💫Evil on earth✨ – 5 Likeഅടിപൊളി  

”എടാ ചോറ് ഇനിയും തിന്നാം…പക്ഷെ ഇത് ഇപ്പൊ പറഞ്ഞു തീർത്തില്ലേൽ പിന്നെയാ ചെക്കൻ അടി കൊണ്ടത് വെറുതെയാവും…“

ദേവിന്റെ വാക്കുകൾ കേൾക്കാതെ ഡാനിയേൽ പറഞ്ഞു…

”എന്നാ ഞാൻ പോയി സംസാരിക്ക…പപ്പ ഇവിടെ നിന്നോ….“

അത് പറഞ്ഞു ദേവ് അകത്തേക്ക് നടന്ന…

”എടാ നീ പോണ്ട…ദേവ്…ടാ…!

അവന്റെ പോക്ക് കണ്ട് ഡാനി പിറകിൽ നിന്ന് വിളിച്ചു…പക്ഷെ ദേവ് അതൊന്നും കേൾക്കാതെ തന്റെ റൂമിലേക്ക് നടന്നു

കാറിന്റെ കീ എടുത്തു തിരികെ വരുമ്പോ മുറ്റത്തു എന്തോ ആലോചിച്ചുകൊണ്ട് ഡാനിയേൽ നിൽപുണ്ടായിരുന്നു

“പപ്പാ ഏതാ പാർട്ടി…?

ഷൂവിന്റെ ലെയ്സ് കെട്ടി കൊണ്ടവൻ ചോദിച്ചു

”AG group…..!

ഡാനി അവനെ നോക്കി പറഞ്ഞു…അത് കേട്ടവന്റെ മുഖത്തു ഒരു വിടർന്ന ചിരിയോടെ ഡാനിയെ നോക്കി ദേവ് പുറത്തേക്ക് ഇറങ്ങി

പോർച്ചിൽ നിന്നൊരിമ്പലോടെ അവന്റെ കാർ വീടിനു മുൻപിലേക്ക് റിവേഴ്‌സിൽ വന്നു നിന്നു….വണ്ടിയുടെ ശബ്ദവും മുറ്റത്തു നിറഞ്ഞ പൊടിയും കണ്ടുകൊണ്ടാണ് നൈലയും അമാൻഡയും നീലിമയും അവിടേക്ക് വന്നത്

“അവരുമായുള്ള എല്ലാ കോൺട്രാക്ട്ടും നിർത്തിയേക്ക്….!

ഗിയർ മാറ്റി ഒരു ചിരിയോടെ ഡാനിയെ നോക്കി പറഞ്ഞവൻ….പിന്നെ ആക്‌സിലെറ്ററിൽ അമർത്തി ചവുട്ടി വണ്ടിയുടെ ടയറാ നിലത്തൊന്ന് കറക്കി കൊണ്ടവൻ മുൻപിലേക്ക് എടുത്തു

അവന്റെയാ പോക്ക് കണ്ട് നീലിമ അമാൻഡയുടെ ചെവിയിൽ പറഞ്ഞു

”അതൊരു അടിക്കുള്ള പോക്കാ…!

അവളെന്താ അങ്ങനെ പറഞ്ഞതെന്ന് മനസിലാവാതെ അമാൻഡ നീലുവിനെ നോക്കി…അവളാകട്ടെ ചിരിച്ചു കൊണ്ടു നിൽക്കുകയായിരുന്നു…പിന്നെയവൾ മുൻപിൽ നിൽക്കുന്ന ഡാനിയെ നോക്കി അയാളുടെ മുഖത്തും അതെ ചിരി

പക്ഷെ നൈല മാത്രം ഒരു ദീർഘനിശ്വാസം വിട്ടുകൊണ്ട് കയ്യിലെ പാത്രം ഡാനിക്ക് നേരെ നീട്ടി….

“ഇത്തവണയെന്താ പ്രശ്നം…?

നൈല അയാളോട് ചോദിച്ചു…

”ഏയ്യ് കാര്യമായിട്ട് ഒന്നുമില്ല…!

“ഹ്മ്മ്…ഇത് തന്നാ എല്ലാ തവണയും നിങ്ങള് പറയാറ്…”

പാത്രം അയാളുടെ കയ്യിൽ വച്ചു കൊടുത്തുകൊണ്ട് നൈല അകത്തേക്ക് പോയി…പിറകെ നീലിമയും അമാൻഡയും

“ഇന്നാ ചെക്കൻ എത്രെണ്ണത്തിന്റെ എല്ലൊടികുമെന്ന് മാതാവിന് മാത്രമേ അറിയൂ…!

