🚀🚀മഞ്ജിമ തുടക്കവും ഒടുക്കവും – 1🚀🚀 1

കുളിയും പ്രഭാത കൃത്യങ്ങളും കഴിഞ്ഞു ഡ്രസ്സ്‌ മാറി മഞ്ജിമ തിരിച്ചു വന്നപ്പോൾ, പറഞ്ഞപോലെ തന്നെ അച്ഛനും അമ്മയും പെങ്ങളും ഒഴിച്ച് ആരും ഉണ്ടായിരുന്നില്ല വീട്ടിൽ..

മഞ്ജിമ അപ്സരയെ റൂമിൽ ഇരുത്തി, ഹാളിൽ എത്തി. അമ്മയുടെ ഫോൺ എടുത്തു നോക്കി. സരസ്വതി അമ്മ എന്ന നമ്പറുമായി അര മണിക്കൂർ അധികം സംസാരിച്ചിട്ടുണ്ട് രാവിലെ തന്നെ തന്റെ അമ്മ. ഫോൺ താഴെ വച്ചു, മഞ്ജിമ തന്റെ ഫോൺ എടുത്തു നീട്ടി ഗാലറി തുറന്നു തന്റെ പെങ്ങൾക്ക് കൊടുത്തു പറഞ്ഞു : ഈ ഫോൾഡറിൽ ഉള്ളത് എല്ലാം നിങ്ങൾ കേൾക്കേം വേണം, കാണുകയും വേണം. ഞാൻ അപ്പോഴേക്കും അപ്സരക്ക് ഭക്ഷണം കൊടുത്തു വരാം. അപ്സരയെ അടുക്കള പുറത്തു ഇരുത്തി കൊഞ്ചിച്ചു പതിയെ ഭക്ഷണം കൊടുത്തു കഴിഞ്ഞു പതിയെ സമയം എടുത്തു മഞ്ജിമ തിരിച്ചു ഹാളിൽ എത്തി.

മഞ്ജിമ ഹാളിൽ കണ്ടത് തേങ്ങി തേങ്ങി കരയുന്ന തന്റെ അമ്മയെയും പെങ്ങളെയും ആണ്. അച്ഛൻ വീടിനു പുറത്തു എങ്ങോട്ടോ നോക്കി പുകച്ചു നിന്ന നിൽപ്പിൽ നിൽക്കുന്നതാണ്. സ്വന്തം മകളുടെ കഷ്ടപ്പാട്, ഭർതൃ വീട്ടുകാരുടെ കുത്തി നോവിക്കൽ, ഭർത്താവിന്റെ പീഡനം എല്ലാം മഞ്ജിമ ഫോണിൽ ഇത്രയും ദിവസം ഒപ്പിയെടുത്തത് മുഴുവപ്പിക്കാൻ ആയില്ല ആ വീട്ടിലുള്ളവർക്ക്.

തന്നെ കണ്ടതും കൂടുതൽ തേങ്ങി തേങ്ങി കരഞ്ഞു രണ്ട് പേരും. മഞ്ജിമ അവരോട് ഒന്നും പറയാതെ പുറത്തിറങ്ങി തന്റെ അച്ഛന്റെ അടുത്തത്തി. തന്റെ മകളെ ഒന്ന് മുഖം തിരിച്ചു നോക്കി വീണ്ടും നിന്ന നിൽപ്പിൽ തന്നെ നിന്നു അച്ഛൻ സദാഷിവൻ. അച്ഛന്റെ കണ്ണുകൾ നിറഞ്ഞിരുന്നത് മഞ്ജിമ കണ്ടു. മഞ്ജിമ തന്റെ അച്ഛനോട് പറഞ്ഞു : അച്ഛാ, കുട്ടികാലം മുതൽ ഞാൻ കേട്ടിട്ടുണ്ട്, ഞാൻ അച്ഛന്റെ മകൾ അല്ല എന്ന്. എനിക്കും അറിയാവുന്ന ഒരു സത്യം ആണ്. പക്ഷെ അച്ഛൻ എന്നെ ഇന്നുവരെ ഒരു കാര്യത്തിലും വേദനിപ്പിച്ചിട്ടില്ല. ഒരു കുറവും എന്റെ കാര്യങ്ങളിൽ ഉണ്ടാക്കിയിട്ടില്ല.എന്റെ മനസ്സിൽ അച്ഛൻ തന്നെ ആണ് എന്റെ അച്ഛൻ. മഞ്ജിമയുടെ പറച്ചിൽ കേട്ടു നിറ കണ്ണുകളോടെ സാദാഷിവൻ മഞ്ജിമയെ നോക്കി. മഞ്ജിമ തുടർന്നു : ഇനി ഞാൻ അങ്ങോട്ട്‌ പോയാൽ, ചിലപ്പോൾ അത് എന്നെ എത്തിക്കുക ഒരു സാരി തുമ്പിൽ ആകും. ഞാൻ എങ്ങിനെയെങ്കിലും ജീവിച്ചു കൊണ്ട്, എന്നെ കൊണ്ട് ഒരു ശല്യവും ഉണ്ടാവില്ല. മഞ്ജിമയുടെ പറച്ചിൽ കേട്ടു കിടുങ്ങി പോയിരുന്നു സാദാഷിവൻ. മഞ്ജിമയുടെ പറച്ചിൽ അവസാനിച്ചതും മഞ്ജിമയെ ചേർത്ത് കെട്ടിപിടിച്ചു സാദാഷിവൻ നിറ കണ്ണുകളോടെ പറഞ്ഞു : എന്റെ മോളാണ് നീ, എവിടെയും പോവണ്ട. ഉള്ളോണ്ട് ജീവിക്കാം നമുക്ക്…….

