💫Evil on earth✨ – 5 1അടിപൊളി  

 

”ടാ…..!!!

 

അയാളുടെയാ ശബ്ദം കേട്ട ദേവ് ഒരുതരം കലിപ്പോടെ വിശ്വനെ നോക്കി…അവന്റെയാ നീല കണ്ണുകളുടെ ദൃഷ്ടി വീണ്ടും വിശ്വനിൽ പതിച്ചതും അയാളൊന്ന് പതറി

 

കൂടുതൽ തെളിമയോടെ ഒരു മുഖം ദേവിനു പകരം അയാളുടെ മനസ്സിലേക്ക് വന്നു

 

“”ദേവിക…“”“

 

ശബ്ദം വെളിയിൽ വരാത്ത രീതിയിൽ അയാളുടെ ചുണ്ടുകൾ മന്ത്രിച്ചു

 

എന്നാൽ അത് തന്റെ വെറുമൊരു സംശയം മാത്രമാണെന്ന് വിശ്വൻ സ്വയം പറഞ്ഞു മനസ്സിനെ തണുപ്പിക്കാൻ തുടങ്ങി…പക്ഷെ ആ ചിന്തകളെ എല്ലാം അപ്പാടെ പിഴിതെറിഞ്ഞുകൊണ്ട് ദേവിന്റെ മുഖത്തെ ക്രോധ ഭാവം മാറി ഒരു ചിരി വിടർന്നു

 

“തന്റെ പ്രായത്തിനൊത്ത ശബ്ദത്തിൽ കാറടോ…!

 

വിശ്വനെ നോക്കി പുച്ഛിച്ചുകൊണ്ട് ദേവ് പറഞ്ഞു…പിന്നെയവൻ നിലത്തു കിടന്നുരുളുന്ന അലക്സിന്റെ അടുക്കലേക്ക് ചെന്നു

 

തന്റെ നേരയാണ് വീണ്ടുമവൻ വരുന്നതെന്ന് മനസിലാക്കിയ അലക്സ് പേടിയോടെ പിറകിലേക്ക് നീങ്ങാൻ ശ്രമിച്ചു…പക്ഷെ അതിന് മുൻപേ ദേവ് അവന്റെ മുൻപിൽ എത്തി കഴിഞ്ഞിരുന്നു

 

നിലത്തു കൈ കുത്തി നീങ്ങാൻ ശ്രമിച്ച അലക്സിന്റെ വലതു കൈക്ക് മുകളിൽ ബൂട്ടിട്ട അവന്റെ കാലുകൾ അമർന്നു

 

വേദനകൊണ്ട് അലക്സ് അലറി…അവന്റെയാ അലറിക്കരച്ചിൽ അടച്ചിട്ടയാ മുറി മുഴുവനായും മുഴങ്ങി കേട്ടു

 

ഇതെല്ലാം കണ്ട് വെറുതെ നിൽക്കുന്ന വിശ്വനെ കണ്ട മൂർത്തി എന്തു ചെയ്യണമെന്നറിയാതെ കുഴങ്ങി…ആദ്യമയാണ് അയാൾ വിശ്വനെ ഇതുപോലെ ഉത്തരമില്ലാതെ നിൽക്കുന്ന ഒരവസ്ഥയിൽ കാണുന്നത്

 

തന്റെ മുൻപിലിട്ട് തന്റെ തന്നെ കൂടെ നടക്കുന്ന ഒരുത്തനെ പുറമെ നിന്നൊരുത്തൻ വന്ന് ചവിട്ടിയരക്കുന്ന കാഴ്ച കണ്ട വിശ്വന്റെ കണ്ണുകൾ പകകൊണ്ടെരിഞ്ഞു…സ്വബോധം വീണ്ടെടുത്ത അയാൾ തന്റെ മേശ വലിച്ചു തുറന്ന് അതിൽ നിന്നൊരു പിസ്റ്റളെടുത്തു

 

മറുത്തൊന്ന് ചിന്തിക്കും മുൻപേ അയാളാ തോക്കെടുത്തു ദേവിന് നേരെ ചൂണ്ടി

 

തനിക്ക് നേരെ തോക്ക് ചൂണ്ടി നിൽക്കുന്ന വിശ്വനെ നോക്കി ദേവൊന്ന് ചിരിച്ചു

പിന്നെ അയാളുടെ നേരെയവൻ നടന്നു

 

