പാപശൽഭം – 6

[ Shanushinu ]

[ Previous Part ] [ www.kambi.pw ]

ചൂടും തണുപ്പും

അങ്ങനെ ഈ കഥ തുടങ്ങി ആദ്യമായ് ഈ ചാപ്റ്ററിൽ ആണ് കുറച്ചു കമ്പി പാർട്സ് വരുന്നത്… വായിച്ചു അഭിപ്രായം അറിയിക്കുമല്ലോ…

കഥ ഇതുവരെ…

കാനഡയിലെ കൊടുംതണുപ്പിൽ നിന്നും നൈറ്റ് ഷിഫ്റ്റുകളിൽ നിന്നും മാറി, ആകെയുള്ള രണ്ടാഴ്ചത്തെ അവധിക്ക് നാട്ടിലെത്തിയതായിരുന്നു ഷാഹിദ്. നാട്ടിലെത്തിയ ഉടനെ തന്നെ ഉമ്മയും ബന്ധുക്കളും ചേർന്ന് അവനൊരു പെണ്ണുകാണൽ ചടങ്ങ് ഏർപ്പാടാക്കി. ലളിതമായ ചുരിദാറണിഞ്ഞ്, നാണത്താൽ മുഖം കുനിച്ചു നിന്ന ജസ്‌നയെ ആദ്യ കാഴ്ചയിൽ തന്നെ അവന് വല്ലാതെ ബോധിച്ചു. അവളുടെ ആ വലിയ കണ്ണുകളും നിഷ്കളങ്കതയും ഷാഹിദിന്റെ മനസ്സിൽ ആഴത്തിൽ പതിയുകയായിരുന്നു.

(ഇനി തുടർന്നുള്ള അധ്യായത്തിലേക്ക്…)

പെണ്ണുകാണൽ ചടങ്ങ് കഴിഞ്ഞതിന് ശേഷമുള്ള ആ ദിവസങ്ങൾ ഷാഹിദിനെ സംബന്ധിച്ച് വല്ലാത്തൊരു നെട്ടോട്ടത്തിന്റേതായിരുന്നു. കാനഡയിൽ നിന്ന് ആകെയുള്ളത് രണ്ടാഴ്ചത്തെ ലീവാണ്. അതിനുള്ളിൽ നിശ്ചയം ഗംഭീരമായി നടത്തണം, അടുത്ത ബന്ധുക്കളെ പോയി കാണണം, നിശ്ചയത്തിനും മറ്റുമുള്ള ആവശ്യങ്ങൾക്ക് വേണ്ട പർച്ചേസിങ്ങുകൾ നടത്തണം. പതിനാല് ദിവസത്തെ അവധി എന്ന് പറയുന്നത് ശരിക്കും പതിനാല് മണിക്കൂർ പോലെ പാറിപ്പോകുന്ന ഒന്നാണ്. ചെറിയ ലീവിന് വരുന്ന പ്രവാസികൾക്ക് മാത്രം മനസ്സിലാവുന്ന ഒരു struggle ആണത്.

ജെറ്റ് ലാഗ് (jet lag) കാരണം രാത്രികളിൽ ഷാഹിദിന് ഉറക്കം ശരിയായിരുന്നില്ല.. അത് ഇങ്ങനെ ഒന്നു രണ്ടു ദിവസം കഴിഞ്ഞപ്പോൾ ശരി ആയി വരുന്നേ ഒള്ളു.. എങ്കിലും രാവിലെ എഴുന്നേൽക്കുമ്പോഴേക്കും മുറ്റത്ത് ആരെയെങ്കിലും കാണാൻ വന്നിട്ടുണ്ടാകും. പിന്നെ അവരോടുള്ള കുശലാന്വേഷണങ്ങൾ, കാനഡയിലെ വിശേഷങ്ങൾ പറച്ചിൽ, ബന്ധുവീടുകളിലേക്കുള്ള ഓട്ടം… അങ്ങനെ വല്ലാത്തൊരു തിരക്കിലായിരുന്നു അവൻ. ഇതിനിടയിലുള്ള ദിവസങ്ങളിൽ കാനഡയിലെ ആ കൊടും തണുപ്പും നൈറ്റ് ഷിഫ്റ്റുകളുമെല്ലാം അവനൊരു

പഴങ്കഥ പോലെ തോന്നിത്തുടങ്ങിയിരുന്നു. വീട്ടിലെ ഉമ്മയുടെ കൈപ്പുണ്യമുള്ള ഭക്ഷണവും, നാട്ടുചൂടും അവനെ പൂർണ്ണമായും ഒരു പഴയ ഷാഹിദാക്കി മാറ്റിയിരുന്നു.

