🚀🚀മഞ്ജിമ തുടക്കവും ഒടുക്കവും – 1🚀🚀

മഞ്ജിമയുടെ മൂഡ് ശരിയല്ല എന്നറിഞ്ഞു കൊണ്ട് തന്നെ അധികം വൈകിപ്പിക്കാതെ നൗഫൽ മഞ്ജിമയെയും കൂട്ടി ഗസ്റ്റ്‌ ഹൌസിൽ നിന്നും തിരിച്ചു.

കാറിൽ നിന്നും ഇറക്കി വിടുന്ന സമയം നൗഫൽ പറഞ്ഞു : ഞാൻ പറഞ്ഞത് കേട്ടു തെറ്റി ധരിക്കണ്ട, ചോദിക്കാൻ പറഞ്ഞു ചോദിച്ചു. അത് വിട്ടേക്ക്…. നൗഫലിന് മറുപടി കൊടുക്കാൻ മഞ്ജിമക്ക് കഴിഞ്ഞില്ല ഒന്നും….

വീട്ടിൽ നേരത്തെ എത്തി, മകളെ പഠിപ്പിക്കുമ്പോൾ അടക്കം നൗഫലിന്റെ വാചകങ്ങൾ ആണ് മനസ്സിൽ ഉരുണ്ട് കളിച്ചതു. ഒരു പാട് ദേഷ്യം ആണ് മഞ്ജിമക്ക് മനസ്സിൽ തോന്നിയത്.

ഒരുവിധം എല്ലാം പതിയെ മറന്ന് ഭക്ഷണം കഴിക്കാൻ പോകുന്നതിനു മുൻപാണ് മഞ്ജിമയുടെ ഫോണിലേക്ക് നൗഫലിന്റെ മെസ്സേജ് വന്നത്. സോറി പറയാൻ ആകും എന്നു പ്രതീക്ഷിച്ച മഞ്ജിമയോട് നൗഫൽ സോറി പറഞ്ഞു, പക്ഷെ വേറെ ഒരു കാര്യത്തിനായിരുന്നു. നൗഫൽ : ആബിദ് വിളിച്ചിരുന്നു. അവനു മഞ്ജുവിന്റെ നമ്പർ വേണം പറഞ്ഞു. നിവർത്തി ഇല്ലാതെ ഞാൻ കൊടുത്തിട്ടുണ്ട്. സോറി. വിളിക്കുകയോ മെസ്സേജ് ചെയ്യുകയോ ചെയ്താൽ മൈൻഡ് ചെയ്യണ്ട.

നൗഫലുമായി ആദ്യം മുതലേ ഉള്ള അണ്ടർസ്റ്റാൻഡിങ് പ്രകാരം മഞ്ജിമ അങ്ങോട്ട്‌ മെസ്സേജ് അയക്കാനോ വിളിക്കാനോ പോയില്ല.

ഭക്ഷണ സമയത്ത് മഞ്ജിമയുടെ കടന്നൽ കുത്തിയ പോലെ ഉള്ള മുഖം അമ്മ ഉഷ ശ്രദ്ധിച്ചു. ഉഷ ചോദിച്ചു : എന്തുപറ്റി മോളെ? മുഖം വല്ലാണ്ട് ഇരിക്കുന്നു?. മഞ്ജിമ മറുപടിയായി പറഞ്ഞു : ജോലീടെ കുറച്ച് കാര്യങ്ങൾ ആണ് അമ്മേ… അനിയത്തി അഞ്ചു : എന്താ ചേച്ചി, അത്രക്കും ടെൻഷൻ ഉള്ള ജോലി ആണോ അവിടെ അതിനു. മഞ്ജിമ : ചിലപ്പോഴൊക്കെ.. അച്ഛൻ സധാശിവൻ : അതൊന്നും കാര്യം ആക്കണ്ട മോൾ, എന്ത് ജോലിയിലാ ടെൻഷൻ ഇല്ലാത്തെ.

