💫Evil on earth✨ – 5 Likeഅടിപൊളി  

ലെനസ് അവൾക്ക് മനസിലായ കാര്യങ്ങൾ അവനു വിശദീകരിച്ചു കൊടുത്തു

“delta കൺസ്ട്രക്ഷൻ…?

അവനാ കമ്പനിയുടെ പേര് കേട്ട് ചോദിച്ചു

—–അതെ ദേവ്….അത്യാവശ്യം പേരു കേട്ടൊരു കമ്പനി ആണത്…ഒരു ജോമോൻ എന്നയാളുടെ പേരിൽ ആണ് കോൺട്രാക്ട് ഉള്ളത്—–

”ജോമോൻ…പയ്യനാണോ…?

പേര് കേട്ടവൻ ചോദിച്ചു

——അതെ ദേവ്….23 വയസ്സ് കഴിഞ്ഞതായി ആണ് റെക്കോർഡ് ഉള്ളത്…അച്ഛനും അമ്മയുമില്ല…അവർ തുടങ്ങിയ കമ്പനി ഇപ്പോൾ അവനാണ് മാനേജ് ചെയ്യുന്നത്——

“ഓഹ്…അപ്പൊ അവനെ സംശയച്ചിട്ട് കാര്യമില്ല….”

AG ഗ്രൂപ്പിന്റെ പാർക്കിങ്ങിൽ വണ്ടി നിർത്തിയവയൻ ഓഫീസിനകത്തേക്ക് കയറി

നീല കണ്ണുകളുള്ള ദേവിനെ കണ്ട അശ്വതി ഒരുനിമിഷം സ്വയം അറിയാതെ തന്നെ കസേരയിൽ നിന്നെണീറ്റു

“ഹായ്…ഞാൻ ദേവ്….എനിക്ക് വിശ്വനാഥൻ സാറിനെ ഒന്ന് കാണാൻ പറ്റുമോ…?

ദേവ് സാധാരണ പോലെ ചിരിച്ചുകൊണ്ട് ചോദിച്ചു

”അത് അപ്പോയ്ന്റ്മെന്റ് വേണം…മാത്രമല്ല സാർ ഇന്ന് വരുമോ എന്ന് സംശയമാണ്…!

അവൾ പറഞ്ഞു

“അപ്പോയ്ന്റ്മെന്റ് ഞാൻ എടുത്തിരുന്നു…ചെക്ക് ചെയ്തു നോക്കാം…!

അവൻ പറഞ്ഞു…അതെ സമയം തന്നെ ലെനസ് മുൻപിൽ ഉള്ള കമ്പ്യൂട്ടറിലെ ഡാറ്റാ ബേസിൽ ദേവിന്റെ പേരും ഫീഡ് ചെയ്തിരുന്നു

”അഹ്…സാർ എപ്പോൾ വരുമെന്ന് അറിയില്ല നിങ്ങൾക്ക് അവിടെ വെയിറ്റ് ചെയ്യാം…!

മുൻപിൽ സ്ക്രീനിൽ ദേവിൻറെ പേര് കണ്ട അവൾ പറഞ്ഞു

“ഓക്കേ…വാഷ് റൂം എവിടെ ആണ്…?

അവൻ ഷർട്ടിന്റെ കൈ മടക്കികൊണ്ട് ചോദിച്ചു

”നേരെ പോയി ലെഫ്റ്റ് തിരിഞ്ഞാൽ മതി…!

ഒരു ചിരിയോടെ വഴി പറഞ്ഞു കൊടുത്തവൾ…അവനും മറുപടിയായി ഒരു ചിരി നൽകി കൊണ്ടു അവൾ പറഞ്ഞ വഴിയേ നടന്നു

പക്ഷെ ലെഫ്റ്റ് തിരിയുന്നതിന് മുൻപേ തന്നെ അവൻ ലിഫ്റ്റിൽ കയറി മുകളിലെ ഫ്ലോറിലേക്ക് പോയി

MD യുടെ ഓഫീസിന് അടുത്തായി തന്നെയുള്ള പേർസണൽ സെക്രട്ടറിയുടെ മുറി ലക്ഷ്യമാക്കി അവൻ നടന്നു

“നാരായണ മൂർത്തി…”

മുൻപിൽ ബോർഡിലെ പേരു വായിച്ചു കൊണ്ടവൻ ഡോർ തുറന്നു

മംഗലാപുരത്തു നിന്ന് രാവിലെ മടങ്ങിയെത്തിയ മൂർത്തി ഓഫീസിലെ കണക്കുകൾ നോക്കുകയായിരുന്നു

പെട്ടന്ന് ഉള്ളത് ദേവിൻറെ വരവ് കണ്ടയാൾ ഒന്നും മനസിലാവാതെ അവനെ നോക്കി ചോദിച്ചു

“ഹലോ…താൻ ഇതെങ്ങോട്ടാ ഉന്തി കേറി പോണത്…?

