💞ആയിരം കണ്ണുമായി – 5 20അടിപൊളി 

“ഉം ഒക്കെ ഇതാ മോളെ…”

 

ഇത്രയും പറഞ്ഞു ശ്രുതി ആ കുട്ടിക്ക് മാങ്ങ കൊടുത്തു

 

ശ്രുതി : അപ്പോൾ നമ്മൾ എന്താ പറഞ്ഞു വന്നത്

 

അഖിൽ : ഒന്നുമില്ല…. ഞാൻ എന്താടി നിന്റെ വേലക്കാരനാണോ കവറ് പിടിക്കാൻ പോലും

 

ശ്രുതി : അതെ കൂട്ടുകാരായാൽ അല്പം ഹെല്പ് ഒക്കെ ചെയ്യണം

 

അഖിൽ : കൂട്ടുകാരോ… എപ്പോൾ മുതൽ

 

ശ്രുതി :അത്… പിന്നെ… ഞാൻ ചിന്തിച്ചപ്പോൾ നമ്മൾ കൂട്ടുകാരായാൽ കൊള്ളാമായിരിക്കും എന്ന് തോന്നി

 

അഖിൽ : നീ പോയേ… അവളുടെ ഒരു തോന്നൽ

 

ശ്രുതി : എന്താ കുഴപ്പം..നിനക്കിപ്പോൾ കൂട്ടുകാർ ഒന്നും ഇല്ലല്ലോ അപ്പോൾ പിന്നെ… എന്താന്ന് വച്ചാൽ

 

അഖിൽ : എന്താടി കിടന്ന് ഉരുളുന്നെ

 

ശ്രുതി : നിന്നോട് സംസാരിക്കാനും മറ്റും ആരുമില്ല എന്നല്ലേ പറഞ്ഞെ… അതുകൊണ്ടല്ലേ കോളേജ് നിർത്താൻ പോകുന്നെ…നമ്മൾ കൂട്ടായാൽ ആ പ്രശ്നം തീരുമല്ലോ… ഞാൻ പറഞ്ഞ തക്കാളിയുടെ കാര്യം ഓർമ്മയില്ലേ… നിനക്ക് നല്ല തക്കാളി കിട്ടുന്നില്ല എന്നല്ലേ പറഞ്ഞെ ഇപ്പോൾ ഞാൻ ഉണ്ടല്ലോ

 

അഖിൽ : നീയാണോ നല്ല തക്കാളി

 

ശ്രുതി : അല്ലാതെ പിന്നെ… ക്ലാസ്സ്‌ ഫസ്റ്റ്… ക്ലാസ്സ്‌ പ്രസിഡന്റ്‌, പാട്ടുകാരി, കഠിനാധ്വാനി

 

അഖിൽ : മതി മതി…

 

ശ്രുതി : എന്ത് മതി ഇനിയും കുറേ ഉണ്ട്

 

അഖിൽ : എനിക്ക് കേൾക്കണ്ടേ… പിന്നെ പെണ്ണുങ്ങളുടെ ഫ്രണ്ട്ഷിപ്പും എനിക്ക് വേണ്ട

 

ശ്രുതി : എന്താ പെണ്ണുങ്ങൾ നിന്നെ പിടിച്ചു കടിച്ചോ… പെണ്ണുങ്ങളെ വേണ്ടാത്ത രീതിയിലൊക്കെ നോക്കാൻ അറിയാലോ

 

അഖിൽ : ടി.. നീ…

 

ശ്രുതി : സത്യമല്ല അന്ന് ഞാൻ കണ്ടതാ…

 

അഖിൽ : അതെ അങ്ങനെ തന്നെയാ… അങ്ങനെയുള്ള ഞാനുമായി നിനക്ക് ഫ്രണ്ട്ഷിപ്പ് വേണോ

 

ശ്രുതി : ശെരി… ഇനി ഞാൻ നിർബന്ധിക്കുന്നില്ല…നീ കോളേജ് നിർത്തിക്കോ.. പക്ഷെ എനിക്ക് കടം തീർക്കണം കട അടക്കുന്നത് വരെ ഇവിടെ ഇരിക്ക് നിന്റെ കാശ് തന്ന് വിട്ടേക്കാം അതെങ്കിലും ചെയ്യ്

 

