🏹🏹വേട്ടക്കാരികള്‍ – 1🏹🏹 25അടിപൊളി  

ഷവറിനു കീഴെ നില്‍ക്കുമ്പോള്‍ ചേച്ചിയുടെ ആ ഭാവപ്പകര്‍ച്ച അനലൈസ് ചെയ്യുകയായിരുന്നു ഞാന്‍. മാറി മാറി വന്ന ആ ഭാവങ്ങള്‍ ശരിക്കും കണ്‍ഫ്യൂസ് ചെയ്യിക്കുകയാണ്. ആ കണ്ണുകളിലെ തീക്ഷ്ണഭാവത്തിന് മറ്റൊരു അര്‍ത്ഥമുണ്ടോ എന്ന് ചിന്തിക്കുമ്പോള്‍ തന്നെ വാത്സല്യം നിറഞ്ഞൊഴുകുന്ന മറ്റൊരു ഭാവം മനസ്സിലേക്ക് കടന്നു വരുന്നു.

ഏറെ നേരത്തെ ആശങ്കകള്‍ക്കൊടുവില്‍ എന്റെ മനസ്സ് കണ്‍വിന്‍സിംഗ് ആയ ഒരുത്തരം എനിക്ക് തന്നു. അവളെ ഇന്ന് മുതല്‍ മാത്രമല്ലേ പരിചയം. ശരിക്കും അവള്‍ എങ്ങനെയാണെന്ന് ഒരു അറിവുമില്ല. സ്ഥായിയായ പെരുമാറ്റം മാത്രമാണതെങ്കില്‍ ഭയപ്പെടുന്നതൊക്കെ അസ്ഥാനത്താണ്.

ഇല്ലാതിരുന്ന ഒരു സഹോദരനെ പെട്ടെന്ന് കിട്ടിയപ്പോളുള്ള ഒരു സ്നേഹപ്രകടനം മാത്രമാവുമത്. വെറുതെ അനാവശ്യമായി കാട് കയറി ചിന്തിച്ചത് മോശമായിപ്പോയി.

മാനം തെളിഞ്ഞ് വസ്തുതകള്‍ വെളിവായതോടെ എന്റെ മനസ്സില്‍ കുറ്റബോധം കനത്തു. ഇനിയൊരിക്കലും അങ്ങനൊരു ചിന്ത മനസ്സിലേക്ക് വരുത്തില്ലെന്ന ഉറച്ച തീരുമാനത്തോടെയാണ്‌ ബാത്ത്രൂമില്‍ നിന്നും പുറത്തു കടന്നത്‌.

ബാഗില്‍ നിന്നും ബ്ലാക്ക് ലക്കോസ്റ്റെ മോഡല്‍ ടീഷര്‍ട്ടും ആഷ് കളര്‍ കാര്‍ഗോ ഷോര്‍ട്ട്സുമെടുത്ത് ധരിച്ചു. നല്ലതെന്ന് പറയാം ആ ഒരെണ്ണമേ ഉണ്ടായിരുന്നുള്ളൂ. കഴിഞ്ഞ തവണ പെരുന്നാളിന് ഡ്രസ്സ്‌ എടുക്കാന്‍ കൂടെ പോയപ്പോള്‍ ആദില്‍ അവന്റെ സമ്മാനമായി വാങ്ങിച്ചു തന്നതാണത്.
ഞായറാഴ്ചകളില്‍ സ്കൂളിനു മുന്നിലെ ചന്തയില്‍ പ്രാദേശിക കൈത്തറിക്കാര്‍ അവര്‍ നെയ്തെടുത്ത മുണ്ടുകള്‍ വില്പനയ്ക്കായി കൊണ്ടുവരും..പല നിറങ്ങളിലുള്ളത്. ഹോസ്റ്റലില്‍ എപ്പോഴും അത്തരം മുണ്ടുകളാണ് ഉടുക്കാറ് പതിവ്.

ആദ്യമായി വന്നു കയറിയതല്ലേ. ഇവിടത്തെ രീതികളും മറ്റും എങ്ങനാണെന്നറിയാതെ എങ്ങനാ അതൊക്കെ ഉടുക്കുന്നത്.