”അഹ് മൂർത്തി സാർ ആയിരുന്നോ…!

അയാളെ നോക്കി പരിചിത ഭാവത്തിൽ ചോദിച്ചു കൊണ്ടവൻ അയാൾക്ക്‌ മുൻപിലെ കസേരയിൽ ഇരുന്നു

“ഇതൊരു സുഖമില്ല..!

പെട്ടന്ന് അവിടെ നിന്നെണീറ്റുകൊണ്ട് മൂർത്തിയുടെ ഇടതു വശത്തായി ഇട്ടിരുന്ന സോഫയിൽ കയറിയിരുന്നവൻ…കാലിനു മുകളിൽ കാൽ കയറ്റി വച്ചിരിക്കുന്ന ദേവിനെ അയാൾ അത്ഭുതത്തോടെ നോക്കി

”നീ ഏതാ…?

അവനെ നോക്കി അയാൾ ചോദിച്ചു

“ഏഹ് സാറെന്നെ ഇത്ര പെട്ടന്ന് മറന്നോ…എന്നോടിന്നിവിടെ വന്ന് വിശ്വനാഥൻ സാറിനെ കാണാൻ പറഞ്ഞത് ഓർമ്മയില്ലേ..”

അവൻ വളരെ കൂളായി പറഞ്ഞു…

“ഞാനോ..?

മൂർത്തി സംശയത്തോടെ ചോദിച്ചു

”സാറല്ലന്നേ…വിശ്വനാഥൻ സാർ…“

”നീ എന്തിനാ സാറിനെ കാണുന്നേ….?

അയാൾ തന്റെ കസേരയിൽ ചാരി ഇരുന്നുകൊണ്ട് ചോദിച്ചു

—–ഹവാല—–

ദേവിന്റെ മനസ്സ് വായിച്ചയുടൻ വിശ്വനാഥൻറെ പേരിൽ തെളിവുകൾ ഒന്നുമില്ലാത്തതിന്റെ പേരിൽ ഫയലുകളിൽ മാത്രം ഒതുങ്ങി പോയ കേസുകളുടെ ഡീറ്റെയിൽസ് എടുത്ത ലെനസ് പറഞ്ഞു

അത് കേട്ടയവൻ ഒരു ചിരിയോടെ ചുറ്റിനും നോക്കി..പിന്നെ അയാളുടെ അടുത്തേക്ക് അല്പം നീങ്ങിയിരുന്ന ശേഷം ശബ്ദം താഴ്ത്തി പറഞ്ഞു

“ഹവാല ഹവാല…!

അത് കേട്ട മൂർത്തി ഒന്ന് ഞെട്ടികൊണ്ട് ചുറ്റിനും നോക്കി

”സാറ്…സാറ് വീണ്ടും തുടങ്ങാൻ പോകുവാണോ..എന്നോട് പറഞ്ഞില്ലല്ലോ…!

മൂർത്തി അയാളുടെ വെളുത്തു തടിച്ച കവിള് ചൊറിഞ്ഞുകൊണ്ട് സ്വയം പറഞ്ഞു

“അത് ചെലപ്പോ ഞാൻ കൂടെ വന്നിട്ട് പറയാൻ ആയിരിക്കും…!

ദേവ് പറഞ്ഞു…അത് ശെരിയാവും എന്ന തോന്നിയ മൂർത്തി ഒന്നും മിണ്ടാതെ ഇരുന്നു…പെട്ടന്ന് അയാളുടെ ഫോൺ ബെല്ലടിച്ചു….

