💫Evil on earth✨ – 5 Likeഅടിപൊളി  

അവൻ തനിക്ക് പിറകിലായി അല്പം മാറി പുറം തിരിഞ്ഞു നില്കുകയായിരിന്നു….അതുകമായി തടിയോ എന്നാൽ പറയത്തക്ക വിധം ശരീരരമോ ഇല്ലാത്ത ഒരുത്തൻ.,…പെട്ടെന്നവൻ തിരിഞ്ഞു നോക്കി…എന്നാലവന്റെ മുഖം കാണിക്കാത്ത വിധത്തിൽ ഒരു കറുത്ത കർച്ചീഫ് കൊണ്ടു മുഖം മറച്ചിരുന്നു…..അവനാരാണെന്ന് മനസിലാവാതെ നിൽക്കുന്ന വിശ്വന്റെ അടുത്തേക്കവൻ പതിയെ വളരെ സഹകാശം നടന്നു വന്നു

മുട്ടുകുത്തി നിൽക്കുന്ന തനിക്ക് തൊട്ടു പിറകിലവൻ എത്തിയെന്നു മനസിലായ വിശ്വൻ പേടി നിറഞ്ഞ കണ്ണുകളോടെ അവനെ നോക്കി….എന്നാൽ അവന്റെ കണ്ണുകളിൽ ഒരു തരത്തിലുള്ള ഭാവങ്ങളും അയാൾക്ക് കാണാൻ സാധിച്ചില്ല..ഒരുതരം നിർവികാരത അവിടെ നിഴലിച്ചിരുന്നു…

മുഖം മറച്ച ശത്രു അല്പം കുനിഞ്ഞു നിന്നുകൊണ്ട് വിശ്വന്റെ ചെവിയിൽ അയാൾക്ക് മാത്രം കേൾക്കാൻ പോന്ന ശബ്ദത്തിൽ പറഞ്ഞു….

“”You’re the disease, and I’m the cure.”

അവന്റെ വാക്കുകൾ വിശ്വന്റെ ചെവിയിൽ മുഴങ്ങി കേട്ടതും അയാളുടെ മുതുകിലായി ചരിച്ചു കുത്തി ഇറക്കിയ കത്തിയിൽ പിടിച്ചു ശക്തിയായി താഴേക്ക് വലിച്ചതും ഒപ്പം കഴിഞ്ഞിരുന്നു…..നട്ടെല്ലിന് മുകളിലൂടെ ചെത്തി ഇറങ്ങിയ കത്തിയുടെ മൂർച്ചയിൽ അയാളുടെ പുറത്തു നിന്ന് വലിയൊരു കഷ്ണം മനുഷ്യ മാംസം തന്നെ പുറത്തേക്ക് അടർന്നു വീണു

പ്രാണവേദനകൊണ്ട് അലറിക്കരയാൻ ശ്രമിച്ച വിശ്വന്റെ താടി എല്ലിൽ അവന്റെ കാൽ മുട്ടുകൾ നിമിഷ നേരം കൊണ്ടു പതിച്ചിരുന്നു

ഒന്ന് ആർത്തു കരയാൻ പോലുമാവാതെ നിലത്തേക്ക് മറിഞ്ഞു വീണ വിശ്വനെ അവൻ നോക്കി നിന്നു…..അയാളുടെ പുറത്തു നിന്ന് അടർന്നു പോയ മാസത്തിന്റ സ്ഥാനത്തു ഉയർന്നു നിന്ന നട്ടെല്ലുകൾ കണ്ടതും അവന്റെ കണ്ണുകൾ എന്തിനോ വേണ്ടി തിളങ്ങി…..വളരെ ക്ഷമയോടെ അവൻ അയാൾക്കരികിൽ മുട്ടുകുത്തിയിരുന്നു

തെളിഞ്ഞു കാണുന്ന അയാളുടെ മാംസത്തിനു മുകളിലൂടെ കൈ കടത്തിയവൻ ജീവനോടെ പിടക്കുന്ന ഒരു മനുഷ്യന്റെ നട്ടെല്ലിനെ ചുറ്റി പിടിച്ചു….ഒടിഞ്ഞു തൂങ്ങിയ താടിയെല്ല് കാരണം വേദനയാൽ ശബ്ദം വെളിയിൽ വരാത്ത വിധം വിശ്വൻ അവിടെ കിടന്നു ഞെരങ്ങി

അത് കണ്ട അവൻ അയാളുടെ ചെവിയിൽ വീണ്ടും പറഞ്ഞു….