അതെ സമയം ആണ് മഞ്ജിമയുടെ ഫോൺ എടുത്തു കളിക്കുക ആയിരുന്ന മകൾ അപ്സര ഫോണും കൊണ്ട് വന്നത് : അമ്മേ, ആരോ വിളിക്കുന്നു. മഞ്ജിമ ഫോണെടുത്തു നോക്കി, പരിചയം ഇല്ലാത്ത നമ്പർ, ഫോൺ എടുത്തു ചെവിയിൽ വച്ചു ഹെലോ പറഞ്ഞു… മറുപുറത്തു : ഹെലോ, ഞാൻ ആബിദ് ആണ്. സംസാരിക്കാൻ പറ്റുമോ. മഞ്ജിമക്ക് ഷോക്ക് ഏറ്റ പോലെ ആണ് തോന്നിയത്. മഞ്ജിമ പുറത്തു കാണിക്കാതെ പറഞ്ഞു : ഞാൻ ഭക്ഷണം കഴിക്കാണ്. വിളിക്കാം. ഇത്രയും പറഞ്ഞു ഫോൺ കട്ട്‌ ചെയ്തു. ഉഷ : ആരാ മോളെ?.. നൗഫലിനെ പറയാനേ മഞ്ജിമക്ക് കഴിഞ്ഞുള്ളു : മുതലാളി. ഉഷ : എന്തെ, എന്തേലും പ്രശ്നവും ഉണ്ടോ?. പതിവില്ലാത്തതു ആണല്ലോ?.. മഞ്ജിമ : പറഞ്ഞാൽ അമ്മക്ക് മനസ്സിലാവില്ല അമ്മേ. ഇത്തിരി ദേഷ്യത്തോടെ ആണ് മഞ്ജിമ പറഞ്ഞത്. ഉഷ : നീയെന്തിനാ എന്നോട് ദേഷ്യ പെടണത്. ഈ ദേഷ്യം മുതലാളിയോട് കാണിക്കണ്ടാട്ടൊ. സദാശിവൻ : അത് ശരിയാ, ഇത്രയും നല്ല ജോലി എവിടുന്നു കിട്ടാനാ.. മഞ്ജിമ ഒന്ന് മൂളുക മാത്രം ചെയ്തു : മ്മ്മ്…..

സമയം രാത്രി പത്തര കഴിഞ്ഞു. അപ്സരയെ ഉറക്കി എങ്കിലും മഞ്ജിമക്ക് ഉറക്കം വന്നില്ല. കാലങ്ങൾക്ക് ശേഷം ഉറക്കമില്ലാത്ത ഒരു രാത്രി. തിരിഞ്ഞും മറിഞ്ഞും കിടന്നു മഞ്ജിമ. നൗഫലിനോടാണ് ദേഷ്യം. നമ്പർ കൊടുത്തതിനു. ചിന്തകളിൽ മുഴുകി നിൽക്കുമ്പോൾ ആണ് വാട്സ്ആപ് മെസ്സേജ് വരുന്നത് : ആബിദ് ആണ്.. ആബിദ് : പറയുന്നത് മുഴുവനായി ഒന്ന് കേൾക്കാമോ?… മഞ്ജിമക്ക് എന്ത് റിപ്ലേ കൊടുക്കണം എന്നറിയില്ലായിരുന്നു. കയ്യും കാലും തരിക്കുന്ന ഒരു ഫീൽ. ആബിദ് : അവിടെ ഉണ്ടോ, ഞാൻ ഒരു ശല്യക്കാരൻ അല്ല, നമ്മൾ പലപ്പോഴും പല സ്ഥലങ്ങളിലും കണ്ടിട്ടുള്ളതല്ലേ. ഞാൻ ഒരു രീതിയിലും നോട്ടം കൊണ്ട് പോലും ഉപദ്രവിക്കുകയോ, ശല്യ പെടുത്തുകയോ ചെയ്തിട്ടില്ലല്ലോ… മെസ്സേജ് വായിച്ചു മഞ്ജിമ പഴയത് ഒക്കെ ഓർത്തു. ശരിയാണ്. ഒരു ശല്യവും ചെയ്തിട്ടില്ല. താൻ അപ്രത്യക്ഷ ആണ് എന്ന രീതിയിലെ ഇതു വരെ പെരുമാറിയിട്ടുള്ളൂ ആബിദ്. മഞ്ജിമ ടൈപ്പ് ചെയ്തു :എന്താ പറയാൻ ഉള്ളത്, പറയൂ… ആബിദ് : ഫോണിലൂടെ പറയാൻ പറ്റില്ല മുഴുവനായി. നാളെ ഒന്ന് നേരിൽ കാണാൻ പറ്റുമോ. മഞ്ജിമ : എനിക്ക് ജോലി ഉണ്ട്…. ആബിദ് : ഞാൻ നൗഫലിനോട് പറഞ്ഞോളാം. പിന്നെ ഒരു പേടിയും പേടിക്കണ്ട. എന്നെ കുറിച്ച് നൗഫൽ പറഞ്ഞു കാണും. ഞാൻ ഒരു രീതിയിലും ഒരു പ്രശ്നവും ഉണ്ടാക്കില്ല. മഞ്ജിമക്ക് എന്താ പറയേണ്ടത് എന്നു അറിയില്ലായിരുന്നു. എന്ത് റിപ്ലേ കൊടുക്കണം എന്നറിയാതെ കുഴങ്ങി നിൽക്കുമ്പോൾ വീണ്ടും മെസ്സേജ് വന്നു. ആബിദ് : നാളെ 10 മണി കഴിഞ്ഞ് xxxx ഹോട്ടൽ റീസെപ്ഷനിൽ വന്നു എന്റെ പേര് പറഞ്ഞാൽ മതി. നമുക്ക് എന്റെ ഓഫീസിൽ ഇരുന്നു സംസാരിക്കാം. അപ്പോൾ ഗുഡ്‌നൈറ്റ്.

