🚀🚀മഞ്ജിമ തുടക്കവും ഒടുക്കവും – 1🚀🚀

വർഷങ്ങൾ കടന്നു പോയി.വീട്ടിലെ വേലക്കാരിയുടെ അവസ്ഥയിൽ ആണ് മഞ്ജിമ ഇന്ന് എന്നു പറയാം. വീട്ടിലെ പണികൾ മൊത്തം ചെയ്യുന്നത് മഞ്ജിമ ആണ്. ആകെ ഒരു ഹോബി എന്ന് പറയാൻ ഉള്ളത് വീട്ടിൽ ഉള്ള തയ്യൽ മെഷീൻ ആണ്.
രണ്ടു വർഷങ്ങൾക്ക് ശേഷം രതീഷ് വിവാഹം കഴിച്ചു. തന്റെ ജോലികൾക്ക് ഇത്തിരി കുറവ് വരും എന്നു പ്രതീക്ഷിച്ച മഞ്ജിമക്ക് അപ്പാടെ തെറ്റി. സംഗീത, വന്നു കയറിയത് 80 പവനും ഇന്നോവ കാറും കൊണ്ട്.
വന്നു കയറി രണ്ടാഴ്ച അടുക്കളയിൽ മുഖം കാണിച്ച സംഗീത പിന്നങ്ങോട്ട് തിരിഞ്ഞു നോക്കിയില്ല. നോക്കണ്ട എന്നു അമ്മായി അമ്മ സരസ്വതിയുടെ തീരുമാനവും. കൂടാതെ മാസ്റ്റർ ഡിഗ്രി സ്റ്റുഡന്റ് കൂടെ ആയ സംഗീത, രതീഷ് തിരിച്ചു ഗൾഫിൽ പോയ ശേഷം റൂമിൽ നിന്നു പുറത്തു വന്നിരുന്നത് കോളേജിൽ പോകാനും, ഉണ്ണാനും ടീവി കാണാനും മാത്രം ആയിരുന്നു.

ആദ്യം ഒരു ചേട്ടത്തി അമ്മ വില തന്നു എങ്കിലും ഇപ്പോൾ അവളും വിനയന്റെ അനിയത്തി രാധികയെ പോലെ തന്നെ വേലക്കാരി ലെവലിൽ തന്നെ കാണാൻ തുടങ്ങിയിരിക്കുന്നു എന്നു മഞ്ജിമ വിഷമത്തോടെ മനസ്സിലാക്കി.

ആരോട് പറയാൻ, പറഞ്ഞു ഒരു കാര്യവും ഇല്ല എന്നു നന്നായി അറിയാമായിരുന്നു മഞ്ജിമക്ക്. അപ്സരക്ക് എന്തെങ്കിലും വാങ്ങണം എങ്കിൽ അമ്മയോട് പൈസ ചോദിക്കണ്ട അവസ്ഥ ആണ് മഞ്ജിമക്ക് ഉള്ളത്.

വീട്ടിൽ രാധികയും സംഗീതയും പുത്തൻ ഡ്രെസ്സുകൾ ഇട്ടു നടക്കുമ്പോൾ മഞ്ജിമക്ക് കിട്ടുക വർഷത്തിൽ ഒന്നോ രണ്ടോ വസ്ത്രങ്ങൾ ആണ് പുതിയത്, പിന്നെ കിട്ടുന്നത് വേണ്ടാതെ ഉപേക്ഷിക്കുന്ന വസ്ത്രങ്ങൾ ആണ്. മഞ്ജിമ തന്നെ വീട്ടിലുള്ള തയ്യൽ മെഷീൻ ഉപയോഗിച്ച് തനിക്കു പറ്റിയ സൈസിലേക്ക് അതിനെ മാറ്റി എടുക്കും. വീട്ടിൽ തന്നോട് സ്നേഹവും അനുകമ്പയും ഉള്ള വ്യക്തി അച്ഛൻ മാത്രം ആയിരുന്നു.

