💫Evil on earth✨ – 5 1അടിപൊളി  

 

പല്ലുകൾ ഞെരിച്ചുകൊണ്ടയാൾ പറഞ്ഞു

 

“സാറവനെ കൊല്ലാൻ പോകുവാണോ….?

 

ഭീതിയോടെ മൂർത്തി ചോദിച്ചു….

 

”ഏയ്യ്….മറ്റുള്ളവരെപ്പോലെ പെട്ടെന്നു കൊല്ലില്ല….ഇഞ്ചിഞ്ചായി കൊല്ലണം….വേദന അനുഭവിച്ചുകൊണ്ട്…അതിനാദ്യം അവന്റെ കോൺഫിഡൻസ് ഇല്ലാതാക്കണം….താനാ ഡാനിയേലിനെകുറിച്ച് ഒന്ന് അന്വേഷിക്ക്….തുടക്കം അവിടെനിന്നാവാം….!

 

പകയെരിയുന്ന കണ്ണുകളോടെ അയാൾ പറഞ്ഞു….

 

“സാർ അതൊരു പയ്യനല്ലേ…പ്രായത്തിന്റെ ചോരത്തിളപ്പിൽ പറ്റിയതാവും…!

 

മൂർത്തി അയാളെ പറഞ്ഞു മനസിലാക്കിക്കാൻ ശ്രമിച്ചു

 

”പ്റഭാ നായിന്റെ മോനെ…പ്രായത്തിന്റെ തിളപ്പ് പോലും….നിനക്കറിയില്ല ഈ വിശ്വനെ ശെരിക്കും….നീ കാണുന്നതിന് മുൻപും എനിക്ക് വേറൊരു മുഖമുണ്ടായിരുന്നു….ഇവനോട് തോന്നിയ ദേഷ്യം…അതിന് കൊല്ലങ്ങൾ പഴക്കമുള്ളൊരു കണക്കൊണ്ട്….അന്ന് രക്ഷപെട്ടന്ന് കരുതിയതാ…പിച്ചയായി കൊടുത്ത ജീവനാ ഇന്നെന്റെ മുൻപിൽ വന്നു കുരച്ചിട്ട് പോയത്….ആഹ്…ഏതായാലും അന്ന് ഞാൻ കണ്ണടച്ചത് പോലെ ഇന്നും അവനെ ഒഴുവാക്കി വിടാൻ എനിക്ക് മനസ്സില്ല…അവനായി വന്നു കയറിയതാ എന്റെ കയ്യിലേക്ക്…!

 

ദേഷ്യം കൊണ്ടു വിറച്ചു കൊണ്ടായാൾ അലറി…പറയേണ്ടിയിരുന്നില്ലെന്ന് പോലും മൂർത്തിക്ക് തോന്നിപ്പോയി…വിശ്വന്റെ വൃത്തികേട്ടതും പിശാചികവുമായ പല മുഖങ്ങൾ അയാൾ കണ്ടിട്ടുണ്ടെങ്കിലും ആദ്യമായാണ് ഇതുപോലൊരു അവസ്ഥയിൽ കാണുന്നത്

 

ഇനിയു താനവിടെ നിന്നാൽ ശെരിയാവില്ലെന്ന് തോന്നിയ മൂർത്തി മുറി വിട്ടിറങ്ങി…..

 

————————————–

 

കർണാടകാ ബോറടിലൂടെ പോകുകയായിരുന്നു ഒരു മിസ്റ്റുബിഷി ലാൻസർ…ഹൈവേയിലേക്കുള്ള വഴി തിരിഞ്ഞതും മറുപുറത്തു കൂടിയുള്ള ഒരു ഇടവഴിയിൽ നിന്നുമൊരു പജീറോ പാഞ്ഞു വന്നാ കാറിന്റെ മുൻവശത്തേക്ക് ഇടിച്ചു കയറി……

 

ഇടിയുടെ ആഘാതത്തിലാ ലാൻസർ റോഡിൽ നിന്നും തെന്നിമാറി അരികിലായുള്ള ടിവൈടിലേക്ക് തട്ടി നിന്നു

 