ഇത്രയും പറഞ്ഞു ആബിദ് ഓഫ്‌ലൈൻ ആയി. മഞ്ജിമക്ക് എത്ര ആലോചിച്ചും ഒരു എത്തും പിടിയും കിട്ടിയില്ല. പറ്റില്ല പറഞ്ഞാൽ മതിയാരുന്നു. അതിനും പറ്റിയില്ല. എന്തൊക്കെയോ ആലോചിച്ചു കൂട്ടി അവസാനം മഞ്ജിമ ഉറങ്ങി പോയി.

രാവിലെ എഴുന്നേറ്റ് മഞ്ജിമ തീരുമാനിച്ചു, ആബിദിനെ കാണുന്നില്ല എന്നു. കുളിച്ചൊരുങ്ങി നിൽക്കുമ്പോൾ കടയിലേക്ക് ഇറങ്ങാൻ നിൽക്കുമ്പോൾ ആണ് ഫോണിൽ മെസ്സേജ് ആബിദിന്റെ : നൗഫലിനോട് പറഞ്ഞിട്ടുണ്ട്. പത്തു മണിക്ക് ശേഷം എപ്പോഴായാലും വരാം. വെയിറ്റ് ചെയ്യും….

മഞ്ജിമയുടെ കണക്കു കൂട്ടലുകൾ തകിടം മറിഞ്ഞു. കുറച്ച് നേരം ഇരുന്ന് ചിന്തിച്ചു തീരുമാനിച്ചു ” പോയി കണ്ടോണ്ട് ഒന്നും സംഭവിക്കാൻ പോകുന്നില്ല. സംസാരിച്ചോണ്ട് എന്ത് സംഭവിക്കാൻ ആണ് “…. മഞ്ജിമ സ്കൂട്ടി എടുത്തു. സിറ്റിയിലെ പേര് കേട്ട എത്രയോ നിലകൾ ഉള്ള 4 സ്റ്റാർ ഹോട്ടലിന് മുന്നിൽ ചെന്നു സ്കൂട്ടി നിർത്തി. വണ്ടി പാർക്ക്‌ ചെയ്തു റീസെപ്ഷനിൽ എത്തിയപ്പോൾ യൂണിഫോം പോലുള്ള സാരീ ധരിച്ചു നല്ല ഭംഗി ഉള്ള സ്ത്രീകൾ ആയിരുന്നു ഉണ്ടായിരുന്നത്. അതിലെ ഒരു സ്ത്രീ : വെൽകം ടു xxxxxx…. ഹൌ മെയ്‌ ഐ ഹെല്പ് യൂ മാഡം……??.. മഞ്ജിമക്ക് ആകെ വന്നത് : ആബിദ്….. പിന്നിൽ ആയി വേറൊരു പുരുഷൻ കൂടെ ഉണ്ടായിരുന്നു. ടൈ കെട്ടി കോട്ട് ഇട്ട്… അയാൾ : ഞാൻ, വിനേഷ്.. സർ പറഞ്ഞിരുന്നു. സാർ ഓഫീസിൽ ഉണ്ട്. വരൂ…..

കൂടെ ഉള്ള സ്ത്രീകളോട് എന്തൊക്കെയോ ഇൻസ്‌ട്രുക്ഷൻ ഇംഗ്ലീഷിൽ കൊടുത്തു അയാൾ മുന്നിൽ നടന്നു. ഒന്ന് പകച്ചു നിന്ന മഞ്ഞിമയോട് അയാൾ തിരിഞ്ഞു ചിരിച്ചു പറഞ്ഞു : പ്ലീസ്‌, വരൂ മാഡം…. മഞ്ജിമ യന്ത്രികമായി അയാളുടെ പിറകെ നടന്നു നടന്നു ഗ്രൗണ്ട് ഫ്ലോറിൽ തന്നെ ഉള്ള എംഡി ഓഫീസ് എന്നു ഇംഗ്ലീഷിൽ എഴുതിയ ബോർഡ് ഉള്ള വാതിലിൽ രണ്ട് തട്ട് തട്ടി മയത്തിൽ അയാൾ പറഞ്ഞു : മെയ്‌ ഐ കം ഇൻ സർ… ആബിദിന്റെ ശബ്ദം കേട്ടു മഞ്ജിമ : യാ, കം ഇൻ… വാതിൽ പകുതി തുറന്നു വിനേഷ് പറഞ്ഞു : സർ, യുവർ ഗസ്റ്റ് ഹാസ് അറിവേഡ്… വിനേഷ് വാതിൽ മുഴുവനായി തുറന്നു പിടിച്ചു മഞ്ജിമക്ക് ഉള്ളിലേക്കുള്ള വഴി കാണിച്ചു. മഞ്ജിമ പതിയെ പതിയെ ഉള്ളിലേക്ക് നടന്നു. പിന്നിൽ നിന്നും വിനേഷ് വാതിൽ അടച്ചു.

+6

0