ചായ വെക്കാനുള്ള പാത്രം കഴുകികൊണ്ടു നൈല ആരോടെന്നില്ലാതെ പറഞ്ഞു

അത് കേട്ട് കൊണ്ടാണ് നീലിമയും അമാൻഡയും അവിടെക്ക് വന്നത്

”ചുമ്മാ ഇരിയമ്മ…ഏട്ടൻ അങ്ങനെ ഒന്നും ചെയ്യില്ല ഇനി…“

നീലു ദേവിന്റെ ഭാഗം പിടിച്ചുകൊണ്ടു പറഞ്ഞു

”ഉവ്വ…!

അവളെ നോക്കി പുച്ഛിച്ചുകൊണ്ട് നൈല പറഞ്ഞു

അവരുടെ സംസാരം ഒന്നും മനസിലാവാതെ നിന്ന അമാൻഡ നീലിമയുടെ അടുക്കൽ വന്നിരുന്നുകൊണ്ട് എന്താ കാര്യമെന്ന് കൈ കൊണ്ടു ചോദിച്ചു

“എന്റെ ചേച്ചി…ഇത് ഇവിടുത്തെ ഒരു പതിവാ…ഈ അമ്മക്ക് ഏട്ടൻ ഒന്ന് പുറത്തിറങ്ങിയാൽ അപ്പൊ പേടിയാ…വഴക്ക് ഉണ്ടാക്കാൻ പോണത് ആണോന്ന് പേടിച്ചിട്ട്…”

അവൾ നൈലയെ നോക്കി പറഞ്ഞു…അത് കേട്ടവൾ പെട്ടന്ന് തിരിഞ്ഞു നിന്ന് പറഞ്ഞു

“പേടി ഒന്നുമല്ല….അല്ലേലും ഞാൻ എന്തിനാ പേടിക്കണേ…പക്ഷെ അവന്റെ സ്വഭാവം അങ്ങനാ…വന്നിട്ടിപ്പോ ഒരാഴ്ച കഴിഞ്ഞില്ലേ ഇതുവരെ പൊറത്തു പോയില്ലല്ലോ…ഇന്നത്തെ ആ പോക്ക് കണ്ടാൽ അറിയാ ഏതോ ഒരുത്തനെ ആശുപത്രിയിൽ കയറ്റാൻ ആണെന്ന്…ഒരു നിമിഷം പോലും വെറുതെ ഇരിക്കാൻ അറിയില്ല ചെക്കന്…!

”അത് നേരാ…ചേച്ചിക്ക് അറിയോ ഏട്ടൻ എന്നിവിടെ വന്ന് പുറത്തു പോയിട്ടുണ്ടോ അന്നൊക്കെ ഒരു അടി ഉണ്ടാക്കിയിട്ടേ വരൂ….ഇപ്പൊ വന്ന് വന്ന് അമ്മക്കും പപ്പക്കും പേടി ഏട്ടനെ ഓർത്തല്ല…തല്ല് കൊള്ളാൻ പോണവനെ ഓർത്താ…!

നീലിമ വലിയ കാര്യത്തിൽ ദേവിനെകുറിച്ച് പറഞ്ഞു…അവൾക്ക് അറിയില്ലല്ലോ ദേവിൻറെ ഉള്ളിലെ ചെകുത്താനെ നേരിൽ കണ്ടവളാ മുൻപിൽ ഉള്ളതെന്ന്

“അതെന്താ നീലു അങ്ങനെ…?

ഒന്നും അറിയാത്ത പോലെ അമാൻഡ ചോദിച്ചു….അവളൊരു ബോക്സർ ആണെന്നും അവളുടെ പാസ്റ്റും ദേവ് അവരോട് പറയാൻ സമ്മതിച്ചിരുന്നില്ല

”അത് ചേച്ചി പപ്പയുടെ നെറ്റിയിലെ ഒരു പാട് ശ്രദ്ധിച്ചിട്ടുണ്ടോ..?

അവൾ അമാൻഡയോട് ചോദിച്ചു

“ഇല്ല…!

”ആ എന്നാ ഇനി കാണുമ്പോ നോക്ക്…ഒരുവർഷം മുന്നേ ന്യൂയോർക്കിൽ ബിസിനസ് മീറ്റിങ്ങിനു പോയപ്പോൾ ഉണ്ടായ ഒരു ആക്‌സിഡന്റിൽ പറ്റിയതാ…!