വർഷങ്ങൾ കഴിഞ്ഞിരിക്കുന്നു വിവാഹം കഴിഞ്ഞ്. വിനയൻ പഴയ വിനയൻ അല്ല, സ്നേഹം ഉണ്ട്, മഞ്ജുവിനോടും മകൾ അപ്സരയോടും. പക്ഷെ അതിനേക്കാൾ സ്നേഹം ഇന്നും മദ്യത്തിനോട് തന്നെ. ഒരുപാട് ഉപദേശിച്ചു, കരഞ്ഞു, ഒരു മാറ്റവും ഇല്ലാതെ ആയപ്പോൾ വരുന്നിടത്തു വച്ചു കാണാം എന്ന അവസ്ഥയിൽ എത്തി മഞ്ജു.

കിടപ്പറയിൽ ആണെങ്കിൽ എന്തൊക്കെയോ ചെയ്തു കൂട്ടും വിനയൻ. അഞ്ചു മിനിറ്റ് എല്ലാം ശുഭം.

എല്ലാം അടക്കി ഒതുക്കി പിടിച്ചു മഞ്ജിമ ഇന്നും ഈ വീട്ടിൽ കഴിയുന്നതിൽ പ്രധാന കാരണം തന്റെ അനിയത്തി അഞ്ജുവിനെ ഓർത്താണ്. തന്നെ പോലെ അല്ല, കറുത്തു മെലിഞ്ഞു അധികം ഭംഗി പോലും ഇല്ല അഞ്ജുവിന്. അതും പോരാഞ്ഞു വീട്ടിൽ അഞ്ചു പൈസ എടുക്കാനില്ല.

ഡിഗ്രി പഠിക്കുന്ന അഞ്ജുവിന്റെ ലാസ്റ്റ് രണ്ട് സെമെസ്റ്റർ ഫീസ് കൊടുത്തത് സരസ്വതി ആണ്. അത് കൂടാതെ മഞ്ജുവിന്റെ അച്ഛൻ നെഞ്ച് വേദന വന്നു ആശുപത്രിയിൽ ആയപ്പോളും സരസ്വതി കുറച്ചു കാശ് കൊടുത്തിരുന്നു. അഞ്ജുവിന് ഒരു ആലോചന വന്നാൽ, പറയാൻ മടിക്കേണ്ട എന്നു സരസ്വതി മഞ്ജുവിന്റെ അമ്മയോട് പറഞ്ഞിട്ടുണ്ട്.

മഞ്ജുവിനറിയാം ഇതെല്ലാം താൻ ഇവടെ വേലക്കാരിയെ പോലെ, കള്ളുകിടിയനായ തന്റെ മകനെ നോക്കുന്നതിനുള്ള കൂലി ആയി ആണ് എന്നു.

അപ്സര വളർന്നു വരുന്നതിനനുസരിച്ചു ചിലവുകൾ കൂടി വന്നു. അമ്മയോട് ഓരോരോ കാര്യത്തിനും പൈസ ചോദിക്കുന്നതിനു പറ്റാതായപ്പോൾ ആണ് കുടുംബശ്രീ തിരുവാതിര കളി കൂട്ടത്തിലെ വിമല ചേച്ചി പറഞ്ഞ ജോലി കാര്യത്തെ കുറിച്ച് മഞ്ജിമ ചിന്തിച്ചത്.

രാവിലെ ഒൻപത് മുതൽ വൈകുന്നേരം നാലര അഞ്ചു മണി വരെ. ഫർഹനാ ടൂർസ് ആൻഡ് ട്രാവൽസ് എന്നാണ് കടയുടെ പേര്. നാലഞ്ചു ടൂർ ബസും, ട്രാവലരും ഉള്ള ഫർഹാന ടൂർസ് ആൻഡ് ട്രാവെൽസ് ബുക്കിങ്ങിന് ഉള്ള ഷോപ്പ്.

