്നത് പിശാച് കണ്ടിട്ടുണ്ട്…
” എന്താ ഇത്ര സന്തോഷം?? ”
” എനിക്ക് എം.ടെക്കിനു സീറ്റ് കിട്ടി.. തിരുവനന്തപുരത്തു… ” ഞാൻ സന്തോഷത്തോടെ പറഞ്ഞു…
” ആഹാ… കൺഗ്രാറ്സ്‌…” അവളും ചിരിയോടെ ഇടത് കൈ എനിക്ക് നേരെ നീട്ടി…
ഞാൻ അത് പിടിച്ചു ഒരു ഷേക്ക് ഹാൻഡ് കൊടുത്തു.
ഇനി എന്താ ചെയ്യണ്ടത്?? ഞാൻ ആലോചിച്ചു…
” അച്ഛനേം അമ്മേനേം വിളിച്ചു പറയുന്നില്ലേ?? ” അവൾ ചോദിച്ചു…
” ഇല്ല.. അവർ വന്നിട്ട് നേരിട്ട് പറയാം..” ഞാൻ പറഞ്ഞു…
അപ്പോഴേക്കും ഫുഡ് കഴിച്ചു കഴിഞ്ഞിരുന്നു.. എന്റെ കയ്യിൽ നിന്നും പ്ലേറ്റ് വാങ്ങി അവൾ പോയി…
കുറച്ചു നേരം കഴിഞ്ഞു തിരിച്ചു വന്നു… മുഖം കഴുകി എന്ന് തോന്നുന്നു.. മുഖത്തു ഇപ്പൊ വലിയ സങ്കടം ഒന്നും തോന്നുന്നില്ല…
” താനാ ഷെൽഫിന്നു ഒരു ബുക്ക് എടുക്ക്… വൺ ഇന്ത്യൻ ഗേൾ എന്ന് പറഞ്ഞത് ” ഞാൻ പറഞ്ഞു…
അവൾ പോയി എടുത്തു… എന്നിട്ട് എന്റെ നേരെ നീട്ടി…
” എനിക്കല്ല… താൻ വായിക്ക്.. എൻ്റെ കയ്യിൽ വേറെ ബുക്ക് ഒന്നും ഇല്ല തന്റെ മൂഡ് മാറ്റാൻ തരാൻ… ഇത് ചെലപ്പോ വർക്ക് ഔട്ട് ആവും… ”
“ഞാൻ അതിനു ഇംഗ്ലീഷ് വായിക്കാറില്ല…”, അവൾ ഒരിത്തിരി ചമ്മലോടെ പറഞ്ഞു…
” അതിനിത് അമ്മാതിരി ഐറ്റം ഒന്നും അല്ല… സാധാരണ ഒരു നോവലാ… നമ്മളുടെ മനോരമ വീക്കിലിയിൽ ഒക്കെ വരില്ലേ.. അത് പോലത്തെ ഒരു ഐറ്റം…” ഞാൻ ചിരിയോടെ പറഞ്ഞു..
അവൾ ബുക്ക് എടുത്ത് കട്ടിലിൽ ഇരുന്നു…
ഞങ്ങൾക്കിടയിലെ തെറ്റിദ്ധാരണകൾ മാറുകയായിരുന്നു… വെറുതെ ജാഡ, പിശാച് എന്നൊക്കെ വിചാരിച്ചു..
സത്യം പറഞ്ഞാ ഒരു പാവം കൊച്ചാണ് ഇത്.
ഞാൻ വെറുതെ ഇങ്ങനെ അവളെ നോക്കി ഇരുന്നു… അതിനിടയിൽ എന്തൊക്കെയോ പരസ്പരം സംസാരിക്കുന്നുണ്ട്… കഴിഞ്ഞ 3 കൊല്ലത്തിനിടക്ക് ആദ്യം ആയിട്ടാണ് ഒരു പെണ്ണിനെ ഇങ്ങനെ നോക്കി ഇരിക്കാൻ തോന്നുന്നത്… അന്നത്തെ ആ തേപ്പിനു ശേഷം ജീവിതമേ വെറുത്തതായിരുന്നു, പെണ്ണുങ്ങളെ പ്രത്യേകിച്ചും… എന്നാൽ പിന്നെയും എന്റെ ഉള്ളിലെ കോഴി ഉണർന്നെണീക്കുന്ന പോലെ…
‘കോഴി അല്ല, കാമുകൻ !!’, മനഃസാക്ഷി തിരുത്തി.