“ആക്‌സിഡന്റ് അല്ല…മനപ്പൂർവം കൊല്ലാൻ ശ്രമിച്ചതാ..!

പെട്ടന്ന് ഇടയിൽ കയറിക്കൊണ്ട് നൈല പറഞ്ഞു…അമാൻഡക്ക് അതൊരു പുതിഅറിവായിരുന്നു

”ആ അങ്ങനെ….അന്ന് പപ്പക്ക് കാര്യമായി ഒന്നും പറ്റിയില്ല..ലീവ് ഉള്ള സമയം ആയോണ്ട് ഞങ്ങളും അവിടെ ഉണ്ടായിരുന്നു….അന്ന് ഹോസ്പിറ്റലിൽ കയറി വന്നപ്പോ ഏട്ടന്റെ മുഖത്തു കണ്ടൊരു ഭാവമുണ്ട്…എന്റെ പൊന്നോ ഓർക്കുമ്പോ തന്നെ എനിക്ക് പേടിയാ….പക്ഷെ അമ്മ ഒണ്ടല്ലോ ഒന്നും മിണ്ടാതെ നിന്നു….അന്ന് വരെ ഏട്ടൻ അടി ഇണ്ടാക്കാൻ പോകുമ്പോ എപ്പോളും മുൻപിൽ കാണും അമ്മ പോകണ്ടെന്ന് പറയാൻ…അന്ന് ഏട്ടന്റെയാ ഭാവം കണ്ട് അമ്മവരെ ഒന്നും പറയാതെ നിന്നും….അന്ന് മുതൽ അങ്ങന അമ്മ…ഏട്ടനാ വണ്ടിയുമെടുത്തു പോണത് കണ്ടാൽ പ്രാർഥിക്കാൻ തുടങ്ങും ഏട്ടന്റെ മുൻപിൽ ആരും വന്ന് പെടാതിരിക്കാൻ വേണ്ടി…“

നൈലയെ നോക്കി ചിരിച്ചുകൊണ്ട് നീലു പറഞ്ഞു

അത് കണ്ട നൈല അവളെ നോക്കി പുച്ഛിച്ചു

”അല്ലാണ്ട് ഞാൻ എന്ത് ചെയ്യാനാ…ആ ചെക്കന്റെയീ സ്വഭാവം എന്നെകൊണ്ട് മാറ്റാൻ പറ്റില്ല ഏതായാലും..!

“അല്ല നീലു അന്ന് ദേവ് പോയിട്ട് എന്ത് സംഭവിച്ചു…?

ന്യൂയോർക്കിൽ തന്നെ മനസ്സ് കുടുങ്ങി നിന്ന അമാൻഡ ചോദിച്ചു

”തല്ലി കാണും…ഏട്ടൻ പിന്നൊന്നും പറഞ്ഞില്ല…ഏതായാലും അവരുടെ ബിസിനസ് വരെ പൂട്ടിച്ചിട്ട ഏട്ടനും പപ്പയും മടങ്ങി വന്നേ…!

അതിനെക്കുറിച്ചു കൂടുതൽ ഒന്നുമാറിയത്ത നീലു പറഞ്ഞു….

“മതി മതി ഏട്ടന്റെ സ്വഭാവത്തെകുറിച്ച് പറഞ്ഞത്…നീയീ ചായ കൊണ്ടുപോയി പപ്പക്ക് കൊടുക്ക്….”

നീലുവിന്റെ കയ്യിൽ ചായ കൊടുത്തുകൊണ്ട് നൈല പറഞ്ഞു

————————————

“ലെനസ്….!

AG ഗ്രൂപ്പിന്റെ അടുത്തുള്ള ഓഫീസ് ലക്ഷ്യമാക്കി കാറോടിക്കുന്ന ദേവ് ലെനസിനെ വിളിച്ചു

—-പറയു ദേവ്—–

”AG ഗ്രൂപ്പുമായുള്ള പ്രശ്നം എന്താ…ഏത് കമ്പനിക്ക കോൺട്രാക്ട് ട്രാൻസ്ഫർ ആയത്..“

——Delta കോൺസ്ട്രക്ഷനിലേക്ക് ആണ് ദേവ്…AG ഗ്രൂപ്പ് MD ഡയറക്റ്റ് ആയി ഓഫർ നൽകിയത് ആണിത്…മുൻപ് രണ്ടു തവണ നമ്മുടെ കമ്പനിയിൽ നിന്ന് മെറ്റീരിയൽസ് ഓർഡർ ചെയ്തിട്ട് ക്യാൻസൽ ആക്കിയിട്ടുണ്ട്—-