”സാറ് വന്നിട്ടുണ്ട്…ഏതായാലും താൻ വാ…“

അതും പറഞ്ഞു തന്റെ ചാടിയ വയറിനു മുകളിലൂടെ ഉള്ള ഓവർ കോട്ട് ഒന്ന് നേരയാക്കിയിട്ട ശേഷം അയാൾ എണീറ്റു നടന്നു…പിറകെ ദേവും

ബാംഗ്ലൂരിൽ നിന്നും വന്നിറങ്ങിയ വിശ്വൻ തന്റെ സഹായിയാ അലെക്സിനോട് കോഴിക്കോട് ചെയ്തു തീർക്കേണ്ട കൊറച്ചു പദ്ധതികൾ വിവരിച്ചു കൊടുക്കുകയായിരുന്നു

അയാളുടെ റൂമിന്റെ വാതിൽ തുറന്നകത്തു കയറിയതും ദേവിന്റെ കണ്ണുകളുടക്കിയത് അലക്സിലായിരുന്നു

തന്നോളം പോന്ന വലുപ്പവും എന്നാൽ ദേവിനെക്കാൾ അല്പം കൂടി മസിലുകൾ എടുത്തു കാണിക്കുന്ന ശരീരവും

ദേവിന്റെ നോട്ടം അവിടേക്ക് മാറിയപ്പോൾ മൂർത്തിയുടെ പിറകിലായി നടന്നു വരുന്ന ദേവിലായിരുന്നു വിശ്വന്റെ കണ്ണുകൾ

അവന്റെ നീല കണ്ണുകൾ കണ്ടതെ വിശ്വന്റെ മനസ്സിൽ പെട്ടന്ന് ഒരു പേടി കയറി….തനിക്കിതെന്തു പറ്റി പെട്ടെന്നിങ്ങനെ എന്നറിയാതെ അയാൾ ഒരു നിമിഷം പതറിപോയി

“എടാ അലക്സേ നീയെന്താ സൈറ്റിൽ പ്രശ്നമുണ്ടാക്കിയെ..?

അലക്സിനെ വിശ്വന്റെ കൂടെ കണ്ട മൂർത്തി അവനോട് ചോദിച്ചു

”പ്രശ്നം ഒന്നുമുണ്ടാക്കിയില്ല സാറെ….!

തല ചൊറിഞ്ഞു കൊണ്ടവൻ പറഞ്ഞു…മൂർത്തിയുടെയും അലക്സിന്റെയും സംസാരം കേട്ടപ്പോളെ ദേവിന് കാര്യങ്ങളുടെ ഇരുപ്പുവശം പിടികിട്ടി

അവന് വേണ്ടത് അലക്സിനെ ആയത് കൊണ്ടു തന്നെ ദേവ് മുൻപിൽ ഇരിക്കുന്ന വിശ്വനെ ഒന്ന് നോക്കാൻ പോലും കൂട്ടാക്കിയില്ല…

എന്നാൽ വിശ്വൻ അപ്പോഴും ദേവിന്റെ ഓരോ ചലനങ്ങളും നിരീക്ഷിച്ചുകൊണ്ട് അവിടെ തന്നെ ഇരുന്നു…അയാളുടെ മനസ്സിൽ പൊട്ടി മുളച്ച പേടിയുടെ ആക്കം കൂട്ടനെന്നവണ്ണം മറ്റു പല ഓർമ്മകളും മുഖങ്ങളും മനസിലേക്ക് വന്നു

മൂർത്തിയുമായുള്ള സംസാരം കഴിഞ്ഞതും ദേവ് കയറിച്ചെന്ന് അലക്സിന്റെ ചെകിടത്തൊന്ന് പൊട്ടിച്ചു

പെട്ടെന്നുള്ള ആക്രമണം ആയത് കൊണ്ടു തന്നെ അലക്സ് പിറകിലേക്ക് വേച്ചു വീണു….

എന്താ അവിടെ സംഭവിച്ചതെന്ന് മനസിലാവാതെ മൂർത്തിയും വിശ്വനും ഞെട്ടിപ്പോയി

“എടാ നീയെന്താ ഈ കാണിച്ചത്…?

സ്വബോധം വീണ്ടെടുത്ത മൂർത്തി ദേവിനെ നോക്കി ചോദിച്ചു…എന്നാൽ അവനാ ചോദ്യം കേട്ടിട്ടേ ഇല്ലായെന്ന ഭാവത്തോടെ മൂർത്തിയ ഷോൾഡറിൽ പിടിച്ചു മാറ്റി കൊണ്ടു നിലത്തു നിന്നെണീയ്ക്കാൻ ശ്രമിക്കുന്ന അലക്സിന്റെ നെഞ്ചും കൂട് നോക്കി ചവിട്ടി….ആ ഒരൊറ്റ ചവിട്ടിൽ തന്നെ പാതി ജീവൻ പോയപോലെയവൻ നിലത്തു വീണു കിടന്നു