അവിടെ ആയിരുന്നു വിമല ജോലി ചെയ്യുന്നത്. വിമല ഗൾഫിലേക്ക് പോകുക ആണ് അടുത്ത മാസം, ഭർത്താവിന്റെ അടുത്തേക്ക്. ഫർഹാന മനസിലിൽ നൗഫൽ ആണ് ടൂർസ് ആൻഡ് ട്രാവൽസ് ഓണർ. നൗഫൽ വിമലയുടെ കോളേജ് സീനിയർ ആണ്. അതുകൊണ്ട് തന്നെ വിമല പറഞ്ഞാൽ ആ ജോലി മഞ്ജിമക്ക് കിട്ടും എന്നുറപ്പാണ്.
വിനയനോട് പറഞ്ഞപ്പോൾ മഞ്ജിമ വിചാരിച്ച പോലെ തന്നെ എന്തു ചെയ്താലും കുഴപ്പമില്ല എന്ന നിലപാട് ആണ് വന്നത്.
അച്ഛൻ വഴി അമ്മയോട് കാര്യം പറഞ്ഞവതരിപ്പിച്ചു. വീട്ടിലെ പണി അത് ഇത് എന്നൊക്കെ പറഞ്ഞെങ്കിലും, മഞ്ജിമ നേരിട്ട് വീട്ടിലെ പണികൾക്ക് ഒരു കുറവും ഉണ്ടാവില്ല എന്നു ഉറപ്പിച്ചു പറഞ്ഞപ്പോൾ അവസാനം സരസ്വതി സമ്മതം മൂളി.
ഉടൻ തന്നെ വിമലേച്ചിയോട് കാര്യം വിളിച്ചു പറയുകയും ചെയ്തു മഞ്ജിമ.
പിന്നീടങ്ങോട്ട് 4 മണിക്കായി മഞ്ജിമയുടെ ഉറക്കം ഉണരൽ. ഏറ്റവും വലിയ ഒരു ഭാഗ്യം എന്നു പറയുന്നത്, അപ്സരയുടെ സ്കൂളിൽ നിന്നു അധികം ദൂരം ഉണ്ടായിരുന്നില്ല മഞ്ജിമയുടെ ജോലി സ്ഥലം എന്നതാണ്.
വീട്ടിലെ എല്ലാ പണിയും കഴിഞ്ഞ്, അപ്സരയോടൊപ്പം നടക്കും വീട്ടിൽ നിന്ന് മഞ്ജിമ. നടന്നു വരുന്ന വഴി ഫർഹാന മൻസിലിൽ കയറി കടയുടെ ചാവി വാങ്ങി 0900 മണിയോടെ കട തുറന്നു അടിച്ചു വാരി, തുടച്ച് സുനിലേട്ടൻ വരാൻ കാത്തിരിക്കും മഞ്ജിമ.സുനിലേട്ടൻ വന്നാൽ അപ്സരയെ കൊണ്ടു പോയി ആക്കും സ്കൂളിൽ. സുനിലേട്ടൻ ആയിരുന്നു കടയിലെ മെയിൻ ജോലിക്കാരൻ. സുനിൽ ആയിരുന്നു മഞ്ജിമക്ക് വേണ്ട ട്രെയിനിങ് കൊടുത്തത്. 32 വയസ്സുള്ള സുനിലേട്ടൻ ഇത് വരെ ആയും കല്യാണം കഴിച്ചിട്ടില്ല. വീട്ടിലെ പ്രാരാബ്ദം തന്നെ കാരണം. മഞ്ജിമയെ കുറിച്ച് എല്ലാം വിമല പോകുന്നതിനു മുൻപ് സുനിലിനോട് പറഞ്ഞിരുന്നു. അതുകൊണ്ട് തന്നെ സുനിൽ എപ്പോളും ചിരിച്ചു വളരെ മയത്തിലെ മഞ്ജിമയോട് സംസാരിച്ചിരുന്നുള്ളു. ഓണർ നൗഫൽ ഇടക്കൊക്കെ വന്നു പോകും കടയിൽ. രാഷ്ട്രീയ പ്രവർത്തനത്തിനിടയിൽ ആണ് ഈ വന്നു പോക്ക്. നൗഫലും വളരെ സൗമ്യമായേ പെരുമാറിയിരുന്നുള്ളൂ മഞ്ജിമയോട്. അപ്സര ക്ലാസ്സ്‌ കഴിഞ്ഞാൽ മഞ്ജിമ കൂട്ടി കൊണ്ട് വരും കൂടെ ഇരുത്തും ജോലി കഴിയുന്ന വരെ.
ആദ്യത്തെ ഒരുമാസം ആകെ മുറുമുറുപ്പ് ഉണ്ടായിരുന്നു മഞ്ജിമയുടെ വീട്ടിൽ. ആ പണി നടന്നില്ല, ഈ പണി നടന്നില്ല. പതുക്കെ പതുക്കെ അതിൽ കുറവ് വന്നു. ആദ്യം കിട്ടിയ സാലറിയുടെ പകുതി മഞ്ജിമ സരശ്വതിക്കു കൊടുക്കുക കൂടെ ചെയ്തത്തോടെ പിന്നെ സംസാരം ഒന്നും കേട്ടില്ല. അതിനു പുറമെ മഞ്ജിമ വീട്ടിൽ ഒരു കുറവും വരാതിരിക്കാൻ പരമാവധി ശ്രമിച്ചു പൊന്നു.

