Kambi Kadha – Aani Teacher Part 10 | Author : Amal Srk | Previous Part
ഒറ്റപ്പെട്ട കുന്നിൻ ചെരുവിൽ വിഷാദ മനസ്സോടെ ഇരിക്കുകയാണ് പാപ്പി. ഈ സമയം കുട്ടാപ്പി ഓടിക്കിതച്ച് അവിടെ എത്തി.
” ആഹാ.. ഇച്ചായൻ ഇവിടെ വന്ന് ഇരിക്കുകയാണോ..? ഈ കണ്ട നേരമത്രയും എവിടെയെല്ലാം തിരഞ്ഞു.”
കുട്ടാപ്പി കിതപ്പ് മാറാതെ പറഞ്ഞു.
പറഞ്ഞതൊന്നും കേൾക്കാത്ത മട്ടിൽ വിദൂരതയിലേക്ക് നോക്കി ഇരിക്കുകയാണ് പാപ്പി.
” എന്നാ പറ്റി പാപ്പിച്ചാ നിങ്ങളുടെ മുഖത്ത് ഒരു സന്തോഷം ഇല്ലാത്തേ ? ”
അവൻ ചോദിച്ചു.
” ഒന്നുമില്ലെടാ.. ”
പാപ്പി നിരാശ ഭാവത്തിൽ പറഞ്ഞു.
” പിന്നെന്തിനാ ഒറ്റക്ക് ഇവിടെ വന്ന് ഇരിക്കുന്നെ..? ”
” വീട്ടിൽ ഇരുന്നിട്ട് ഒരു സ്വസ്ഥതയും ഇല്ല.. ”
” എന്നാ വാ നല്ല സ്വസ്ഥത കിട്ടുന്ന സ്ഥലം ഞാൻ കാണിച്ചു തരാം. ”
” എവിടെ ..? ”
” BAR ”
കുട്ടാപ്പി ആവേശത്തോടെ പറഞ്ഞു.
അവന്റെ സംസാരം പാപ്പിക്ക് തീരെ പിടിച്ചില്ല : നീ മനുഷ്യന്റെ സമാധാനം കളയാതെ പോവാൻ നോക്ക്. ഞാൻ ഇവിടെ കുറച്ചുനേരം ഒറ്റയ്ക്ക് ഇരുന്നോട്ടെ…
” ഞാൻ പോയേക്കാം… അമ്മച്ചി കൂട്ടിക്കൊണ്ടു ചെല്ലാൻ പറഞ്ഞു അതാ വന്നത്.. ”
” നീ ആദ്യം ഇവിടെ നിന്ന് പോ… അമ്മച്ചിയെ ഞാൻ കണ്ടോളാം.. ”
പാപ്പി അവനെ പറഞ്ഞയച്ചു.
നേരം വളരെ ഇരുട്ടിയപ്പോഴാണ് പാപ്പി വീട്ടിലേക്ക് ചെന്നത്. പാപ്പി വരുന്നതും കാത്ത് പുറത്ത് മുഖം വീർപ്പിച്ച് ഇരിക്കുകയാണ് അപ്പച്ചൻ മത്തായിയും,അമ്മച്ചി മറിയയും.
” നീ ഇത്രയും സമയം എവിടെയായിരുന്നു..? ”
മറിയ ചോദിച്ചു.
” ഞാൻ ആ കുന്നിന്റെ മേളിൽ ഉണ്ടായിരുന്നു… “
പാപ്പി മറുപടി നൽകി.
” നിനക്ക് ഈ സമയത്ത് അവിടെ എന്താണ് പണി..? ”
മത്തായി സംശയത്തോടെ ചോദിച്ചു.
” അവിടെ പ്രത്യേകിച്ച് പണിയൊന്നുമില്ല.. ”
” പിന്നെ എന്തിനാടാ ഈ സമയത്ത് നീ അവിടെ പോയി ഇരുന്നത്..? ”
മറിയ ദേഷ്യപ്പെട്ടു.
” രണ്ടുപേരും ഒന്നും മിണ്ടാതിരുന്നേ… മനുഷ്യന് കുറച്ച് സ്വസ്ഥത താ.. ”
പാപ്പി ദേഷ്യത്തോടെ പറഞ്ഞു.