വാര്‍ഡ്‌റോബിന്റെ വലിയ കണ്ണാടിയില്‍ നോക്കി നീണ്ടു കൊലുന്നനെയുള്ള മുടി വിരലുകള്‍ കൊണ്ട് മാടിയൊതുക്കുമ്പോള്‍ പവിത്രച്ചേച്ചിയുടെ വാക്കുകള്‍ വീണ്ടും ചെവിയില്‍ മുഴങ്ങി.

‘തുടുത്ത തക്കാളിപ്പഴം പോലാ……’

ശരിയാണ്…! അമ്മയുടെ നിറമാണ് കിട്ടിയിരിക്കുന്നത്. ഒരു വിരല്‍സ്പര്‍ശം വീണാല്‍ പോലും കവിളില്‍ ആ പാട് തുടുത്തു നില്‍ക്കും.ചുണ്ടാണെങ്കില്‍ പെണ്ണുങ്ങളുടെ കൂട്ട് ചെഞ്ചുണ്ടാണ്. ആ ഒരു കാര്യത്തില്‍ എനിക്ക് വല്ലാത്ത നിരാശയുണ്ടായിരുന്നു. ഒരു പരുക്കന്‍ ആണാവാനായിരുന്നു എനിക്കെന്നും ഇഷ്ടം.

ആദില്‍ എപ്പോഴും പറയും..

‘നീ ഒരു പെണ്ണായിരുന്നെങ്കില്‍ ഞാനാദ്യം കടിച്ചു പറിക്കുന്നത്‌ ഈ ചുണ്ടായിരിക്കും..!’

തമാശയായി പറയുന്നതാണെങ്കിലും അതില്‍ ഒരു സത്യമുണ്ടായിരുന്നു. മാളുകളിലൊക്കെ പോകുമ്പോള്‍ പെമ്പിള്ളേരുടെയും അതിസുന്ദരികളായ മോഡേണ്‍ കൊച്ചമ്മമാരുടെയുമൊക്കെ നോട്ടം എന്റെ ചുണ്ടിലേക്ക്‌ പതിയുന്നത് ശ്രദ്ധിച്ചിട്ടുണ്ട്. പക്ഷേ ചില ആണുങ്ങളും അങ്ങനൊക്കെ നോക്കാന്‍ തുടങ്ങിയതോടെയാണ് എനിക്കെന്റെ ചുണ്ടിന്റെ കളറില്‍ വെറുപ്പ്‌ വളര്‍ന്നത്‌.

“അയ്യോടാ..ഇതാരാ..!!”

ആ സ്വരം എന്നെ ചിന്തകളില്‍ നിന്നും ഉണര്‍ത്തി.
മമ്മി അതിശയോക്തിയോടെ മൂക്കത്ത് വിരല്‍ വച്ച് എന്നെത്തന്നെ നോക്കി നില്‍പ്പാണ്.

ഈശ്വരാ ഇവരിതെപ്പോ വന്നു കയറി..!

ഞാന്‍ ശരിക്കും ചമ്മി. സ്വയം സൌന്ദര്യം ആസ്വദിക്കുന്നത് മമ്മി കണ്ടുകാണുമോ..!

“നല്ല ചേര്‍ച്ച…അടിപൊളിയായിട്ടുണ്ട്..!!”

വിടര്‍ന്ന കണ്ണുകളില്‍ വല്ലാത്തൊരു തിളക്കം നിറച്ചുകൊണ്ട് അവരെന്റെ അടുത്തേക്ക് വന്നു.

“…നാളെ ഷോപ്പിങ്ങിനു പോകുമ്പോ ഈ ടൈപ്പും കുറെ മേടിക്കണം…എന്ത് രസാ എന്റെ മോനെക്കാണാന്‍..!!”

ആ തുടുത്ത വിരലുകള്‍ എന്റെ കവിളിലൂടെ ഓടി നടന്നു.

ഒരു പതറിയ പുഞ്ചിരിയോടെ ഞാന്‍ അടങ്ങി നിന്നുകൊടുത്തു.

“അമ്മയെ ഒരിക്കല്‍ ഞാന്‍ കണ്ടിട്ടുണ്ട്. ആ നിറവും സൌന്ദര്യവുമാ മോനും കിട്ടിയിരിക്കുന്നെ..! അച്ഛന്റെ വല്ലതും ആയിരുന്നേല്‍ കണക്കായേനെ..!”