ഇനിയുള്ള കാര്യങ്ങൾ കുറച്ച ഫാസ്റ്റ് ഫോർവേഡ് അടിക്കുന്നു… ഇത്ര നേരം ലാഗ് അടിപ്പിച്ചു കൊന്നതിന് സോറി…
കുറച്ചു കഴിഞ്ഞപ്പോഴേക്കും അമ്മയും ഗീതേച്ചിയും എത്തി… രാവിലെ ഇവിടെ നിൽക്കണ്ട എന്ന് പറഞ്ഞ പിശാച് ഇപ്പൊ റൂമിൽ എന്റെ കൂടെ ഇരുന്നു സംസാരിക്കുന്നത് കണ്ടു അമ്മ ചെറുതായി ഒന്ന് ഞെട്ടി… പിന്നെ എന്നെ നോക്കി ഒരു കള്ളച്ചിരി ചിരിച്ചു.
കുറച്ചു കഴിഞ്ഞപ്പോ അവർ പോവാൻ ആയി… പിശാച് റൂമിൽ വന്നു പോട്ടെ എന്ന് പറഞ്ഞു… അപ്പോഴാണ് ഓർത്തത്… പിശാചിന്റെ പേരെന്താണെന്നു ഇപ്പോഴും അറിയില്ലല്ലോ…
” അല്ലെടോ…തൻ്റെ പേരെന്താ?? ” ഞാൻ ചോദിച്ചു..
” അത് പോലും അറിയാണ്ടാണോ ഇത്ര നേരം കത്തി വെച്ചത്…??” അവൾ ചിരിയോടെ ചോദിച്ചു…
” അത്… ഇയാൾ ഒരുമാതിരി നിരാശാ കാമുകി മോഡ് അല്ലായിരുന്നോ?? ”
” ആ… പിന്നെ രാവിലെ എന്നോട് നല്ല ദേഷ്യവും ഉണ്ടായിരുന്നല്ലേ…??” അവൾ ചോദിച്ചു..
” അത് തനിക്കെങ്ങനെ അറിയാ….?”
” അമ്മയോട് പറയുമ്പോ ഞാൻ കേട്ടാരുന്നു… ഞാൻ പണ്ട് വെറുതെ തമാശക്ക് കളിയാക്കിയതാ ഇയാളെ… അപ്പൊ ഇയാക്ക് ഒടുക്കത്തെ കലിപ്പും… അതാ ഞാൻ പിന്നൊന്നും പറയാഞ്ഞത്…” അവൾ പറഞ്ഞു നിർത്തി.
ഞാൻ അത്ഭുതത്തോടെ അവളെ നോക്കി… ഓ.. അപ്പൊ പിശാചിന് അതൊക്കെ ഓർമ ഉണ്ട്. ഞാൻ ചിരിച്ചു…
” ഏതായാലും തെറ്റിദ്ധാരണ ഒക്കെ മാറിയല്ലോ…. ഇനിയിപ്പോ നമ്മൾ ഫ്രണ്ട്‌സ് അല്ലെ?? ” ഞാൻ ചോദിച്ചു…
“മ്… നോക്കാ…” അവൾ ചിരിയോടെ പറഞ്ഞു…
” പിന്നെ പേര് ഗൗരി…”
“എന്റെ പേരറിയോ??”
“ഇല്ലായിരുന്നു.. പക്ഷെ ഇപ്പൊ അറിയാ…ചങ്കരൻ എന്നല്ലേ…” അവൾ വാ പൊത്തി ചിരിച്ചു…
ഏഹ്… ഫ്രണ്ട്‌സ് ഒക്കെ വിളിക്കുന്ന പേര് ഇവൾ എങ്ങനെ അറിഞ്ഞു?? ഞാൻ അന്തം വിട്ടു….
” അതിൽ ഒരു ബുക്കിൽ എഴുതിയിട്ടുണ്ടായിരുന്നു…”