” അകത്ത് നിന്റെ ഭാര്യ ഗർഭിണിയാ.. ഈ സമയത്ത് ഭാര്യടെ ഒപ്പം ഉണ്ടാവേണ്ട നീ വല്ല സ്ഥലത്തും പോയി കൂത്താടുവാ.. തോന്നിവാസി… നിന്നെ പറഞ്ഞിട്ട് കാര്യമില്ല നിന്റെ അപ്പനെ കണ്ടല്ലേ പഠിക്കണത്. മത്തൻ കുത്തിയാൽ കുമ്പളം മുളക്കില്ലല്ലോ.. ”
മറിയ മത്തായിയെ നോക്കികൊണ്ട് പറഞ്ഞു.
” നീ എന്തിനാടി വെറുതെയിരിക്കുന്ന എന്റെ മെക്കിട്ട് കേറുന്നേ… ”
മത്തായി പറഞ്ഞു.
” അപ്പനും കണക്കാ,മോനും കണക്കാ.. നശൂലങ്ങൾ… ”
മറിയ ദേഷ്യത്തോടെ മുരണ്ടു കൊണ്ട് അകത്തേക്ക് പോയി.
” നാട്ടിലും സ്വസ്ഥതയില്ല, ഇപ്പോ വീട്ടിലും സ്വസ്ഥതയില്ല… ”
പാപ്പി മനോ വിഷമത്തോടെ പറഞ്ഞു.
” ഇവിടെ കിടന്ന് വാചകമടിക്കാതെ അകത്തേക്ക് ചെല്ലാൻ നോക്ക്. ”
” അകത്ത് ചെന്നിട്ട് എന്തിനാ ? ”
പാപ്പി ചോദിച്ചു.
” അകത്ത് നിന്റെ ആനി കാത്തിരിക്കുന്നുണ്ടാകും… ”
മത്തായി ചെറിയ നാണത്തോടെ പറഞ്ഞു.
” എന്നെ അവള് കാത്തിരിക്കുവാണെന്ന് അപ്പച്ചനോട് പറഞ്ഞോ..? ”
” എന്നോട് പറഞ്ഞില്ല, പക്ഷേ ഞാൻ ഊഹിച്ചു.. ”
മത്തായി കളിയാക്കി ചിരിച്ചു കൊണ്ട് പറഞ്ഞു.
” അവൾടെ കാത്തിരിപ്പ് ഞാൻ ഇന്നത്തോടെ തീർക്കും… ”
പാപ്പി ദേഷ്യത്തോടെ അകത്തേക്ക് ചെന്നു.
” ഇവനിത് എന്നാ പറ്റി..? ”
പാപ്പിയുടെ സംസാരം കേട്ട് മത്തായി സംശയത്തോടെ ചിന്തിച്ചു.
പാപ്പി മുറിയിലേക്ക് ചെന്നു. ബെഡിൽ ഇരുന്ന് എന്താ കാര്യമായ ചിന്തായിലാണ് ആനി. അവളെ കണ്ടതും പാപ്പിക്ക് ദേഷ്യം ഇരച്ചു കയറി. മുഷ്ടി ചുരുട്ടികൊണ്ട് കതക് ശക്തിൽ അടച്ചു.
ഡോർ ഉച്ചത്തിൽ അടഞ്ഞപ്പോൾ ആനിയുടെ ശ്രദ്ധ തെറ്റി. അല്പം പരിഭ്രാന്തിയോടെ പാപ്പിയെ നോക്കി. ദേഷ്യം കൊണ്ട് ചുവന്നു തുടുത്തിരിക്കുകയാണ് അവന്റെ മുഖം.
” സത്യം പറയെടി കുതിച്ചി.. ആരാ ഇതിന്റെ ഉത്തരവാദി..? ”
ആനിയുടെ വയറിൽ ചൂണ്ടി കൊണ്ട് ചോദിച്ചു.
അവൾ മറുപടിയൊന്നും പറഞ്ഞില്ല. ആനിയുടെ മൗനം അവനെ കൂടുതൽ ദേഷ്യം പിടിപ്പിച്ചു. പല്ല് കടിച്ചു കൊണ്ട് അവൻ വീണ്ടും ചോദിച്ചു.