“Tell Lucifer he owes me 50 bucks for this hit….”

അവൻ പറഞ്ഞ വാക്കുകളുടെ അർഥം മനസിലേക്ക് വന്നതും പേടികൊണ്ട് കണ്ണുകൾ മിഴിഞ്ഞ വിശ്വൻ ഒന്ന് പിടയാൻശ്രമിച്ചു…അതെ നിമിഷം തന്നെ അവൻ ഉയർന്നു കൊണ്ടു അയാളുടെ നട്ടെല്ലിൽപിടിച്ചിരുന്ന കൈ പിറകിലേക്ക് വലിച്ചു….

കടപുഴുകി വീഴുന്ന മരത്തിന്റെ ശബ്ദം പോലെ ഒരു മനുഷ്യശരീരത്തിലെ അത്രമേൽ കഠിന്യമായ നട്ടെല്ല് ചതഞ്ഞു പൊട്ടി കൊണ്ടു മുകളിലേക്ക് പൊങ്ങി…..അയാളുടെ ശരീരഭാരം കാരണം ദേഹത്തിലെ മാസം പകുതിയും എല്ലിൽ നിന്ന് പറിഞ്ഞു വീഴാൻ തുടങ്ങി…..ഒറ്റകൈ കൊണ്ടാ പച്ചയായ ഭാരം തൂക്കി എടുക്കുന്ന അവനാ കാടിനെ തന്നെ നടുക്കുന്ന ശബ്‍ദത്തിൽ അലറിക്കൊണ്ട് വിശ്വന്റെ നട്ടെല്ല് പറിച്ചെടുത്തു….തലയൊട്ടിക്ക് താഴെയായി കഴുത്തെല്ല് വരെ പറിഞ്ഞു പോന്നതിന്റെ കൂടെ…..എല്ലിൽ നിന്നുമറ്റു പോയ വിശ്വന്റെ ശരീരം വെറും ചാക്കുകെട്ട് കണക്കെ നിലത്തേക്ക് വീണു…..

ചത്തുമലച്ചു കിടക്കുന്ന അയാളുടെ ശരീരം നോക്കി അവൻ അവിടെ അല്പ നേരം നിന്നു….അപ്പോളും അവന്റെ കൈ പിടിയിൽ ഭദ്രമായിരുന്ന അയാളുടെ നട്ടെല്ലിലെ അസ്ഥികളിൽ നിന്നും കൊഴുപ്പു നിറഞ്ഞ ചോര ഒഴുകിയിറങ്ങുന്നുണ്ടായിരുന്നു……

“അയ്യോഹ്….!!

ദുസ്വപ്നത്തിൽ നിന്നും ഞെട്ടി ഉണർന്ന ജോ കിതപ്പടക്കികൊണ്ട് ചുറ്റിനും നോക്കി….

”കാട്…കാടെവിടെ….ഏഹ്…!

പേടി വിട്ടുമാറാതെയവൻ ചുറ്റിനും നോക്കി…അല്പം നേരത്തെ ആലോചനകൊടുവിലാണ് താൻ കണ്ടത് വെറുമൊരു സ്വപ്നമാണെന്ന് അവനു മനസിലായത്….

“പണ്ടാരം…”

തലക്ക് അടിച്ചുകൊണ്ടവൻ ബെഡിൽ നിന്നെണീറ്റു…മുറിയിൽ പ്രകാശിച്ചിരുന്ന ചെറിയ സീറോ ബൾബിന്റെ വെട്ടത്തിലവൻ ക്ലോക്കിലേക്ക് നോക്കി

1:32 AM

“മൈര് ഇനിയിപ്പോ എപ്പോ ഉറക്കം വരാനാ…!

കൈകൾ രണ്ടും കുടഞ്ഞുകൊണ്ടവൻ റൂമിനു വെളിയിലേക്കിറങ്ങി….തണുത്ത വെള്ളം കുടിക്കാൻ ആഗ്രഹം തോന്നിയ അവൻ അടുക്കള ലക്ഷ്യമാക്കി നടന്നു…ഫ്രിഡ്ജിൽ നിന്നൊരു കുപ്പി എടുത്തു തിരിഞ്ഞതും പിറകിലായി ഇരുട്ടിൽ നിഴലടിച്ചൊരു രൂപം കണ്ടവൻ പേടിച്ചു പിറകിലേക്ക് മാറി…..

