💫Evil on Earth 5✨

[ Author : Jomon ] [ Previous Part ] [ www.kambi.pw ]

“നന്ദു എനിക്ക് ഒരാളെക്കുറിച്ചറിയണം….!

ഉച്ചഭക്ഷണം എടുത്തു വെക്കാൻ ആദി അടുക്കളയിലേക്ക് മാറിയ തക്കം നോക്കി നന്ദുവിനെ വിളിച്ചതായിരുന്നു ജോ

”ആരെകുറിച്ച്….?

മറുപുറത്തുനിന്ന് നന്ദു ചോദിച്ചു

“വിശ്വനാഥൻ…AG ഗ്രൂപ്പിന്റെ owner….ബാംഗ്ലൂർ എവിടെയോ ആണ് താമസം…നാളെയോ മറ്റന്നാളയോ കോഴിക്കോട് ഉള്ള അയാളുടെ ഓഫീസിൽ വരും…!

ജോ അവനറിവുന്ന വിവരങ്ങൾ നൽകി…പതിവിലധികം ഗൗരവമുള്ള അവന്റ ശബ്ദം കേട്ട് നന്ദുവിന് എന്തോ സീരിയസ് ആയ വിഷയമാണെന്ന് മനസ്സിലായി

”ഞാൻ രാത്രി വിളികാം നിന്നെ…!

അതും പറഞ്ഞു നന്ദു കാൾ കട്ട്‌ ചെയ്തു

ഫോൺ പോക്കറ്റിൽ വെച്ച് ശ്വാസമൊന്ന് നീട്ടി എടുത്ത ശേഷം ആണ് ജോ മനസിലാക്കിയത് പിറകിൽ ആരോ നിക്കുന്നതായിട്ട്…അവിടെ ഇപ്പൊ ഉള്ളത് ആദി മാത്രം ആണെന്ന് അറിയാവുന്ന അവന്റെ ചുണ്ടിൽ പഴയയാ ജോമോന്റെ ചിരി വിടർന്നു

“കഴിഞ്ഞോ ഏട്ടന്റെ അന്വേഷണം…?

എളിയിൽ കൈ കുത്തി നിന്നുകൊണ്ടവൾ ചോദിച്ചു…അവളുടെയാ നിൽപ്പ് കണ്ടവൻ ചിരിച്ചു കാണിച്ചു

”കിണിക്കല്ലേ…വാ ചോറ് എടുത്തു വച്ചിട്ടുണ്ട്…“

അകത്തേക്കവനെ ക്ഷണിച്ചു കൊണ്ടുവൾ തിരിഞ്ഞു നടന്നു…

ചന്തികൾ കുലുക്കികൊണ്ടുള്ള അവളുടെ നടത്തം നോക്കിയവനവളെ പിന്തുടർന്നു

കൈ കഴുകി വന്നിരുന്ന ജോയ്ക്ക് അവൾ തന്നെ ചോറും കറികളും വിളമ്പി…പാചകത്തിൽ അസാമാന്യമായ കൈപ്പുണ്ണ്യമുള്ള ആദിയെ അവൻ ഒരുപിടി ചോറു വായിൽ വെച്ചുകൊണ്ട് നോക്കി

”എന്താ ജോ ഇങ്ങനെ നോക്കണേ…?

അവന്റെയാ നോട്ടം കണ്ടവൾ നാണത്തോടെ മുഖം താഴ്ത്തി

“ഏയ്‌…വെറുതെ നോക്കിയതാ..!

അതും പറഞ്ഞവൻ ചോറു കഴിക്കൽ തുടർന്നു…ഭക്ഷണം കണ്ടാൽ പിന്നെ ജോ ചുറ്റിനുമുള്ളതെല്ലാം മറക്കും…അപ്പൊ പിന്നെ ബാക്കി പറയണ്ടല്ലോ…ഒരിറ്റ് പോലും ബാക്കി വെക്കാതെ കഴിച്ചു കഴിഞ്ഞവൻ എണീറ്റു പോയി സോഫയിൽ ഇരുന്നു…

പാത്രങ്ങൾ എല്ലാം കഴുകി ഒതുക്കിയ ശേഷം ആദിയും അവനടുത്തു വന്നിരുന്നു…

”അതെ…ഇന്നിനി ഓഫീസിൽ പോണോ…?