ഇത്രയൊക്കെ തിരക്കുകൾക്കിടയിലും, നാട്ടിലെ കൂട്ടുകാരുടെ നിരന്തരമായ നിർബന്ധം കാരണം അവർക്കൊപ്പം ഒരു ചെറിയ യാത്ര പോവാൻ ഷാഹിദ് സമയം കണ്ടെത്തി. ഷമീറും ഫൈസലും അൻവറും അനീഷും ഷാഹിദും കൂടെ അനീഷിന്റെ കാറിൽ താമരശ്ശേരി ചുരം കയറി വയനാട്ടിലേക്കായിരുന്നു ആ യാത്ര. കാനഡയിലെ ബാച്ചിലർ ലൈഫിൽ ടൊറന്റോയിലെ മാളുകളിലും പബ്ബുകളിലും കൂട്ടുകാരുമായി കറങ്ങിയിരുന്നതിൽ നിന്നും തികച്ചും വ്യത്യസ്തമായിരുന്നു ഈ നാടൻ യാത്ര. ചുരത്തിലെ വളവുകളിൽ വണ്ടി നിർത്തി ചൂടുള്ള പഴംപൊരിയും ചായയും കുടിക്കുമ്പോൾ അവർ പഴയ സ്കൂൾ, കോളേജ് കഥകളിലേക്ക് തിരികെപ്പോയി.

“എന്തായാലും അളിയാ, നീയിപ്പോ കാനഡയിൽ പോയി രക്ഷപ്പെട്ടു. നാട്ടിൽ വന്ന് ഇതാ ഒരു നല്ല പെണ്ണിനെയും സെറ്റ് ആക്കി. ഞങ്ങളുടെ ഒക്കെ കാര്യം എന്താവുമോ എന്തോ…” വയനാട്ടിലെ ഒരു വ്യൂ പോയിന്റിൽ (view point) കാറ്റ് കൊണ്ടിരിക്കുമ്പോൾ ഫൈസൽ ചെറിയൊരു സങ്കടത്തോടെ പറഞ്ഞു.

“എടാ, എല്ലാം ശരിയാവുമെടാ. ഞാൻ അവിടെ പുതിയ ജോലിയിലൊക്കെ ഒന്ന് പച്ചപിടിക്കട്ടെ, എന്നിട്ട് നിങ്ങൾക്ക് വരാൻ പറ്റിയ എന്തെങ്കിലും വഴിയുണ്ടോന്ന് ഞാൻ നോക്കാം,” ഷാഹിദ് സുഹൃത്തുക്കൾക്ക് വലിയൊരു ആത്മവിശ്വാസം നൽകി.

ആ ഒരു ദിവസത്തെ യാത്രയും കൂട്ടുകാരുമായുള്ള സംസാരവും അവന് നല്ലൊരു ഉണർവും നൽകി.

അങ്ങനെ അവസാനം അവൻ കാത്തിരുന്ന ആ വ്യാഴാഴ്ച വന്നെത്തി. കല്യാണ നിശ്ചയം അഥവാ. മലപ്പുറത്തുകാരുടെ ഭാഷയിൽ പറഞ്ഞാൽ ഗംഭീരമായ ഒരു ‘മിഠായി കൊടുക്കൽ’ ചടങ്ങ്. ജസ്‌നയുടെ വീട്ടിൽ അവളുടെ അടുത്ത കുടുംബക്കാരൊക്കെ വന്നു അത്യാവശ്യം വീടിൽ

നിറയെ ആളുണ്ടായിരുന്നു. നിശ്ചയമാണെങ്കിലും മുറ്റത്ത് വലിയൊരു പന്തൽ തന്നെ ഇട്ടിട്ടുണ്ട്. കാറിൽ നിന്നിറങ്ങുമ്പോൾ തന്നെ അടുക്കള ഭാഗത്ത് നിന്ന് ഭക്ഷണത്തിൻ്റെ കൊതിയൂറുന്ന മണം വരുന്നുണ്ടായിരുന്നു. ഷാഹിദിന്റെ കുടുംബത്തിൽ നിന്നും അടുത്ത ബന്ധുക്കളും ഒക്കെ ആയി പത്തിരുപതു പേരുടെ ഒരു സംഘം ആയിട്ടാണ് അവര് അങ്ങോട്ടേക്ക് പോയത്.