തോക്കിനു മുൻപിൽ പോലും പേടിക്കാതെ നിൽക്കുന്ന ഒരുത്തനെ ജീവിതത്തിൽ ആദ്യമായി കണ്ട വിശ്വൻ പകപ്പോടെ താൻ നീട്ടി പിടിച്ച തോക്കിലൊന്ന് മുറുകെ പിടിച്ചു

 

പക്ഷെ അയാളൊന്ന് ചിന്തിച്ചു തീരും മുന്നേ ദേവവന്റെ വലതു കൈ ഉയർത്തി വിശ്വൻ തോക്ക് പിടിച്ചിരുന്ന കൈമുട്ടിൽ അടിച്ചു…

 

കണ്ണടച്ചു തുറക്കും മുന്നേ കയ്യിലൊരു പഞ്ച് കിട്ടിയ വിശ്വൻ വേദനകൊണ്ട് കൈ മടക്കി..ഈ സമയം മതിയായിരുന്നു ദേവിനയാളുടെ കയ്യിൽ പിടിച്ചിരുന്ന തോക്ക് തട്ടി മാറ്റി തന്റെ കയ്യിലാക്കാൻ

 

അത് പ്രധീക്ഷിക്കാണ്ടിരുന്ന വിശ്വൻ ആയുധം നഷ്ടമായതും പേടിയോടെ പിറകിലേക്ക് മാറി

 

“ഏഹ്. ..കാർന്നോരാള് കൊള്ളാലോ..!

 

കയ്യിൽ കിട്ടിയ തോക്ക് തിരിച്ചും മറിച്ചും നോക്കി കൊണ്ടവൻ പറഞ്ഞു

 

”നിനക്കറിയില്ല ഞാനാരാണെന്ന്..“

 

പകയോടെ പല്ലുകൾ കടിച്ചു ഞെരിച്ചുകൊണ്ട് വിശ്വൻ പറഞ്ഞു

 

”അതിന് നീ ഏതാണെന്നു ഞാൻ ചോദിച്ചോ…?

 

അതുവരെ ചിരിച്ചു കൊണ്ടു നിന്ന ദേവിന്റെ ഭാവം മാറി വിശ്വന്റെ മുഖത്തിനു നേരെ വന്നു നിന്നുകൊണ്ടവൻ ചോദിച്ചു

 

“കത്തിക്കാൻപോലും ബാക്കി വെക്കില്ലെടാ നിന്നെ..!

 

എരിയുന്ന കണ്ണുകളുമായി ഒട്ടും പതറാതെ വിശ്വാസം മുരണ്ടു

 

”എന്റെ വഴി മുടക്കാൻ മാത്രം ചങ്കൂറ്റമിപ്പോളും തന്റെയീ കൊഴുത്ത ശരീരത്തിൽ ബാക്കി ഉണ്ടെങ്കിൽ…ഞാൻ വെല്ലു വിളിക്കുന്നു…തന്നെകൊണ്ട് ചെയ്യാൻ പറ്റുന്നത് എന്താന്ന് വെച്ച കാണിക്ക്..ഞാൻ ഈ നാട്ടിൽ തന്നെ ഉണ്ടാവും…“

 

അതും പറഞ്ഞവൻ അയാളുടെ മുൻപിൽ ഉണ്ടായിരുന്ന ഫയലിൽ നിന്നൊരു പേപ്പർ കീറിയെടുത്ത് അതിൽ എന്തോ എഴുതി തിരിച്ചു മടക്കി വിശ്വന്റെ പോക്കറ്റിൽ ഇട്ടു കൊടുത്തു

 

“എന്റെ അഡ്രസ് ആണ്….താൻ ബാംഗ്ലൂർക്ക് വന്നാൽ മതി എന്നെ കത്തിക്കാൻ…!

 

അതും പറഞ്ഞവൻ തോക്ക് അയാളുടെ മേശപ്പുറത്തു വെച്ചു തിരിഞ്ഞു നടന്നു…പുറത്തേക്ക് ഉള്ള വാതിൽ തുറന്നതും എന്തോ പറയാൻ മറന്നത് പോലവൻ തിരിഞ്ഞു നിന്നു