പെട്ടെന്നുള്ള ഞെട്ടലിൽ നിലവിളിക്കാനായി തുറന്ന അവന്റെ വാ ഇരുട്ടിൽ നിന്ന് പുറത്തേക്ക് ചാടികൊണ്ട് ആദി പൊത്തി പിടിച്ചു….

അവളുടെ കൈകൊണ്ട് വാ മൂടിയതും കണ്ണുകൾ രണ്ടും പുറത്തേക്ക് തള്ളിക്കൊണ്ട്‌വൻ ആദിയുടെ മുഖത്തേക്ക് നോക്കി…അവളാകട്ടെ ഒരു ചിരിയോടെ നില്കുകയാണ്

“ഒച്ച ഇണ്ടാക്കി അവരെ കൂടി ഉണർത്തല്ലേ…!

വളരെ ശബ്ദം താഴ്ത്തി കാറ്റടിക്കുന്നത് പോലവൾ പറഞ്ഞു…എന്നിട്ട് അവന്റെ വാ പൊത്തിയിരുന്ന കൈ പതിയെ എടുത്തു മാറ്റി

വായിലെ തടസ്സം മാറിയതും ഉച്ചതിലവൻ ചോദിച്ചു

”നീയീ പാതിരാത്രി എന്ത് കാണാൻ ഇറങ്ങി വന്നതാ….“

കയ്യിലെ കുപ്പി തുറന്നവൻ വെള്ളം കുടിച്ചുകൊണ്ട് അവളെ നോക്കി…ആദി ആവട്ടെ ഇവനോട് എന്ത് പറഞ്ഞിട്ടും കാര്യമില്ലെന്ന മട്ടിൽ തലയിൽ കൈ വച്ചു

”നിന്നോടല്ലേ ജോ പറഞ്ഞെ പതിയെ സംസാരിക്കാൻ…!

അവൾ വീണ്ടും പറഞ്ഞതും വായിൽ നിറച്ചിരുന്ന വെള്ളം ഒരിറുക്കു കുടിച്ചിട്ടവൻ പതിയെ ചോദിച്ചു

“നീ എന്തെടുക്കുവാ ഇവിടെ എന്ന്..?

”അത് നീ ഇറങ്ങി വരുന്നേ കണ്ടപ്പോ…!

കൈ രണ്ടും കൂട്ടി തിരുമ്മിയവൾ പറഞ്ഞു….അവളുടെ മുഖത്തു വിരിഞ്ഞ ചിരിയും അവളുടെ ചുണ്ടുകൊണ്ടുള്ള ചെഷ്ടകളും നോക്കിയവൻ കൊറച്ചു കൂടി വെള്ളം കുടിച്ചു

“എനിക്ക് കാവലു വരാൻ നീയെന്തോന്ന് എന്റെ ബോഡി ഗാർഡോ…?

മുഖത്തൊരു പുച്ഛഭാവം വരുത്തിയവൻ ചോദിച്ചു…പിന്നെ ഫ്രിഡ്ജ് തുറന്ന് കുപ്പി തിരിച്ചു വച്ചു

”ഓ നമ്മളാരുടെയും ബോഡി ഗാർഡ് ഒന്നുമല്ലേ…പിന്നെ വാതിൽ തുറക്കുന്ന ശബ്ദം കേട്ടപ്പോ വല്ല കള്ളമാരും ആണെന്ന് കരുതി ഇറങ്ങി വന്നതാ…!

അവനെ നോക്കി അതെ പുച്ഛഭാവത്തിൽ അവളും പറഞ്ഞു…

“പിന്നെ കള്ളമാർ വരുമ്പോ ഇറങ്ങി ചെല്ലാൻ നീയാര്…മാറി നിക്കെടി അവ്ട്ന്ന്…!

അവളുടെ തോളിൽ പിടിച്ചു സൈഡിലേക്ക് തള്ളിക്കൊണ്ട് അവൻ ഹാളിലേക്ക് നടന്നു…

”അഹ്…“

അവന്റെയാ തള്ളിൽ കൈ വേദനിച്ച അവൾ ഷോൾഡർ തിരുമ്മിക്കൊണ്ട് അവന്റെ പിറകെ നടന്നു…എന്നാൽ ജോ റൂമിലേക്ക് പോകുന്നതിന് പകരം ഉമ്മറത്തെ വാതിൽ ശബ്‌ദമൊന്നും ഉണ്ടാക്കാതെ തുറക്കുന്നത് കണ്ട ആദി സംശയത്തോടെ അവന്റെ പിറകിൽ വന്നു നിന്നു