നേരമിരുട്ടി തുടങ്ങിയത് കൊണ്ടു തന്നെ റോഡിലെങ്ങും മറ്റു വണ്ടികൾ ഒന്നുമുണ്ടായിരുന്നില്ല…ബോണറ്റിൽ നിന്നും പുകയുയിരുന്നത് കണ്ടു കൊണ്ട് ഒരാൾ ഡോർ തുറന്നു പുറത്തിറങ്ങി….ഇടിയുടെ ശക്തിയിൽ തലയെവിടെയോ ഇടിച്ചയാളുടെ നെറ്റി പൊട്ടി ചോരയൊലിക്കാൻ തുടങ്ങി…കാഴ്ച മങ്ങുന്നുണ്ടായിരുന്നെങ്കിൽ അയാളത് വക വെക്കാതെ തന്നെ കാറിലിടിച്ച പജീറോയുടെ മുൻപിലേക്ക് നടന്നു…മുൻവശം മുഴുവൻ ആ ഇടിയിൽ തകർന്ന വണ്ടിയുടെ ഡ്രൈവറുടെ സൈഡിലെ ഡോർ തുറക്കാനയാൾ ശ്രമിച്ചു

 

“ഹലോ…ഓയ്..എന്തെങ്കിലും പറ്റിയോ…?

 

തുറക്കാൻ പറ്റാതിരുന്ന ഡോറിന്റെ ഗ്ലാസ്സിൽ ശക്തമായി അടിച്ചുകൊണ്ട് ആർഥർ ചോദിച്ചു

 

”ഹലോ..?

 

നെറ്റിയിൽ നിന്നൊഴുകിയിറങ്ങുന്ന രക്തം കണ്ണിനു മുകളിൽ വന്നു കാഴ്ച മറക്കുന്നുണ്ടായിരുന്നെങ്കിലും അതൊന്നും കാര്യമാക്കാതെ ആർഥർ ഡോറ് തുറക്കാൻ ശ്രമിച്ചു കൊണ്ടിരുന്നു

 

പെട്ടന്ന് വണ്ടിയുടെ മറുവശത്തു നിന്ന് ഡോർ തുറക്കുന്ന ശബ്ദം കേട്ട അവൻ അവിടേക്ക് നടന്നു…എന്നാൽ തുറന്നു കിടക്കുന്ന ഡോറ് മാത്രെമേ അർഥറിനു കാണാൻ കഴിഞ്ഞുള്ളു……..ഇതേ സമയം പജീറോയുടെ പിറകിലൂടെ ടവൽ കൊണ്ടു മുഖം മറിച്ച ഒരാൾ ഡോറിന് മുന്നിൽ നിൽക്കുന്ന അർഥറിനെ ലക്ഷ്യം വച്ചുകൊണ്ട് അയാൾക്ക് പിറകിലേക്ക് നടന്നു

 

ഒരു തരി ശബ്ദം പോലും വെളിയിൽ കേൾക്കാത്ത വിധത്തിൽ വളരെ സൂഷ്മദയോടെ ആണയാൾ നടക്കുന്നത്….സൈഡിൽ ഇരിച്ചു നിൽക്കുന്ന അർഥറിന്റെ കാറിന്റെ ബ്രേക്ക് ലൈറ്റിൽ നിന്നും വരുന്ന പ്രകാശം അയാളുടെ കയ്യിൽ മുറുകെ പിടിച്ചിരുന്ന കടാരയിൽ തട്ടി പ്രതിഫലിച്ചു കൊണ്ടിരുന്നു

 

അർഥറിനു പിന്നിലയാൾ എത്തിയതും കയ്യിൽ സൂക്ഷിച്ചിരുന്ന നീളൻ കടാര അവന്റെ വയറിനു സൈഡിലായി കുത്തിയിറക്കി

 

“”“അആഹ്…..!!!!

 

പെട്ടെന്ന് ഉള്ള ആക്രമണത്തിന്റെ പ്രതിഫലനം എന്നവണ്ണം അർഥർ പെട്ടെന്ന് പിറകിലേക്ക് തിരിഞ്ഞു….അവൻ ചിന്തിക്കും മുൻപേ അവന്റെ കൈകൾ പിറകിലുള്ള ശത്രിന്റെ കഴുത്തിൽ പിടിക്കാനായി ഉയർന്നു