ഒരാഴ്ച കടന്നു പോയി, മധ്യസ്ഥത പറഞ്ഞു വന്ന വിനയന്റെ കുടുംബക്കാരെ ആട്ടി ഓടിക്കാൻ മുന്നിൽ നിന്നത് അമ്മ ഉഷ ആയിരുന്നു ഈ വട്ടം. ഇനി ഇങ്ങോട്ട് വന്നാൽ വെട്ടു കത്തി എടുക്കും എന്നുള്ള വാണിംഗും ഉണ്ടാർന്നു കൂടെ.

ഒരാഴ്ച കൂടെ നീട്ടി മഞ്ജിമ ലീവ്. അതിൽ ചെയ്ത പ്രധാന കാര്യം മകളുടെ സ്കൂൾ മാറ്റുക എന്നതായിരുന്നു. കടയിലേക്ക് വെറും നടക്കാൻ മാത്രം ഉണ്ടായിരുന്ന ദൂരം ഇന്ന് അത് 12 കിലോമീറ്റർ ആയി എന്നതൊഴിച്ചാൽ യാതൊരു ബുദ്ധിമുട്ടും മഞ്ജിമക്ക് അനുഭവപ്പെട്ടില്ല. വെളുപ്പിന് 4 മണിക്ക് എഴുന്നേറ്റിരുന്ന മഞ്ജിമക്ക് ഇന്നതിന്റെ ആവശ്യം ഇല്ല. സ്വന്തം ഇഷ്ട പ്രകാരം ആണ് കടയിലേക്കുള്ള വരവും പോക്കും.

നൗഫലിന്റെ ഒപ്പം ഗസ്റ്റ്‌ ഹൗസിലേക്ക് ആണ് പോകുന്നത് എങ്കിൽ അന്നത്തെ ദിവസം കട കാണണ്ട ആവശ്യം പോലും ഇല്ലാതായി തീർന്നു.

മര്യാദക്ക് വന്നു എല്ലാ പണിയും എടുത്തു കൊണ്ടിരുന്ന മഞ്ജിമയെ നൗഫലിന് ഇട്ട് കൊടുത്തു സ്വയം പണി വാങ്ങിയതാണ് എന്ന് നന്നായി അറിയാവുന്ന സുനിലിന് മിണ്ടാതെ നോക്ക് കുത്തി ആയി ഇരിക്കാൻ മാത്രമേ കഴിഞ്ഞുള്ളു.

പഴകിയ ചുരിദാർ ഇട്ടു എണ്ണ തേച്ചു നാടൻ കുട്ടിയെ പോലെ നടന്നിരുന്ന മഞ്ജിമ താൻ അറിഞ്ഞു കൊണ്ട് തന്നെ പല പരിഷ്കാരങ്ങളും നടത്തി. പുതിയ ഫാഷൻ ഡിസൈനർ ചുരിദാറുകളും, മുടിയിൽ വരുത്തിയ മാറ്റങ്ങളും മുഖത്തെ മേക്കപ്പും, ചുണ്ടിലെ ലിപ് ഗ്‌ളൈസും സ്കിൻ ഫിറ്റ്‌ ലെഗ്ഗിങ്‌സും എല്ലാം ഉപയോഗിച്ച് തുടങ്ങി.