ആദി അവന്റെ കയ്യിൽ  ചൊറിഞ്ഞു കൊണ്ടു ചോദിച്ചു

“ഞാൻ അത് നിന്നോട് പറയാൻ ഇരിക്കുവായിരുന്നു….ഫുഡ്‌ കഴിച്ചു കഴിഞ്ഞപ്പോ വല്ലാത്ത ഷീണം…രാവിലത്തെ പണിയൊക്കെ കഴിഞ്ഞു ഇനിയിപ്പോ നാളെ പോവാല്ലേ…?

അവനും ചിരിച്ചുകൊണ്ട് പറഞ്ഞു….

”അപ്പൊ പുറത്ത് പോണ്ടേ നമുക്ക്..?

അവളൊരു സംശയത്തോടെ ചോദിച്ചു…

“അത് പോകാ…ഈ വെയിലൊന്ന് കുറഞ്ഞിട്ടു പോരെ…”

“മതി മതി….!

സന്തോഷത്തോടെ അവന്റെ കൈ ചുറ്റിപ്പിടിച്ചു തോളിൽ തലവച്ചുകൊണ്ടവൾ പറഞ്ഞു…

Tv യിൽ ഓടുന്ന ഏതോ പഴയ സിനിമ കണ്ട് രണ്ടു പേരും സമയം തള്ളി നീക്കി

—————————————

ഉച്ചയുറക്കം കഴിഞ്ഞെണീറ്റു വന്നതായിരുന്നു ദേവപ്പോൾ…ഹാളിൽ ആരെയും കാണാതെയവൻ അടുക്കളപ്പുറത്തേക്ക് നടന്നു….

അടുക്കളയിലേക്ക് അടുക്കുന്തോറും ആരുടെയൊക്കെയോ അടക്കി പിടിച്ച സംസാരവും ചിരിയും അവൻ കേട്ടു…

വാതിൽ കടന്നവൻ കേറിയപ്പോൾ കണ്ടത് നിലത്തു വാതിൽ പടിയിലിരുന്ന് നല്ല പഴുത്ത വരിക്കചക്ക വെട്ടി മുറിക്കുന്ന നൈലയെ ആണ്…അവൾക്ക് മുൻപിൽ സ്ലാബിൽ കേറിയിരുന്നു സംസാരിക്കുകയാണ് അമാൻഡയും നീലുവും…നൈല വെട്ടികൊടുത്ത ചക്കചുളയും കഴിക്കുന്നുണ്ട് ഇടക്ക്

അവൻ വരുന്നത് കണ്ട അമാൻഡ കയ്യിൽ പിടിച്ചിരുന്ന ഒരു ചുള അവനു നീട്ടി…

അവനൊരു ചിരിയോടെ അത് വാങ്ങി കഴിച്ചുകൊണ്ട് നൈലയുടെ അടുത്തിരുന്നു

“ഹാ അങ്ങോട്ട് മാറിയിരിക്ക് ചെക്കാ…വാക്കത്തി കൊള്ളും…!

ചക്ക വെട്ടിക്കൊണ്ടിരുന്ന നൈല വാക്കത്തി ഉയർത്തി കാണിച്ചുകൊണ്ട് പറഞ്ഞു

അത് കേട്ടവൻ ഒരു ചിരിയോടെ അല്പം മാറിയിരുന്നു…പിന്നെ അവൾ മുറിച്ചു പാത്രത്തിൽ ആക്കിയ ചക്കയെടുത്തു തിന്നാൻ തുടങ്ങി

”അല്ലമ്മാ പപ്പയെ കണ്ടില്ലല്ലോ..?

ഡാനിയെ അവിടെയൊന്നും കാണാതിരുന്ന ദേവ് ചോദിച്ചു…സാധാരണ നൈലയെ ചുറ്റി പറ്റി ഈ സമയത്തു അടുക്കളയിൽ കാണേണ്ടതാണ് ഡാനിയെ

“ആ മനുഷ്യനാ മുൻവശത്തു നിന്ന് ഒച്ചപ്പാട് ഉണ്ടാകുന്നുണ്ട്…”

“ഒച്ചപ്പാടൊ..?