ജോലി കിട്ടി 5 മാസം കഴിഞ്ഞു കാണണം. മഞ്ജിമയുടെ ജന്മ നാട്ടിൽ അമ്പലത്തിലെ ഉത്സവം വന്നെത്തി. എല്ലാ വർഷവും ഒന്ന് രണ്ട് ദിവസം തന്റെ വീട്ടിൽ നിൽക്കാറുണ്ട് ഈ സമയത്ത് മഞ്ജിമ.
പൂരത്തിന്റെ അന്ന് അമ്പലത്തിൽ തൊഴാനും, പറയെടുപ്പും കൂടെ പഞ്ചാവാദ്യവും കാണാൻ ആയി അമ്മയും അഞ്ജുവും അപ്സരയും ആയി മഞ്ജിമ നടക്കുമ്പോൾ ആണ് ജലജ അമ്മായിയെ കാണുന്നത്. അതും വർഷങ്ങൾക്ക് ശേഷം.ശരിക്ക് പറഞ്ഞാൽ കല്യാണത്തിന്റെ അന്ന് കണ്ടതാണ്.
ജലജ മഞ്ജിമയെ ചേർത്ത് നിർത്തി പറഞ്ഞു : എന്തു കോലം ആടീ ഇത്. കളർ ഒക്കെ പോയല്ലോ. മുടി എവടെ?….. കുറെ കുറ്റങ്ങൾ.
റോഡ് സൈഡ് ആണെന്ന് നോക്കാതെ തുടങ്ങി കത്തി അടി ജലജയും, മഞ്ജിമയും, അമ്മ ഉഷയും കൂടി. ഒപ്പം പതിയെ പതിയെ അമ്പലത്തിലേക്ക് നടത്തവും.
ജലജ, മഞ്ജിമ വളരെ റെസ്‌പെക്ട് ചെയ്യുന്ന, ഇഷ്ടപെടുന്ന ഒരുപക്ഷെ അമ്മയ്ക്ക് അത്ര തന്നെ ഇഷ്ടപ്പെടുന്ന സ്ത്രീ ആണ്.
ജലജ കണ്ടാൽ നടി ആനിയുടെ അതെ രൂപം. അതെ കളർ. മഞ്ജിമയുടെ വീട്ടിൽ നിന്നു 100 മീറ്റർ മാറി ആണ് ജലജയുടെ തറവാട് വീട്. ജലജ ജനിച്ചു വളർന്നത് അവിടെ ആണ്.
മഞ്ജിമക്ക് ഓർമ ഉള്ളത് മുതൽ ഇത്രേം തന്റേടം ഉള്ള വേറെ സ്ത്രീയെ കണ്ടിട്ടില്ല. ആരോടും ഉരുളക്ക് ഉപ്പേരി കണക്കിൽ മറുപടി കൊടുക്കുന്ന പ്രകൃതം. എന്തും ബോൾഡ് ആയി നേരിടുന്ന പ്രകൃതം. മഞ്ജിമ കുട്ടികാലം മുതലേ ജലജയെ ആണ് ഐഡൽ ആയി കണ്ടിരുന്നത്.

+6

0