അഖിൽ : കോപ്പ് ഇത് വലിയ… ശരി ഞാൻ പൈസ വാങ്ങിയിട്ട് പൊക്കൊളാം

 

അഖിൽ അവിടെ തന്നെ ഇരുന്നു കടയിലേക്ക് വീണ്ടും ആളുകൾ വന്നുകൊണ്ടിരിരുന്നു ശ്രുതി കപ്പലണ്ടിയും മറ്റും വിറ്റുകൊണ്ടുമിരുന്നു

 

ശ്രുതി : കപ്പലണ്ടി കഴിയാറായി… വേറെ വറുക്കണം ആ കവർ ഇങ്ങ് എടുത്തെ

 

അഖിൽ : ഏത് ഇതോ

 

ശ്രുതി : അതെ

 

അഖിൽ : ഇതിൽ എന്താ

 

ശ്രുതി : വറുക്കാനുള്ള കപ്പലണ്ടിയാ ഇങ്ങെടുക്ക്

 

ഇത്രയും പറഞ്ഞു ശ്രുതി അഖിലിന്റെ കയ്യിൽ നിന്നും കവർ വാങ്ങി ശേഷം അത് വറുക്കുവാൻ തുടങ്ങി

 

ശ്രുതി : ഇതാ കഴിച്ചോ

 

വറുത്ത്‌ വച്ചിരുന്ന കപ്പലണ്ടിയിൽ നിന്നും ഒരുപിടി വാരി എടുത്ത് ശ്രുതി അഖിലിന് നേരെ നീട്ടി

 

അഖിൽ : എനിക്കൊന്നും വേണ്ട

 

ശ്രുതി : കഴിക്കെടാ

 

അഖിൽ : ഇത് എത്രയാ

 

ശ്രുതി : കൂട്ടുകാരുടെ കയ്യിൽ നിന്നും കാശ് വാങ്ങാറില്ല

 

അഖിൽ : ദേ.. വീണ്ടും ആരാടി കൂട്ടുകാര്… അല്ല അന്ന് നീ വാങ്ങിയല്ലോ

 

ശ്രുതി : അന്ന് ഞാൻ ഫ്രണ്ട് ആയിട്ട് കണ്ടിരുന്നില്ല മര്യാദക്ക് ഇരുന്നു കഴിക്കാൻ നോക്ക്

 

കുറച്ച് സമയത്തിനു ശേഷം

 

ശ്രുതി : നിനക്ക് വിശക്കുന്നുണ്ടോ

 

അഖിൽ : ഇല്ല ഞാൻ കഴിക്കുമ്പോൾ 10,10:30 യാകും

 

ശ്രുതി : ഞാനും അങ്ങനെ തന്നെയാ അച്ഛൻ കച്ചവടം കഴിഞ്ഞു വരുമ്പോഴാ കഴിക്കാറ്… ഇല്ലെങ്കിൽ ഞാൻ കച്ചവടം കഴിഞ്ഞു ചെല്ലണം… അല്ല പഠിത്തം നിർത്തിയിട്ട് എന്ത് ചെയ്യാനാ നിന്റെ പ്ലാൻ

 

അഖിൽ : പ്ലാനോ.. അങ്ങനെ ഒന്നുമില്ല

 

ശ്രുതി : ഇതാ നിങ്ങളുടെ ഒക്കെ പ്രശ്നം ഒരു ലക്ഷ്യബോധവും ഇല്ല… അതുകൊണ്ടാ പഠിത്തം നിർത്താനൊക്കെ തോന്നുന്നെ

 

അഖിൽ : എന്നാൽ പിന്നെ ലക്ഷ്യമുള്ള ആള് പറഞ്ഞെ എന്താ നിന്റെ പ്ലാൻ

 

ശ്രുതി : ഉം പഠിത്തം കഴിയുന്നത് വരെ ഇങ്ങനെയൊക്കെ അങ്ങ് പോണം അതുകഴിഞ്ഞു സർക്കാർ സർവീസിൽ കയറണം അതാ എന്റെ ആഗ്രഹം… എന്നിട്ട് എന്റെ അച്ഛനെ നന്നായി നോക്കണം എനിക്ക് ജോലി കിട്ടി കഴിഞ്ഞാൽ ഞങ്ങളുടെ കഷ്ടപ്പാടൊക്കെ തീരും..