അവൻ മനസിലാവാതെ ചോദിച്ചു

”ആ…ഉച്ചക്ക് വന്ന് കേറിയപ്പോ ഏതോ ഒരു ഫോൺ കാൾ വന്ന്…അപ്പൊ മുതലാ സാധനവും ചെവിയിൽ വച്ചു ആരെയോ തെറി വിളിക്കാൻ തുടങ്ങിയതാ..ചോറ് പോലും കഴിച്ചിട്ടില്ല…“

അവളൊരു താല്പര്യമില്ലാത്ത മട്ടിൽ പറഞ്ഞു..അല്ലേലും വീട്ടിൽ വന്ന് കയറിയ ശേഷം ബിസിനസ് കാര്യങ്ങൾ പറയുന്നത് കേട്ടാൽ നൈലക്ക് വട്ടിളകും

നൈലയുടെ സംസാരം കേട്ടവൻ രണ്ട് കഷ്ണം കൂടെ എടുത്ത് ഉമ്മറത്തേക്ക് നടന്നു

സാധാരണ ഡാനിയേൽ ഓഫീസ് കാര്യങ്ങളിൽ ആരോടും ഇത്ര ചൂടാവാറില്ല…പക്ഷെ ദേവ് കാണുന്നത് ആരോടോ കയർത്തു സംസാരിച്ചുകൊണ്ട് ഉമ്മറത്തുകൂടെ അങ്ങോട്ടും ഇങ്ങോട്ടും നടക്കുന്ന ഡാനിയെ ആണ്

ദേവിനെ കണ്ടയാൾ കാൾ കട്ട്‌ ചെയ്തു ഫോൺ പോക്കറ്റിൽ ഇട്ടു…

“എന്ത് പറ്റി പപ്പാ…?

അവൻ ചക്കചുള തിന്നുകൊണ്ട് അയാളോട് ചോദിച്ചു…ബാക്കി വന്ന ഒരു കഷ്ണം ഡാനിക്കും നൽകി…അത് വാങ്ങിയയാൾ കഴിച്ചുകൊണ്ട് പറഞ്ഞു

”അത് ലോഡ് പോകുന്നതിൽ ഒരു പ്രശ്നം…ഇതിപ്പോ രണ്ടാമത്തെ തവണയാ അവന്മാർ പറഞ്ഞ വാക്ക് മാറ്റി പറയുന്നേ…“

അമർഷം അടക്കി വച്ചുകൊണ്ടയാൾ പറഞ്ഞു…

”ഇതിനാണോ പപ്പ ഇങ്ങനെ ചൂടാവുന്നെ..?

“വാക്ക് മാറ്റിയാൽ പോട്ടെന്നു വെക്കാം…ഇതിപ്പോ ഓർഡർ എടുത്തു ലോഡ് കയറ്റി വിടാൻ നിൽകുമ്പോള അവന്മാർ പോയി വേറെ കമ്പനിയിൽ നിന്ന് സാധനം എടുക്കുന്നെ…എടുക്കുകയോ എടുക്കാതിരിക്കുകയോ ചെയ്യട്ടെ..പക്ഷെ ഒന്ന് വിളിച്ചു പറയാൻ ഉള്ള മര്യാദ എങ്കിലും കാണിക്കണ്ടേ….ലോഡും കൊണ്ടു സൈറ്റിൽ ചെന്നപ്പോളാ കോൺട്രാക്ട് വേറെ പാർട്ടിക്ക് കൊടുത്ത കാര്യം അറിയുന്നേ…കൊണ്ടു പോയവനൊരു പുതിയ പയ്യനായിരുന്നു..,അടിയും കിട്ടി ആ പാവത്തിന്…”

“ഏഹ് ഗുണ്ടായിസമോ..!

പാതി ചവച്ച ചക്ക ഇറക്കാൻ മറന്നുകൊണ്ട് ദേവ് ചോദിച്ചു…സാധാരണ ഇങ്ങനൊരു പ്രതികരണം കേരളത്തിൽ നിന്ന് കിട്ടിയിട്ടില്ല ബാംഗ്ലൂർ ഉള്ള സൈറ്റിൽ പിന്നെ അത് സർവ്വ സാധാരണമായിരുന്നു

”ഞാൻ ഏതായാലും അവിടേക്ക് പോട്ടെ..നേരിട്ട് കണ്ട് രണ്ടു വർത്തമാനം പറഞ്ഞില്ലേ ശെരിയാവില്ല…നീയാ വണ്ടീടെ കീ ഇങ്ങെടുത്തെ…“

ദേവിനെ നോക്കി പറഞ്ഞുകൊണ്ടു ഡാനിയേൽ മുണ്ടു മടക്കി കുത്തി

”അത് വേണ്ട..പപ്പ വന്നിട്ട് ചോറു പോലും തിന്നില്ലെന്ന് പറഞ്ഞു അമ്മയവിടെ മുഖം വീർപ്പിച്ചിരിക്കുന്നുണ്ട്…“